عيادة د/رائد فكيه العبد استشارى جراحة المخ والأعصاب والعمود الفقرى

  • Home
  • Egypt
  • Kom Hamada
  • عيادة د/رائد فكيه العبد استشارى جراحة المخ والأعصاب والعمود الفقرى

عيادة د/رائد فكيه العبد استشارى جراحة المخ والأعصاب والعمود الفقرى دكتوراة جراحة المخ والأعصاب كلية طب الأزهر
استشارى جراحة المخ والأعصاب والعمود الفقري و إصابات الرأس

مرض تنكس الغضاريف بالبلدي خشونة الفقرات أهم أسباب آلام الظهر والرقبة وأكثرها شيوعا لازم تفهم الغضروف وظيفته ايه وبيتكون ...
03/07/2026

مرض تنكس الغضاريف
بالبلدي خشونة الفقرات
أهم أسباب آلام الظهر والرقبة وأكثرها شيوعا
لازم تفهم الغضروف وظيفته ايه وبيتكون من ايه عشان تفهم ايه اللي بيحصل في تنكس الغضاريف (خشونة الفقرات)
وظيفة الغضروف هي السماح بحركة العمود الفقري وامتصاص الصدمات (ببساطة)
بيتكون من جزء داخلي هلامي غني بالماء وجزء ليفي خارجي بيحيط بالجزء الإعلامي ده عشان ميخرجش من مكانه
ايه اللي بيحصل بقا في خشونة الفقرات؟
الجزء الهلامي ده بينشف والماية اللي فيه بتجف
ودا بيسبب آلام مع الحركة والسكون وبيسبب قلة الحركة
أهم أسبابه؟
الشيخوخة وتقدم السن و دي حاجة منطقية ومبيبقاش معاها ألم إلا مع المجهود البدني الشاق
تاني الأسباب وأهمها هو العوامل الوراثية، تلاقي الأسرة فيها كذا شخص بيشتكي من آلام الظهر أو الرقبة والغضاريف
تالت سبب ومهم جداً جداً وهو زيادة الوزن
رابعا التدخين
خامسا المجهود البدني الشاق وتكرار إصابة العمود الفقري
العلاج ايه
أولا تجنب الأسباب قدر الإمكان
ثانيا الغذاء الصحي المتوازن والحركة والمجهود الطبيعي والتعرض للشمس الساعة اللي قبل المغرب
ثالثا الحجامة والعلاج الطبيعي وتمارين تقوية العضلات
رابعا علاج الألم ويشمل حقن الفقرات والتردد الحراري
خامسا المسكنات ومضادات الالتهاب وأدوية الأعصاب
سادساً الجراحة في حالات معينة

24/04/2026

مواعيد العمل في التوقيت الصيفي
السبت والأحد والثلاثاء من ١٢ ظ إلى ٤ م
الإثنين والأربعاء من ٥ م إلى ٧ م حسب الظروف الإتصال قبل الحضور للتأكد من تواجد الطبيب
الخميس حسب الظروف الإتصال قبل الحضور للتأكد من وجود الطبيب
الحجز بالحضور
الإتصال بالعيادة للإستفسارات ٠١٠٢٥١٩٦٦٤٦ من ١١ص
ماسنجر الصفحة لا يعمل برجاء التماس العذر عند عدم الرد على الرسائل

22/04/2026

يوجد مشكلة في ماسنجر الصفحة
برجاء الاتصال بالعيادة للإستفسارات
٠١٠٢٥١٩٦٦٤٦

"بين هندسة الفقرات وكيمياء الألم.. إزاي جراحة الرقبة بترجع الروح للجسد؟" ​الوجع مش مجرد إحساس، ده "قيد" بيمنعك تعيش حيات...
08/04/2026

"بين هندسة الفقرات وكيمياء الألم.. إزاي جراحة الرقبة بترجع الروح للجسد؟"
​الوجع مش مجرد إحساس، ده "قيد" بيمنعك تعيش حياتك.
جراحة الغضروف العنقي مش بس إجراء طبي، دي عملية "تحرير" للعصب المضغوط عشان يرجع يمارس وظيفته بحرية.
​وعشان نجاوب على كل التساؤلات اللي بتدور في بالكم، ده "الدليل الشامل" من لحظة القرار لحد التعافي الكامل:
​ ١. امتى الجراحة بتبقى "ضرورة" ومفيش منها مفر؟
​الجراحة هي المسار الأضمن في حالات معينة:
​لو العصب بدأ يبعت إشارات استغاثة (تنميل مستمر أو ألم حاد في الدراع).
​لو حصل "تقل" في المشي أو عدم اتزان في الحركة.
​لو الألم شديد ومش مستجيب للعلاج التحفظي بقاله من ٣ لـ ٦ شهور، وبدأ يأثر على جودة حياتك.
​ليه هي الخيار الآمن؟
عشان نحمي العصب قبل ما يفقد كفاءته تماماً، وعشان نمنع خطر ضغط الغضروف على النخاع الشوكي، ولأن "تأجيل" الجراحة ممكن يخلي الغضروف يتيبس ويصعب المهمة بعدين و علشان الألم بيأثر علي جودة حياتك انت مش مضطر تتحمله بسبب هاجس الجراحة الخطر .
​ ٢. كواليس العملية.. دقة تناهت في الصغر
​يعني إيه جراحة ميكروسكوبية؟
يعني بنستخدم مجهر بيخليني أشوف العصب أكبر من حجمه الحقيقي ٢٠ مرة، وده بيضمن دقة متناهية ونسب نجاح مذهلة بفضل الله.
​الجرح وشكله؟
جرح صغير جداً (حوالي ٥ سم) في "ثنايا الرقبة" من قدام، وده عشان نتفادى جراحة عضلات الرقبة الخلفية المجهدة، وعشان الشكل التجميلي يكون أفضل.
​الغضروف بيرجع تاني؟
في الفقرات العنقيه، الارتجاع مستحيل؛ لأننا بنستبدل الغضروف تماماً بـ "دعامة" (قفص كربوني) بتعيش العمر كله.
​ ٣. رحلة الاستشفاء.. الجدول الزمني
​المستشفى: يوم واحد فقط (٢٤ ساعة).
​الحركة: بنبدأ نمشي في نفس يوم العملية.
​ألم الدراع: بيختفي فوراً بفضل الله أول ما المريض بيفوق.
​ألم الرقبة والزور: وجع الزور بياخد كام يوم وبيروح، أما ألم الرقبة نفسه فممكن يستمر في التراجع تدريجياً لمدة بتوصل لـ ٦ شهور لحد ما الجسم يتأقلم تماماً.
​بحة الصوت: عرض نادر جداً، ولو حصل (لا قدر الله) بيتحسن تدريجياً خلال سنة.
​ ٤. خارطة الطريق بعد العملية
​الرقبة: بنلبس رقبة بلاستيك لمدة شهر ونص.
​العودة للحياة: ممارسة المهام البسيطة بعد أسبوعين، والعودة للشغل (اللي مفيهوش مجهود بدني) بعد شهر ونص.
​السفر والمواصلات: الأفضل بعد ٣ شهور لضمان ثبات الدعامة تماماً، وفي حالات الضرورة بنعمل أشعة بعد ٦ أسابيع عشان نطمن على الالتئام لو حابب .
​المجهود الشاق: ممنوع قبل ٣ شهور، ورفع الأحمال التقيلة فوق مستوى الرأس ممنوع نهائياً لحماية باقي الفقرات.
​ كلمة أخيرة..
​الأشعات المطلوبة قبل العملية هي الرنين (MRI) و المقطعية (CT).
هل العملية خطيرة؟
العملية خطيرة جدا زي أي جراحة دقيقة وخطورتها في مكانها في وسط غابة من الشرايين والأوردة والأعصاب العنقية وبجوار المرئ والغدة الدرقية والجار درقية ووصولا للنخاع الشوكي لكنه توفيق الله وحده اللي بيحفظ المريض والطبيب زي واحد ماشي وسط حقل ألغام كل خطوة حتى لو كانت محسوبة بتشكل خطورة شديدة وكل خطوة منهم قد يكون خلفها مضاعفات خطيرة ولكنها عناية الله (له معقبات من بين يديه ومن خلفه يحفظونه من أمر الله)
المضاعفات علم غيب وواردة في أي جراحة، لكن لو ربنا ستر ومشت على خير، هتندم إنك اتأخرت في القرار ده واستحملت وجع سرق منك أيام وسنين.
​د. رائد العبد
استشاري جراحة المخ والأعصاب والعمود الفقري

26/02/2026

أعتذر عن عدم تواجدي في العيادة من اليوم وحتى رابع أيام عيد الفطر المبارك

12/12/2025

حتى تستفيد من زيارتك للطبيب
يجب أن تعلم كيف يفكر الأطباء
الأطباء في العالم كله درسوا كيفية أخذ التاريخ المرضي بنظام واحد وبطريقة واحدة
وهى:
أولا: البيانات الشخصية
ثانيا: الشكوى الحالية - الشكوى اللى جاى تشتكى منها النهاردة - الشكوى الأساسية اللى حركتك للطبيب
ولو كذا شكوى يبقى بترتيب شدتهم أو أهميتهم بالنسبة لك
ثالثا: هيسألك أسئلة عشان يحلل شكواك ويعرف يفسرها ويحدد خطة مبدئية للكشف والعلاج ويشوف التاريخ الدوائي والجراحى وخلافه
رابعا: هيقوم يكشف عليك
**
يبقى انت مش رايح تتكلم وتفضفض فى مواضيع ملهاش لازمة - حضرتك هتحدد شكواك الرئيسية بدقة أو لو مجموعة شكاوى يبقى لازم تحددهم - مفيش حاجة اسمها كل حاجة بتوجعنى- مفيش حاجة اسمها اكشف وأنت تعرف - مفيش حاجة اسمها خد شوف الأشعات الأول
لما الطبيب يسألك هو مش قاصد يغلس عليك هو عاوز معلومات منك هتفيدك انت فى المقام الأول فلما تجاوب لازم تجاوب صح وبدقة لأن كل سؤال بيوجه الطبيب للتفكير في طريقة فحص وطريقة علاج معينة
كل ما تتعدد الشكاوى غير المرتبطة ببعضها يبقى حضرتك هتتشخص غلط بنسبة ٩٩٪ أو ع الأقل شكواك الرئيسية مش هتتعالج بطريقة كافية أو هتعرض نفسك لعلاجات وفحوصات انت مش محتاجها

31/10/2025

السلام عليكم ورحمة الله
مواعيد العيادة بدءا من التوقيت الشتوي
السبت والثلاثاء والخميس من ١١ظ ل٢م إن شاء الله
الأحد والأربعاء من ٣:٣٠م ل٥:٣٠م (غير مؤكد التواجد) إن شاء الله
يرجى الإتصال قبل الحضور تحسباً لعدم وجود الطبيب أو لأى ظروف طارئة.
تليفون العيادة ٠١٠٢٥١٩٦٦٤٦

مفيش مشكلة خالص إنك تبقى خايف من جراحات العمود الفقرى الشاب اللى قدامك ده ٢٤ سنة برده كان خايف ولجأ للكايروبراكتك والنتي...
02/07/2025

مفيش مشكلة خالص إنك تبقى خايف من جراحات العمود الفقرى
الشاب اللى قدامك ده ٢٤ سنة برده كان خايف ولجأ للكايروبراكتك والنتيجة قدامك أهو خدلان بالطرفين العلويين وشلل بالطرفين السفليين ناتج عن كسر فى الفقرات العنقية وضغط على النخاع الشوكى.
الطب العربي والطب الشعبي والطب البديل فيها حاجات مفيدة طبعا وفيه ناس كتير بترتاح عليها زى الحجامة والكى والإبر الصينية والسوچوك و غيره و غيره .. احنا كأطباء مش هنقولك متعملوش .. بالعكس اعمل اللى شايف إنه هيريح ألمك طالما العلاج الدوائي مش جايب نتيجة .. لكن التدخل الجراحى السليم فى الوقت المناسب من الجراح الكفء بتوفيق الله وحده هو أسرع طريق للشفاء إن شاء الله.

30/03/2025

كل عام وأنتم بخير
لا تنسوا إخوانكم فى غزة بالدعاء
المواعيد من بعد أجازة العيد إن شاء الله
السبت والثلاثاء والخميس من ١ظ ل ٣م
الأحد والأربعاء من ٢ظ ل ٤م
الحجز بالحضور ولا يوجد حجز تليفونيا

20/02/2025

هل سمعت من قبل عن "متلازمة فشل جراحة العمود الفقري" (FBSS - Failed Back Surgery Syndrome)؟ 🤕
هي حالة يعاني فيها المريض من استمرار الألم أو عودته بعد إجراء جراحة في العمود الفقري، مما قد يؤثر على جودة حياته.

🔴 أسباب متلازمة فشل جراحات العمود الفقري:
🔹 التشخيص غير الدقيق للمشكلة الأساسية.
🔹 عدم إزالة الضغط بشكل كافٍ على الأعصاب.
🔹 التئام غير طبيعي أو تكون نسيج ندبي حول الأعصاب.
🔹 عدم ثبات الفقرات بعد الجراحة.
🔹 مشاكل في المفاصل أو العضلات القريبة من مكان الجراحة.

✅ كيف نتفادى حدوثها؟
🔸 إجراء فحوصات دقيقة وتشخيص دقيق قبل الجراحة.
🔸 اختيار الجراحة المناسبة لكل حالة.
🔸 الالتزام ببرامج العلاج الطبيعي والتأهيل بعد الجراحة.
🔸 الحفاظ على الوزن المثالي وتجنب العادات الخاطئة مثل الجلوس بوضعيات غير صحيحة.

تشخيص متلازمة فشل جراحة العمود الفقري (Failed Back Surgery Syndrome - FBSS) يتم عادة بعد 3 إلى 6 أشهر من الجراحة، عندما يستمر الألم المزمن أو يعود بعد فترة وجيزة من التحسن الأولي.

متى نبدأ في الشك بأن المريض يعاني من FBSS؟
🔹 إذا استمر الألم نفسه الذي كان موجودًا قبل الجراحة.
🔹 إذا ظهر ألم جديد في منطقة مختلفة عن الألم الأساسي.
🔹 إذا لم يتحسن المريض بالشكل المتوقع بعد الجراحة بفترة كافية.
🔹 إذا زادت حدة الأعراض بدلاً من التحسن.

لماذا الانتظار 3-6 أشهر؟
✅ لأن هذه الفترة تشمل وقت التعافي الطبيعي بعد الجراحة.
✅ لأن الأنسجة تحتاج إلى وقت للشفاء، والتورم قد يسبب ألمًا مؤقتًا.
✅ لأن برامج العلاج الطبيعي والتأهيل قد تحتاج وقتًا لتعطي نتائجها.

ما الخطوة التالية إذا اشتبهنا في FBSS؟
📌 إعادة تقييم الحالة سريريًا وإجراء فحوصات مثل MRI، CT Scan، EMG لتحديد السبب.
📌 البحث عن علاجات غير جراحية مثل العلاج الطبيعي، التردد الحراري، أو الحقن.
📌 في بعض الحالات، قد يكون التدخل الجراحي الإضافي ضروريًا إذا وُجدت مشكلة قابلة للتصحيح.

💡 العلاج في حال حدوثها
🔹 العلاج الطبيعي وتقوية العضلات.
🔹 حقن الكورتيزون حول الأعصاب لتقليل الالتهاب.
🔹 التحفيز العصبي أو العلاج بالتردد الحراري.
🔹 التدخل الجراحي مرة أخرى في بعض الحالات إذا استدعى الأمر.

🔵 إذا كنت تعاني من آلام مستمرة بعد جراحة العمود الفقري، لا تتردد في استشارتنا لمعرفة الحل المناسب لحالتك.

كوم حمادة أمام المستشفى العام
السبت والثلاثاء والخميس من 11:00 ظهرا و حتى 2:00 م
الأحد والأربعاء من 2:30 م وحتى 5:00 م
الدخول بأولوية الحضور
للإستفسار الإتصال بنا 01025196646 من 12ظ وحتى 6م

Address

كوم حمادة أمام المستشفى العام
Kom Hamada

Opening Hours

Tuesday 2:30pm - 5pm
Wednesday 3pm - 5pm
Thursday 2:30pm - 5pm
Saturday 2:30pm - 5pm
Sunday 3pm - 5pm

Website

Alerts

Be the first to know and let us send you an email when عيادة د/رائد فكيه العبد استشارى جراحة المخ والأعصاب والعمود الفقرى posts news and promotions. Your email address will not be used for any other purpose, and you can unsubscribe at any time.

Shortcuts

Share

Category