RAMEZ Clinic د.رامز الجيار استشاري أمراض النساء و التوليد وتأخر الانجاب وا

  • Home
  • Egypt
  • Madînet Port Said
  • RAMEZ Clinic د.رامز الجيار استشاري أمراض النساء و التوليد وتأخر الانجاب وا

RAMEZ Clinic د.رامز الجيار استشاري أمراض النساء و التوليد وتأخر الانجاب وا دكتور رامز الجيار
استشاري أمراض النساء و التوليد و تأخر الانجاب والمناظير النسائية

متابعة حالات الحمل العادية و الخطرة
تركيب و ازالة جميع وسائل منع الحمل
علاج مشاكل تأخر الحمل و عدم الانجاب
علاج اضطرابات الدورة الشهرية و اضطرابات ما قبل سن اليأس
علاج الام و التهابات الحوض و المثانة
علاج الالتهابات النسائية
الكشف المبكر عن أورام الثدى و الرحم
عمليات مناظير البطن و الرحم
عمليات الولادة الطبيعية و القيصيرية بدون الم
استقبال حالات الطوارئ والنزيف والولادة 24 ساعة خلال الاسبوع
يوجد بالعيادة احدث اجهزة السونار و الكشف

10/09/2026

مش معنى إنك صاحية الساعة 4 الفجر…
أبقى أنا كمان صاحي
عشان رن رن رن وفي الاخر تسأليني: دكتور آخد إيه للاسهال؟ 🤦🏼‍♂️

ممكن رسالة توصل في ثواني…💌لكن وراها سنين من الانتظار، والدعاء، والمحاولات، والأمل.🤲🏼ومن أكتر الرسائل اللي ممكن تفرّحني ك...
04/09/2026

ممكن رسالة توصل في ثواني…💌
لكن وراها سنين من الانتظار، والدعاء، والمحاولات، والأمل.🤲🏼
ومن أكتر الرسائل اللي ممكن تفرّحني كطبيب، إن واحدة من الحالات اللي كانت بتتابع معايا رحلة تأخر الإنجاب تبعتلي:
«دكتور… الحمد لله، التحليل إيجابي.» ❤️
ساعتها، كل تفاصيل الرحلة بترجع قدامي في لحظة…
وأفتكر قد إيه كان فيه خوف، وقلق، وأمل، وقد إيه كان حلم كبير ومستني يتحقق.
يمكن بالنسبة لناس كتير دي مجرد نتيجة تحليل…
لكن بالنسبة لي، دي لحظة نجاح وفرحة وفخر.
فخور بكل حالة وثقت فيّا
وبكل زوجين قرروا يكملوا الرحلة معايا،
وبكل مرة ربنا أكرمهم فيها بعد سنين من الانتظار.
لأن أجمل إنجاز للطبيب…
مش بس إنه يعالج، لكن إنه يكون جزء من لحظة غيّرت حياة أسرة كاملة. ❤️
الحمد لله على كل «بشرى» وصلتني
وكل بيت كنا السبب في دخول الفرحة بعد طول انتظار. 🤍

🤗💪
🖋️
..........................





📲01207666675

يا ريت يا جماعة كل واحد يخليه في حاله و يخلي باله من حاجته ...عشان انا امبارح .. لقيت مناخير حد محشورة عندي هنا 🤔🤔🤔🤔
03/09/2026

يا ريت يا جماعة كل واحد يخليه في حاله و يخلي باله من حاجته ...
عشان انا امبارح .. لقيت مناخير حد محشورة عندي هنا 🤔🤔🤔🤔

31/08/2026

🥳🥳

(( توانا )) 🥰❤️😍

❤️ مبروك يا أحمد… مبروك يا زينبووووو ❤️

موعود انا دايما بالحالات دي🫠
بعد إجهاض وحمل كيميائي توتر قلق خوف،

زينب قررت تجيلنا وهي نفسيًا تعبانة جدًا، وكانت ناوية تريح وتاخد حقنة الـ3 شهور.

وطبعًا… منعناها منها 😎
وربنا كرمها وحصل الحمل ❤️

أول 3 شهور؟ بدأنا الرحلة ✈️
ترجيع مبيقفش 🤦🏼‍♂️
لحد ما الأوردة بتاعت جسمها من المحاليل والتحاليل قالت: إحنا كده عملنا اللي علينا!😅🖐🏼

والحمد لله عدينا اصعب 3 شهور بسبب القئ المستعصي والاسيتون العالي 🙏🏻

نيجي بقى للشهور اللي في النص…

كل يوم او يوم بعد يوم 😁
"دكتور أنا عندي وجع."
—👨🏼‍⚕️ عادي يا زينب 😂

دخلنا السابع:

"دكتور في تقل من تحت."
"في مغص."
"حاسّة إن في مية نزلت."
"في إفرازات."

وأنا كل شوية:
تعالي نكشف ونطمن 🤷🏼‍♂️

وفجأة:

"دكتور ينفع أعمل فيلر وصبغة ؟"🤦🏼‍♂️😅

— لا يا زينب طبعًا… ممنوع 😂

وبعدها دخلنا في مرحلة:

"أنا عايزة أولد… أنا تعبت!" 😭😂

والبيبي وزنها قليل، فكان هدفنا كل يوم زيادة هيفرق

دخلنا التاسع:

"طب هولد أول التاسع؟"

— إن شاء الله… في المشمش 😂😎

لحد الأسبوع الأخير…

"دكتور أنا عايزة أولد في تاريخ مميز."

قولتلها:
ولا مميز ولا مش مميز 😂
أهم حاجة سلامة البيبي… أنا مش هدخل بيبي حضانة عشان تاريخ مميز وهو لسه مش مكتمل.

بس تقول لمين؟ 😂

لحد ما في الآخر…

أنا اللي حددت الميعاد ومشيت كلامي 😎😂👌🏼

كل مرة أخلي الحالة تمشي كلامها…

إلا المرة دي 😂

والحمد لله بعد رحلة طويلة من الخوف والتعب والقلق والرسائل الليلية…

توانا وصلت بالسلامة 👶🏻❤️

والتاريخ المميز؟
اتحفظ في درج المواعيد 😂😂

ألف مبروك، وتتربى في عزكم يا رب 🤍




😍
🤗💪

🖋️
..........................





📲01207666675

من رسائل الليل الحزين من أحد الماميز اللي متابعين معانا 🤦🏼‍♂️اللي اعرفه ان الصرصار بيجري 🪳😂حابب اطمن عالصرصار 😅
29/08/2026

من رسائل الليل الحزين من أحد الماميز اللي متابعين معانا 🤦🏼‍♂️
اللي اعرفه ان الصرصار بيجري 🪳😂
حابب اطمن عالصرصار 😅

أنا بحب شغلي جدًا… ❤️وأكتر حاجة بتخليني أنام مرتاح، إني أكون عملت اللي عليّا بكل أمانة، وبذلت أقصى ما أقدر عليه… وضميري ...
28/08/2026

أنا بحب شغلي جدًا… ❤️

وأكتر حاجة بتخليني أنام مرتاح، إني أكون عملت اللي عليّا بكل أمانة، وبذلت أقصى ما أقدر عليه… وضميري مرتاح.

مش معنى إن النتيجة ماجتش زي ما كنا نتمنى إن الطبيب بالضرورة كان غلطان، ومش معنى إن حصلت مضاعفات إن الطبيب أهمل.

الطب مش معادلة مضمونة النتائج…
كل عملية ليها مضاعفات محتملة، وكل حمل له ظروفه ومخاطره، حتى لو الطبيب عمل كل شيء بالشكل الصحيح.

الأسبوع ده ربنا أكرمنا بولادة عدد من الحالات اللي كانت من أصعب حالات متابعة الحمل…

سيدات عندهم إجهاضات متكررة وأمراض مناعية مصاحبة للحمل، وبعضهم احتاج لحقن سيولة، وأدوية مناعية، ومثبتات، ومتابعة دقيقة جدًا طوال فترة الحمل.

الحالات دي بتكون مرهقة جدًا للأم…
لكن يمكن محدش يتخيل قد إيه بتكون مرهقة للطبيب المعالج كمان.

لأن الطبيب في الحالات دي مش بيشوف مجرد «حالة» في الملف…

بيبقى شايل همّها، وبيتمنى يعدّي بيها كل مرحلة على خير، وبيفرح بنجاحها كأنها واحدة من أهله.

وفي النهاية…

مش كل حالة صعبة نهايتها مضمونة، ومش كل مضاعفة معناها خطأ، ومش كل اختلاف في الرأي معناه إن حد كان عايز يضر حد.

لكن أهم حاجة تفضل موجودة بين الطبيب والمريض:

الإنسانية… والاحترام… وحسن النية.

وربنا يعلم إننا بنحاول، وبنجتهد، وبنخاف على مرضانا من قلبنا.

وأجمل مكافأة للطبيب مش بس إن العملية تنجح أو الحمل يكتمل…

إنه يرجع بيته آخر اليوم وهو عارف إنه عمل اللي يقدر عليه… وضميره مرتاح. ❤️

الحمد لله على كل فرحة ربنا كتب لنا نكون جزء منها.🥰
والحمد لله على نعمة الطب… ونعمة الإنسانية.

28/08/2026

🥳🥳

(( ليان )) 🥰❤️😍

❤️ مبروك يا أحمد… مبروك يا سحر ❤️

فيه قصص بتبدأ بدموع… لكن نهايتها بتكون فرحة ما تتوصفش. 🥹❤️

سحر كانت مرت بتجربة صعبة قبل كده، وحصل إجهاض قبل ة بسبب قِصر عنق الرحم.

ولما ربنا رزقها بالحمل من جديد، قررت تتابع معانا من البداية وقررنا إننا نتابع الحمل خطوة بخطوة، وعملنا ربط لعنق الرحم في الوقت المناسب، مع المتابعة المستمرة لحد ما وصلنا للحظة اللي كنا مستنيينها. ❤️

والنهارده الحمد لله…
ليان وصلت بالسلامة 👶🏻🎀

بعد الخوف… أمان.
بعد الانتظار… فرحة.
وبعد تجربة صعبة… بداية جديدة مع ليان ❤️

ألف مبروك يا أحمد وسحر، وربنا يحفظ ليان ويبارك فيها ويجعلها أجمل عوض ليكم عن كل لحظة خوف عشتوها. ❤️
#ليان




ألف مبروك، وتتربى في عزكم يا رب 🤍




😍
🤗💪

🖋️
..........................





📲01207666675

وانا بعمل باي باي للحالة اللي عملتلها خصم جامد عشان ظروف الحالة…وتلاقي الـ G-Class مستنياها في الباركينج 😂😂حتى لو مش بتا...
22/08/2026

وانا بعمل باي باي للحالة اللي عملتلها خصم جامد عشان ظروف الحالة…
وتلاقي الـ G-Class مستنياها في الباركينج 😂😂
حتى لو مش بتاعتها ...بس اهي ركبتها 😂



Address

قشلاق السواحل بجوار سور كلية تربية نوعية/برج المهدى/الدور الاول
Madînet Port Said
42511

Opening Hours

Monday 5pm - 9pm
Tuesday 5pm - 9pm
Wednesday 5pm - 9pm
Thursday 5pm - 9pm
Saturday 5pm - 9pm
Sunday 5pm - 9pm

Telephone

+201207666675

Website

Alerts

Be the first to know and let us send you an email when RAMEZ Clinic د.رامز الجيار استشاري أمراض النساء و التوليد وتأخر الانجاب وا posts news and promotions. Your email address will not be used for any other purpose, and you can unsubscribe at any time.

Shortcuts

Share

Category