ثراء

Directions Website

ثراء منتجات طبيعية من ثراء الطبيعة
(319)

كل ريفيو وراها تجربة، وكل تجربة بتفرق عندنا. 🤍شكرًا لكل حد شاركنا رأيه ووثق في ثراء.اتفرجي على الألبوم… وغالبا هتطلبي دل...
06/10/2026

كل ريفيو وراها تجربة، وكل تجربة بتفرق عندنا. 🤍
شكرًا لكل حد شاركنا رأيه ووثق في ثراء.
اتفرجي على الألبوم… وغالبا هتطلبي دلوقتي 🤩
#ثراء

شغلك ضاغطك تسليمات ومواعيد، وشعرك بقى "حرفيًا" بيقع من كتر الضغط؟الضغط النفسي المستمر ممكن يرفع هرمونات التوتر، خصوصًا ا...
04/10/2026

شغلك ضاغطك تسليمات ومواعيد، وشعرك بقى "حرفيًا" بيقع من كتر الضغط؟

الضغط النفسي المستمر ممكن يرفع هرمونات التوتر، خصوصًا الكورتيزول والأدرينالين، وده بيأثر على دورة نمو الشعر وبيزود التساقط.

مركب الـ Caryophyllene الموجود في زيت الروزماري المستخلص بتقنية CO2 مضاد قوي للالتهاب بيهدي فروة راسك وبيدعم وجود بيئة صحية حوالين بصيلات الشعر خلال فترات الإجهاد، وده بدوره بيقلل التساقط بشكل كبير في الفترة دي.

لكن خدي بالك، مهما كانت التركيبة تأثيرها قوي، تقليل الضغط والاهتمام براحة بالك جزء مهم جدًا ومفيش غنى عنه أما بنعالج التساقط المرتبط بالتوتر، لأنه هو السبب الرئيسي ليه. 🤍

#ثراء

الحكاية وما فيها... إزاي كل زيت في التركيبة بيكمل التاني؟لو لاحظتم، ولا زيت في التركيبة بيكرر دور التاني.الروزماري بينشط...
28/09/2026

الحكاية وما فيها... إزاي كل زيت في التركيبة بيكمل التاني؟
لو لاحظتم، ولا زيت في التركيبة بيكرر دور التاني.
الروزماري بينشط البصيلات عشان تطلع شعر جديد، والخروع بيقوي الشعرة وهي بتطول، وبذور اليقطين بيدعم البصيلة عشان تفضل في مرحلة النمو لفترة أطول، أما الجوجوبا فبيوازن فروة الرأس، واللافندر والنعناع بيهيئوا البيئة المناسبة لنمو الشعر في الفروة.
وده كان هدفنا من البداية...
إننا نختار لكل خطوة في دورة نمو الشعر الزيت اللي يقدر يعالج الخلل اللي ممكن يحصل فيها، وأن الزيت دا يكون مستخلص بالطريقة اللي تحافظ على مركباته الفعالة زي ما هيا موجودة في النبات الطبيعي بالظبط، بأعلى نسبة ليها، وبفعالية قريبة جدًا وتكاد تُماثل المنتجات الكيميائية المعروفة.
وطبعًا من غير أي آثار جانبية أو حساسية أو التهاب.
لو وصلتي لآخر الحكاية، جربي تجاوبي على السؤال ده:
لو هتوصفي مشكلة شعركم بكلمة واحدة، هتكون إيه؟ (مش بيطول، بيقع من جذوره، بيطلع بس ضعيف)
اكتبولنا في الكومنتات، وإحنا هنقولك أي مرحلة من دورة نمو الشعر ممكن تكون مرتبطة بيها، وإزاي تعالجيها بالظبط.
#ثراء

الحكاية وما فيها... يعني إيه تركيبة بتشتغل على دورة نمو الشعر كلها؟أغلب منتجات علاج التساقط بتركز على هدف واحد بس، يا إم...
26/09/2026

الحكاية وما فيها... يعني إيه تركيبة بتشتغل على دورة نمو الشعر كلها؟
أغلب منتجات علاج التساقط بتركز على هدف واحد بس، يا إما تقلل التساقط،أو تقوي الشعر، أو تغذي فروة الرأس، وهكذا.
لكن كلها بتبقى مبنية على فرضية واحدة: نمو الشعر بيتم في خطوة واحدة، ولو عالجناها التساقط هيقف، وده طبعًا مش حقيقي ومش صح.
كل شعرة بتمر بدورة نمو كاملة اسمها دورة نمو الشعر، بتبدأ بمرحلة النمو، اللي فيها البصيلة بتنتج شعرة جديدة وتفضل تطول لفترة، وبعدها تدخل مرحلة انتقالية، يبدأ فيها نشاط البصيلة يقل شوية بالتدريج، وفي الآخر توصل لمرحلة الراحة، اللي بيقف فيها نمو الشعرة وتقع عشان يطلعمكانها شعرة جديدة ونبدأ من أول وجديد.
أي مشكلة أو خلل في أي خطوة في الدورة دي بتعمل تساقط زي مثلًا:
لو مرحلة النمو قصرت، أو لو البصيلة دخلت مرحلة الراحة بدري، أو لو فضلت فيها فترة أطول من الطبيعي.
الشعر بيبدأ يخف، والتساقط بيبدأ يزيد.
وعشان كده، ما كانش هدف تركيبتنا إنها تركز على مرحلة واحدة بس أو تعالج سبب واحد بس، اكن كان هدفها إنه يكون فيها زيوت بأقوى تركيز للمركبات الفعالة، كل واحدة منهم بيدعم جزء مختلف من دورة نمو الشعر، بحيث يشتغلوا مع بعض على نمو صحي ومتوازن للشعرة.
طيب إيه بقى دور كل زيت في التركيبة، وهيعمل إيه لشعرك؟
هنقولكم البوست الجاي..تابعونا

#ثراء

اطلبي تركيبة الروزماري CO₂ واختاري هديتك من لاين البشرة. إنتِ اللي تختاري هديتك.. مش إحنا.اختاري واحدة من دول:🌹 زيت الرو...
20/09/2026

اطلبي تركيبة الروزماري CO₂ واختاري هديتك من لاين البشرة.

إنتِ اللي تختاري هديتك.. مش إحنا.

اختاري واحدة من دول:
🌹 زيت الروزهيب ١٠ مل — للآثار والتصبغات | قيمته ١٩٩ ج
🥑 زيت الأفوكادو ٣٠ مل — لتغذية البشرة | قيمته ١١٩ ج
🌰 زيت اللوز الحلو ٣٠ مل — للبشرة الحساسة والهالات | قيمته ٩٩ ج

الشعر بدأتيه.. البشرة علينا. 🤍

العرض مستمر لحد ٣٠ سبتمبر.

اطلبي دلوقتي من اللينك في أول كومنت 🥳

#ثراء


استفيدي بخصومات تصل لـ 35% على أكتر من 120 منتج للعناية بالشعر، البشرة والجسم.🚚 الشحن مجاني للطلبات من 1399 جنيه بعد الخ...
20/09/2026

استفيدي بخصومات تصل لـ 35% على أكتر من 120 منتج للعناية بالشعر، البشرة والجسم.

🚚 الشحن مجاني للطلبات من 1399 جنيه بعد الخصم
العرض ساري حتى 30 سبتمبر فقط.

اطلبي دلوقتي واستفيدي بالخصم من اللينك في أول كومنت ⬇️
#ثراء

كل ما تبصي في المراية تلاقي فرقة شعرك بتوسع والفراغات بتزيد؟ومش عندك لوحدك…عندك، وعند إخواتك، وممكن قرايبك كمان؟الصلع ال...
17/09/2026

كل ما تبصي في المراية تلاقي فرقة شعرك بتوسع والفراغات بتزيد؟
ومش عندك لوحدك…
عندك، وعند إخواتك، وممكن قرايبك كمان؟
الصلع الوراثي غالبًا بيبدأ بالتدريج، شعرك بيخف، وفتلة الشعرة نفسها بتبقى أرفع وأقصر، والفراغات بتبدأ تظهر وتزيد مع الوقت.
واحد من أهم الأسباب ورا ده هو هرمون الـ DHT، ده هرمون بيأثر على بصيلات الشعر الحساسة، بيقصر دورة نمو الشعر ومعالوقف بيضعف البصيلة بالتدريج.
هنا بقى بيدخل مركب الـ Carnosol، الموجود في زيت الروزماري المستخلص بتقنية CO₂.
الـ Carnosol بيوقف نشاط إنزيم اسمه 5-alpha reductase، دا الإنزيم المسؤول عن تحويل التستوستيرون لـ DHT، وكنتيجة لده بيقل تأثير الـDHT على بصيلات الشعر.
ومع تقليل تأثيره على البصيلة، بنقدر ندعم استمرار دورة نمو الشعر ونعالج واحد من أهم المسارات اللي بيحصل بسببها الصلع الوراثي

16/09/2026

ممكن تحطي حاجة مكتوب عليها «لافندر» وهي بتزوّد مشكلة شعرك مش بتحلّها.
٤ أسباب تخلّي تركيبة ثراء المركّزة بالروزماري CO₂ مختلفة 👇

١ · اللافندر اللي في التركيبة دي مش لافندر عادي — ده لافندر بلغاري.
يعني إيه بلغاري، لأن دي مش كلمة على العلبة:

واحد — بلغاريا هي أكبر منتج للافندر في العالم، من وادي كازانلاك، نفس الوادي اللي بيطلّع الورد الدمشقي.

اتنين — وده الأهم: فيه معيار عالمي اسمه ISO لزيت اللافندر الحقيقي، بيقول إن نسبة الكافور فيه لازم تكون أقل من ١٪. اللافندر الرخيص اللي بيتباع في السوق — وأغلبه نوع تاني اسمه لافاندين — الكافور فيه بيوصل ٢٠ و٤٠٪. والكافور ده هو اللي بيهيّج الفروة. يعني ممكن تحطي حاجة مكتوب عليها لافندر وهي بتزوّد المشكلة.

تلاتة — اللافندر الحقيقي بيريّح الفروة ويقلل الإحساس بالحكة والشد، وبيساعد على فروة أنضف وأقل قشرة. وفيه دراسة لطيفة أوي لقت إنه بيحفّز الكولاجين وسُمك طبقة الجلد — يعني بيغنّي البيئة اللي البصيلة قاعدة فيها.

وطبعاً الريحة. اللي بيهدّي أعصابك بيهدّي شعرك — والتوتر سبب تساقط بجد مش كلام.

٢ · بتتمص وما بتسيبش أثر زيتي
وده مش رفاهية، ده دليل. المادة اللي قاعدة فوق على شعرك دي مادة ما دخلتش. اللي بيتمص هو اللي بيوصل للبصيلة.
ولو محجبة — إنتي عارفة إحنا بنتكلم عن إيه بالظبط.
٣ · تحليل في معمل مستقل 🔬
زيت الروزماري اتحلل بالـ GC-MS في معمل مصري مستقل معتمد.
مش كلامنا عن نفسنا — تقرير طرف تالت.
٤ · استخلاص بالضغط مش بالحرارة ⚗️
التقطير بالبخار بيشتغل بحرارة عالية بتحرق مركبات كتير. الـ CO₂ بيشتغل بالضغط عند ~٤٠ درجة، فبيوصل لمركبات مستحيل تطلع بالتقطير أصلًا:
الكارنوسيك · الكارنوزول · الروزمارينيك
━━━━━━━━━━
وإحنا مش بنوعد.
مش هتشوفي فرق في أسبوع، وهي مش مناسبة لكل الناس.
بتبدأ من بيئة الفروة — وده أول حاجة هتحسّي بيها. الشعر نفسه له دورة نمو مش بتتعجّل، عشان كده مش أقل من ٦ شهور.
⚠️ مش مناسبة للحوامل والمرضعات · أصحاب الضغط أو الصرع · الأطفال تحت ٦ سنين.
مسجّل في هيئة الدواء — الرقم على العبوة وعلى الموقع.
🔗 اطلبيها دلوقتي من tharaa.shop
#ثراء

آخر الصيف بتلاحظي دايمًا أن شعرك بيقع أكتر من العادي؟ 🍂لو بتلاحظي شعر أكتر في الفرشة، أو أثناء الشاور آخر الصيف أو مع تغ...
13/09/2026

آخر الصيف بتلاحظي دايمًا أن شعرك بيقع أكتر من العادي؟ 🍂

لو بتلاحظي شعر أكتر في الفرشة، أو أثناء الشاور آخر الصيف أو مع تغيير الفصول، فغالبًا ده تساقط موسمي.
في التساقط الموسمي، نسبة كبيرة من بصيلات الشعر بتدخل مرحلة الراحة Telogen، وده بيخلي كمية الشعر اللي بتقع تزيد عن العادي، وبالتالي بتلاحظي تساقط زيادة عن الطبيعي.
مركب الـ Eucalyptol الموجود بتركيز 5X في تركيبة ثراء المركزة بالروزماريco₂ بيهدي الالتهاب اللي ممكن يضعف البصيلة، وبيحسن الدورة الدموية الدقيقة في فروة الرأس، وبيساعد على وصول الأكسجين والتغذية بشكل أفضل للبصيلات، وده بيحافظ على بيئة صحية حوالين البصيلة، وبيدعم دورة نمو الشعر بشكل طبيعي وبيقلل العوامل اللي بتزود التساقط.

#ثراء


الحكاية وما فيها... ليه استخدمنا أكتر من زيت في تركيبة واحدة؟لو الزيت المستخلص بطريقة الـ CO₂ فعال أوي كده، يبقى ليه ما ...
12/09/2026

الحكاية وما فيها... ليه استخدمنا أكتر من زيت في تركيبة واحدة؟
لو الزيت المستخلص بطريقة الـ CO₂ فعال أوي كده، يبقى ليه ما اعتمدناش على زيت واحد وخلاص؟
لأن مفيش زيت واحد يقدر يعمل كل حاجة لوحده، كل زيت بيحتوي على مركبات طبيعية مختلفة، ونسب مختلفة، وتأثير مختلف.
في زيوت دورها الأساسي تغذية فروة الرأس، وزيوت تانية بتقوي البصيلات، وزيوت بتساعد على تقوية الشعر وبتحافظ عليه.
وعشان كده، كان هدفنا في التركيبة نختار أفضل مجموعة زيوت تأثيرها يكمل بعضه، بحيث كل مجموعة مركبات تشتغل على جزء مختلف من دورة نمو الشعر وتقدر فعلًا تعالج أسباب تساقطها.
بس برضو يعني إيه أصلًا تركيبة بتشتغل على دورة نمو الشعر كلها؟
طيب هو الشعر بينمو بنفس الطريقة طول الوقت؟ ولا بيمر بمراحل مختلفة، وكل مرحلة ليها احتياجاتها؟
تابعونا عشان تعرفوا البوست الجاي..
#ثراء

Address

المعادي
Ma`adi
11728

Website

Alerts

Be the first to know and let us send you an email when ثراء posts news and promotions. Your email address will not be used for any other purpose, and you can unsubscribe at any time.

Shortcuts

Share

Category