06/08/2026
🗣اليومين دول العيادات والصيدليات مليانة حالات مشاكل جلدية بسبب الجو والعرق المستمر.
الرطوبة العالية بتخلي العرق يقف على الجلد وميبخرش، وده بيعمل بيئة مثالية للبكتيريا والفطريات.
⬅️عشان كده جمعتلك أهم 4 مشاكل بتواجهنا دلوقتي وحلها الطبي السريع:
1. حروق الشمس والغمقان (الكلف الصيفي):
⬅️نزولك في الشمس من الساعة 12 لـ 4 العصر من غير حماية بيعمل التهاب واحمرار بيقلب فوراً بـ غمقان وبقع صعبة تروح.
✅️الحل: الصن بلوك مش رفاهية! لازم يتحط قبل النزول بـ 20 دقيقة ويتجدد كل ساعتين.
2. حمو النيل وتسلخات الثنايا:
⬅️انسداد مسام العرق بيعمل حبوب حمراء صغيرة بتشكشك وتأكل الجسم (حمو النيل عند الأطفال)، أو التسلخات المؤلمة بين الفخذين وتحت الصدر بسبب احتكاك الجلد المبلل بالعرق.
✅️الحل: الاستحمام بمياه فاترة (مش سخنة)، وتنشيف الجلد بالطبطبة بفوطة قطن، وممنوع نهائي بودرة التلك لأنها بتقفل المسام زيادة. ونستخدم كريمات ملطفة للجلد .
3. حب الشباب الصيفي وبثور الظهر:
⬅️العرق مع دهون البشرة بيقفلوا المسام وبتظهر حبوب مفاجئة في الوش، الكتف، والظهر.
✅️الحل: غسول طبي ينظم الدهون مرتين في اليوم، والبعد عن المرطبات الثقيلة (الفازلين والزيوت ممنوعة تماماً في الحر ده!).
4. التينيا والفطريات (البقع الملونة):
⬅️بقع بيضاء أو بني بتظهر في الرقبة والظهر بسبب نشاط الفطريات مع الهدوم المبلولة عرق.
✅️الحل: شامبو طبي للجسم وكريم مضاد للفطريات، وتغيير الهدوم اول باول.
📞 كل مستحضرات العناية والترطيب والعلاج متوفرة عندنا. كلمينا في الرسائل أو شرفينا بالزيارة.
العنوان : صيدلية عمرو السعيد خلف تأمين العباسى بسوق السمك المنصورة ❤️
