08/05/2026
جلد الذات مش تأنيب ضمير صحي
جلد الذات إنك تبقى عدو نفسك طول الوقت
تلوم نفسك على كل حاجة
تضخّم غلطاتك
وتحس إن أي تقصير بسيط معناه إنك فاشل أو “مش كفاية”
حتى لما تنجح…
صوت جواك يقولك:
“كان ممكن أحسن”
“أكيد ده مش كفاية”
“غيري بيعملوا أكتر”
ومع الوقت الشخص بيتحول لمراقب قاسي لنفسه
نادراً ما يرضى
ونادراً ما يحس إنه يستحق الراحة
وده غالبًا ما بيجيش من فراغ
كتير من الناس اتربّت على إن الحب مرتبط بالكمال
وإن الغلط معناه رفض أو نقد أو مقارنة
فكبروا وهم فاكرين إن القسوة على النفس هي التطوير
مع إن الحقيقة:
الإنسان بيتطور بالأمان… مش بالإهانة المستمرة لنفسه
ومن الحاجات اللي ممكن تساعد:
• راقب الطريقة اللي بتكلم بيها نفسك
• فرّق بين النقد الصحي والإهانة
• اسمح لنفسك تغلط بدون ما تنهار نفسيًا
• ما تربطش قيمتك بإنجازك طول الوقت
لأنك محتاج تتعلم تبقى سند لنفسك…
مش المحكمة اللي بتحاكمها كل يوم
مركز د/ شريهان حشاد
للصحة النفسية والتأهيل
+20 10 14042704
+20 10 20636156
