02/05/2026
"يا منال، إحنا لسه هندرب على اللغة الداخلية؟ ما ننجز بـ OPT و PROMPT و AAC و ABA ونخلص!" 🗣️🏃♂️
ضحكتيني يا ست الكل.. أومال لو
قولتلك إن فيه لغة استقبالية، ولغة تعبيرية، وبراجماتيك (اللى هى توظيف اللغة)، والتركيب الصوتي (phonolog) ، وليلة كبيرة أوي حضرتك! 💪☺️
- الأم: "إيه؟ بتقولي إيه؟" 🙄
- أنا: "تعااااااااااااالي أفهمك عشان تعرفي احتياجات طفلك بالظبط، وأحميكي من إنك تقعي في فخ (موضة المجال)." 😄
- الأم: "موضة؟ هو فيه موضة في تأهيل أطفالنا؟!" 🙄
- أنا: "أيوة طبعاً.. زي موضة فيتامين (د) اللي عدت علينا كلنا، أي حد يتعب يقولوا له خد فيتامين دال وهتبقى زي الفل!"
- الأم: "أه صح.. ده أنا أخدت كورس فيتامين دال ولسه تعبانة فعلاً!" 🤔
بصي يا ست الكل، الحاجات اللي بتسمعى عنها (OPT, PROMPT, AAC, ABA) هي "وسائل مساعدة" بنستخدمها بجانب أو داخل جلسة التخاطب الأساسية (Speech-language session )،لتحقيق الاهداف اللى ذكرتهالك فى الاول و مش هي البديل عنها.
🔻طب هل كل الحالات بتحتاجها؟
طبعاً لا! ولو لقيتي المركز أو العيادة بيستخدموا نفس "المنيو" ده مع كل الأطفال من غير تقييم دقيق.. اهربي فوراً! 🏃♀️💨
وغالبا اللى بيستخدم نفس المنيو مع كل الحالات هو واخد الوسائل دى مجرد شو لعيادته أو مركزه وهو لا يتقن استخدامهم ولا يميز احتياجات كل حالة من الأخرى.
👌وطالما أن الطفل مستجيب بالوسائل السمعية والبصرية فى تحقيق أهداف برنامجه فلا داعى لاستنزاف وقت ومجهود طفلك واستنزافك ماديا. 🚫
وعشان تكوني "عين خبيرة".. وتعرفى إمتى ابنك يحتاجهم فعلاً كملى قراءة البوست👇 :
1️⃣الـ OPT :
(oral placement therapy)
دي "أدوات قوة" بنستخدمها لو المشكلة في عضلات النطق نفسها (ضعف او حركة ).
🔷️تحتاجيه لو لاحظتي: ريالة مستمرة، بؤ مفتوح دايماً، صعوبة في المضغ، أو عدم ثبات الفك آثناء الكلام أو الاكل أو عدم القدرة على انفصال حركة اى عضو من أعضاء النطق دون تحريك باقى أعضاء نطقه أو جسمه .
2️⃣ الـ PROMPT :
(Prompts for Restructuring Oral Muscular Phonetic Targets)
ببساطة، هو وسيلة مساعدة "باللمس" يستخدمها أخصائي التخاطب لمساعدة الطفل اللى بيواجه صعوبة في تحريك عضلات فمه لإخراج الأصوات والكلام بشكل صحيح.
🔷️تحتاجيه لو لاحظتي: أن الطفل مشكلته الأساسية في "التنفيذ الحركي"؛ أي أن جهازه النطقي لا يستجيب للأوامر بشكل صحيح لإخراج الاصوات والكلمات.
3️⃣الـ AAC (التواصل المعزز والبديل):
(Augmentative and Alternative Communication)
ده "جسر" تواصل (صور، أجهزة، أو إشارات) يستخدمها الطفل للتعبير عن احتياجاته.
🔷️تحتاجيه لو لاحظتي: نوبات غضب شديدة وصرخات لأن طفلك مش عارف يعبر ، أو مفيش كلام خالص رغم التدريب الطويل.
4️⃣ الـ ABA (تحليل السلوك التطبيقي):
(Applied Behavior Analysis)
منهج منظم لزيادة السلوكيات الإيجابية (مثل التواصل والمهارات الاجتماعية) وتقليل السلوكيات الصعبة أو غير المرغوب فيها.
ويستخدم كطريقة تعليمية من خلالها بنقدر نجزأ المهارة الصعبة لخطوات صغيرة جداً عشان الطفل يقدر يتعلمها بسهولة، وبنعتمد فيه على نظام (المعززات) أو المكافآت عشان نشجع الطفل يكرر السلوكيات الصح ويبطل السلوكيات الغلط."
🔷️تحتاجيه لو لاحظتي: ان طفلك عنده سلوكيات بتعطله عن التآهيل.
👌 هدف النهاردة:
توفير وقت ومجهود طفلك وفلوسك، وتوجيههم للمكان الصح بناءً على "احتياج طفلك الحقيقي"، مش بناءً على إيه "التريند" دلوقتي في المراكز. 💎
💪 مهمة الأسبوع ده: (راقبي وقرري) 🧐
شوفي الأعراض اللي قولناها فوق، وراجعي خطة ابنك.. هل الأداة اللي بيستخدموها مطابقة للعرَض اللي عنده؟
وفى النهاية رحلة ابنك أمانة، وإنتِ القائد في الرحلة دي. والأداة الصح في الوقت الصح هي اللي بتصنع الفرق.
وميعادنا السبت الجاي فى عشان نتعرف على بداية وخطوة جديدة فى رحلة تطور اطفالنا.
مع كل الحب والتقدير،
أخصائية التخاطب والـ OPT
منال مبروك الدناصوري ✨
![ابني بيشدني من إيدي .. أفرح ولا أزعل؟ 🤔💔تعالى معايا فى - [ ] - واحكيلى 🤌."يا منال، أنا ابني مطلع عيني.. يفضل يعيط ويش...](https://img3.healthandbeauty1.com/181/532/1403340801815328.jpg)
