DR.Nada Mohamed للتغذية الصحية

DR.Nada Mohamed للتغذية الصحية أخصائي التغذية العلاجية وتخطيط الوجبات لحالات السمنة والنحافة وجراحات السمنة والأطفال

27/08/2026

ثبات الوزن مع حقن التخسيس
ويجوفى أو المونجارو؟



#ويجوفي
#مونجارو

💉🔥 مونجارو ولا ويجوفي؟الناس كلها بقت تسأل: “أيهما أقوى في التخسيس؟!” 🤔تعالوا نبسطها 👇🔹 مونجاروبيشتغل على مستقبلين في الج...
17/08/2026

💉🔥 مونجارو ولا ويجوفي؟
الناس كلها بقت تسأل: “أيهما أقوى في التخسيس؟!” 🤔
تعالوا نبسطها 👇

🔹 مونجارو
بيشتغل على مستقبلين في الجسم
(GLP-1 & GIP)
وده بيخليه يساعد على:
✅ تقليل الشهية بقوة
✅ إحساس أسرع بالشبع
✅ نزول وزن ملحوظ عند ناس كتير
✅ تحسين مقاومة الإنسولين

🔹 ويجوفي
بيعتمد على مستقبل واحد
(GLP-1)
وبيساعد على:
✅ تقليل الجوع
✅ التحكم في الأكل العاطفي
✅ نزول وزن تدريجي ومستقر

⚖️ الفرق الأساسي؟
مونجارو غالبًا نتائجه أقوى وأسرع في نزول الوزن عند بعض الحالات،
لكن ده لا يعني إنه الأفضل لكل الناس ✋

📌 اختيار الحقنة المناسبة يعتمد على:
✔️ الوزن الحالي
✔️ مقاومة الإنسولين
✔️ وجود سكر أو لا
✔️ مشاكل المعدة
✔️ أسلوب الحياة والأكل

🚫 والأهم:
الحقن وحدها مش سحر!
من غير نظام غذائي مظبوط وعادات صحية… النتيجة مش هتكمل 👌

💬 لو نفسك تبدأ رحلة تخسيس صح، المهم تختار الخطة المناسبة ليك مش التريند 😉

عقدة النشويات.. نمنعها ولا نفهمها؟ 🍚🥖"أنا منعت رز وعيش ومكرونة يا دكتورة عشان أخس!" 🤦🏻‍♀️دي تقريباً الكلمة الرسمية اللي ...
19/07/2026

عقدة النشويات.. نمنعها ولا نفهمها؟ 🍚🥖

"أنا منعت رز وعيش ومكرونة يا دكتورة عشان أخس!" 🤦🏻‍♀️

دي تقريباً الكلمة الرسمية اللي بسمعها أول ما الحالة تدخل العيادة.
هوس السعرات الحراريه وان الكاربوهيدرات نلازم نمنعها وخصوصا العيش خلي الناس في حيره

ونتيجه المنع التام للنشويات لفترات مش محسوبه ان الحرق بيقف، والجسم بيبدأ يجوع ويدور بعد كده على السكريات بشراهة!

✅النشويات مش عدو.. النشويات هي "بنزين الجسم والميتوكوندريا"

عشان تقدر تحرق وتعيش، بس الشطارة نختار "النشويات المعقدة" الغنية بالألياف اللي بتدخل جسمنا واحدة واحدة (مؤشر جلايسيمي منخفض لمتوسط) من غير ما تعمل قفزة مرعبة لسكر الدم والإنسولين.

تعالوا نعرف "بدائل النشويات بالجرامات" (يعني الحصة الواحدة اللي بتعادل حوالي 15 جرام كارب صافي) عشان نوزن صح وناكل من غير زياده في الوزن

1️⃣ الحبوب الكاملة والنشويات المطبوخة (الأهدأ والأعلى في الألياف) 🌾:

الأرز (بني أو أبيض مطبوخ) 🍚: من 45 لـ 50 جرام (يعني حوالي 3 ملاعق طعام كبار).

الكينوا (مطبوخة) 🍲: 50 جرام (حوالي 3 ملاعق كبار) .. مليانة بروتين ومعادن.

الفريك أو البرغل (مطبوخ) 🌾: من 50 لـ 60 جرام (حوالي 3 إلى 4 ملاعق) .. صديق أوفياء للأمعاء والشبع.

الشوفان كامل الحبة (خام قبل الطبخ) 🥣: 20 جرام (حوالي معلقتين كبار).

المكرونة (كاملة الحبة أو العادية مطبوخة) 🍝: 45 جرام (حوالي 3 ملاعق كبار).

2️⃣ الخضروات النشوية (من الطبيعة مباشرة) 🍠:

البطاطس (مسلوقة أو مشوية بقشرها) 🥔: 75 جرام (حبة صغيرة جداً). و القشر هنا بيفرق جداً في الألياف.

البطاطا الحلوة (مشوية أو مسلوقة) 🍠: 60 جرام .. ممتازة لدعم هرمونات الجسم ومعدل الحرق .

القلقاس (مطبوخ) 🍲: 55 جرام.

البسلة الخضراء (مطبوخة) 🫛: 80 جرام (حوالي نصف كوباية) .. وبتديك كمان نسبة بروتين حلوة.

3️⃣ المخبوزات والعيش (نركز في الحجم) 🍞:

العيش البلدي المصري 🫓: 30 جرام (يعني حوالي ربع رغيف عيش بلدي متوسط من بتاع الفرن).

العيش التوست (أسمر أو حبة كاملة) 🍞: شريحة واحدة (حوالي 25 لـ 28 جرام).

شرايح سن أو خبز الشوفان الجاف 🥖: 20 جرام.

👩🏼‍⚕️👩🏼‍⚕️طيب وعشان تخلي النشويات دي تشتغل لصالح حرقك ومش ضدك، طبقي الـ 3 قواعد دول:

1. قاعدة الميزان: اوزني النشويات (الأرز، المكرونة، الفريك) بعد الطبخ مش قبله، لأن الوزن بيتغير تماماً بالمية.

2. ترتيب الأكل في الوجبة: ابدأي دايماً بأكل الخضار والسلطة (الألياف) ثم البروتين، وخلي النشويات في الآخر.. الحركة دي بتبطئ امتصاص الكارب تماماً وتمنع مقاومة الإنسولين.

3. فخ البقوليات: الفول والعدس والحمص فيهم بروتين هايل، بس تفتكري إن نصف كوباية مطبوخة بتتحسب حصة بروتين وفي نفس الوقت فيها حصة نشويات (15 جرام كارب)، فخد بالك وإنتِ بتحسب وجبتك.

التغذية العلاجية مش حرمان.. التغذية هي إننا نغذي جسمنا بالنوع والكمية الصح اللي يفيد وميضرش. ✨

واختيار النوع الأنسب ليك والكميه الصح حسب حالتك الصحيه ومجهودك وعمرك 😌

الكرش والأرداف .. أماكن الدهون العنيده ليه الدهون بتعند في المناطق دي؟ كتير بيسألوني: "أنا بخس من وشي وكتافي، بس منطقة ا...
04/04/2026

الكرش والأرداف .. أماكن الدهون العنيده
ليه الدهون بتعند في المناطق دي؟

كتير بيسألوني: "أنا بخس من وشي وكتافي، بس منطقة البطن أو الأرداف ثابتة ومابتنزلش!

الموضوع مش صدفة، ومش مجرد أكل.. دي كيمياء جسم!
هرمونات .. جينات

تعالى نفهم علمياً ليه ده بيحصل، وإزاي نحله بذكاء مش بس بمجهود.
📌 أولاً: ليه الدهون بتتراكم هنا بالذات؟
الموضوع خليط بين الجينات والهرمونات:
منطقة البطن (The Belly): غالباً مرتبطة بمقاومة الأنسولين (Insulin Resistance) وارتفاع هرمون التوتر
منطقة الأرداف والمؤخرة (Glutes & Hips): دي غالباً بتتحكم فيها جينات وهرمونات أنثوية (Estrogen) عند السيدات أكتر.
وقلة الحركة بتخلي الدورة الدموية في المنطقة دي أضعف، فعملية حرق الدهون فيها بتكون أبطأ.ويبدا كمان يظهر السيلوليت
❌ ثانياً: عادات غلط بتدمر مجهودك
عشان نصلح، لازم نعرف إحنا بنبوظ الدنيا إزاي:
النقنقه المستمره (Snacking): طول اليوم بتاكل أي حاجة تيجي في سكتك، حتى لو صحية! ده بيخلي مستويات الأنسولين دايماً عالية، وبالتالي حرق الدهون بيقف.
قعدة الكرسي: الجلوس لفترات طويلة بيقلل معدل الحرق اليومي (NEAT).

أكل الليل المتأخر: مشكلة الأكل بالليل مش في الوقت، المشكلة إنه غالباً بيفتح النفس على اكل مش صحي زي المعجنات والبيتزا، حلويات، سعرات فاضيه تبوظ مجهود طول اليوم
ده غير إن الوجبات الدسمة قبل النوم بتقلل جودة نومك، وتبوظ هرمونات الحرق تاني يوم.
كمان انك تبدّا بدايت قاسي : بتجوّع نفسك؟ جسمك بيدخل في حالة "مجاعة" وبيتمسك بالدهون العنيدة أكتر والمشكله انك لو هتكمل انت مش بتكمل 3 اسابيع وتبوظ عشان مش هتقدر تستمر وهتتعب .. لان محدش بيوجهك صح
✅ طيب يعني مفيش حل 🤨
عندك دهون عنيده وعايز نتيجة .. هتشتغل علي ٣ حاجات مع بعض
1️⃣ التغذية: عجز السعرات والصيام وزود بروتين :
لازم تاكل أقل من احتياجك.
مفيش مشروب هيحرق أكل سعراته عالية.
أكلك لازم يكون مطبوخ بطريقة صحية وطعمه حلو (التوابل مش هتزعل).
البروتين: زوّد بروتين في كل وجبة (فراخ، سمك، بيض، بقوليات لو ماعندكش مشاكل في القولون) عشان تشبع وتحافظ على عضلاتك؛ لأن العضلات (سواء للراجل أو الست) هي المحرك الأساسي لحرق الدهون.
الصيام المتقطع (اختياري بس فعّال): بيساعد جداً في ضبط الأنسولين وتقليل دهون البطن تحديداً.
2️⃣ الحركة (Functional Health):
مش تمارين بطن وبس: تمرين البطن بيقوي العضلة بس مش بيسيح الدهون اللي فوقيها! الحل في تمارين المقاومة للجسم كله (Compound Movements)
التمارين دي بتحرق سعرات أكتر وبتحسن شكل الجسم في المجمل.

23/03/2026

لو الدنيا باظت منك في العيد… دي خطة الرجوع في 5 خطوات بس 👇

Step 1: المياه 💧
ابدأ يومك بكوباية مياه
وخلي هدفك 2.5–3 لتر طول اليوم
(هتفرق جدًا في الانتفاخ والهضم)

Step 2: رجوع للأكل البسيط 🥗
مش دايت قاسي!
بس ارجع لـ:
✔ خضار
✔ بروتين
✔ تقليل السكريات والدهون التقيلة

Step 3: الحركة 🚶‍♀️
30 دقيقة مشي يوميًا
من غير ضغط = بداية ممتازة

Step 4: النوم 😴
ظبط نومك (6–8 ساعات)
لأن النوم بيأثر على الحرق والشهية أكتر ما تتخيل

Step 5: بلاش جلد الذات ⛔️
مش محتاج تعاقب نفسك
ولا تبدأ بداية عنيفه… محتاجين بس نرجع توازن جسمنا

ودي مشروبات هتساعدك 🍵
شاي أخضر ، ينسون/نعناع ، قرفة، بقدونس و كرفس.

📌 كلها تساعد على الهضم وتقليل الانتفاخ وترطيب الجسم… بس مش بديل للأكل المتوازن

📌 الخلاصة:
مش محتاج “ديتوكس”
انت محتاج ترجع توازنك بس

النهارده وأنا بكتب للحالات النظام 😂😀
21/02/2026

النهارده وأنا بكتب للحالات النظام
😂😀

17/02/2026

النظام الغذائي في رمضان 🌙✨️✨️🤍
🥰 كل سنه وانتم طيبين اعاده الله عليكم بالخير والبركة 🌙✨️
للاستفسار عن المتابعات ابعتولنا علي رسائل الصفحه 📥
#تغذية

11/02/2026

4 نصائح لتجهيز جسمك
قبل صيام رمضان 🌙 ✨️
كل عام وانتم بخير 🤍🌙✨️

مش لازم متطلبات صعبه للدايت تقدر تلتزم بمكونات موجوده ف البيت مع استخدامك اليومي الفكره تعرف ازاي توظفها صح 👌 للاستفسار ...
30/01/2026

مش لازم متطلبات صعبه للدايت
تقدر تلتزم بمكونات موجوده ف البيت مع استخدامك اليومي
الفكره تعرف ازاي توظفها صح 👌
للاستفسار عن متابعة نزول ١٠ كيلو قبل رمضان
عن طريق المسجات 📩📩
#تكميم

ياترى ممكن نتعشى ايه واحنا عاملين دايت وساقعانين وجعانين 😔😔ايه ده هو انا ممكن اتعشى؟ مش العشا بيزود الوزن 🤔🤔لا طبعا ممكن...
26/01/2026

ياترى ممكن نتعشى ايه واحنا عاملين دايت وساقعانين وجعانين 😔😔
ايه ده هو انا ممكن اتعشى؟ مش العشا بيزود الوزن 🤔🤔
لا طبعا ممكن نتعشى ونخس عادى 👌👌
تعالى اقولك على نموذج عشاء ذهبي للتخسيس:
بروتين + سلطة او خضار + كوب مشروب دافى سكر قليل
بروتين عالي ⬅️ يحافظ على الشبع والعضلات
خضار كثيرة ⬅️ ألياف + حجم كبير بسعرات قليلة
👈بروتين زى بيض ،فول ،جبنةقريش ،جبنةملح خفيف ،كوب عدس ،صدور، فراخ ،تونة
👈خضار زى خيار خس، بنجر، فلفل ألوان ، جزر، بنجر
⬅️مشروب دافى كوب شاى بلبن او قرفة او ينسون او بابونج او كاكاو
وبالهنا والشفا😋😋
#تكميم

Address

Misr El-Gedida

Telephone

+201150303023

Website

Alerts

Be the first to know and let us send you an email when DR.Nada Mohamed للتغذية الصحية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category