دكتور محمد حلمي السيد لطب الاطفال وحديثي الولادة

20/10/2026

التطعيم امان يا جدعان

19/10/2026

🚨 ٥ حاجات تعمليهم علشان تقللي خطر العيوب الخِلقية عند طفلك! 👶❤️

كل أم نفسها تشوف طفلها سليم وبصحة كويسة.. ❤️
بس تعرفي إن في حاجات بسيطة ممكن تبدأي تعمليها من قبل الحمل، وتساعدي بيها في حماية طفلك من بعض العيوب الخِلقية؟ 🤰

تعالي أقولك على أهم ٥ خطوات:

1️⃣ حمض الفوليك مش رفاهية! 💊
لو بتخططي للحمل، ابدئي اسألي دكتورك عن حمض الفوليك، والجرعة المعتادة لمعظم السيدات هي 400 ميكروجرام يوميًا، ويفضل تبدأي قبل الحمل بشهر على الأقل.

ليه؟ لأنه بيساعد في الوقاية من عيوب خطيرة في تكوّن مخ الجنين والحبل الشوكي.

2️⃣ اكشفي قبل الحمل، مش بعد ما يحصل! 🩺
لو عندك مرض مزمن أو بتاخدي أي أدوية، لازم تراجعي دكتورك قبل الحمل علشان تتأكدي إن العلاج مناسب، وتراجعي التطعيمات والفحوصات المطلوبة.

⚠️ ومهم جدًا: ما توقفيش أي دواء من نفسك!

3️⃣ اهتمي بوزنك وتغذيتك 🥗
الوزن غير الصحي قبل الحمل ممكن يزوّد احتمالات بعض العيوب الخِلقية ومضاعفات الحمل. اهتمي بأكلك المتوازن، وحركتك، وحاولي توصلي لوزن مناسب بطريقة صحية.

4️⃣ ممنوع الكحول والتدخين والمخدرات 🚭
التعرض للمواد دي أثناء الحمل ممكن يضر نمو الجنين. وكمان ابعدي عن التدخين السلبي قدر الإمكان.

5️⃣ خلي بالك من المواد الكيميائية ☠️
بعض المبيدات والمواد الكيميائية والرصاص ممكن تكون ضارة أثناء الحمل. لو شغلك أو بيتك فيه تعرض للمواد دي، اسألي عن طرق الحماية الآمنة.

💡 وخلي بالك من أهم معلومة:
مش كل العيوب الخِلقية ممكن نمنعها، ومش معنى إن طفل اتولد بعيب خِلقي إن أمه قصّرت. الهدف إننا نقلل المخاطر اللي نقدر نتحكم فيها، ونبدأ الرعاية الصحية بدري.

❤️ ابعتي البوست لكل واحدة بتخطط للحمل، يمكن معلومة بسيطة تفرق معاها ومع طفلها!

👨‍⚕️ د. محمد حلمي السيد
استشاري طب الأطفال وحديثي الولادة

#الحمل

19/10/2026

❤️ صباح الفل يا أمهات وآباء العيادة❤️

شوية فضفضة من القلب.. ياريت تسمعونا للآخر 🙏❤️

الفترة اللي فاتت وصلتنا شكاوى وعتاب كتير بخصوص طريقة الحجز في العيادة، وخلوني أقولكم بكل صراحة: أيوه، عندنا مشكلة في نظام الحجز، وإحنا عارفين ده ومقدّرين تعبكم.

بس تعالى أقولك إحنا بنفكر إزاي، وإيه اللي بنحاول نوصله ❤️

👶 أولويتنا إن كل طفل ياخد حقه في الكشف.

يعني نسمع من ماما كل التفاصيل، ونفحص الطفل كويس، وندي كل حالة وقتها واهتمامها.. من غير استعجال ولا ما نحسّس أي أب أو أم إننا مستعجلين نخلص.

وفي نفس الوقت، عارفين إن كل طريقة حجز ليها مشكلة:

📍 الحجز بالحضور للعيادة:
ممكن يضطركم تستنوا وقت طويل، وده بيكون صعب جدًا، خصوصًا على الناس اللي جاية من أماكن بعيدة.

📞 الحجز بالتليفون:
زي ما إنتوا عارفين، التليفون بيكون عليه ضغط كبير جدًا وقت الحجز، ومش كل الناس بتقدر تلحق تحجز. والطريقة دي بتكون أنسب لناس كتير من بورسعيد، وحي الإمارات والجنوب.

🏥 والحجز من داخل العيادة:
برضه ممكن يكون مرهق للأسر اللي بتجيلنا من أماكن بعيدة، خصوصًا لو مش ضامنين ميعاد مناسب.

طيب نعمل إيه؟ 🤔

قررنا نحاول نمسك العصاية من النص، وننظّم الحجز بطريقة توازن بين راحتكم وحق كل طفل في الكشف.

📌 نظام الحجز هيكون كالتالي:

📞 أولًا: الحجز بالتليفون
يوميًا من الساعة 12 ظهرًا لحد 1 ظهرًا، زي ما إنتوا متعودين.

وهيكون فيه عدد محدد من الحجوزات، على قد ما نقدر نستوعب ونكشف لكل طفل كويس، من غير ما نضغط على وقت الكشف.

🏥 ثانيًا: الحجز من داخل العيادة لتاني يوم
الأطفال اللي محتاجين كشف أو استشارة أو تطعيم، يقدروا يحجزوا من داخل العيادة لتاني يوم

👶 ثالثًا: طب لو طفلي تعبان ومينفعش يستنى لبكرة؟
لو حالة طفلك محتاجة يتشاف في نفس اليوم، ومش هينفع يستنى لليوم التالي، ان شاء الله نشوفه في آخر العيادة، حسب ضغط الحالات وتقييم مدى احتياجه للكشف العاجل.

أما لو الحالة ينفع تستنى، فيقدر يحجز لليوم التالي.

⚠️ وطبعًا لو طفلك عنده صعوبة في التنفس، أو خمول شديد، أو تشنجات، أو أي علامة خطر، ما تستناش ميعاد العيادة؛ توجّه للطوارئ فورًا.

❤️ وفي الآخر، عايز أقولكم 3 حاجات من قلبي:

أولًا: أنا مقدّر خوف كل أب وأم على ولاده، ومقدّر جدًا أي عتاب أو شكوى بتوصلنا.

ثانيًا: إحنا مش بنحاول نصعّب الحجز على حد، بالعكس، بنحاول نوصل لطريقة تكون أريح ليكم وأفضل لأولادكم.

ثالثًا، ودي أهم نقطة: أنا مش عايز أكسب وقت على حساب طفلك، ولا أكشف لعدد أكبر على حساب جودة الكشف.

كل طفل بيدخل العيادة هو أمانة، ومن حقه إني أسمعه وأفحصه وأركّز معاه كويس.

وإحنا أكيد مش هنقدر نرضي كل الناس طول الوقت، لكن نقدر نسمعكم، ونراجع نفسنا، ونحاول نكون أفضل.

شكرًا لكل أب وأم وثقوا فينا، وشكرًا لكل حد عاتبنا لأنه مهتم. ❤️

د. محمد حلمي السيد
استشاري طب الأطفال وحديثي الولادة
المعلومة الصح.. لطفل أصح. 💙💛

14/10/2026

الطيبات والاطفال🥵🥵


#الطيبات

10/10/2026

اصغر طفل رضيع علي نظام الطيبات
#الطيبات

06/10/2026

02/10/2026

شكرا ليديا اكاديمي ♥️♥️
Lydia International Academy

02/10/2026

👦🏻عارف يادكتور انا اخدت الفيتامينات اللي قلتلي عليها وبقيت قوي وضربـت اخـويا جامد 😁
#ادمن 👨🏻‍⚕️🤦🏻‍♂️

01/10/2026

حالة اخر العيادة الجزء الثاني 🤣🤣

30/09/2026

حالة اخر العيادة الجزء الاول 🤣🤣