25/06/2026
البطاطس - غذاء من الطيبات...🧐
دا سؤال اتسأل عن البطاطس هل فعلا مش بتخن
ولو عايز اخس ممكن آكل منها عادى ؟
والأهم مريض السكر و الضغط يتجنبوها فعلا ؟
كمان اوقات نشوف لون أخضر
دا عباره عن ايه ؟
و لو البطاطس مزرعه هى كده مفروض نرميها ؟
كمان لو لقينا نقط الحمرا فى البراعم
دا آمن ولا مُسرطن ومرشوشه مبيدات؟
و لو فتحنا البطاطس بنشوف لون بنفسجى دا كده بطاطس
أقل فى القيمة الغذائية من الانواع التانية ؟
كده احنا عايز نفهم و نراجع المعلومات مراجعة ع السريع..!
قبل ما نبدأ.. محتوى زى ده بيعيش وبيكمل بمتابعتك وتعليقك ومشاركتك..❤️
البطاطس أصلًا عبارة عن درنة نباتية
يعنى ساق و بيطلع منه براعم
و طالما هى كده يبقى الساق دى
بتقدر تعمل بناء ضوائى
و إنتاج مادة الكلوروفيل الخضراء
نكمل..مليانة نشويات معقدة
وفيتامين C وبوتاسيوم
وألياف غذائية خاصة لو اتاكلت بالقشرة
الدراسات لما قارنت بين أطعمة مختلفة
من حيث قدرتها على الشبع
وكانت البطاطس المسلوقة
من أعلى الأطعمة فى الإحساس بالشبع
يعنى ممكن تاكل كمية سعراتها مش كبيرة
وتحس إنك مش محتاج تأكل بعدها بفترة طويلة
بتحتوى على بروتين بنسبة قليلة موجود
تحت القشرة علطول عشان كده
لما تيجى تقشرها متاخدتش
طبقة كبيرة من القشر بلاش
تستخدم السكينة و استخدم مقشرة
هو يعنى إيه نشويات معقدة؟
يعنى الجسم بيحتاج وقت أطول
عشان يهضمها مقارنة بالسكريات السريعة
وده بيساعد على الشبع لفترة أطول.
البطاطس المسلوقة
من أغنى الأطعمة بالبوتاسيوم الذى يساعد
فى تنظيم ضغط الدم بس الاهم متحطش ملح كتير
طيب مريض السكر ياكلها؟ آه... ياكلها عادى.
المشكلة مش فى البطاطس نفسها... طب ليه الناس مقتنعة إنها بتخن؟
لأن أغلب الناس مش بتاكل بطاطس...
بتاكل زيت على هيئة بطاطس! 😅
فرق كبير بين بطاطس مسلوقة أو مشوية...
وبين بطاطس غرقانة فى الزيت
ومتحولة لفرنش فرايز أو شيبسى.
طيب لو سلقنا البطاطس
وحطيناها فى التلاجة؟
هنا المفاجأة الجميلة... 🧐
جزء من النشا بيتحول
لما يبرد إلى حاجة اسمها "النشا المقاوم".
وده نوع من النشا
بيعدى جزء منه للهضم بصعوبة
ويعتبر غذاء مفيد لبكتيريا القولون النافعة
وكمان بيخلى تأثير البطاطس
على سكر الدم أقل حدة أو ارتفاع
يعنى البطاطس المسلوقة اللى باتت فى التلاجة
مش سم قاتل؟ ولا تسبب السرطان
سخنها تانى و مفيش مشكلة ❤
طب ليه البطاطس النيئة
مينفعش تتحفظ فى التلاجة؟ 🧐
لأن وجودها فى درجات التبريد
بيغير من تركيب النشا و يأثر ع القيمة
والطعم عشان كده هتلاقيها طعمها متغير
البطاطس النيئة تتحفظ فى مكان جاف ومظلم و بارد
نسبيًا خارج التلاجة.
طيب اللون الأخضر اللى ساعات بيظهر عليها؟
هنا فعلاً لازم نقلق
اللون الأخضر بيكون مصحوب
أحيانًا بزيادة مادة اسمها السولانين.
وده مركب طبيعى
ممكن يسبب أعراض تسمم
لو الكمية كانت كبيرة يبقى البطاطس الخضرا
أو اللى طعمها مر بلاش منها.
برضه هنا لازم نوضح أن اللون الأخضر ممكن يكون من الكولورفيل و دا هيدينا نفس اللون
و فى الحالة دى الأفضل تقطع الجزء الأخضر
و ترميه و تاكل بقية الجزء اللى فاضل
كمان لو البطاطس منبته فيها براعم
هيكون موجود
نفس مادة السولانين بدرجات عالية
و هنا لازم نقطع جزء اللى اتبرعم واللى تحته و نرميه
طيب أمته نرميها؟ لما تلاقى البطاطس
مكرمشة و أصبحت طرية جدا
عصيرية دى تترمى
طيب لو فيها نقط حمراء أو هى بطاطس لونها أحمر دا عباره عن صنف ومفيهاش أى مشكله و ينفع تأكلها
كمان اللون البنفسجي دا صبغة اسمها الانثوثيانين نفس الصبغة اللى فى الباذنجان و عايز اقولك انها من اقوى مضادات الاكسدة و مفيش قلق منها
طيب والبطاطس المحمرة مُسرطنة؟
القلى العنيف والتحمير للون البنى
الغامق بيكوّن مادة اسمها الأكريلاميد
والمادة دى بتعمل تلف فى الخلايا العصبية
بتسبب الزهايمر و شوارد حرة اللى فيما
بعد بتعمل السرطانات
عشان كده البطاطس المحمرة متكنش
بشكل مستمر ومنتظم
مش كل آكله يكون طبق البطاطس
المحمرة مشرف قبل الأكلة نفسها
نحاول لما تتقلى متكنش باللون الغامق
و تكون افتح درجة
عشان الاكريمالايد يكون أقل
و لو فى إير فرير يكون افضل
البطاطس مش عدو الدايت...ولا سبب السمنة الخفى...
البطاطس مش مجرد أكلة شعبية... دى واحدة من أهم المحاصيل الغذائية فى تاريخ البشرية.
شبعت شعوب... وأنقذت ناس من المجاعات...
وما زالت لحد النهارده من أكتر الأطعمة قيمة غذائية عالية
و سعرها فى المتناول ❤
اللهم اجعل ما نقدمه علمًا نافعًا يُنتفع به… ويكون سبب في نفع الناس… وبس كده ❤
