مركز الاهرام للتخاطب

02/05/2026

ابنك مش بيتدلع في الأكل هو بيتعذب.....!!

زي ماقريت كده في أطفال الأكل بالنسبالهم مش سهل
بيكون إحساس مزعج

‼️ يعني إيه يا شيخ ...؟؟

ملمس مش مستحمله (لزج او مهروس او مقرمش او فيه قطع )

اوطعم قوي أو مختلف او ريحة الأكل او حتى شكل الأكل

فبيرفض الأكل لأنه مش مستحمل ملمسه أو طعمه أو ريحته

✋ وهنا ييجي دور التكامل الحسي

بنظبط إحساسه فيبدأ يتقبل الأكل واحدة واحدة

بس نخلي بالنا مش كل طفل انتقائي تبقا عنده مشكلة حسية

لازم نفهم السبب الأول ودي وظيفة اخصائي التكامل الحسي
وهنا بنتكلم عن الأسباب الحسية فقط لأن كمان فيه اسباب طبية لازم نستبعدها ونتأكد من سلامتها في البداية

⚡سؤال مهم ليكم

ابنك بيرفض نوع معين ؟ ولا أغلب الأكل ؟
اكتبلي في الكومنتات وهقولك السبب الأقرب

✅ هنا في رحلة التكامل الحسي - مع أحمد الشيخ بنبني وعي حسي مختلف كمل معانا علشان الصورة تكمل









#التوحد

29/04/2026

مامي محمد قررت انها تحتفل بعيد ميلاده🎉🎉 وسط أصحابه وأخواته🎈 وبيته التاني ال هو مركز الاهرام للتخاطب🎊 وفعلا اليوم كان جميل ومحمد واصحابه كانوا مبسوطين جدا ♥️ كل سنه وانت طيبه يامحمد عقبال سنين كتير وانت في أفضل حال ❤️🎈♥️
Happy birthday to you 😘🎉✨😊😍

25/04/2026

20/04/2026

بدري.. تفرق كتير!!!
رسالة لكل أب وأم
أطفالنا هم أغلى ما نملك، ومراقبة نموهم مش مجرد "رفاهية"، دي مسؤولية. واوعي تسمعي لكلام زي "بكرة يكبر ويتحسن" أو "هو زي باباه اصله اتأخر زيه".
الحقيقة؟ الوقت هو أغلى عملة في رحلة علاج التطور.
ليه الكشف المبكر "كنز"؟ 💎
1. مرونة المخ: مخ الطفل في سنينه الأولى بيكون زي "الصلصال"، سهل جداً تشكيله وتعديل مساراته العصبية.
2. نتائج أسرع: الجلسة اللي بيحتاجها طفل عنده سنتين، ممكن توفر عليه سنين من التعب لو بدأ وهو عنده 6 سنين.
3. الثقة بالنفس: التدخل البدري بيخلي الطفل يندمج مع أصحابه في الحضانة والمدرسة من غير ما يحس إنه "مختلف" أو "أقل".
4. توفير المجهود: كل ما بدأنا بدري، كل ما كانت خطة العلاج أقصر وأقل تعقيداً.
🚩 علامات "الإنذار" (متتجاهليهاش):
• لو كمل سنة ومبيعملش حركات بإيده (باي باي - شاور).
• لو كمل سنة ونصف ومبيقولش كلمات مفردة بسيطة.
• لو كمل سنتين ومبيعرفش يركب جملة من كلمتين.
• لو مبيستجبش لاسمه أو بيفضل اللعب لوحده طول الوقت.
👈🏻لو ابنك اوبنتك ظهر عليهم العلامات دي فورا لازم تروحي لمختص وخليكي فاكره طريق الميل بيبدأ بخطوه✨✨

14/04/2026

التحاليل المطلوبة لأطفال التوحد ؛
١) صورة دم CBC
٢) تحليل ارتشاح الأمعاء Calprotectin
٣) تحليل الأجسام المناعية Total IgE
٤) تحليل الزنك و النحاس copper -zinc
٥) تحليل Homocysteine
٦) وظائف كبد ALT-AST
٧) مخزون الحديد ferritin
٨) فتيامين د Vit D3
٩) غدة درقية TSH ,T3,T4
١٠)تحليل كالسيوم و ماغنسيوم calcium ,Magnesium
١١) تحليل المعادن الثقيلة من الشعر Hair Heavy Metals
١٢) تحليل عدم تحمل الطعام food intolerance test
١٤)تحليل الامونيا Ammonia-Lactate -Pyruvate
١٥)تحليل براز stool analysis .
دى معظم التحاليل المطلوبة لأطفال التوحد و مش كلها بنطلبها فى أول زيارة . اول مرحلة بنركز فيها على اول عشر تحاليل و الباقى بنطلبه فى المراحل التالية حسب حالة كل طفل . طبعا تحديد التحاليل المناسبة المطلوبة لكل طفل يتوقف حسب الفحص و التقييم لان مش كل الأطفال بيحتاجوا نفس التحاليل .

فى تحاليل اخرى بتكون متقدمة جدا زى gut zoomer ,OAT,Microbiome,genetics مش بنحتاجها خالص غير فى حالات نادرة جدااا .

و أخيرا : دراسة حالة الطفل صح و اخد التاريخ المرضى بيخلينا نفهم المشاكل الحقيقية و الأسباب الرئيسية فى وجود الاضطراب و العمل على علاجها بالتغذية و المكملات و ربنا يشفى كل الأطفال يارب 🙏🌹❤️

14/04/2026

صعوبات التعلّم هي مجموعة من الاضطرابات اللي بتأثر على طريقة استقبال الطفل أو الشخص للمعلومات أو فهمها أو استخدامها، رغم إنه يكون عنده ذكاء طبيعي أو أعلى من الطبيعي.
ببساطة:
الشخص بيكون ذكي، لكن عنده مشكلة في طريقة التعلم مش في القدرة العقلية نفسها.
أمثلة على صعوبات التعلّم:
صعوبة في القراءة (زي عكس الحروف أو بطء القراءة وبيغلط كتير رغم التكرار)
صعوبة في الكتابة (بيكتب كلمات بشكل غلط رغم الشرح المتكرر أو خط غير واضح)
صعوبة في الحساب وحل المسائل البسيطه
ضعف في التركيز والانتباه
صعوبة في تذكر المعلومات
بينسى اللي اتعلمه بسرعة
بيتهرب من المذاكرة أو بيحس بالإحباط بسرعة
أشهر الأنواع:
عسر القراءة (Dyslexia): مشكلة في القراءة
عسر الكتابة (Dysgraphia): مشكلة في الكتابة
عسر الحساب (Dyscalculia): مشكلة في الرياضيات
الأسباب:
ممكن تكون بسبب:
اختلاف في طريقة عمل المخ
عوامل وراثية
مشاكل أثناء الحمل أو الولادة أحيانًا
لكن لازم نعرف👌
صعوبات التعلم مش كسل ولا غباء
لكن الطفل بيكون محتاج يتعلم بطريقه خاصه
الشخص يقدر ينجح ويتفوق لو اتوفر له دعم وطريقة تعليم مناسبة ليه 👌
مركز الاهرام للتخاطب
#تخاطب #تنميةمهارات #صعوبات تعلم #اكاديمي #تكامل حسي #علاج وظيفي تأهل حالات #التوحدو #الداون و #زراعة القوقعه و # #ضعف السمع تأهيل #الجلطات وعلاج #اللدغات
المركز يعمل #رعايه نهاريه و #جلسات مسائيه
يوجد #باص ل توصيل الأطفال للمركز
#مريوطيه هرم شارع #اللبينى هرم بعد كنتاكي ب ١٠٠ متر عند كوبرى ترسا بجوار كافيه كهرمانه الحجز قبل الحضور بيوم عن طريق الاتصال بنا على الرقم 01116240163

02/04/2026

التوحد ليس عائقًا أمام النجاح، بل هو نمط مختلف في التفكير والإدراك يحتاج إلى فهم واحتواء.
فكم من شخص من ذوي التوحد استطاع أن يحقق إنجازات مميزة عندما وجد بيئة تُقدّره وتدعمه.
إن الوعي بطبيعة التوحد هو الخطوة الأولى نحو دمج حقيقي يُمكّن هؤلاء الأفراد من التعبير عن قدراتهم والمشاركة الفاعلة في المجتمع، بعيدًا عن التهميش أو سوء الفهم.

02/04/2026

خلف كل طفل توحدي قدرات خارقه تنتظر من يؤمن بها.
#تخاطب
#تنميةمهارات