DT Eman Ayman

DT Eman Ayman تغذيه علاجيه ✨❤️ Therapeutic feeding
DT Eman Ayman 🦋

12/10/2024

زي م احنا هنا بنكلمكم عن الأمراض اللي ممكن نعالجها ب التغذيه ونمط الحياة الصحي ف احنا برضو ممكن نظبط اكلنا ونلحق نفسنا قبل الأمراض دي
اي العادات اللي انتو حاسين انها مأثره ف نمط حياتكو
أو المشاكل اللي بتواجهكو بعد الاكل
وهل في أوقات بتحسو انكو عاوزين تاكلو كتير اوي واوقات تانيه مفيش شهيه للاكل ؟
مستنياكو تكتبو مشاكلكو ونحلها مع بعض ♥️
With you for a better lifestyle ♥️

09/09/2024

#الكبد الدهني
Better lifestyle ✨❤️

⭕ مقاومه الأنسولين (insulin resistance)هي من أخطر الأمراض الموجوده حالياً واللي بقت بتقابل ناس كتير اوي كبار سن أو شبابا...
02/09/2024

⭕ مقاومه الأنسولين
(insulin resistance)
هي من أخطر الأمراض الموجوده حالياً واللي بقت بتقابل ناس كتير اوي
كبار سن أو شباب
المقاومه هي حاله مرضيه خلايا الجسم مش بتستجيب للانسولين بشكل صحيح
والانسولين هوا هرمون بيفرزه البنكرياس علشان يساعد الجسم علي استخدام الجلوكوز للحصول على الطاقه...
ولما الخلايا مبتستجيبش للأنسولين بيتراكم الجلوكوز في الدم ودا بيزود السكر ف الدم وكمان بيتحول ل دهون
🚨🚨طب مين الناس المُعرضه للمرض؟
- السمنه او زياده الوزن
- الوراثه أو تاريخ لمرض السكري النوع التاني ف العيله
- المدخنين🚬
- مشاكل ف النوم وتوتر
- الناس اللي بتعاني من ضغط الدم العالي 🌡️
- العمر من بعد ال45👳🏻‍♂️

🖋️🖋️طب اعراضها ؟...
- دهون بتتراكم ف البطن والجناب
- الإرهاق والنوم بعد الاكل🦥
يعني يعزيزي تلاقي الناس بتطلب شاي بعد الاكل وانت 💤💤💤
- شراهه للسكريات 🥯🍭
- وكلها ساعتين يعزيزي وتلاقي نفسك جُعت تاني🤷🏻
- اسمرار حوالين الرقبه وزوائد جلديه منتشره ف باقي الجسم
⁉️طب تعمل اي يعزيزي لو حسيت ب الأعراض دي؟؟
- غير انك هتعمل تحاليل معمليه زي HOMA IR وصوره دم كامله ممكن نعرف من البيت
- هنقيس محيط الخصر ب الCm ونقسمه علي الطول ب ال Cm لو طلع الناتج اكتر من 0.5 يبقي انت حاله مقاومه يباشا وكدا تروح ل طبيب باطنه وتتأكد
💡❓طب لي قلنا إن المقاومه مرض خطير
لانه ببساطه ي عزيزي ممكن يعمل سكر نوع تاني
وعند السيدات يعمل تكيسات مبايض

📎طب المقاومه بتتعالج ولا هنعيش بيها ويجيلنا سكر نوع تاني ؟
🫳🏻تعالي الاول ي عزيزي افرقلك بين مقاومه الأنسولين وبين مرض السكري
المقاومه زي م قلنا هي عدم استجابه الخلايا للانسولين ...
طب مرض السكري النوع التاني ؟؟؟
- دا حاله مرضيه مزمنه بتتميز ب ارتفاع مستويات السكر في الدم وبتحصل لما البنكرياس مش بينتج كميات كافيه من الأنسولين وفي الحاله بنحتاج ل ادويه أو انسولين خارجي علشان نظبط مستويات السكر في الدم
طب ب النسبه للمقاومه بقي؟؟....🙈
- هنقطع السكريات🍡
- ممارسه رياضه زي المشي أو الجري وياريت لو رفع حديد🏋️ *لأنها بتساعد على نقل السكر للعضلات*
- الاقلاع عن التدخين 🪄
- تعديل نظام النوم وتقليل التوتر
- اتباع نظام غذائي ودا اهم حاجه ....🎬
- أولاً هننقص الوزن الزائد
و هنمشي ف النظام الغذائي علي كام حاجه ثابته
🎙️هنبعد عن الكربوهيدرات البسيطه وهنستبدلها ب كربوهيدرات معقده طب زي اي ؟....
- الشوفان والشعير والبقوليات زي الفول والبسله والفاصوليا
- الخضروات والفواكه زي
التفاح والجزر والحمضيات بس هنكتفي ب حصه واحده ف اليوم
- المكسرات والقرنبيط والبطاطا
-الذره والرز والعيش الاسود
دي كلها كربوهيدرات معقده مفيده للجسم ♥️
- التوم مفيد جداً ك مضادات اكسده وكمان خل التفاح دا بيقلل نسب السكر ف الدم وبيبطئ عمليه الهضم ف دا هيعطي فرصه للانسولين أنه يشتغل .....🍷
وبس كدا الفكره كلها نمط حياه
معاكم ل اي استفسار ♥️✨

القهوه..☕شرب القهوه علي الريق هي زي م بنقول ب العامي كدا سلاح ذو حدين 1️⃣ شرب القهوه علي الريق ممكن يؤدي ل زياده إطلاق ح...
15/08/2024

القهوه..☕
شرب القهوه علي الريق هي زي م بنقول ب العامي كدا
سلاح ذو حدين

1️⃣ شرب القهوه علي الريق ممكن يؤدي ل زياده إطلاق حمض الهيدروكلوريك ودا الحمض الموجود في المعده
ممكن الحمض دا يتفاعل مع عمليه الهضم ب الخصوص لو كنت بتاكل اطعمه دسمه أو غنيه ب البروتين
ودا كمان ممكن يعمل تأكل ف جدار المعده ودا هيسبب الم شديد ف المعده
القهوه علي الريق بتزود مستويات الكورتيزول اللي هوا ف اعلي نسبه ليه الصبح
ودا بيعطل الساعه البيولوجيه لجسم الانسان وممكن يوصلنا
لغثيان أو نفخ
- بيأثر علي عمليه الهضم ودا بيسبب الالتهاب وعدم الراحه

🚨طب فوائد شرب القهوة علي الريق..؟
- تركيز الكافيين بيساعد في إدارة الوزن عن طريق زيادة التمثيل الغذائي وحرق الدهون🔥
- من خلال تحفيز الجهاز العصبي المركزي ف هو بيحسن اليقظة العقلية والأداء المعرفي
- القهوة بتحتوي على مضادات الأكسدة اللي بتساعد على تقليل الالتهابات
⛔ بس علشان نستفيد من الفوائد دي لازم نشربها ب اعتدال لأن شربها كتير علي معده فاضيه بيزود فرص حدوث القرحه
🖋️طب أمتي واي الجرعه الطبيعه لشرب القهوه ف اليوم؟…
افضل وقت لشرب القهوه منتصف اليوم بمعني اصح لما مستوي الكورتيزول يبتدي يقل ف الجسم
مثال
لو انت شخص بيصحي الساعه 7 ف قهوتك الأولي الساعه من 10:12 صباحاً ودا ينطبق علي القهوه والمشروبات الغازية ومشروبات الطاقة
والفنجان التاني قبل النوم ب 6 ساعات علي الاقل
↩️معني كدا أن الكميه الطبيعيه ف اليوم هي فنجانين
ايوا يعزيزي هما فنجانين بس
وبس كدا
معكم ل Better lifestyle ✨♥️

15/08/2024

ــ تفتكرو شرب القهوه ع الريق مُضر ولا مفيد؟👀🫥

ارتجاع المرئ 🔥وهي كمان حاله مرضيه شائعه في مشاكل الهضم والجهاز الهضمي......وهو ب اختصار - صعود العصاره الحمضيه من المعده...
11/08/2024

ارتجاع المرئ 🔥
وهي كمان حاله مرضيه شائعه في مشاكل الهضم والجهاز الهضمي......
وهو ب اختصار
- صعود العصاره الحمضيه من المعده الي المرئ وبالتالي بتعطي احساس ب الحرقان والألم 😣
-طب سببها ؟
تعالي اقولك تعالي🏃🏻‍♀️🏃🏻‍♀️
في عمليه الهضم الصمام العضلي اللي بيفصل المرئ عن المعده بيتفتح علشان يسمح للطعام أنه يدخل المعده وبيتقفل تاني علشان يمنع رجوع الطعام واحماض المعده للمرئ
ايه اللي بيحصل بقي وبيعمل الارتجاع؟
اللي بيحصل ي عزيزي أن الطعام بيرجع بسبب ضعف الصمام *العضله العاصره* ودا بيسمح ل رجوع الاكل واحماض المعده للمرئ ودا اللي بيسبب الحرقه والألم
طب اي السبب اللي يخلي الصمام دا ضعيف؟
ف الحقيقه في أسباب كتير منها:
- السِمنه🐘
- التدخين🚬
- الحمل 🤰🏼
- ارتخاء عضله الحجاب الحاجز ❗
- المهدئات واللي بدورها بتضعف القدره الوظيفيه للعضله العاصره💊💊

طب واعراضه؟؟
أعراضه يعزيزي بتكون:
- الشعور بألم وحرقة في الصدر
وممكن توصل الي الحلق ودا بيسبب احتقانه والتهاب الحنجرة🧫🌡️
- ألم أو صعوبة في البلع
- الشعور بطعم حامض في الفم😖
- التهاب اللثة والأسنان وسوء رائحة الفم
- سعال جاف مزمن وبحة في الصوت😷
- التجشؤ
- زيادة إفراز اللعاب

وخد كمان مهيجات الارتجاع…
- القلق والتوتر
- تناول وجبات كبيرة🥩
- تناول الأطعمة الحارة🌶️🌶️
- تناول المنتجات الحمضيه🍊
- تناول منتجات الطماطم كالصلصة والكاتشب.🍅
- تناول الأطعمة الدسمة والمقلية🍟🧆
- تناول الشوكولاتة🍫
- المشروبات التي تحتوي على الكافيين زي المشروبات الغازية والقهوة وغيرها
- النعناع🍃
وكمان ممكن يحصل مضاعفات زي التهاب المرئ الحاد أو القرحه الهضميه أو ضيق المرئ وممكن توصل ل متلازمه اسمها
متلازمه باريت (Barrett Metaplasia)

ـــ طب والحل⁉️.....
الحل ي عزيزي انك هتتجنب اي حاجه بتسبب تهيج للإرتجاع
- هنقلل حجم الوجبات ونقسمها علي 4 مرات ف اليوم
- هنتجنب التدخين والكحوليات🍻
- هنتجنب الشوكلاته والقهوه والشاي لوجود ماده ال Methylxanthin وهي ماده تساعد علي ارتخاء عضله الحجاب الحاجز 🍫☕ (خد بالك شوفتك ي اللي عديت الكلمه الانجليزي👀)
- الطماطم والشطه🌶️
- الدهون والأكل المقلي والزبده والسمنه
- النعناع ودا بيتضمن حتي الاطعمه الي فيها نكهه النعناع
- المشروبات الغازية والاغذيه الحمضيه 🥭
- تجنب النوم أو الانحناء لمده 30 دقيقه بعد الاكل 🤸
- وقبل النوم لازم تكون اخر حاجه اكلتها قبل 3 ساعات
- النوم والكتفين اعلي من الجسم بمعدل 15:20سم
وطبعاً محتاجين نظام غذائي ونظام تمارين علشان نظبط الوزن ونتخلص من السمنه ونفضل ب وزن صحي يعني مش شرط يكون عندك سمنه🙈
وصحيح الزنجبيل أو الجنزبيل ايهما اقرب مفيد في حاله ارتجاع المرئ
وكمان شرب المياه قبل الفطار دا مفيد جدا 🫧
وبس كدا
معكم ل Better lifestyle ✨♥️

اي هي جرثومة المعده ؟☠️- جرثومه المعده او اللي معروفه ب الجرثومه البوابيه أو الجرثومه الحلزونيه- دي جرثومه بتتسلل داخل ا...
10/08/2024

اي هي جرثومة المعده ؟☠️
- جرثومه المعده او اللي معروفه ب الجرثومه البوابيه أو الجرثومه الحلزونيه
- دي جرثومه بتتسلل داخل المعده علشان تستقر في خلايا غشاء المعده المخاطي🪱
- ودا بيسبب التهاب في الغشاء وتدمير الخلايا الموجوده فيه 🦠
جرثومه المعده مرض شائع ومنتشر بنسبه 50%
الجرثومه ي عزيزي بتساعد في تكوين بيئه خصبه لظهور قرحه المعده
وكمان بتعمل اعاقه ل امتصاص الحديد والزنك وفيتامين ب12 في الجسم
ـ طب اعرااضها؟
تعالي اقولك ....
- كثرة التجشؤ في فترة الصباح
- الشعور بآلام و انزعاج في المنطقة العليا من المعدة خصوصاً عندما تكون فارغة
- انتفاخ البطن بشكل مزعج
- الشعور بالرغبة في التقيؤ
في العادي الأعراض دي بتختفي من نفسها بس بعض المرضي ممكن يعانو من التهاب اقوي
- شعور شديد بحموضة المعدة
- الغثيان و التقيؤ
- حرقة في الحنجرة او المريء
- براز غامق يشبه مادة القطران
- ارهاق شديد و فقر الدم
- الشعور بالتخمة بعد تناول كمية قليلة من الطعام
- فقدان الشهية و الاسهال
- رائحة الفم الكريهة و تشقق و تكسر الاظافر نتيجة نقص المواد الغذائية الصغيرة
- تساقط الشعر.
-طب بتعمل امراض ؟
اه يعزيزي بتعمل امراض 🙆
- مرض تصلب الشرايين و انسدادها
- انسداد الصمامات المغذية للقلب و ضعف عضلة القلب
- آلام شديدة في الرأس
- قرحة المعدة
- سرطان المعدة و سرطان المريء
عافانا الله وإياكم ♥️
طب نقي نفسنا ازاي ؟؟
سؤال حلو تعالي اقولك
- الحفاظ على النظافة الشخصية و عدم استخدام ادوات حد تاني 👀👀
- غسل اليدين جيداً بعد استخدام الحمام
- وطبعاً العلاج الثلاثي اللي الدكتور هيوصفه اللي بيكون عباره عن مثبطات ل تقليل الحموضه وكمان نوعين مضاد حيوي
طب فين دور التغذيه في الجرثومه
تعالي بقي اكلمك عن التغذيه ودورها 🏃🏻‍♀️🏃🏻‍♀️🏃🏻‍♀️
- تجنب الاطعمة الحامضيه زي الليمون والبرتقال والمانجاا ي عزيزي وغيرهم 🍋
- تجنب القهوه والمشروبات الغازية والدقيق الأبيض ☕🥂
- تجنب كمان يعزيزي الاطعمه المصنعه والاطعهمه الغنيه ب السكر 🍬🧁
- تناول الألياف زي الخيار والفاصوليا والتفاح🥒🍏
- تناول الاطعمه الغنيه ب اوميجا 3 زي السمك وبذور الكتان والخضار والفواكه والثوم🦞🧄
- كمان ي عزيزي ممكن نعالجها ب شويه اعشاب 🌿🥦

- الزنجبيل🫚
يعتبر الزنجبيل من أهم المواد الغذائية الصحية و خصوصاً في تأثيره على الجهاز الهضمي في عملية الهضم
الزنجبيل بيعالج الحرقة و الدوخة و الغثيان و الآلام الحادة في المعدة🫚🧖🏼
ووفقاً لأطباء الطب البديل فإن هذا الزنجبيل أو المبيد الطبيعي ممكن يعطي مفعوله ف القضاء علي الجرثومه

- الملفوف *الكرنب*🥬
يساعد الملفوف على محاربة بكتيريا جرثومة المعدة🥷
و ممكن يؤدي إلى انتفاخ البطن لذلك يُنصح باستهلاك كميات قليلة منه في البداية
و ممكن نحضره كسلطة على شكل قطع صغيرة 🥗

- البروكلي 🥦
يحتوي البروكلي على كمية كبيرة من الفيتامينات و المعادن
زي الكالسيوم والبوتاسيوم وفيتامين ج وكمان مليان مضادات اكسده
بالإضافة إلى أنه مليان الياف و مواد إضافية بنعرفها بالفايتوكاميكال واللي بتساعد على محاربة كتير من الأمراض
زي امراض القلب والسكر وكمان الدراسات الطبيه أشارت إلى أن استهلاك البروكلي يقاوم بكتيريا جرثومة المعدة🦠☠️
كمان
الشاي الاخضر
من 3 ل4 كوبايات ف اليوم 🍵
و ك وصفه لمده شهرين دا أن مظهرش مفعولها بعد اسبوعين ..
~ معلقيتن قشر رمان مطحون
+معلقتين زنجبيل+معلقتين كركم وهنضيف عليهم عسل
بناخد من الخليط دا معلقه واحده علي الريق وبعدها ب ساعه تبدأ فطارك العادي
وبس كدا ناقشنا معاكم النهارده مرض شائع ومنتشر
معكم ل Better lifestyle ✨♥️

قلل ناس وزود شاي بالنعناع 🍃م تيجو نتكلم عن النعناعالنعناع واللي مرتبط عند أغلبنا ب مشاكل الجهاز الهضمي اي وجع بطن اشرب ن...
19/07/2024

قلل ناس وزود شاي بالنعناع 🍃

م تيجو نتكلم عن النعناع
النعناع واللي مرتبط عند أغلبنا ب مشاكل الجهاز الهضمي
اي وجع بطن اشرب نعناع 🧉
بس لا ي عزيزي بجانب أن النعناع هوا الاول في علاج مشاكل الجهاز الهضمي لأنه
- بيزود افراز ونشاط الغدد اللعابيه والانزيمات الهاضمه
ف بيساعد في عمليه الهضم وكمان بيساعد في حالات عسر الهضم
- فاتح للشهية 🍽️
علشان كدا بيدخل في المقبلات وبيدخل في أغلب الوجبات
- يقضي على حموضه المعده
- مكافحه ميكروبات المعده
- يخفف من الشعور ب المغص
- بيطرد الديدان من. الأمعاء
- بيعالج الانتفاخ
كوبايه مايه مغليه علي شويه ورق نعناع علي شويه عسل واشربه مرتين أو تلاته ف اليوم🧑‍⚕️
إلا أنه ليه اهميات تانيه كتير
2_
- مطهر ومضاد للالتهابات
بيعمل علي تعزيز صحه الفم ومحاربه الروائح الكريهة ومنعش كمان للنَفس😶‍🌫️
بيحارب البكتيريا المسؤوله عن تسوس الاسنان علشان كدا بنلاقي معظم معاجين الاسنان وغسول الفم ومستحضرات علاج التهاب اللثه والتهاب الفم ب النعناع 🍃😁
وبيساعد كمان علي محاربه العدوي اللي بتكون عن طريق الفم🥷
3_
• يؤثر إيجابياً علي القلب والأوعية الدموية🫀
بينشط القلب والدوره الدمويه :
فيتامين P الموجود في النعناع بيقوي جدران الاوعيه الدمويه وبيساعد علي توسيع الاوعيه والشعيرات الدمويه
كمان اوراق النعناع بتحتوي علي معدن البوتاسيوم واللي بيساعد علي استرخاء الاوعيه وبيحافظ علي توازن السوائل في الجسم وب التالي خفض ضغط الدم وتنظيم معدل النبض🧑‍💻
علشان كدا في الغالب بنستخدمه ك وسيله لخفض الضغط
كمان ليه تأثير مفرز للصفراء
4_
- مكافحه السرطان
بعض الانزيمات المتواجده ب النعناع تساعد علي الوقايه من السرطان وعلاجه ب الأخص سرطان البروستاتا والجلد والرئه
*الحمد لله اللذي عافانا من هذا وما كُنا له شاكرين
ربنا يشفي كل مرضى المسلمين يارب ♥️
5_
- محاربه الاكتئاب 🙇
عن نفسي لو شميت بس ريحه النعناع اي اللي هيخلي عندي اكتئاب اصلاً 😂♥️
اسمع بقي بيقولك اي
من فوائد رائحه النعناع التي تساعد علي استرخاء الجسم وتهدئه العقل وتخليصه من الإجهاد وتشجيع إفرازه لهرمون السعاده * السيروتونين *
وبهذا يمكنه مكافحه الاكتئاب والتعب وإبعاد القلق والتوتر.
والله النعناع دا بيصلح حاجات هوا مبوظهاش 😂🫱🏻‍🫲🏻
6_
- علاج الغثيان 🤸
في ناس كتير في السفر بتدوخ
السفر ،الاماكن العاليه أو الضيقه أو انها تشوف أو تشم حاجه مش لطيفه
بمجرد م تشم ورق النعناع اعتبر أن مفيش دوخه تاني 😂♥️
وكمان هوا مهم للحوامل ف حاله غثيان الصباح عن طريق أنه بيفعل انزيمات للهضم ف بيتغلب علي حاله الغثيان دي
7_
- تعزيز المناعه وتقويتها🦠
اوراق النعناع ي عزيزي بتحتوي علي مواد غذائيه زي
الكالسيوم والفسفور وفيتامين ه‍ وفيتامين د وفيتامين ج وكميه صغيره من فيتامين ب
وكل دول بيساعدو علب تقويه وتحسين جهاز المناعه والوقايه من العديد من الالتهابات والأمراض
8_
ودي مفاجأه 🙈😂
- فقدان الوزن ⏳
ايوا زي م سمعت كدا ب الظبط
قلنا فوق أنه بيحفز إفراز الانزيمات الهاضمه واللي بدورها بتساعد علي امتصاص المواد الغذائية
- بتساعد علي امتصاص الأملاح والمعادن
- بتحفز حرق الدهون وتحويلها إلي طاقه قابله للاستخدام بشكل أسرع وأفضل وبالتالي بتساعد علي فقدان الوزن
ودي حقيقه كتير مننا مكانش يعرفها
9_
- معالجه اضطرابات الجهاز التنفسي😮‍💨
اوراق النعناع بتساعد علي تخفيف الاحتقان في الأنف والحنجرة والقصبات الهوائيه والرئتين
بتسرع عمليه الشفاء في حالات البرد والانفلونزا
في حالات البرد بيعمل علي توسيع الشعب الهوائية بس اشربه من غير سكر ي عزيزي 🫱🏻‍🫲🏻
في حالات الكحه عند الاطفال
شويه نعناع مغلي ونسيبه 10 دقايق ونضيف شويه عسل ونحطه في التلاجه ونعطي للطفل منه 1/2 معلقه صغيره 4 مرات علي الاقل ف اليوم
كمان النعناع ليه خصائص علاجيه بتخفف أعراض الربو
لان ريحته القويه بتساعد علي فتح الممرات الهوائية واراحه النفس وعلشان كدا النعناع بيدخل ضمن صناعه اجهزه الاستنشاق
كمان بيساعد علي تخفيف السعال وطرد البلغم وبما أنه مضاد للالتهابات وبيحارب البكتيريا ف هوا بيخفف كل التهابات الجهاز التنفسي 🫡
10_
- مسكن للآلام
بيساعد علي تسكين وتخفيف الاوجاع والآلام وخاصه آلام المعدة والعضلات وآلام القولون والصداع وبيساعد علي تخفيف آلام تشنجات الحيض وتحسين المزاج خلال الدوره الشهريه
11_
- تعزيز صحه البشره 🥰
يساعد زيت النعناع وعصيره في تنظيف البشره وتهدئه الجلد وتقليل الالتهابات والحكه والبثور وتخفيف حب الشباب عن طريق احتوائه علي مضادات اكسده قويه
بجانب دا كله ف هوا كمان بيساعد علي تحسين الذاكره 😎
بس زي م كل حاجه فيها الحلو والوحش النعناع كمان مش صح لبعض الناس
اللي عندهم ارتجاع مرئ النعناع بيزود الأعراض
- الأشخاص اللي بيعانو من انخفاض مستوي ضغط الدم
النعناع بيوسع الاوعيه الدمويه ف كدا هيعمل علي انخفاض الضغط بشكل أكبر
- ممكن يسبب حساسيه عند الرضاعة الطبيعية
- الرجال اللي عندهم انخفاض مستوي التستوستيرون
النعناع بتحتوي علي نسبه عاليه من الاستروجين النباتي
ف بينصح بتناول مهدئات اخري أو بديله للنعناع
هسيبلكم سؤال النهارده ....

- شرب الشاي ب النعناع أو النعناع قبل النوم اي تأثيره علي النوم ؟
مينفعش نحول البشر لنعناع ؟😂♥️
كُنا معكم ل Better lifestyle ✨🫡

زهقت من قطع الكهرباء❗طب تعالي اقولك لما الكهرباء تقطع تعمل ايه 😂♥️ب أخذ درجات الحرارة في اعتبارنا ف احنا لما الكهربا بتق...
15/07/2024

زهقت من قطع الكهرباء❗

طب تعالي اقولك لما الكهرباء تقطع تعمل ايه 😂♥️
ب أخذ درجات الحرارة في اعتبارنا ف احنا لما الكهربا بتقطع بنكون في حاله يرثي لها
• طب اي علاقه الحراره ب التغذيه ؟
تعالي اقولك
- في الحقيقه الحر اللي بنحس بيه مش مجرد مسأله بيئيه لاء النشاط البدني نفسه هوا توليد حراره
- الاكل كمان ليه تأثير حراري
لذالك *لا تؤثر الحراره علي الشهيه فقط بل يمكن للشهيه أن تؤثر على الحراره*
العلماء لقو أن زياده استهلاك السعرات الحراريه بنسبه 50% بينتج عنها زياده بنسبه 47% في التأثيرات الحراريه للأكل
مثلاً لو اكلت لحمه مفرومه مع شويه مكرونه دا يؤدي لإرتفاع درجه حراره الجلد بمتوسط درجتين بعد حوالي ساعه من الوجبه
طب تعالي اوضحلك اكتر 🏃🏻‍♀️
مع ارتفاع درجه الحراره والجو اللطيف اللي احنا فيه
الاوعيه الدمويه بتتفتح ودا بيقلل ضغط الدم وبيخلي القلب يشتغل بِجُهد اكبر علشان يضخ الدم في الجسم
ودا ممكن يسبب طفح جلدي ناتج عن الحراره
أو تورم القدمين نتيجه تسرب في الأوعية الدموية
وفي الوقت نفسه العرق بيسبب فقدان السوائل والاملاح
والأهم من دا بيضيع وبيغير توازن السوائل والاملاح في الجسم
وجنب دا كله ممكن يحصلك إنهاك حراري واللي أعراضه
- دوخه وغثيان و اغماء وارتباك وتشنجات عضليه و صداع و تعرق شديد وإرهاق وترابيزات بلياردو وبينج😂🙍

- طب مين اكثر عرضه للحظر ؟
- الكبار في السن أو اللي عندهم امراض مزمنه زي امراض القلب لانهم مع اقل مجهود درجه حراره الجسم هتعلي
- مرضي السكري *السكر*
بيخلي الجسم يفقد المياه بشكل أسرع ومع مضاعفات المرض هتأثر علي الاوعيه الدمويه والعرق كمان
- الاطفال والأشخاص اللي حركتهم قليله
- امراض الدماغ زي الخرف ممكن تخلي الناس غير مدركين للحرارة أو مش عارفين يعملو حاجه معاها
- الناس اللي بتتعرض للشمس من الساعه 11 صباحاً ل 3 مساءاً 🔥
- الناس اللي عايشين في شقق عاليه في مواجهه الشمس علطول🌡️

_ وقبل م اقولك الاكل اللي تاكله تعالي افاجئك ب الاكل اللي تقلل منه ف الفتره دي او متاكلوش
• الاطعمه البارده❄️🍧
ايه؟
اه 😂
ممكن تبان غريبه بس الاطعمه البارده أو السوائل البارده بتعطي شعور ب الانتعاش في البدايه لكنها اسرع حاجه بتزود درجه حراره الجسم علشان يواجه تأثيرها البارد
• المعجنات المالحه 🥐
المعجنات و الكيكه والفطائر والحلويات بشكل عام علشان بتحتوي علي دهون وسكريات وسعرات حراريه عاليه
• البروتين الحيواني🥩
لحوم البقر والعجول والضاني لأنها بتحتوي علي نسبه عاليه من الدهون
تاكل اي او تشرب اي بقي ؟
•اولاً كدا المياه المياه هي 60% من وزن الجسم ف من المهم نشرب من لترين ل لترين ونص علي حسب حاجة الجسم
• النعناع 🍃
ليه خصائص بتعمل علي تهدئه درجه حراره الجسم أثناء الحراره الشديده
- البطيخ 🍉
يحتوي علي 92% من المياه وغني بمضادات الاكسده اللي بتساعد علي ترطيب الجسم
- الموز 🍌
- بجانب أنه من الفواكه اللي بتعمل علي تبريد الجسم إلا أنه تناول الموز يؤدي اللي انكماش الانسجه وبيساعد علي امتصاص الماء
- الافوكادو 🥑
ازاله السموم والحراره الزائده من الدم وتجعل الشخص يشعر بالبرودة من الداخل للخارج
- الحمضيات 🍋🥭
- اللبن🥛
- العنب والتين والموز دول كمان بيعدلو ضغط الدم
والجو دا مش عاوز تطلع من البيت أصلاً 😂♥️
كُنا معكم ل Better lifestyle ✨

Address

الدقهليه/المنصوره
Mansoura

Website

Alerts

Be the first to know and let us send you an email when DT Eman Ayman posts news and promotions. Your email address will not be used for any other purpose, and you can unsubscribe at any time.

Shortcuts

Share

Category