صيدلية العزيز Al-Aziz pharmacy

09/08/2026

البرفانات عندنا غير ✨❤️‍🔥👌👌

24/06/2026

15/05/2026

حبيت اوضح للناس الفرق بينهم عشان في ناس كتير اوي كانت بتيجي الفترة الي فاتت بيقولولي عايزين الستوبادول مايجران مكان البانادول مايجران

18/02/2026

🚨 مريض ضغط وداخل على رمضان؟ خلي بالك من مواعيد أدويتك قبل ما يبدأ الصيام!

كل سنة وحضراتكم طيبين بمناسبة شهر رمضان الكريم 🌙

لو عندك ضغط دم عالي وبتاخد أدوية مهم تعرف إزاي تتعامل معاها في رمضان عشان تحافظ على صحتك 👍

📌 في نوعين رئيسيين من أدوية الضغط:

✅ الأدوية اللي فيها مادة واحدة بس:
خدها بعد السحور مباشرة. كده بتساعد إن الضغط يفضل مستقر طول اليوم وإنت صايم، وده بيقلل احتمالية ارتفاعه.

✅ الأدوية المركبة اللي فيها مادتين، وواحدة منهم مدرة للبول (hydrochlorothiazide):
الأفضل تتاخد بعد الإفطار. لأن لو أخدتها بعد السحور هتزود دخولك للحمام، وده ممكن يسبب جفاف لأنك مش هتعوض السوائل طول اليوم.

💡 نصيحة مهمة:
اشرب سوائل بكمية مناسبة بين الإفطار والسحور وقلل الملح وتابع ضغطك بانتظام.

📩 لو بتاخد أدوية ضغط ومش عارف أنسب معاد ليها في الصيام اكتب اسم الدوا في الكومنتات أو ابعتلنا رسالة على الخاص

رمضان كريم عليكم جميعا و على مصر كلها و دمتم سالمين 🤍

02/02/2026

رمضان بوكس عندنا حاجة تانية 🔥👌

22/11/2025

وصّلنا شكاوى كتير إننا مبننزلش بوستات للرجّالة… وقلنا لازم نصلّح الغلطة دي 🙂

عشان كده حبّينا نعرّفكم إن عندنا في الصيدلية مجموعة محترمة من برفانات الرجّالة، مختارينها بعناية عشان تناسب كل الأذواق وتدي ثبات وجودة ممتازة.

مميزات البرفانات عندنا:

روائح خشبي – شرقي – فريش

ثبات كويس وجودة مضمونة

تنوّع يناسب كل الأعمار

أسعار مناسبة

لو ليك أي استفسار… ابعتلنا في الرسائل أو شرفنا في الصيدلية.
منوّرينا دايمًا.

06/11/2025

🧤 الشتا داخل.. ووقت تقشُّف الإيدين بدأ! ❄️
لو بدأت تحس إن جلد إيدك بينشف أو يتقشّر، متقلقش… الموضوع طبيعي جدًا في البرد، بس محتاج شوية اهتمام 💪

✨ ليه الإيدين بتتعرض للجفاف في الشتا؟

الرطوبة بتبقى قليلة في الجز

استخدام المياه الساخنة كتير

التغير المفاجئ بين البرد والدفا

💧 نصايح بسيطة هتفرق جدًا:

استخدم كريم مرطب مرتين يوميًا (خصوصًا بعد الغسيل)

حاول تقلل المياه الساخنة، وخليها فاترة

البس جوانتي في البرد

اشرب سوائل كفاية على مدار اليوم

🧴 ومن الصيدلية، دور على كريم فيه:

Urea – Glycerin – Lanolin لترطيب عميق

Silicone لحماية إضافية من الجفاف

أو استخدم كريم ليلي مركز قبل النوم

💆‍♂️ وصفة سريعة وسهلة:
قبل ما تنام، حط طبقة سميكة من الكريم، والبس جوانتي لمدة ساعة (أو نام بيه)…

خليك دايمًا فاكر:
الإيدين أول حاجة بتبان، والاهتمام بيها مش رفاهية 🙌

📩 لو مش عارف تختار أنسب كريم ليك، اسألنا على الخاص وهندلك على الأفضل حسب نوع بشرتك.

30/09/2025

💉🩺 مصل الإنفلونزا السنوي مهم ليك ولأسرتك 🩺💉

مع دخول الخريف وقرب الشتاء، الإصابة بالإنفلونزا بتزيد جدًا.
عشان كدة بنوصي كل الناس الي بتقعد نص الشتا في البيت تحت البطانية عشان تعبانة انها تاخد المصل، و حتى لو اتعرضت للعدوى بيخلي الأعراض أخف بكتير!

✅ مين أكتر ناس محتاجينه؟🤔

الكبار والأطفال

مرضى السكر والضغط وأمراض القلب والربو

الستات الحوامل

وأي حد عايز يحافظ على نفسه

🕐 أحسن وقت تاخده:
من بداية شهر ٩ لحد ١١، عشان جسمك يلحق يبني مناعة قبل موسم الإنفلونزا.

💡و افتكر دايما ان الوقاية خير من العلاج.💊

📍 المصل متوفر دلوقتي عندنا في الصيدلية 🔥