د/ أحمد فوزى كيدز كير كلينيك

د/ أحمد فوزى كيدز كير كلينيك هدف الصفحه هو تقديم معلومات و نصائح طبيه على أسس علميه حديثه بشكل مبسط للإرتقاء بمستوى الرعايه الطبيه المتكامله لأطفالنا و بناء جيل قوى صحيا

30/04/2026

صباح الخير
الحجز اليوم و غدا ان شاء الله هايكون استثناء بالاتصال من ٣ العصر بدلا من ٤ العصر
#ساره

جانب من آراء عملائنا 🙏🙏كيدز كير كلينيك ألأقرب لطفلك ❤️❤️
25/04/2026

جانب من آراء عملائنا 🙏🙏
كيدز كير كلينيك ألأقرب لطفلك ❤️❤️

20/04/2026

مساء الخير
تم توفير تطعيم السحائى نيمنريكس و دا يمكن اعطاؤه بدءا من عمر ٦ أسابيع
سعر الجرعه ١٣٥٠

الجرعات محدوده للحجز برجاء التواصل واتس اب

بالنسبه لتطعيم السحائى ميناكترا مازال ناقص و سيتم الابلاغ فور توافره

و للاطلاع على كافة تفاصيل تطعيم السحائى 👇👇👇

https://www.facebook.com/share/p/1TFziQhANP/

17/04/2026

التسنين
بين الحقيقه و الخرافات

الدكتور دا بيتأخر أوى 🕟🕟 كل دا الدكتور قاعد مع الحاله ؟؟ هو فى ايه ؟؟👈👈تعالى أقولك ليه بناخد وقتنا بزياده مع الكشف خصوص...
15/04/2026

الدكتور دا بيتأخر أوى 🕟🕟

كل دا الدكتور قاعد مع الحاله ؟؟ هو فى ايه ؟؟

👈👈تعالى أقولك ليه بناخد وقتنا بزياده مع الكشف خصوصا لو أول مره 🤔🤔

1️⃣ لأنى باخد من الأم و الأب التاريخ المرضى بالتفصيل الممل

2️⃣ بنفحص الطفل كاملا من فوق لتحت


3️⃣ بناخد كل المقاسات و العلامات الحيويه لكل طفل

طب و دا مهم فى ايه يا دكتور انك تقعد تتكلم كتير مع الأم 🤔🤔

✅️ لا حضرتك مش كلام كتير وعشان أوضحلك الصوره تعالى أذكرلك بعض الأمثله 👇👇
➖➖➖➖➖➖➖➖➖➖➖➖➖➖➖➖

1️⃣ طفل ٥ سنوات جاى مع مامته يكشف بسبب حراره وحرقان فى البول و الام عامله تحليل و مزرعه بول👈👈 مطلعين التهاب صديدى فى مجرى البول ببكتيريا ليها حساسيه لمضاد حيوى اسمه 👈👈 ستريم (سلفاميثوكسازول ترايميثوبريم)

👌👌 وانا باخد التاريخ المرضى

اتحجز قبل كدا فى أى مستشفى يا مدام ⁉️

👈 لا خاااالص يا دكتور

بعدها بثوانى 👈👈احنا بس بيتنا ليله فى ابو الريش نقلنا دم🙄🙄

و بعد كلام كتير الولد طلع عنده ✅️ أنيميا الفول ✅️

📣 تخيل لو الطفل دخل عليا قمت فحصته على طول فى دقيقتين

و الام نسيت تقول انه مريض أنيميا فول (و دا بيحصل كتير) و هوب قمت كتبتله مضاد حيوى ستريم زى ما المزرعه مطلعه ؟؟

👈👈 و الستريم ❌️ ممنوع ❌️ يتاخد فى اطفال أنيميا الفول لأنه ممكن يدخل فى نوبة تكسير حاده لكرات الدم الحمرا و اصفرار و أنيميا شديد قد تؤدى للوفاه

نبهت على الأم إنها أول جمله لازم تقولها لأى دكتور أطفال تروحله 👈👈👈 ⭕️ ابنى يا دكتور مريض أنيميا فول ⭕️
➖➖➖➖➖➖➖➖➖➖➖➖➖➖➖➖
2️⃣ طفله تانيه جميله عمرها سنتين جايه العياده بحراره ٤٠ و التهاب باللوزنتين

✅️ وانا باخد التاريخ المرضى و تاريخ الحمل

كان عندك أى مشاكل فى الحمل او الولاده يا مدام ⁉️

👈👈اه يا دكتور الميه حوالين البنت كانت قليله

دكتور النسا قالك ايه السبب ⁉️

👈👈 اه يا دكتور هو انا ماقلتلكش 😎 اصل سونار رباعى الابعاد كان مطلع ان البنت عندها كليه واحده بس

وبعد ما اتولدت اتاكدنا وعملنا سونار طلعت فعلا عندها كليه واحده

👈👈 بعد فحص البنت و انا بكتب الروشته

كتبت بالبنط العريض👇👇

❌️ يحذر استخدام خوافض الحراره ماعدا السيتال الا عند الضروره القصوى و باستشاره الطبيب ❌️

👈👈 وإن أءمن خافض حراره ناخده هو الباراسيتامول و ياريت نعمل قبله كمادات لتحسين كفاءته

ونبهت على الام 📣📣

👈👈 يا ماما أى دكتور بعد كدا تدخليله تكون اول كلمه تطلع منك ان بنوتك عندها كليه واحده

تخيل لو مكنتش عرفت التاريخ المرضى للبنت

👈👈 وروحت كاتبلها لبوس دولفين ولا شراب كاتفلاى ولا شراب البروفين مثلا ؟؟؟

وبعد كدا راحت لغيرى او جتلى وفضلنا نكتب فى بروفين وكاتفلاى و و و

طب و ايه المشكله يا دكتور ؟؟

👈👈المشكله حضرتك ان الماده المكون منها لبوس الدولفين (ديكلوفيناك الصوديوم )

و كاتافلاى شراب (ديكلوفيناك البوتاسيوم )

و البروفين الشراب (ايبوبروفين)

ممكن فى حالات نادره جدا ( وللاسف شفت حاله منهم طوال حياتى ) يعملو فشل كلوى بغض النظر عن حجم وعدد الجرعات ( idiosyncracy )

📣📣يعنى ممكن جرعه واحده منهم تدمر كليه لطفل معندوش غير كليه واحده بس !!!
➖➖➖➖➖➖➖➖➖➖➖➖➖➖➖➖

3️⃣ طفله ٥ سنوات جايه مع مامتها بشكوى واحده بس
البنت ضعيفه يا دكتور

❌️❌️ مش بتزيد فى الوزن خالص وشهيتها وحشه جدا و دايما هزيله

رحت لدكاتره اطفال كتيير و خدنا فيتامينات و علاج ديدان و و و و والبنت مش بتتحسن😭

و دكاتره تغذيه كتير و مفيش اى فايده

👈👈 الام جايبه معاها ملف تحاليل قد كدا

✅️ تحاليل غده درقيه
✅️ صورة دم كامله
✅ ️تحليل بول و براز
✅️ تحليل سكر تراكمى

بفحص البنت :

✔️ البنت كتلتها العضليه غير متناسبه مع سنها

✔️ ملامح وشها صغيره (baby face)

✔️ الملفت فى الموضوع هو انى ملاحظ ان البنت قصيره اوى اوى وزنها ضعيف جدا

👈👈 بقيس طولها طلع ٩٢ سم !!!!

👈👈و دا اقل بكتير من اقل طول طبيعى المفروض تبقى البنت عليه
(Less than 3rd percentile)

👈👈 وكمان الوزن ١٢ كيلو ونص و دا اقل بكتير من اقل وزن طبيعى المفروض تكون عليه فى العمر دا
(Less than 3rd percentile)

😪 يا مدام البنت اقصر بكتير من الطبيعى محدش قالك دا قبل كدا

👈👈و الله يا دكتور كنت بشتكى للدكاتره ان البنت قصيره بيقولولى هتطول ومحدش اصلا كان بيقيس طولها

✔️ طلبت منها تعمل اشعه على العضم عشان نحدد العمر العضمى

✅️ وفعلا طلع العمر العضمى للبنت اقل من عمرها الزمنى 👈👈 يعنى احنا قدام حاله فشل فى النمو مع تقزم ونقص بالعمر العضمى فلازم نستثنى نقص هرمون النمو

👈👈 بالفعل عملنا اختبار تحفيزى لهرمون النمو و اللى طلع قليل جدا

👈👈 وجهتها لزميل طبيب غدد أطفال و الحمد لله بقالها شهور ماشيه على حقن هرمون النمو

❌️طيب تخيلى كدا لو ما اهتميناش بالفحص الدقيق

و اخذ مقاسات الطول و الوزن (ودا بيتعمل روتين لكل الحالات )

👈👈 كان ممكن يضيع عليها فرصة الاستفاده من حقن هرمون النمو

و البنت دى تفضل تعانى من التقزم طول عمرها

➖➖➖➖➖➖➖➖➖➖➖➖➖➖➖➖

4️⃣ طفل شهرين مامته جايباه العياده بيعيط عياط هيستيرى بقاله ٣ ايام وقبل متيجيلى بدأ يرجع

و فى خلال ال ٣ أيام دول كشف عند أكتر من دكتور و اتشخص مره نزله معويه ومره التهاب فى الاذن الوسطى

👈👈 وبما إن أى طفل جايلى جديد او جاى من عند أى زميل بفحصه كإنى أول دكتور يشوفه

👈👈 بالفحص الولد فعلا بيعيط عياط هيستيرى

👈👈حرارته كويسه

👈👈ودنه كويسه

👈👈مش باين عليه اى بؤره تشير للعدوى

👈👈اللافت فى الامر ان بطنه عاليه ومحجره

✅️بفحص منطقه الحفاظ كالعاده

المفاجأه😭😭

✔️ الولد عنده فتاق إربى محترم نازل لحد كيس الخصيه

✔️ ناشف جدا

✔ ️وارم جدا

✔️ و مش بيرجع لمكانه (مختنق) ( strangulated)

👈👈بقاله قد ايه الورم دا يا مدام

🤚🤚 ٥ ايام يا دكتور

👈👈 طب ومكشفتيش عليه ليه

🤚🤚 حماتى قالتلى دى الخصيه بتكبر مع العياط

✔️✔️لما كشفتى محدش من الزملاء بص على منطقه الحفاظ ؟؟

🤚🤚 لا يا دكتور

👈👈هنطلع دلوقتى يا مداما نعمل الموجات الصوتيه دى و بعدها جرى حالا على المستشفى
👈👈 الطفل طبعا فتاق اربى مختنق و بفضل الله اتلحق وعمل العمليه
➖➖➖➖➖➖➖➖➖➖➖➖➖➖➖➖

❌️❌️ أنا مش بسرد الأحداث دى عشان أبينلك إنى دكتور جامد و دكتور محصلش و الكلام الفاضى دا

🤚🤚 بالعكس انا عاوزك تعرفى كذا حاجه

1️⃣ لازم كل حاله تاخد وقتها اللى هى محتاجاه عند أى دكتور

👈👈 و الدكتور اللى ما يعملش كدا بسبب حالاته الكتير 👈👈 هتقع منه تفاصيل كتير

👈👈و يضيع على نفسه و على العيان فرصه التشخيص المظبوط والعلاج المظبوط

👈👈 الاهتمام بتفاصيل التاريخ المرضى شيء مرهق للدكتور

👈👈 و الاهتمام بتفاصيل الفحص الدقيق و أخذ المقاسات للاطفال مرهق اكتر و اكتر و بياخد وقت

بس كل الحاجات دى مع بعض مجتمعه بترشدنى انا كدكتور للتشخيص السليم

2️⃣ متضايقيش من الدكتور اللى بيتاخر مع الحالات و يهتم بالتفاصيل

👈👈 ان الدكتور يتاخر مع الحالات اللى محتاجه دا و يطلع فى الاخر بتشخيص مظبوط

👈👈 افضل بكتير من الدكتور اللى بيشوف العيان فى ٣ دقايق او الدكتور اللى بيدخل كشفين تلاته مع بعض

3️⃣ الله هو الموفق و المستعان و هو الشافى المعافى فلا تتعلق قلوبكم و رجاؤكم إلا بالله 💜💜

مساء الخيراستثنائيا فقط الدكتور هايكون متواجد بكره إن شاء الله الإثنين ١٣ أبريل فى العياده من ٣ عصرا و حتى ٦ مساء و ال...
12/04/2026

مساء الخير
استثنائيا فقط الدكتور هايكون متواجد بكره إن شاء الله الإثنين ١٣ أبريل فى العياده من ٣ عصرا و حتى ٦ مساء و الحجز يبدأ بالاتصال هاتفيا على رقم العياده من ١٢ ظهرا و سيتم استقبال عدد ٢٠ حاله فقط

و الاولويه لحالات الطوارئ

بالنسبه للاستشارات الغير طارئه سيتم استقبالها بدءا من يوم الثلاثاء فى نفس مواعيد العياده العاديه
برجاء عدم التأخير لارتباط الدكتور بموعد سفر

📣📣ولا توجد غدا مواعيد مسائيه📣📣

#ساره

مساء الخير إن شاء الله سيتم توفير جرعات الجديرى المائى الأمريكى (فاريفاكس) بالعياده بدءا من الأسبوع القادم بعد الحجز الم...
09/04/2026

مساء الخير
إن شاء الله سيتم توفير جرعات الجديرى المائى الأمريكى (فاريفاكس) بالعياده بدءا من الأسبوع القادم بعد الحجز المسبق على الواتس اب

010 27990109

نظرا لقلة عدد الجرعات

🤚🤚 خايفه من تطعيم الصحه بتاع الشهرين؟؟😭😭 🤚🤚شايله هم الحراره ؟؟ والقريفه ؟؟ وورم الرجل ؟؟😭😭📣📣 ماتخافيش و ما تشيليش هم 👈👈👈...
07/04/2026

🤚🤚 خايفه من تطعيم الصحه بتاع الشهرين؟؟😭😭

🤚🤚شايله هم الحراره ؟؟ والقريفه ؟؟ وورم الرجل ؟؟😭😭

📣📣 ماتخافيش و ما تشيليش هم

👈👈👈متوفر بالعياده تطعيم السداسى (الهيكاكسيم)
➖➖➖➖➖➖➖➖➖➖➖➖➖➖➖➖

ايه تطعيم السداسى (الهيكاكسيم) دا يا دكتور ⁉️

👈👈👈 دا ياستى بيحتوى على ٦ انواع من الميكروبات

✅ ️الثلاثى البكتيرى DPT (الدفيتريا و السعال الديكى و التيتانوس )

✅️ الانفلونزا البكتيريه HIB

✅️ الكبدى ب HBV

✅️✅️ الشلل الحقنى (سولك) IPV
➖➖➖➖➖➖➖➖➖➖➖➖➖➖➖➖

بيبدأ يتاخد من عمر قد ابه يا دكتور ⁉️⁉️

نفس جدول السدايسى بتاع الصحه

يبدأ يتاخد

جرعه اولى عند عمر 👈👈👈 شهرين

جرعه تانيه عند عمر 👈👈👈 ٤ شهور

جرعه تالته عند عمر 👈👈👈 ٦ شهور

وجرعه منشطه 👈👈👈 عند عمر السنه و نص وبندى معاه الثلاثى الفيروسى (الامبول الصغير اللى فى الصوره 👇👇)

طب هو هو تطعيم السداسى بتاع الصحه يا دكتور ولا
➖➖➖➖➖➖➖➖➖➖➖➖➖➖➖➖
ايه الفرق بينهم ⁉️

✅️ هو هو نفس مكونات السداسى بتاع الصحه ولكن فيه ميزيتين مهمين:

1️⃣ انه لايسبب الاعراض الجانبيه بتاعة حقنتين السداسى بتاعة الصحه

👈👈👈 يعنى حراره اقل او مفيش حراره

👈👈👈 تورم أقل أو مفيش تورم

👈👈👈قريفه و زن أقل أو مفيش أصلا

2️⃣ تطعيم السداسى (الهيكاكسيم) بيتاخد حقنه واحده بينما تطعيم الصحه السداسى حقنتين
➖➖➖➖➖➖➖➖➖➖➖➖➖➖➖➖

هل لو جينا أخدنا تطعيم السداسى (الهيكاكسيم) فى العياده لازم نروح الصحه ⁉️

👈👈👈 أيوه لازم نروح الصحه عشان ناخد الشلل الفموى

وبتاخدى كمان روشته مختومه للصحه تثبت انك تلقيتى اليداسى الهيكاكسيم خارجيا

لمعلومات أكتر و الاستفسار عن الأسعار برجاء التواصل عن طريق الواتس اب👇👇

01027990109

تتوافر بالعياده جميع أنواع التطعيمات الإضافيه

كيدز كير كلينيك الأقرب لطفلك ❤️❤️

مساء الخير البوست دا هايكون بوست مجمع هن الالتهاب السحائى هارد فيه على أسئله كتييير جاتلنا على الرسايل من اخر بوست ✔️ اي...
02/04/2026

مساء الخير

البوست دا هايكون بوست مجمع هن الالتهاب السحائى هارد فيه على أسئله كتييير جاتلنا على الرسايل من اخر بوست

✔️ ايه هو الالتهاب السحائى ⁉️
➖➖➖➖➖➖➖➖➖➖➖➖➖➖➖➖

⛔️اولا حابب أعرفك ان الالتهاب السحائى أو الحمى الشوكية هو التهاب الأغشية التي تحيط بالدماغ والحبل الشوكيو دة مرض خطير جدا بيصيب الأغشية المحيطة بالمخ والحبل الشوكى🧠 وبيكون مميت فى خلال ساعات

⛔️ أعراضه :

➖ الصداع
➖الحمى
➖تصلب الرقبة
➖التهاب المخ
➖الاعاقة وفقد السمع وأحيانا كثيرة الوفاة

▪️يمكن أن تصيب أي شخص، ولكنها شائعة عند صغار السن منذ الولادة وحتى مرحلة البلوغ، وكذلك كبار السن.

✔️ إيه طرق انتقال المرض⁉️
➖➖➖➖➖➖➖➖➖➖➖➖➖➖➖➖

تنتقل أغلب أنواع الحمى الشوكية عن طريق إفرازات الجهاز التنفسي بالطرق التالية:

⭕️العطاس.
⭕️السعال.
⭕️التقبيل.
⭕️مشاركة الأكواب وفرش الأسنان والادوات وغيرهم.

✔️ إيه أسباب الالتهاب السحائى⁉️
➖➖➖➖➖➖➖➖➖➖➖➖➖➖➖➖

😪😪 له أسباب كتييير بي خلينى أقولك الخلاصه

الالتهاب السحائى ممكن يكون سببه

1️⃣ عدوى فيروسيه

👈👈 دى الأشهر و الأكثر انتشارا و لله الحمد الاقل فى المضاعفات

👈👈 ويمكن أشهر فيروس هو Enteroviruses للاسف مافيش ليه تطعيم

2️⃣ عدوى بكتيريه

👈👈 و دى للأسف الأكثر عنفا فى المضاعفات

👈👈 فى بكتيريا كتير ممكن تسبب التهاب سحائى و لكن خلينا نتكلم عن البكتيريا اللى ليها تطعيم

🙄🙄ركزى بقى معايا فى النقطه دى اوى اوى 🙄🙄

👈👈👈 فى بكتيريا كتير ممكن تسبب التهاب سحائى بكتيرى خلينا نتكلم طبقا للعمر

✔️✔️ من عمر يوم لأقل من ٥ سنوات ✔️✔️

⚠️ تخيلى إن أول و أشهر سبب للالتهاب السحائى البكتيرى من عمر يوم الى ٥ سنوات هى بكتيريا

✅️ المكورات الرئويه Streptococcus ✅️pneumoniae

ودى بنحصن أطفالنا منها عن طريق إعطاءهم تطعيم المكورات الرئويه و اللى هتلاقى كل تفاصيله فى البوست دا 👇👇👇

https://www.facebook.com/share/p/14s8XT5qvZ/

2️⃣ أكثر و أشهر سبب للالتهاب السحائى البكتيرى من عمر يوم الى ٥ سنوات هى بكتيريا النياسيريا السحائيه
✅️Neisseria meningitidis✅️

👈👈 ودى بنحصن منها الاطفال عن طريق اعطاء تطعيمات السحائى ( و دى هانشرحها بالتفصيل فى اخر البوست )

3️⃣ تالت اشهر سبب للالتهاب السحائى البكتيرى هى الانفلونزا البكتيريه ب

✅️Hib = Haemophilus influenzae type b ✅️

🙏🙏والحمد لله دى بقت أقل فى الانتشار بسبب ادراج ال hib فى تطعيمات ال ٢ و ٤ و ٦ شهور

✔️✔️ من عمر ٥ سنوات و أكتر ✔️✔️

⚠️ أشهر سبب فى الفئه العمريه دى هى
بكتيريا النياسيريا السحائيه
✅️ Neisseria meningitidis✅️


👈👈 طب ايه التطعيمات المتوفره ضد بكتيريا النياسيريا السحائيه ⁉️⁉️
➖➖➖➖➖➖➖➖➖➖➖➖➖➖➖➖

1️⃣ تطعيم الالتهاب السحائى الرباعى المقترن ACWY

👈👈 دا تطعيم بيحمى من ٤ فصايل من بكتيريا النياسيريا السحائيه ( ودا اكتر تطعيم دارج ومنتشر فى مصر و سعره فى المتناول )

🤚🤚ودا فيه منه نوعين فى مصر

✅️✅️ الميناكترا✅️✅️

ودا يبدأ إعطاؤه من عمر ٩ شهور كالآتى

👈👈لو عمر الطفل ٩ شهور حتى أقل من سنتين بيتاخد جرعتين (فاصل زمنى ٣ أشهر بين الجرعتين

👈👈لو عمر الطفل سنتين او اكتر ياخد جرعه واحده فقط

✅️✅️ النيمنريكس ✅️✅️

و دا يبدأ إعطاؤه من عمر ٦ أسابيع كالاتى:

👈👈 لو عمر الطفل من ٦ أسابيع لأقل من سنه يعطى جرعتين (فاصل زمنى شهرين)

👈👈 لو عمر الطفل سنه او اكتر يعطى جرعه واحده

2️⃣ الالتهاب السحائي B

👈👈 و دا تطعيم بيحمى من فصيل واحد فقط من من بكتيريا النياسيريا السحائيه من النوع B

❌️❌️ومش بيقدر يوفر حمابه ضد ال ٤ فصايل بتوع الرباعى المقترن ACWY

التطعيم دا لسه نازل مصر من سنه فاتت (bexsero)

و سعره غالى بصراحه 😭😭 و بنعتبره انه تطعيم مكمل للتطعيم الرباعي المقترن

❌️ لكن لا يمكن الاعتماد عليه فقط لتوفير حمايه أفضل

👈👈 و دا بيتاخد على جرعات حسب العمر

⭕️من عمر شهرين ل ٦ شهور⭕️
جرعتين بينهم شهر و جرعه منشطه عند عمر السنه

⭕️من ٦ شهور ل ١٢ شهر ⭕️
جرعتين بينهم شهرين
وجرعه منشطه عند السنه التانيه

⭕️من ١٢ شهر فيما فوق⭕️

جرعتبن بينهم شهر
و مش بندى اى جرعه منشطه

3️⃣ تطعيم ثنائى متعدد السكريات بيحمى من فصيلين فقط (A&C) (تطعيم المدارس)

✅ التطعيم دا ️الدولة بتوفره للسنة الأولى من كل مرحلة دراسية ( 🔴كى جى ١🔴١ ابتدائى🔴 ١ إعدادى🔴 ١ ثانوى)

✅ ماينفعش يتاخد قبل عمر سنتين و ️بيدى حماية لمدة سنتين ولكنه مبيمنعش الطفل انه يكون حامل للمرض ( يعنى معندوش اعراض بس ممكن يعدى غيره)
➖➖➖➖➖➖➖➖➖➖➖➖➖➖➖➖

📣📣تعالى بقى اقولك الخلاص على هيئة سؤال وجواب📣📣

1️⃣ كدا يا دكتور عشان أوفر أكتر حمايه لطفلى من الالتهاب السحائى اعمل ايه ⁉️

👈👈عشان تحمى طفلك حمايه كبيره بإذن الله لازم زى ما بنهتم بإعطاء تطعيم السحائى لازم كمان ندى تطعيم المكورات الرئويه

2️⃣ لو ابنى اخد تطعيم السحائى الاضافى لازم ياخد تطعيم السحائى بتاع المدارس ⁉️

👈👈لا طبعا مش لازم لإن تطعيم السحائى أعم و أشمل

3️⃣ إيه أصغر عمر ممكن ناخد فيه السحائى يا دكتور ⁉️

👈👈 الطفل ممكن يبدأ ياخد السحائى نيمنريكس بدءا من عمر ٦ أسابيع

4️⃣ إيه أقصى عمر ممكن الانسان ياخد فيه تكعيم السحائى ⁉️

👈👈 ياخده البالغين عند أى عمر

زى ما كنت بقول زمان للأمهات لو هاتختارى تطعيم واحد بس من التطعيمات الاضافيه فأنصحك بتطعيم السحائى التهاب سحايا المخ مش ه...
31/03/2026

زى ما كنت بقول زمان للأمهات
لو هاتختارى تطعيم واحد بس من التطعيمات الاضافيه فأنصحك بتطعيم السحائى

التهاب سحايا المخ مش هزار سواء فى الاطفال او البالغين...دا مرض لعين نسب الشفاء منه ضئيله جدا

وللأسف أسوأ سيناريو>>> لاقدر الله الوفاه
أو >>> مضاعفات زى الاعاقات البصريه او السمعيه او الحركيه

تطعيم السحائى متوفر فى العياده و متوفر كل التطعيمات الاصافيه

لمعرفه أى تفاصيل عن التطعيمات هاسيبلك لينك لبوست التطعيمات فى أول كومنت

نظرا لسوء الأحوال الجويه و انخفاض درجات الحراره المتوقع يومى الاربعاء و الخميس ٢٤ و ٢٥ مارس فقد نقرر:1️⃣ تبكير موعد العي...
24/03/2026

نظرا لسوء الأحوال الجويه و انخفاض درجات الحراره المتوقع يومى الاربعاء و الخميس ٢٤ و ٢٥ مارس

فقد نقرر:

1️⃣ تبكير موعد العياده الأربعاء و الخميس لتبدأ باستقبال الحالات الطارئه فقط بدءا من ال ٥ عصرا ويبدأ الحجز تليفونيا من ٢ ظهرا

2️⃣ تأجيل استشارات يومى الاربعاء و الخميس الى يوم الجمعه

Address

٤٤ شارع المراغى تقاطع شارع منصور برج الصيفى (أعلى عصائر الميريلاند) الدور الثالث شقه ١٢
Helwan
11311

Opening Hours

Monday 7pm - 10pm
Wednesday 7pm - 10pm
Thursday 7pm - 10pm
Saturday 7pm - 10pm

Website

Alerts

Be the first to know and let us send you an email when د/ أحمد فوزى كيدز كير كلينيك posts news and promotions. Your email address will not be used for any other purpose, and you can unsubscribe at any time.

Shortcuts

Share

Category