Rasha Fahmy

20/03/2026

العيد فرحة.. والفرحة تكتمل بلمتنا وصحتنا ✨
كل عام وأنتم بخير وصحة وسعادة بمناسبة عيد الفطر المبارك 🌙
في العيد، السعادة مش معناها الحرمان، السعادة باختصار "الذكاء في الاختيار"
استمتعوا بأجواء العيد، تذوقوا كعك العيد بحب، وخلوا شعاركم دايما هو الاعتدال والتوازن علشان يفضل جسمكم في أفضل حال 💪🍎
افتكروا دايما .. ناكل القليل من الكعك مع الكثير من المودة والنشاط
ملحوظة مهمه : الكعك والبسكويت والبتيفور والغريبة والمعمول والكوكيز وحتى الكنافة والقطايف كلهم من نفس المكونات 😉 دقيق وسكر وسمنة أو زبدة مع اختلاف طريقة التحضير والكميات 🤷🏻‍♀️
لو فاكرين ده مش هنزود 👌🏻
عيدكم مبارك، وكل عام وأنتم الأقرب إلى أهدافكم الصحية 🎈

18/02/2026

رمضان شهر العبادة وكمان فرصة ذهبية لترميم علاقتنا بأجسامنا وصحتنا 🌙✨
​كتير مننا بيخرج من رمضان بتعب وخمول، لكن السنة دي التحدي مختلف!
هكون معاكم خطوة بخطوة عشان نصوم بذكاء، نشبع بوعي، ونخرج من الشهر الفضيل بصحة أقوى وطاقة أكبر 🥗💪
​رحلتنا الصحية بتبدأ بقرار، وأنا هنا عشان أكون رفيقتكم في الرحلة دي
​كل عام وأنتم بصحة وعافية، ورمضان كريم علينا جميعاً 🌙❤️
​
​🎁 هدية رمضان لصحتم
ابدأوا رحلتكم الآن واستفيدوا من خصم خاص على برامج المتابعة الغذائية!
استخدموا برومو كود: RAMADAN26 🌙
​للاشتراك أو الاستفسار، تواصلوا معنا عبر الرسائل أو من خلال الواتس آب

​
​

16/02/2026

🛑 "بلاش بيض وسمك 🥚🐟 طول ما في برد!"
جملة بنسمعها من سنين، بس الحقيقة صادمة! 🤦🏻‍♀️
كم مرة منعتِ نفسك أو أولادك من أهم مصادر البروتين وأنتوا تعبانين بسبب الخرافة دي؟ 🧐
للأسف، إحنا بنحرم الجسم من "سلاحه" الأساسي وهو في عز معركته مع الفيروس!

في الفيديو ده، بنكشف ليه البيض والسمك هم أعز أصدقاء المناعة مش أعداءها:

✔ جيش المناعة: البروتين هو المادة الخام اللي جسمك بيبني بيها الأجسام المضادة 💪🏻
✔ منجم معادن: السمك (زي الماكريل والسلمون) غني بالزنك وفيتامين د اللي بيقصروا مدة التعب 🤒
✔ طاقة خفيفة: البيض المسلوق وجبة مثالية وسهلة الهضم لجسم مجهد 🥚

⚠️ القاعدة الوحيدة: نمنعهم فقط لو فيه "حساسية" حقيقية 👌🏻، غير كدة 🤷🏻‍♀️ جسمك محتاجهم أكتر من أي وقت تاني!

📢 ساعدينا نوقف الخرافة دي!
الوعي بيبدأ بكلمة 👌🏻
اعملي "شير" (Share) للفيديو وشاركي المعلومة مع كل مامي خايفة على صحة أولادها، خلينا نصحح المفاهيم ونساعد الكل يتعافى صح وبالعلم! 💪🏻🔄

11/02/2026

متاكلش بيض وسمك وأنت عندك برد.. ده بيزود التعب!" 🚫🥚🐟

كم مرة سمعتِ الجملة دي وأنتِ تعبانة أو قولتيها لأولادك؟

للأسف، دي واحدة من أشهر "خرافات التغذية" اللي بنورثها وبنطبقها من غير تفكير، والحقيقة العلمية عكس كدة تماماً! 🧐

ليه وده ببساطة لأن البيض والسمك "صديق" مش "عدو" في دور البرد؟ 🤔

✅ بروتين عالي الجودة: جسمك وهو بيحارب الفيروس محتاج "جيش" من الأجسام المضادة، والبروتين هو المادة الخام لبناء الجيش ده.

✅ الزنك وفيتامين د: السمك (خصوصاً الدهني زي الماكريل والسلمون) غني بعناصر بتقوي المناعة جداً وبتقلل مدة التعب.

✅ سهولة الهضم: البيض المسلوق يعتبر وجبة خفيفة ومثالية لجسم مجهد ومحتاج طاقة من غير ما يرهق الجهاز الهضمي.

⚠️ الملحوظة الوحيدة: نمنعهم بس في حالة واحدة.. لو عندك "حساسية" فعلية منهم، غير كدة، جسمك محتاجهم أكتر من أي وقت تاني!

بدل ما نمنع الأكل المفيد، ركزوا على السوائل الدافية، الراحة، والتغذية السليمة. ✅🍎

شير للمنشور ده.. خلينا نوقف الخرافة دي ونساعد الكل يتعافى صح! 🔄💪

06/02/2026

🥛 الحليب والبلغم.. مظلوم ولا متهم؟ 🤔
🛑 لو لسه بتخاف تشرب اللبن وإنت عندك دور برد، يبقى البوست ده ليك !

🔬 كتير مننا كبر وهو بيسمع جملة: "بلاش لبن دلوقت عشان ميزودش البلغم".. بس خليني أقولك إن العلم ليه رأي تاني خالص هيغير فكرتك!

📌 إيه اللي بيحصل فعلاً لما بنشرب حليب؟
الحقيقة العلمية بتقول إن الحليب لا يكوّن بلغم ولا بيزود إفرازاته في الجهاز التنفسي

طيب ليه بنحس بكده؟
خدعة القوام: اللبن سائل دسم، لما بيختلط باللعاب بيدي إحساس مؤقت "بتقل" في الزور، فبنتخيل إنه بلغم، لكن ده مجرد إحساس مش حقيقة

التحسس: لو عندك حساسية ألبان، ممكن جسمك يفرز مخاط كاستجابة مناعية، وده استثناء مش القاعدة

💡 الزتونة 👌🏻
✅ الحليب آمن جداً وقت البرد وبيمد جسمك بالكالسيوم والبروتين اللي محتاجهم للتعافي.
✅ مفيش أي دراسة أثبتت وجود علاقة بينه وبين زيادة احتقان الأنف أو الصدر.
✅ لو بيسبب لك إزعاج هضمي، ممكن تجربي الأنواع الخالية من اللاكتوز.
💬 دلوقتي دورك..
قولولي في الكومنتات، مين لسه بيمنع الحليب وقت التعب؟ وإيه أكتر خرافة تانية حابين تتأكدوا من صحتها؟ 👇🏻

29/01/2026

🚫 وصفة الفنكوش… ياريت ما تلحقوش
معتقد سائد منتشر:
«خد على الريق وصفة سحرية للتخسيس»
تسد الشهية
تنزل الكرش
وتحقق نزول وزن سريع ✨
الوصفة المشهورة؟
كمون + ليمون + خل التفاح + جنزبيل + قرفة
على مياه مغلية
وكوب واحد على الريق
لو عندك المعلومة دي
فالحقيقة بتقول إنها وصفة فنكوش ❌
📌 التخسيس الحقيقي مش في مشروب سحري
التخسيس الحقيقي في:
تناول وجبات متوازنة
فهم احتياج الجسم
التوازن في اليوم كامل
وإجمالي السعرات الحرارية (Calories)
يعني مش منطقي آكل كل حاجة براحتي بكميات كبيرة وسعرات عالية وأشرب حاجة تضيع كل ده هل ده منطقي 🤌🏻
طبعا غير منطقي ❌
⚠️ بالعكس تمامًا
الوصفة دي مش بس مش بتخسّس
دي كمان :
تضر الجهاز الهضمي
تسبب ارتجاع المريء
تزود الحموضة
تعمل اضطرابات هضمية
وتكون سبب في قرحة المعدة والاثني عشر
غير إن طعمها سئ 🥴
وسؤال مهم بقى 👇🏻
إيه الهدف من وصفة طعمها وحش وبتدمّر جهازنا الهضمي؟
✨ صحتك أهم من أي تريند
والتخسيس الصح دايمًا أذكى… مش أقسى

25/01/2026

ناس كتير بتمنع البيض خوفًا من الكوليسترول،
لكن العلم بيقول غير كده 👇🏻
🔬 حوالي 70–80% من كوليسترول الدم
بيصنعه الكبد، مش الأكل.

البيض باعتدال آمن للأصحاء 🥚✔️

بينما الخطر الحقيقي في:
السكر 🍬
والأكل المُصنّع ⚠️

يا ترى بتاكلوا كام بيضة 🥚 في الأسبوع؟
اكتبولي في كومنت👇🏻





#البيض
#الكوليسترول

22/01/2026

بتحب القهوة ☕؟
الفيديو ده ليك 👌🏻
تعالى نفهم ليه الميه مهمة مع القهوة 💧

21/01/2026

21/01/2026

مابين
الحقيقة العلمية vc الحقيقة النظرية
🤼 هناك جدل ما بين
🤷🏻‍♀️ هل الموز 🍌فعلا مشع ولا دي إشاعة
المعلومة هنا لإيقاف الجدل 👇🏻👇🏻👇🏻

19/01/2026

🚨 البيض مش السبب الرئيسي في ارتفاع كوليسترول الدم!
قبل ما تمنع البيض كوجبة غذائية 🥚
مهم نعرف شوية حقايق 👇🏻
✔️ 70–80% من كوليسترول الدم بيصنعه الكبد
✔️ البيض باعتدال لا يرفع LDL عند الأصحاء
✔️ المشكلة الحقيقية مش البيض ❌
لكن غالبًا السبب هو 👇🏻
🚫 الدهون المتحولة
🚫 السكريات
🚫 الأكل المُصنَّع
🚫 قلة الحركة
دي العوامل الأساسية اللي بترفع كوليسترول الدم فعلًا ⚠️

⚠️ معلومة مهمة
في بعض الحالات المرضية زي:
مرضى القلب
اعتلال الدهون (ارتفاع الكوليسترول)
أمراض الكبد
أمراض الكلى
لازم يكون تناول البيض بحرص 👌🏻
وبحسب تقييم الطبيب المعالج والتحاليل الطبية 👨‍⚕️📊

🥚 ليه البيض عنصر غذائي مهم؟
لأنه غني بـ:
✔️ بروتين عالي الجودة
✔️ كولين مهم لصحة المخ
✔️ فيتامين D وB12
✔️ كوليسترول غذائي منخفض الدهون المشبعة
→ وبالتالي لا يرفع كوليسترول الدم بشكل مباشر
لو اتاكل ضمن نظام غذائي صحي ومتوازن ✅

الكمية الموصى بها 👇🏻
🥚 2–3 بيضات يوميًا للأصحاء
🥚 3–5 بيضات أسبوعيًا لمرضى القلب

✨ القرار الصح؟
مش المنع 😉
لكن الكمية حسب حالتك الصحية 👌🏻💚

ما تنساش الشير علشان الكل يستفيد معانا بالمعلومة 🩵💚