28/05/2026
🆘بوست ده مختلف شويه عن العادي بنحاول نوري حضراتكم انواع النصب المختلفه اللي بنتعرض ليها
⛔️اول نوع. ان رقم يدعي انه حجز بديبوزيت ويبعت رساله وهميه من تليفونه الشخصي انه تم تحويل مبلغ كذا لرقم التحويل الخاص بينا
وبعدها يطلب استرداد جزء منه او كله
وطبعا لو حضرتك مش منتبه هتحول المبلغ
وده شفناه اتعمل مع ناس كتير بس الحمدلله الناس بقت تاخد 👌بالها
⛔️تاني نوع بقي وده الاسوأ
ان بقي في اتجاه ازاي اقدر اعمل خدمه علي اكمل وجه و مدفعش جنيه
بكل بساطه اعمل خدمتي وبعدها اشتكي من الخدمه باي شكل واطلب استرداد المبلغ
بنعرفهم ازاي بقي 🧐
بترفض اعاده الخدمه
بترفض علاج المشكله ( ان وجدت أصلا)
بترفض تطبيق خصم تعويضي عن التقصير ( ان وجد من الاساس)
وبتصمم تسترد المبلغ بالكامل او اكتر وتهدد بالتشهير لو مدفعتوش من سكات 😂
زي اللي بيدخل مطعم وبعد ما ياكل ويشبع يمسك بطنه ويعيط عشان ميدفعش🤣
النوع ده بقي بيبقي باين عليه جدا واكبر خطا ممكن يتعمل هو انه ينجح ف النصب وياخد فلوس مش من حقه
لانه هيكرر ده مع اماكن تانيه وبأشكال كتير وافضل رد عليه هو الطريق القانوني فقط 👌
كفانا الله واياكم السوء واهله ❤️
