Steps kick start

15/01/2023

خطوات لتحفيز البيبي علي التواصل والكلام : 💛
١- اختار كلمات بسيطة
" علي قد منقد نستخدم الكلمات الشائع استخدامها مع طفلك ، كلمات بيشوفها كتير وقريبة لمستواه اللغوي "

٢- استخدام الاشارات
اهم من الكلام اللفظي الكلام الغير لفظي زي استخدام الاشارة والايماءات زي اشارة ( باي / هات / شاور / اكل / اشرب / لأ / ايوه / تاني .... الخ )

٣- لا تتكلم بطريقة طفولية
يعني بلاش نشوه الكلام ونتكلم مع الطفل بمصطلحات طفولية ساذجة ( كوكو - نام هو - اشرب بو - اقعد توتا ) مش غتتاتة والله بس احنا محتاجين حصيلة الطفل تزيد مش تتشل !

٤- ترجمي طلبات طفلك
لو قالك حاجة من غير ميتكلم علقي عليه بالكلام وترجمي هو عايز اي بالكلام

٥- روتين القراءه اليومية " لساني ادلدل من كتر مابقول اقروا لبيبي "

٦- حافظي علي التواصل البصري واتكلمي بوضوح
عينك قي عينك وعلي متسوي بصره ( مش قاعدة علي الكنبة وهو علي الارض ) واتكلمي بصوت واضح وكلام يكون واضح عشان يشوف الاصوات بتتطلع
ازاي من بوقك 👀

٧- كرري الكلام
متمليش ولا تزهقي انك تقوليله الكلمة اكتر من مرة عشان يكتسبها ويعمل استدعاء بشكل كويس 💚

البيبي قبل السنة بيخزن كتييير اتكلمي معاه كتييير وغنيله وخصصي وقت عشانه بعد السنة هتنبهري وهتدعيلي 💃💚

حصيلة الطفل بعمر السنة ( من ١ : ٣ ) كلمات 😚.

12/01/2023

ابني مبيسمعش كلامي وانا تعبت وبصراحة مش عارفه أعمل إيه وساعات بخرج عن شعوري وبيوصل الأمر اني اضربه وبرضوا مفيش سمعان للكلام.. مش عارفه اعمل ايه؟"
"بنتي مبتسمعش الكلام وجربت معاها كل حاجة، مسايسه وزعيق وضرب، وبرضوا مفيش ومش عارفه اعمل ايه؟"

جمل بتوصلني في الرسايل، فخلينا نتكلم عن أخطر مواضيع التربية (عدم طاعة الأبناء)

أولا نتفق بس على حاجة حقيقية.. كثير من الأباء بياخدوا كلام (مفيش حاجة اسمها ضرب) على انه كلام نظري من البرج العاجي غير قابل للتطبيق على أرض الواقع، وإن ال بيقولوا متضربوش والكلام ده لو شاف من طفله ال هم بيشوفوه، هيضرب عياله زيهم..
خليني أفاجئك، كلام ال بيضربوا أطفالهم صح!
الناس ال بتقول مفيش ضرب، فعليا مبيشوفوش من أولادهم ال انتوا بتشوفوه من أطفالكم.. ليه؟
لانهم ببساطة مبيضربوش عيالهم :) سقف العلاقة مبيرتفعش ومبيعلاش مرة عن التانية مع عيالهم فمبيوصلوش للمستويات ال بيوصلها ال بيضربوا كوسيلة للتعامل مع الأطفال.

خلينا نفهم قواعد الطفل الخمسة

- (متتحداش الطفل)
تحديك للطفل ليه ناتج من اتنين ملوش تالت..
هتكسب التحدي فهتكسر ابنك
او هتخسر التحدي وابنك ال هيكسبه فهيظل خارج عن طوعك، وهتستمر الدايرة ويستمر معاها تأزم الموقف لغاية ما في مرة هتكسب التحدي وهتكسر شخصيته
تحدي الأطفال زي العياط مثلا.. لو اخدت منه حاجة بتاعته وعيط لغاية ما ادتهاله، هو اتحداك وكسب
لو مش راضي تعمله حاجة هو عايزها. وعيط لغاية ما تعمله ال هو عايزه.هو اتحداك وكسبك، زي انه يتنطط على حاجة ولو الدنيا اتهدت مفيش.. ولو فمرة مكسبش وقومت انت ضربته ومعملتلوش الحاجة.. انت كسبت، بس كسرته واستخدمت قوتك الجسدية في مقابل قوته الجسدية في مواجهة غير عادلة، قهرته، وعلمته يعني ايه الإلام بالضرب وتعدي جسد على جسد.. انا عارف ان انت ممكن متضربوش بس تخدعه او تكدب عليه.. جايلك..

- (مفيش حاجة اسمها يسمع الكلام)..
نطلب من كائن حي ربنا خلقه بعقل ليه حساباته الخاصة وقائم بذاته بمعادلات فكرية لحساب مصالحه الخاصة ال ملهاش علاقة بحسابات العقول الأخرى واحتياجاتها.. وعايزين نلغي عقله وتفكيره ويسمع كلامك ف المطلق!
ده مش كلام ناس عاقله.. كنت انت سمعت كلام ابوك ف المطلق ولا كان كل البشر سمعوا كلام ربنا ف المطلق وكنا خلصنا. لذا الطفل لازم يقتنع بكل حاجة تتطلب منه (يقتنع ويعملها برضى).

كمان الطفل ده مادة خام مش متقفلة زينا، ومداركه أوسع من مداركنا.. لذلك المعلومة الجديدة لل عايزين عيالهم يسمعوا الكلام.. الإنسان كائن يملك عقل. اقنعه او خليه يثق فيك. والثقة مش بالساهل. بالإضافة لانك لازم تعرف ان الطفل اللمض\العنيد\المقاوح\ كثير النقاش هو طفل إيجابي وحالته النفسية أفضل بكثير من الطفل المطيع الخانع.

- (الثقة)..
الطفل زيه زي أي انسان بيدي الثقة مرة واتنين وتلاته، اكتر من كده أسف.. خلفت وعدك وكدبت عليه وضيعت ثقته فيك وقلتله هنروح نعمل كذا لو عملت كذا، وهو التزم بجانبه من الاتفاق وانت محترمتش كلمتك وكدبت عليه وهو كده بلطجة ما هو لا يملك من أمرك شيء!

اتبسط، مش هيثق فيك ومش هيسمع كلامك تاني يا كداب وانت اصلا خليت عنده خلل في علاقاته مع كل ال حواليه ومبقاش بيصدق أي حد يقوله اعمل كذا واعملك كذا، بسبب ان ابوه كداب او مامته كدابه
لذلك لما توعد.. احترم سنك ومكانتك ال ميسمحوش بوعود العيال، وال تقوله اعمله أو متقولوش

الثقة مرحلة أعلى مرتبة من مرحلتين.. مرحلة الحُب ومرحلة الصداقة، ابنك يحبك، ويبقى صاحبك، لعبه معاك وحضنه فيك، بيحكيلك فتسمعه، بتحبه ويحبك ومصاحبين وفاهمين بعض.. ودي مرحلة السراط ال مبيمشيش عليه غير فئة قليلة من الأباء ال عمرهم م ضربوا أولادهم ولا كدبوا عليهم بعشم محصلش، الأباء ال متفهمين مساحة أولادهم الشخصية وبيدولها.. ببساطة المرحلة دي ال بيوصلها، مبيحتجش الكلام ال انا بكتبه ده

- المفتاح الجوهري وسر احتراف المتعاملين مع الأطفال، (فكر كإنك طفل).
بقدر أسيطر على 7 أطفال ف جلسة واحدة ف التجمعات العائلية، ف وقت اهاليهم مش عارفين يسيطروا على فرد واتنين، بسبب اني بفكر زيهم..
مثلا بنتي وهي صغيرة مكنتش بتحب تاكل بالمعلقة، تاكل لما نمسك الأكل بصوابعنا ونحطه فبقها.. وكل ما نأكلها بالمعلقة تستغرب وترفض الاكل.. تأملها وفكرت بمنظورها..
"الأكل بيتاكل وبيخش البق ويتبلع، حلو. طب المعلقة دي مش بتتاكل ولا بتتبلع.. بتأكلوهالي ليه؟
بنت منطقية، المعلقة مبتتندغش ومبتتاكلش.. ليه انا ومامتها بنصر دايما على حطها في بقها كل مرة هي تجوع فيها؟
لما فهمت قدرت أعرفها إن المعلقة وسيلة لنقل الحاجات باللعب، وبقت بتاكل بالمعلقة عادي وبتمسكها وبتطلب تستخدمها.

يعني ايه كل الكلام ال فوق ده، يعني مثال:
"سيب اللعب وقوم ذاكر"..
بتاع ايه انا اقوم اسيب اللعب ال انا مبسوط فيه واروح اعمل حاجة انا مبحبهاش؟ مفيش منطق ف الدنيا يقول كده.. لذلك
1- لتقنعه بالفوايد المستقبلية للمذاكرة ال هي أحسن من فوايد اللعب دلوقتي

2- لتدخل الاستمتاع في طرق تعليمه فيبقى بيتبسط وهو بيتعلم، وزيه زي اللعب
3- لتعمله مكافأة متعتها تتفوق على قرف المذاكرة ومتعة اللعب الحالي. (أما تذاكر هنعمل كذا)
4- ليتبعك لانه واثق فيك.
هو ده المنطق، ما دون ده مش منطق وغصب للطفل ومش صح نفسيا انه يسلّم ليك بدون نقاش، ويوم ما يسلم ليك، اعرف انك قاتل جواه المنطق وحسابات العقل

لذلك أخر نقطة.. ناقش ابنك كتير جدا نفس نقاشك ال هتناقشه لأي حد جاي بيقولك اعمل أي حاجة ف الدنيا.. أسئلته انت المفروض تستفاد منها والله وتتعرف على طرق التفكير البِكر ال standard جدا دي.. جاوبه ولو معندكش اجابة قوله ان معندكش، هسأل، هدور. وهجاوبك. ومتنساش

المُلخص:
ابنك بيتناول الأشياء غير ما انت بتتناولها. فكر زيه وحط نفسك مكانه..
ناقشة كتير عشان تعرف مدخل اقناعه منين..
متستقواش عليه..
متكدبش..
خليك ليين في حسابات مصالحك زي ما بتطالبه يكون لين في حسابات مصالحه..
ابعد عن التحديات (بلاش هتعمل كذا غصب عنك بلاش قلة حيلة)..
متضربوش.. لما تضربه ، او تزعقله ، كل توون صوت بيطلع منك، بيعمل سقف للعلاقة بينكم،
لو المرة الجاية مسمعش الكلام، هتحتاج تعلّي ع ال كان اخر مرة، وتفوق السقف ال كان موجود وتزعق اعلى، هتضرب اقوى. كل مرة واقف عند درجة، هتحتاج تعلي عليها المرة الجاية
خليك ثابتك عند درجتك ومتسمحش برفعان السقف كل مرة ورا التانية، لان السقف ملوش آخر غير ان ابنك هيكهرك..

ابنك ليه حق في التفكير والفهم والاقتناع والثقة وعدم الاعتدء عليه جسديا بالضرب..

انت مش بتمن عليه لما تعامله كإنسان.. هو فعلا انسان بيعبر عن حقه المفقود بالعصيان
احترم حقه مش هيعصاك
تصبحوا على خير

02/01/2023

علاج اضطرابات النطق والكلام:
من الضروري أن يبدأ الأطفال الذين يعانون من اضطرابات في اللغة في الحصول على العلاج قبل أن يصل إلى سن المدرسة، لأن اكتساب اللغة عادة يتم على مدار الخمس سنوات الأولى من عمر الطفل، وفيما يلي عرض لبعض طرق العلاج المستخدمة مع هذه الفئة:
1. العلاج الجسمي:
من خلال التأكد من أن المريض لا يعاني من اسباب عضوية خصوصاً من النواحي التكوينية والجسمية في الجهاز العصبي المركزي وأجهزة السمع لأن السمع هو أول خطوات اكتساب اللغة، فإذا كان ضعف السمع هو المسبب فيمكن التغلب عليه بواسطة سماعات الاذن أو زراعة الوقعة لبعض الحالات التي تعاني من ضعف شديد.
2. العلاج النفسي:
ويكون بتقليل التوتر النفسي وتنمية شخصيته ووضع حد لخجله ومعرفة الصعوبات التي يعاني منه والعمل على معالجتها.
3. العلاج الكلامي:
وهو علاج مكمل للعلاج النفسي ويجب أن يلازمه، وهو أسلوب للتدريب على النطق الصحيح عبر جلسات متعددة عن طريق اختصاصي النطق ويتم تدريب المريض عن طريق
- تقليد الكلمات.
- الاسترخاء الكلامي: حيث يجعل المريض في حالة استرخاء بدني وعقلي ثم يبد في قراءة قطعة ببطء شديد مع إطالة في كل مقطع يقرأه مثل: بندور ب...ن...دو...رة.
- تمرينات الكلام الإيقاعي: أي ربط كل مقطع من الكلمة بواحد من الإيقاعات الآتية: تصفيف بالأيدي أو الضرب بإحدى القدمين على الأرض.
- تدريب جهاز النطق والسمع عن طريق استخدام المسجلات الصوتية وتقوية أجهزة النطق والتدريبات الرياضية أيضاً.
- تظليل الكلمات: حيث يقوم المريض بترديد ما يقوم به الأخصائي أخصائي النطق واللغة من كلمات وجهاً لوجه، في نفس الوقت وبفارق جزء من الثانية.
- أسلوب النمذجة: حيث يأخذ الطفل المريض زمام المبادأة ويقوم المعالج بتكرار الجمل الناقصة التي يتلفظ بها الطفل ويضيف إليها الكلمات الناقصة بهدف توسيع ما يتلفظ به الطفل.
4. العلاج البيئي:
إن إدماج الطفل في نشاطات اجتماعية ورياضية وفنية وجعله يلعب مع أطفال أخرين، حتى يتدرب على الأخذ والعطاء ويتاح له فرصة التفاعل وتنمية الشخصية.
إن عيوب النطق التي تستمر عند الطفل حتى مع توفير الاستثارة الإضافية والدلالات التي يقدمها المعالج يصعب في العادة تدريب الطفل على تصحيحها وتظل سمة ترافق كلامه وبعض الأشخاص لا بد لهم من الاستعانة بوسائل أخرى بما لديهم من قدرات للتواصل مع الآخرين ومعرفة ما يجري، كإشارات اليد، تعبيرات وإيماءات الوجه التي تقوم مقام الكلمات.
تمارين مساعدة للنطق والكلام:
- التحكم بحركات اللسان أمام المرأة.
- فتح الفم وإخراج اللسان بشكل مروس للخارج دون لمس الأسنان أو الشفاه ثم إعادته للداخل ببطء.
- فتح الفم قدر المستطاع وجعل اللسان يلامس الشفة العليا ثم السفلى ببط ثم بسرعة.
- فتح الفم وجعل اللسان يلامس الأسنان في الفك الأعلى ثم الأسفل ببطء وبسرعة.
- فتح الفم وجعل اللسان يقوم بعملية نقله من اليمين إلى الشمال وبالعكس.
- فتح الفم وجعل اللسان يقوم بعملية دائرية حول الشفاه.
- إغلاق الفم وتحريك اللسان بشكل دائري.
- فتح الفم وإدخال اللسان إلى الوراء وجعله يلامس أخر الفك الأعلى.
- نفخ شمعة أو نفخ فقاعات صابون أو ريشة.
- ترقيص لهب شمعة عن بعد لأطول فترة ممكنه.
- جذب الهواء للداخل كتمرين التثاؤب لرفع سقف الحلق.
- تدريب الطفل على التنفس السليم لإخراج الصوت ( شم وردة من الأنف ثم النفخ من الفم)
- تدريب الشفاه بنطق الحروف الصوتية، أ،و،ي، أأ، وو،ي ي.
- تقسيم الكلمات إلى مقاطع مثل: تلفون، ت،ل،فو،ن .

31/12/2022

شوية معلومات بسيطة عنى لمن يهمه الامر
انا مين؟!
اسمي هبه خليل التوارجي
من الاسماعيلية
معايا
١- ليسانس تربية خاصة
٢- دبلومة مهنية في التربية الخاصة
٣-دبلوم خاصة في التربية الخاصة
٤-دبلوم تخاطب عين شمس
٥-دورة تدريبية في إدارة وتعديل سلوك
٦-دورة تدريبية في صعوبات تعلم
٧-دورة تدريبية في التوحد
٨-دورة تدريبية في الإصابات الدماغية وعلاقتها باضطرابات النطق والكلام

اقدر اقدملك اية.....
١- جلسات تخاطب
٢-جلسات تنمية مهارات
٣-جلسات تعديل سلوك
٣-جلسات صعوبات تعلم

👈انا بشتغل برايفت عندي أو عندك
👈بحب الوالدين اللي بيكونو مقتنعين أن ابنهم فعلا عنده مشكلة
👈انا بحب الام اللي بتساعدني وتراجع معايا الجلسة عشان نحقق نتيجة كويسة مع الطفل
👈هدفي دايما مصلحة الطفل ووصل بيه لنتيجة ترضي ربنا ثم أهله
👈الماديات اخر حاجة بتكلم فيها ودايما اعرف مش هنختلف فيها

https://m.facebook.com/groups/270925910503521/permalink/1236211250641644/?mibextid=Nif5oz

01559056391

Number 01220088987

31/12/2022

افتحى التليفزيون خليه يبطل زن 😡
شغلى طيور الجنة يتلهى فيها 😄
بسرعة قبل م يعيط شغلى ماما جابت بيبى 👶
أكليه وهو قدام التليفزيون🥣
مشغولة افتحى التليفزيون أول م يصحى لحد م ينام قدامه 👨💻
ليه أول ما ابنك يبدأ ينطق يتحرك يتفاعل معاكى ليه عاوز توقفى ده😕؟!
وتدورى على حاجة تخليه صنم مش بينطق ومفيش حاجة افضل من التليفزيون هتخليه صنم!
ليه عاوزه تكتمى صوته😢؟!
هو فعلًا هيكتم .. هيتأخر فى النطق والكلام لو عندك آلة ولم تشغليها فترة بعد كده لما تحتاجي تشغيلها هتلاقيها صدت!
الطفل زيها طول اليوم من أوله لأخره قدام التليفزيون بعد كده هتنتبهى إنه مش بيتكلم أو كلامه بصعوبة!
☆ بسبب التليفزيون هيكون عرضه للتوحد وانعزالى غير مشاكل الكلام 🤯🙃
☆ بسبب التليفزيون مش تتلاقى تواصل بصرى بينك وبينه 👀
☆ بسبب التليفزيون مش ينتبه لاسمه لما حد يكلمه 😫
☆ بسبب التليفزيون مش هيلعب ولا هيتواصل مع حد 🏃
☆ بسبب التلفزيون هيكون عنيف وعدواني من ال بيتعرض على التليفزيون أبسط مثال لكده توم وجيرى كمية العنف فيه كبير جدًا 👊🤛
☆ بسبب التليفزيون هتلاقى عنده حصيلة ألفاظ سيئة 😱
☆ بسبب التليفزيون هيكون عنده كسل وخمول وبدانة🥺
☆ بسبب التليفزيون هيكون عنده مشاكل فى الانتباه مش هينتبه لحاجه غير للتليفزيون 📺
☆ بسبب التليفزيون هيكون عنده مشاكل ف حواسه👂👁👅 والموبايل كمان كوارثة اكتر خلي بالك 🤚🤚🤚
طفل يعنى حركة لازم يتحرك يلعب يتكلم يتنطط 😍
الأطفال يبدأ يتفرج على التليفزيون من عمر 4 سنوات مع إنك تراعى المدة الي هيتفرجها مش عشروميت ساعه فى اليوم 😒 + ايه اللي هيتفرج عليه 😎
وهي ربع ساعه حسب السن
يعني ساعة متقطعة
طيب طوال الأربع سنين هيعمل إيه🤔
يلعب الصلصال 🎨 المكعبات البازل التلوين🎨 الدباديب 🐹 الكرة
الرسم
العاب المياة والنفخ
التمثيل والخيال بالعرايس
#أولادنا يستاهلوا

31/12/2022

إرشادات الوقاية من التعلثم
بين سن 3-6 سنوات

الأب الفاضل ، عزيزتي الأم ، أخي المعلم هناك بعض الاحتياطات التي يجب اتباعها لتجنيب أطفالنا مشاكل التلعثم وهي الأتي :-
🔹 قلل من العوامل التي قد تؤدي إلى زيادة الضغط النفسي والتوتر العصبي لدي الطفل.
🔹 اعط الطفل الفرصة الكافية للتعبير عن نفسه بدون مقاطعه.
🔸 الابتعاد عن ما يؤدي إلى استعجال الطفل في الكلام .
🔸 لا توجه له أي كلمات و لا تساعده في الكلام و لا تحاول أن تقول ما يريد أن يقول.
🔹 لا تنظر بعيدا عنه أو تغير من تعابير وجهك ولكن انظر و استمع اليه جيدا حتى ينتهي " كن مستمعا جيدا ".
🔹 لا تطلب و لا تجبر طفلك على أن يتحدث أمام الأشخاص الاخرين أو الذين لا يرغب في الكلام معهم.
🔹 لا تطلب من طفلك أن يبطىء أو يأخذ نفساً قبل الكلام فهذه الاقتراحات تزيد الحالة سؤاً في الغالب.
🔸 لا تهزأ منه و لا تدع أحدا يهزأ منه.
🔸 لا تعقابه و لا تشجعه على الكلام، لا تقل له أنت تتكلم بشكل جيد أو تقل له أنت كلامك فيه صعوبة أو خطاء كثير.
🔹 تجنب ذكر المشكلة والتحدث فيها أمامه.
🔹 إذا لاحظت أن الطفل لديه القدرة في التعبير بطلاقة حاول استغلالها أطول مده ممكنة باستمراره في الحديث معك.
🔹 إبعاد الطفل عن جو المشاحنات والخلافات والمواقف المؤلمة نفسياً .
🔸 عدم إعطاءه أي تنبيه حول مشكلة التلعثم.
🔸 إبعاده عن الأطفال الذين لا يمكن أن يفهموا التعليمات ويسخرون منه.
🔸 أبعاده عن الأطفال الذين يعانون من نفس المشكله.
🔹 عدم إحراج الطفل في الكلام أو إكثار الاسئله عليه عندما يكون محرج أو متعب أو مريض أو غاضب لان ذلك يؤدي ألي تلعثم أكثر في الكلا م.
🔹 لاتخلق الخوف في نفسه بل الثقة والتفاؤل.
🔸 يجب تعاون الجميع لتحقيق النجاح.
🔸 تجنب الحديث مع الطفل عندما تكون مشغولا باداء أي عمل أو مستعجل.
🔹 شجعه على ان يؤدي بعض الاعمال و زوده بالمديح الملائم.
🔹 اذا استمرت المشكلة اعرض الطفل على اخصائي التخاطب

31/12/2022

امتي الطفل بيحتاج جلسات تخاطب ؟

جلسة التخاطب مش بس جلسة بيقعد فيها الطفل مع المعالج عشان يظبط معاه نطق الحروف بس
جلسة التخاطب بيكون فيها:
معالجة امراض الكلام
و اللغة و الصوت.
وتنميه المهارات العقليه والحركيه وزياده الانتباه والادراك.
ودى مراحل اكتساب اللغة عند الاطفال من الميلاد حتي عمر 6 سنوات.

1- من الميلاد حتي (8 شهور)
تسمي فترة ما قبل اللغة وتشمل نمو وعي الطفل وادراكه للعالم المحيط به.

2- من (9 - 10) شهور
فترة انتقالية - يبدأ الطفل فهم معاني بعض الكلمات.

3- من (11 - 12شهر)
مرحلة اللغة ينطق الطفل الكلمات الحقيقية الاولي.

4- (12 - 18 شهر)
زيادة الثروة اللفظية.

5- (18 - 24 شهر)
جملة من كلمتين، تفهم متزايد لما يقوله الاخرين.

6- (2 - 3 سنوات)
جمل من 3 كلمات.

7- (6 سنوات)
استخدام جمل اطول واكثر تعقيداً مع عدد اقل من اخطاء قواعد اللغة الأساسية.

في حالة وجود اي تأخر في المراحل السابقة لا تتردد في استشارة أخصائي التخاطب

31/12/2022

31/12/2022

حين ترفض طلب الطفل في البداية، ثم تستجيب لذلك بعد الإلحاح والغضب؛ فإنك ترسخ في نفسه أهمية البكاء للحصول على ما يريد وليس الاقناع ..!

31/12/2022

قل للطفل:
أحبك ولا أحب فعلك الخطأ
• حاور طفلك عن الفعل الخاطئ .