د/ سارة الزيات - Hope Cure Center

د/ سارة الزيات - Hope Cure Center Contact information, map and directions, contact form, opening hours, services, ratings, photos, videos and announcements from د/ سارة الزيات - Hope Cure Center, Medical and health, ميدان المحطة, Mansoura.

- دكتوراة علاج الأورام والطب النووى - كلية الطب جامعة المنصورة
- زميل الكلية الملكيه البريطانيه للأورام RCR-Fellowship
- حاصلة على شهادة معتمدة من الجمعيه الأوروبيه لطب الأورام ESMO certified
- عضو الجمعية الامريكيه لطب الأورام ASCO

نقص بعض أدوية الأورام – رسالة لمرضانا 🤍 في الفترة الحالية في نقص عالمي في بعض أدوية علاج الأورام، وده خارج عن سيطرة المس...
20/01/2026

نقص بعض أدوية الأورام – رسالة لمرضانا 🤍
في الفترة الحالية في نقص عالمي في بعض أدوية علاج الأورام، وده خارج عن سيطرة المستشفيات أو الأطباء، وحاصل في دول كتير

💊 النقص ده لا يعني توقف العلاج
ولا معناه إن المريض هيُترك بدون رعاية.

👩‍⚕️ فريق الأورام بيشتغل دايمًا على:

توفير البدائل المعتمدة علميًا
اختيار أفضل خطة علاج مناسبة لكل حالة
متابعة المريض بدقة علشان نضمن نفس الكفاءة العلاجية
لو في أي تغيير في الدواء: ✔️ بيكون مدروس
✔️ وبيتم شرحه للمريض
✔️ ومصلحة المريض بتكون دايمًا هي الأساس

لو عندك أي قلق أو استفسار، ما تتردديش تسألي طبيبك

إحنا معاكم خطوة بخطوة 🤍

"عيش كل يوم وكأنه هدية... لأنه فعلًا كده." 💝💝مش لازم تشغل بالك هتعيش قد إيه... ركّز تعيش إزاي. 👌 كل يوم بتصحى فيه هو هد...
21/05/2025

"عيش كل يوم وكأنه هدية... لأنه فعلًا كده." 💝💝

مش لازم تشغل بالك هتعيش قد إيه... ركّز تعيش إزاي. 👌

كل يوم بتصحى فيه هو هدية، فرصة تضحك، تحب، وتلاقي معنى حتى في التفاصيل البسيطة. 🙏

محدش فينا ضامن بكرة، لكن نقدر نختار نعيش النهارده بقلب راضي وروح قوية. 🩵🩵

إوعى تخلي الخوف يسرق منك لحظاتك الحلوة...

إنت تستاهل تعيشها بكل حب وأمل 👨‍👩‍👦‍👦❤️

"الألم" و"الأمل"... نفس الحروف، لكن الفرق في الترتيب.وزيهم تمامًا، الحياة مليانة لحظات صعبة، بس فيها كمان لحظات نور، بتب...
19/05/2025

"الألم" و"الأمل"... نفس الحروف، لكن الفرق في الترتيب.

وزيهم تمامًا، الحياة مليانة لحظات صعبة، بس فيها كمان لحظات نور، بتبدأ لما نختار نحط "الأمل" قبل "الألم".

في رحلة علاجك، مفيش مهرب من الألم...

لكن الطريقة الوحيدة للتغلب عليه هي إنك تتعلم تتحمله، وتصدق إن كل وجع له نهاية، وكل تعب بيقربك خطوة من الشفاء.

كل لحظة ضعف هي في الحقيقة لحظة قوة مستنيّة تطلع.

وكل يوم بتقوم فيه رغم الألم، هو انتصار صغير بيقود لانتصار أكبر.

خلي أملك دايمًا سابق ألمك... لأنك أقوى مما تتخيل.

فجأة الدنيا بتتقلب.ناس حواليك بتخاف أكتر منك، وكل واحد عنده رأي:"جرب العشبة الفلانية""أنت شكلك تعبان قوي!""ليه شعرك وقع؟...
17/05/2025

فجأة الدنيا بتتقلب.
ناس حواليك بتخاف أكتر منك،
وكل واحد عنده رأي:

"جرب العشبة الفلانية"

"أنت شكلك تعبان قوي!"

"ليه شعرك وقع؟"

"ما تاخدش الكيماوي... هيموّتك!"

مش بقول إنك تبقى بارد أو مش فارق معاك،

لكن لازم تتعلم تحمي طاقتك.

يعني لما واحدة من قرايبك تقولك "أنا مش كنت قايلة لك العلاج ده وحش؟"،
بدل ما تتعب نفسك وتشرح، تقول جواك:
"أنا عارف طريقي، ومكمّل، ومش كل رأي لازم أرد عليه."

أو لما تمشي في الشارع وحد يبص لشعرك بعد الجرعة،
تقول لنفسك:
"أنا مش شعري... أنا روحي، ودي لسه منوّرة."

اللامبالاة هنا مش قسوة... دي رحمة بنفسك.

لما تختار إيه اللي يستحق يوترك، وإيه اللي يمر من جنبك كأنه هوا.

الكيماوي صعب؟ آه.
الخوف طبيعي؟ أكيد.
بس كل مرة بتعدّي فيها، أنت بتقوى.

عيش كل لحظة تستحق تعيشها... وسيب الباقي يعدي.

ده هو فن اللامبالاة.

"في حاجات مش بإيدينا... لكن في حاجات نقدر نتحكم فيها."مش دايمًا نقدر نمنع المرض، ولا نتحكم في استجابة الجسم للعلاج،لكن ن...
10/05/2025

"في حاجات مش بإيدينا... لكن في حاجات نقدر نتحكم فيها."

مش دايمًا نقدر نمنع المرض، ولا نتحكم في استجابة الجسم للعلاج،
لكن نقدر نختار نكمل... نختار نلتزم... نختار نؤمن بالشفا.

نقدر ناكل كويس، نرتاح كويس، نحاول نضحك، حتى لو يومنا تقيل.
نقدر نطلب المساعدة، ونسمح لنفسنا نحس ونتكلم.

رحلة العلاج مش سهلة، بس مش لوحدكم فيها.
وكل خطوة صغيرة لقدّام، هي نصر كبير.

#أمل #قوة

العلاج مش بس تقرير وأشعة!🩻📃كتير من الناس بيعتقدوا إن خطة علاج السرطان بتتحدد بس من نتيجة الأشعة أو التقرير الباثولوجي......
08/05/2025

العلاج مش بس تقرير وأشعة!🩻📃

كتير من الناس بيعتقدوا إن خطة علاج السرطان بتتحدد بس من نتيجة الأشعة أو التقرير الباثولوجي...

لكن الحقيقة إن الدور الإكلينيكي للطبيب هو الأساس!🩺

الطبيب بيشوف الصورة الكاملة:
التاريخ المرضي بالتفصيل
الفحص الإكلينيكي

الأعراض اللي ممكن ما تظهرش في الأشعة🤧

استجابة الجسم للعلاج

وظروف المريض الصحية والاجتماعية

كل دي عوامل بيقيمها الطبيب علشان يختار أنسب خطة علاج، مش مجرد أرقام أو صور.👌

في مركز أمل لعلاج الأورام، بنؤمن إن كل مريض حالة خاصة، ومش بنعتمد على تقرير بس…
بنعتمد على فهم شامل ومتكامل لكل حالة.

ثِق بطبيبك… لأنه شايف أكتر من مجرد صورة.

"تعبان ولكن بضحك... مخبّي الألمبضحك علشان اللي بيجرح مايتهمّ" – صلاح جاهينالابتلاء مش دايم، والوجع مش نهاية.المرض محطة ...
06/05/2025

"تعبان ولكن بضحك... مخبّي الألم
بضحك علشان اللي بيجرح مايتهمّ" – صلاح جاهين

الابتلاء مش دايم، والوجع مش نهاية.
المرض محطة مش آخر السكة...
وفي كل وجع، في حكاية صبر، وفي كل دمعة... بذرة أمل.

في مركز أمل لعلاج الأورام،
إحنا بنفهم وجعك، وبنحس بيه، وبنمشي معاك الطريق كله.

ما تيأسش... إنت مش لوحدك.

#عجبي


🤔 مش سحر ولا ليزر!العلاج الإشعاعي هو ببساطة علاج بيستخدم أشعة قوية، تروح مباشرة على الخلايا السرطانية وبتقدر تقوم بعمليه...
04/05/2025

🤔 مش سحر ولا ليزر!

العلاج الإشعاعي هو ببساطة علاج بيستخدم أشعة قوية، تروح مباشرة على الخلايا السرطانية وبتقدر تقوم بعمليه قتل للخلايا من غير ما نحتاج جراحة!

هل هيبقى في حرق أو ألم🔥

مفيش نار ولا حاجة! لكن ممكن يحصل تهيج بسيط في الجلد زي "حروق الشمس". وده مش مؤلم لو فى مراحل بسيطه واتعالج صح .

هل هتصبح مشعّ؟ 🤩🤩

مفيش قلق، مش هتتحول لبطل خارق! العلاج الإشعاعي مش هيخليك مشعّ بعد الجلسات، تقدر ترجع لحياتك العادية فورًا.👨‍👩‍👧‍👧

هل ممكن تلاقي شعرك راح؟💆
مش لازم! بس لو العلاج في الرأس، ممكن يحصل تساقط للشعر، بس بيرجع بعد فترة.

☢️ في النهاية ☢️
العلاج الإشعاعي مش حاجة تخوفك! هو أداة قوية في رحلة العلاج، وساعد في شفاء آلاف الناس. اسأل فريقك الطبي دايمًا، وهم هنا عشان يساعدوك. 💪

تحويل المسار (Stoma) مش نهاية العالم... أحيانًا بداية جديدة للحياة!بعض أمراض القولون زي الأورام بتحتاج عملية استئصال جزء...
29/04/2025

تحويل المسار (Stoma) مش نهاية العالم... أحيانًا بداية جديدة للحياة!

بعض أمراض القولون زي الأورام بتحتاج عملية استئصال جزء من الأمعاء. وأحيانًا الطبيب بيضطر يعمل تحويل مسار البراز مؤقت أو دائم، عن طريق فتحة صغيرة على جدار البطن بنسميها "ستومه".

كتير من المرضى بيخافوا من الفكرة... وده طبيعي.

الخوف بييجي من حاجات زي:

التغير في شكل الجسم.

القلق من نظرة المجتمع أو العيلة.

إحساس بفقدان جزء من الخصوصية أو التحكم.

لكن الحقيقة اللي لازم نعرفها:

التحويل أحيانًا بيحمي المريض من مضاعفات خطيرة زي التسريب أو الالتهاب اللي ممكن تهدد الحياة.

في حالات كتير التحويل بيكون مؤقت، وبعد شهور يتم إلغاء الستومة وترجع الحياة لطبيعتها.

حتى لو كان دائم، مع التمرين والدعم النفسي، معظم المرضى بيرجعوا يمارسوا حياتهم الطبيعية بالكامل: شغل، سفر، رياضة، حياة اجتماعية!

فى تجارب لناس الخوف ضيع عليهم فرصة العلاج الناجح.

نصيحتنا ليك:
ماتخليش الخوف يوقفك عن العلاج.
إحنا معاك خطوة بخطوة، مش بس طبيًا، كمان نفسيًا واجتماعيًا.

في دعم، في حلول حديثة لجعل التعامل مع الستومة أسهل كتير من زمان.

صحتك وحياتك أغلى من أي تحدي مؤقت!

لو متردد أو خايف؟
نشرحلك كل حاجة بهدوء وببساطة.

"رحلة التعايش مع الستومة مش سهلة... لكن فيها أمل كبير!"فيه شخصيات عالمية شاركوا قصتهم بكل شجاعة بعد تركيب الكولوستومي، و...
27/04/2025

"رحلة التعايش مع الستومة مش سهلة... لكن فيها أمل كبير!"

فيه شخصيات عالمية شاركوا قصتهم بكل شجاعة بعد تركيب الكولوستومي، وأثبتوا إن الحياة مكملة بكل تفاصيلها الجميلة.

زى و@jessgrossman اللي بينشروا يومياتهم، رياضتهم، شغلهم، حياتهم الاجتماعية، وكل ده رغم وجود الستومة!

الستومة مش نهاية... ممكن تبقى بداية جديدة مليانة طاقة وفرص.✊️

💌نصيحة من القلب💌:
ماتخليش الخوف يمنعك من فرصة شفاء حقيقية. الدعم موجود... وإحنا معاك في كل خطوة!

—

01119255591

Address

ميدان المحطة
Mansoura

Website

Alerts

Be the first to know and let us send you an email when د/ سارة الزيات - Hope Cure Center posts news and promotions. Your email address will not be used for any other purpose, and you can unsubscribe at any time.

Shortcuts

Share

Category