14/07/2026
هو إحنا ليه بقينا بنحب كل حاجة تبقى "زيادة"؟
ليه الضحكة العادية بقت انا "ميت من ضحك"؟ وليه الزعل العادي بقى "اكتئاب"؟
وليه النجاح بقى لازم يبقى "كسرت الدنيا"؟وليه حتى الأكل بقى لازم يبقى مليان إضافات وصوصات ومفاجآت؟
هل إحنا فعلًا بقينا بنحس أكتر؟
ولا بقينا محتاجين نرفع صوت المشاعر عشان نحس بيها؟
في علم النفس، المخ بيتأقلم بسرعة مع أي مستوى من الإثارة. الحاجة اللي كانت بتفرحنا أو تدهشنا زمان، مع التكرار بتبقى عادية. فنبدأ ندور على جرعة أكبر... وتجربة أقوى... وانفعال أعلى.
وده مش عيب فينا، لكنه نتيجة طبيعية لعالم سريع، مليان صور وأخبار ومقارنات وتريندات، وكل واحد بيحاول يلفت الانتباه.
لكن في وسط كل ده، بننسى إن المشاعر الصحية مش لازم تبقى صاخبة.
ممكن تفرح من غير ما تطير.وممكن تزعل من غير ما تنهار.وممكن تعيش يوم عادي... ويكون يوم جميل.
ونحب من غير ما نموت ونعشق من غير جنون ....
يمكن اللي محتاجينه مش مشاعر أكبر...يمكن محتاجين نحس أكتر بالمشاعر اللي عندنا، من غير ما نضطر نكبّرها.
إيه رأيك؟ إحنا فعلًا بقينا بنبالغ في التعبير عن مشاعرنا، ولا السوشيال ميديا هى السبب ؟؟؟
هو إحنا ليه بقينا بنحب كل حاجة تبقى "زيادة"؟
#كاسالعالم
