الإسعافات الأولية

26/05/2026

لما تبقي أول مرة تركب كانيولا 😂

26/05/2026

😳 "كانت عايــــزة تتخن… فخســــــرت عيــنها"

آية… 19 سنة
بنت هادية جدًا… ومكسوفة دايمًا من جسمها الرفيع
أي قعدة عائلية لازم تسمع نفس الكلمتين:

"إنتي مبتاكليش؟"
"الهواء هيطيرك"
"وشك محتاج يملى شوية"

كانت تضحك وتسكت…
لكن الكلام كان بيكسرها من جوا

==========

وفي يوم…
واحدة قريبتها قالتلها بثقة:

💊 "الكورتيزون بيخن بسرعة… هيفتح نفسك ويخلي وشك يملى"
الجملة كانت بسيطة…
لكن نهايتها كانت مرعبة
==========
بدأت تاخد كورتيزون كل يوم
من غير دكتور ومن غير تحاليل
ومن غير ما تعرف أصلاً الدوا ده بيعمل إيه

أول أسبوعين؟
كانت مبسوطة 😍
▪️ نفسها بقى مفتوح▪️ وزنها زاد
▪️ خدودها مليت▪️ الناس بدأت تقولها:
"أهو كده بقيتي أحلى"

لكن جسمها كان بيدفع التمن…

==========
بعد شوية بدأ يحصل حاجات غريبة 🚨
▪️ وشها ورم زيادة▪️ جسمها بقى منفخ
▪️ صداع يومي▪️ تعب رهيب▪️ خمول
▪️ ألم في الوش والعين
وفي الأول افتكرتهم جيوب أنفية عادية

==========
لكن فجأة…
😖 عينها بدأت توجعها بشكل مرعب😳 ورم حوالين العين
🤧 إفرازات من الأنف ⚠️ تنميل في نص وشها
وفي ليلة…
صرخت من الوجع ووقعت على الأرض
==========
وصلت الطوارئ 🚑
والدكاترة أول ما عرفوا إنها كانت بتاخد كورتيزون لفترة طويلة…
بدأوا يشكوا في تشخيص خطير جدًا
اتعملت أشعة ومنظار أنف بسرعة
والنتيجة كانت صدمة لكل اللي حواليها:

🦠 الفطــــــــر الأســــــــود
Rhino-Orbital Mucormycosis
==========
الفطر كان بدأ ياكل:
▪️ الجيوب الأنفية▪️ الأنف
▪️ الأنسجة حوالين العين
وكل ساعة تأخير… كانت بتقربها من المخ

دخلت عمليات عاجلة وحاولوا ينقذوا حياتها

لكن للأسف…
💔 كان لازم يشيلوا عينها المصابة بالكامل
==========
آية ماكنتش مدمنة
ولا كانت بتعمل حاجة حرام
هي بس كانت بنت موجوعة من كلام الناس
وعايزة تبقى "أحلى" في نظرهم

==========
🚨 الكورتيزون مش لعبة
أيوه… ممكن يزود الوزن فعلًا
لكن كمان ممكن:
▪️ يرفع السكر▪️ يضعف المناعة
▪️ يسبب احتباس سوائل▪️ يبوظ الهرمونات
▪️ ويخلي الجسم فريسة لعدوى قاتلة

ومن أخطرها:
🦠 الفطر الأسود
==========
❗الفطر الأسود بيظهر غالبًا عند:
▪️ مرضى السكر ▪️ ضعاف المناعة
▪️ اللي بياخدوا كورتيزون بشكل عشوائي

وبيبدأ بأعراض ناس كتير بتستهون بيها:

⚠️ ألم في الوش⚠️ تورم حوالين العين
⚠️ انسداد أو إفرازات من الأنف⚠️ صداع شديد
⚠️ تغير في النظر

==========
متاخدش أي دواء لمجرد إن حد قالك عليه
ومتحاولش تغير جسمك على حساب صحتك

لأن دقيقة استسهال…
ممكن تغيّر حياتك كلها

26/05/2026

اللهم عرفات العام القادم 🤲🕋

26/05/2026

قال رسول الله ﷺ:
«خيرُ الدعاءِ دعاءُ يومِ عرفة، وخيرُ ما قلتُ أنا والنبيون من قبلي: لا إله إلا الله وحده لا شريك له، له الملك وله الحمد، وهو على كل شيء قدير»

25/05/2026

💊☠️ قرص الغلّة = قرص الموت الرخيص ☠️💊
سمعت قبل كده عن حاجة اسمها "قرص الغلّة" أو "قرص الموت السريع"⁉️
➖️➖️➖️➖️➖️➖️➖️➖️
المادة الفعالة: (فوسفيد الألومنيوم)
الاستخدام: بيستعملوه المزارعين وأصحاب الصوامع لحماية القمح والغلال من السوس.
➖️➖️➖️➖️➖️➖️➖️➖️
إيه اللي بيحصل لما يتحط؟
القرص بيتفاعل مع الرطوبة ويطلع غاز سام جدًا اسمه غاز الفوسفين ☠️
الغاز ده بيتسرب بين الحبوب ويقتل الحشرات، ويتبقى راسب غير سام (كربيد الألومنيوم).
➖️➖️➖️➖️➖️➖️➖️➖️➖️
فين المشكلة وليه اسمه قرص الموت؟

⬅️سعره رخيص جدًا.
⬅️تركيزه عالي (القرص 1 جم).
⬅️نص قرص (حوالي 0.5 جم) ممكن يسبب وفاة خلال أقل من ساعة 💀.

غاز الفوسفين بيدمر أعضاء الجسم كلها ويعمل:
⬅️نزيف داخلي
⬅️تلف في الرئة والمعدة
⬅️هبوط حاد في الدورة الدموية ☠️
=======================
لو حد بلع قرص الغلة نتصرف إزاي فورًا؟
🔴 ممنوع:
يشرب مياه أو سوائل مالحة ❌ (بتزود التفاعل وتسرّع خروج الغاز)
🟢 نعمل إيه:
يشرب زيت البارافين أو زيت جوز الهند أو أي زيت نباتي (يغلف المعدة ويبطئ التفاعل)
🟡ممكن ياخد فحم نشط، لكن تأثيره محدود ومش أساس
نحافظ على حرارة جسمه (تدفئة أو غسيل بمياه دافئة)
التوجه فورًا لأقرب مستشفى لعمل غسيل معدة باستخدام:
بيكربونات الصوديوم + زيت جوز الهند (الأكثر فاعلية حاليًا)
أو برمنجنات البوتاسيوم لو متوفر
➖️➖️➖️➖️➖️➖️➖️➖️➖️➖️➖️
خلي بالك
لحد دلوقتي مفيش ترياق مؤكد 100% لقرص الغلة، وكل العلاج بيكون داعم في المستشفى (زي أدوية تحافظ على القلب والدورة الدموية، أو علاجات تجريبية زي المستحلبات الدهنية Intravenous Lipid Emulsion، أو الإنسولين عالي الجرعة مع جلوكوز).
يعني السرعة في الوصول للمستشفى هي أهم حاجة ⏱️.

✅ رسالة مهمة:
مفيش مشكلة تستاهل تضيع حياتك بسببها. لو عندك ضغوط أو اكتئاب، اطلب مساعدة من أقرب الناس ليك أو من دكتور نفسي، حياتك غالية جدًا ❤️


❤️❤️😎

25/05/2026

المكان الصح لحقن الأطفال تحت ٣ سنين هو عضلة الفخذ الأمامية الجانبية وبنقسّمها ل٣ أجزاء والحقنة بتكون في الجزء الأوسط
➖️➖️➖️➖️➖️➖️➖️➖️➖️➖️➖️➖️➖️➖️➖️
❌ طيب ليه ممنوع ندي حقن في عضلة الإلية للأطفال تحت ٣ سنين ⁉️
➖️➖️➖️➖️➖️➖️➖️➖️➖️➖️➖️➖️➖️➖️➖️➖️
🔴 قرب العصب الوركي من سطح الجلد

في السن ده العضلة صغيرة والعصب قريب جدًا أي خطأ بسيط في زاوية الإبرة ممكن يعمل ألم في الساق وتنميل أوفقدان إحساس وضعف حركة
وفي حالات نادرة جدًا: شلل جزئي حسب قوة الإصابة
➖️➖️➖️➖️➖️➖️➖️➖️➖️➖️➖️➖️➖️➖️➖️➖️
🟠 العضلة غير مكتملة النمو

عضلة الإلية لسه صغيرة وما بتقدرش تمتص الدواء بكفاءة
وده يخلي مفعول الحقنة ضعيف وغير دقيق
➖️➖️➖️➖️➖️➖️➖️➖️➖️➖️➖️➖️➖️➖️➖️➖️
🟡 زيادة احتمال الخراج والتورم

لأن حجم العضلة صغير وده بيرفع فرص حدوث خراج أو تورم كبير بعد الحقن
➖️➖️➖️➖️➖️➖️➖️➖️➖️➖️➖️➖️➖️➖️➖️➖️
🟢 الفخذ هو المكان الأأمن عالميًا

عضلة الفخذ الأمامية أكبر وأبعد عن الأعصاب وامتصاصها أفضل
وعشان كده هي الموقع الموصى به في كل الجهات العلمية



🧪 مراجع علمية موثوقة
WHO – Injection Safety
CDC – IM Injection Sites
American Academy of Pediatrics – Safe Injection Practices

25/05/2026

🌺🩸

ناس كتير فاكرة إن:
❌ الكركديه السخن يرفع الضغط
❌ والكركديه الساقع يوطّي الضغط

✅ لكن الحقيقة العلمية إن الاتنين ممكن يساعدوا في خفض الضغط، سواء سخن أو ساقع، لأن التأثير مرتبط بالمواد الفعالة الموجودة في الكركديه نفسه مش بدرجة الحرارة 🌺

لكن المهم طريقة التحضير 👇

🌀 غلي الكركديه لفترة طويلة ممكن يقلل جزء من المواد الفعالة الموجودة فيه

✅ الأفضل:
➖ يتنقع في مياه باردة فترة كويسة
أو
➖ يضاف له ماء ساخن ويتساب من 5 لـ 10 دقايق بدون غلي شديد

==========
🩺 وبمناسبة الضغط...

✅ المالح فعلًا ممكن يرفع الضغط بسبب الصوديوم

لكن ❌ فكرة إن العصائر أو الحاجات الحلوة “توطّي الضغط” دي مش دقيقة

🌀 لأن السوائل والعصائر أحيانًا ممكن ترفع الضغط بشكل بسيط عن طريق زيادة حجم السوائل داخل الجسم، لكن تأثيرها مش زي المالح طبعًا

==========
📚 بعض الدراسات لقت إن الكركديه قد يساعد في خفض ضغط الدم بشكل بسيط عند بعض مرضى الضغط، لكن ماينفعش نعتمد عليه بدل العلاج الموصوف من الدكتور

ولو المريض بياخد أدوية ضغط، لازم يكون الاستخدام باعتدال علشان مايحصلش هبوط زيادة

25/05/2026

24/05/2026

مس سلمى دفعة 2022
أتوفت أثناء الشفت
ربنا يرحمها ويغفر لها ويسكنها فسيح جناته ويلهم أهلها وذويها الصبر والسلوان يارب اللهم امين 🤲

24/05/2026

اللي هيحرمنا من اجازة العيد ربنا يحرمه من الجنة ونعيمها

24/05/2026

"تم فسخ عقد قراني
الحمدلله علي خطوات لم تكتمل "
اخر ما كتبته سلمى منذ أيام قليله
ممرضه بمحافظة المنيا ، رحلت وتركت حزن يخيم على أهالي قريتها وزملائها ، رحلت في ريعان شبابها

ربنا يرحمها ويغفر لها ويسكنها فسيح جناته يارب العالمين