Dr.Khaled Mohi Eldin Sewilam - د.خالد محي الدين سويلم

  • Home
  • Egypt
  • Mansoura
  • Dr.Khaled Mohi Eldin Sewilam - د.خالد محي الدين سويلم

Dr.Khaled Mohi Eldin Sewilam - د.خالد محي الدين سويلم ممارس عام – أشارككم محتوى طبي موثوق، بسيط، ومن القلب.
إيماناً منا بعظيم دورنا ، وأداء لحق الله علينا في هذا. ومن الطب ما نفع❤️

21/01/2026

السخونية مش دايمًا عدو 🔥
أول ما نشوف 38 على الترمومتر بنفزع،
بس الحقيقة إن السخونية أحيانًا بتكون علامة إن جهاز المناعة شغّال وبيحارب العدوى 💪
✔️ فيه حالات نتطمن ومناخدش دوا
✔️ وفيه حالات لازم ندي دوا
❗ وفيه علامات خطر مينفعش نستنى معاها
الفيديو ده هيفرق بين التلاتة ببساطة 👇
عشان نعرف إمتى نتطمن… وإمتى نتحرك فورًا.
📌 افتكروا دايمًا:
إحنا بنعالج المريض، مش الرقم على الترمومتر
لو عندك سؤال أو تجربة مع السخونية، اكتبها في الكومنتات 💬
وشارك الفيديو مع أي حد محتاج يتطمّن 🤍
#السخونية



03/10/2025

فيديو النهاردة مش نصيحة طبية، دي نصيحة حياتية… عن إزاي كل طالب ليه مدخل ومشاعر مختلفة.
الطلاب مش نسخ متكررة… كل واحد فيهم عالَم مختلف محتاج تعامل خاص.
التعليم مش كتاب بس، ده فن في فهم العقول واحتواء القلوب.

دمتم بصحة وعافية ☺️

18/09/2025

مفيش حاجة اسمها ضغطي واطي وماشي على محاليل 😶❗
مفيش مرض اسمه الضغط الواطي، الضغط الواطي عرض لأمراض كتيرة جدا جدا.
زي اللي عنده وجع في بطنه وبياخد مسكن و مضاد للتقلصات عشان الوجع يخف ⬅️ "وهو أصلا ممكن يكون عنده زايدة وممكن تنفجر في أي لحظة ويموت فيها لا قدر الله"

امتى يا دكتور أقول على ضغطي إنه واطي أو منخفض؟
احفظ الرقم ده كويس جدا.
لو الضغط (أقل من ٩٠ على ٦٠) مع أعراض زي الصداع والدوخة ⬅️ كده الضغط منخفض ومحتاجين نعرف السبب، مش نعلق محلول بدون داعي.

☺️

17/09/2025

🧠🚨 خبطة دماغ مش دايمًا تبقى بسيطة!
فيه علامات لو ظهرت لازم تاخد الموضوع بجدية وتروح للطوارئ فورًا 👨‍⚕️⚠️

دمتم في صحة وعافية ☺️

#الصحة #معلومة ゚viralシfypシ゚viralシalシ

12/09/2025

مش كل حاجة بندخلها جسمنا بتبقى عادية.
فيه حاجات بتبان بسيطة… بس مع الوقت بتسحب من صحتك واحدة واحدة.
وخلي بالك… الصحة ملهاش بديل."

دمتم بصحة وعافية ☺️

#معلومة
#الصحة

29/07/2025

طول الوقت حاسس إن فيه حاجة بتنزل على زورك؟
🎙️ الإفرازات خلف الأنف مش بس مزعجة… ممكن تكون علامة على مشكلة محتاجة علاج!

📌 في الفيديو هنعرف:
🔸 الأسباب
🔸 الأعراض
🔸 إمتى تروح للدكتور
🔸 وأهم طرق العلاج والوقاية

لو بتعاني من الكحة وقت النوم أو بلغم مستمر… الفيديو ده ليك!
دمتم بصحة وعافية ☺️

#صحة

26/07/2025

"جهاز قياس السكر 📱🩺 مش بس رقم!
اتعلم إزاي تقيسه صح وتفهم إيه اللي ممكن يأثر على النتيجة."

"اكتبوا في التعليقات لو فيه موضوع معين حابين نتكلم عنه 👇"

"لو استفدت شارك الفيديو مع غيرك وتابعنا علي منصات التواصل الاجتماعي ☺️"
📸 إنستجرام: .khaledsewilam
🎥 تيك توك: .khaled.sewilam

ودمتم بصحة وعافية ☺️

#السكر ゚viralシ #الدكتور

🩺 هل بتحس بدوخة أو رعشة بعد الأكل؟ ممكن تكون مصاب بهبوط السكر التفاعلي!في الصورة دي هتلاقي أهم المعلومات عن الحالة دي:✅ ...
24/07/2025

🩺 هل بتحس بدوخة أو رعشة بعد الأكل؟ ممكن تكون مصاب بهبوط السكر التفاعلي!
في الصورة دي هتلاقي أهم المعلومات عن الحالة دي:
✅ تعريفها
✅ إزاي تتشخص
✅ أهم الأسباب
✅ نصائح الوقاية والعلاج

احفظها وشاركها مع اللي ممكن يستفيد 💡
دمتم بصحة وعافية ☺️

゚viralシ

لو انت مريض #سكر وبتاخد الأدوية دي ف بنسبة #90% الأدوية دي مش هتجيب نتيجة و هنضطر نزود الجرعة او نغيرها خالص وده ف خلا...
06/07/2025

لو انت مريض #سكر وبتاخد الأدوية دي ف بنسبة #90% الأدوية دي مش هتجيب نتيجة و هنضطر نزود الجرعة او نغيرها خالص وده ف خلال 6 الي 7 سنوات من بداية استخدام الأدوية دي 🙂
وده #ليه بقي..خليني افهمك

الأماريل(amaryl) و الدولسيل(dolcyl) وأخواتهم تبع عيلة من الأدوية تسمي sulfonylureas
العيلة دي بتشتغل انها تجبر البنكرياس انه يطلع انسولين عشان الأنسولين ده يقلل السكر العالي ف الدم

( الأدوية دي بتفكرني بحمادة هلال ف حلم العمر و الكابتن بيضربه وبيقوله " هتلعب 👊 هتلعب 👊😅"
طبعا حمادة هلال بقي بطل العالم ف النهاية ، للاسف البنكرياس مش هيكمل معانا للنهاية اصلا 🫠🫠'

لان ببساطة خلايا البنكرياس تعبت وارهقت ، ودي حقيقة مش تعبير مجازي ،
البنكرياس بيقول في النهاية " انا مش قادر اديك 🙃'
خلال البنكرياس فقدت القدرة علي تصنيع الأنسولين و ف بنضطر نغير الدوا لنوع تاني زي اننا ندي انسولين من بره 🙃
طب نعمل ايه ي دكتور نسيب الدوا ولا ايه ؟
حرام حرام حرام ف الطب ان مريض الضغط او السكر يوقف الدوا من دماغه . ممنوع تعمل كدة 🚫 ⛔️
" #الدكتور الي انت متابع معاه هوه المسؤول انه يوقف الدوا او يغيره او يزود جرعته او يقللها "
امال نعمل ايه ي دكتور؟
ما انا قولتلك الدكتور هوه المسؤول عن كدة مخدتش بالك ولا ايه 😄
ع العموم في بوست تاني هفهمك الدكتور ف الحالات دي بيعمل ايه 👌

دمتم في صحة وعافية ☺️

04/07/2025

معلومة ع الماشي كدة 😁
لو عمر ابنك اقل من 18 سنة واشتكي من اي شكوي يبقي يروح لدكتور الأطفال
دكتور الأطفال بيعالج كل ما هو اقل من 18 سنة
اكبر من 18 سنة يبقي تروح لدكتور الأمراض الباطنية ( الي هوه الباطنة 🙃 )
وشكراً

Address

Mansoura

Website

Alerts

Be the first to know and let us send you an email when Dr.Khaled Mohi Eldin Sewilam - د.خالد محي الدين سويلم posts news and promotions. Your email address will not be used for any other purpose, and you can unsubscribe at any time.

Shortcuts

Share

Category