Nutritionist_Nero

Call Directions Contact the business

Nutritionist_Nero اخصائية تغذية علاجية وسمنه ونحافة
الصفحة لنشر التوعية بالتغذية السليمه ووصفات صحية وتجارب المتابعين

جمعة مباركة 💙من يحمل في قلبه ذرة ود لى.. فليدعو لى 💙
11/09/2026

جمعة مباركة 💙
من يحمل في قلبه ذرة ود لى.. فليدعو لى 💙

30/08/2026

🎙️🔥 مش كل اللي بيتقال عن الأكل صح… ومش كل اللي بنعمله لصحتنا بيكون في مصلحتنا!

في حلقة جديدة من «حكاية ورم»، قعدنا مع د. نيرة الحمامصي – أخصائية التغذية العلاجية، وسألناها عن كل الأسئلة اللي ممكن تيجي في بالك عن الأكل والتغذية والصحة. 🍎🥗

من أسئلة بسيطة بنسألها كل يوم، لأسئلة مهمة جدًا تخص مرضى الأورام أثناء رحلة العلاج…
ومن أشهر المعتقدات اللي بنسمعها عن الأكل، لإيه الصح وإيه الغلط، وإزاي نقدر نختار أكلنا بشكل أفضل. 👀

والحلقة مليانة إجابات ومعلومات مش هتخص مريض الأورام بس… دي لكل واحد فينا. ❤️

🎧 شوفوا الجزء الاول من حلقة جديدة من «حكاية ورم»
مع د. نيرة الحمامصي
للحجز والاستعلام عن مواعيد دكتوره نيره يرجى التواصل على الرقم 01031865446

مركز المحسن لعلاج الأورام بالتعاون مع صفحه محاربي السرطان
لأن أوقات… معلومة بسيطة ممكن تغيّر عادة كاملة. 🌷

كل جمعة وانتو طيبين 💙
24/07/2026

كل جمعة وانتو طيبين 💙

🥩 "أنا مش بلعب جيم... يبقى ليه آكل بروتين؟"من أكتر المفاهيم المنتشرة إن البروتين مرتبط بلاعبي كمال الأجسام فقطلكن الحقيق...
09/07/2026

🥩 "أنا مش بلعب جيم... يبقى ليه آكل بروتين؟"
من أكتر المفاهيم المنتشرة إن البروتين مرتبط بلاعبي كمال الأجسام فقط
لكن الحقيقة العلمية مختلفة تمامًا
كل خلية في جسمك تقريبًا محتاجة بروتين سواء كنت رياضي، موظف، طالب، ربة منزل، أو حتى شخص كبير في السن
١- البروتين عنصر أساسي للحياة، وليس لبناء العضلات فقط
البروتين يتكون من وحدات صغيرة اسمها الأحماض الأمينية، وهي تدخل في تكوين العضلات، الجلد، الشعر، الأظافر، الإنزيمات، الهرمونات، الأجسام المضادة التي تحارب العدوى، كثير من الخلايا والأنسجة في الجسم
يعني كل يوم جسمك بيهدم ويجدد ملايين الخلايا... ولازم يوفر لها بروتين كافٍ

٢- البروتين يحافظ على العضلات... حتى لو مش بتتمرن
العضلات مش مهمة عشان شكل الجسم بس.. هي مهمة لأنها بتساعدك تتحرك بسهولة وبتقلل خطر السقوط مع التقدم في العمر وبتحسن القوة والقدرة على أداء الأنشطة اليومية وبتساهم في الحفاظ على معدل استهلاك الطاقة
لو كمية البروتين قليلة لفترات طويلة، خصوصًا مع نزول الوزن أو التقدم في السن، الجسم قد يبدأ يفقد جزءًا من كتلته العضلية

😋 ٣- البروتين يشبعك لفترة أطول
لو فطرت بقطعة كرواسون أو بسكويت غالبًا هتجوع بسرعة، لكن لو كانت وجبتك فيها:🥚 بيض🍗 دجاج🧀 جبنة🫘 فول أو عدس... الإحساس بالشبع غالبًا هيستمر لفترة أطول
السبب إن البروتين يبطئ خروج الطعام من المعدة، يحفز إفراز هرمونات الشبع، يساعد على تقليل الرغبة في تناول الوجبات الخفيفة عند كثير من الأشخاص
وده من أهم الأسباب اللي بتخليه عنصر أساسي في أي نظام غذائي متوازن

🔥 هل البروتين بيزود الحرق؟
الجسم بيستهلك طاقة لهضم وامتصاص الطعام والمثير للاهتمام إن البروتين يحتاج طاقة أكبر للهضم مقارنة بالدهون والكربوهيدرات، وهي ظاهرة تُعرف بـالتأثير الحراري للغذاء
لكن لازم نكون واقعيين.. البروتين مش هيخليك تحرق الدهون لوحده، لكنه قد يساهم بشكل بسيط في زيادة استهلاك الطاقة ضمن نظام غذائي متوازن

❤️ ٤- البروتين والمناعة
الأجسام المضادة التي تحارب الفيروسات والبكتيريا عبارة عن بروتينات وكثير من خلايا الجهاز المناعي تعتمد على توفر الأحماض الأمينية لتعمل بكفاءة ولذلك نقص البروتين الشديد قد يؤثر سلبًا على كفاءة المناعة

🩹٥- البروتين والتئام الجروح
بعد العمليات الجراحية أو الإصابات أو الحروق
الجسم يحتاج كميات أكبر من البروتين لإصلاح الأنسجة وتكوين خلايا جديدة
ولهذا يهتم أخصائيين التغذية بتقييم احتياجات البروتين لدى المرضى، لأن التغذية الجيدة جزء أساسي من سرعة التعافي

💇 ٦- البروتين وصحة الشعر والجلد
الشعر يتكون أساسًا من بروتين يسمى الكيراتين ولو كان النظام الغذائي فقيرًا بالبروتين لفترة طويلة، قد يظهر ذلك في صورة ضعف الشعر، زيادة التساقط، هشاشة الأظافر وبطء التئام الجروح
لكن مهم نعرف إن تساقط الشعر له أسباب كثيرة، وليس نقص البروتين وحده

🍽️ هل لازم آكل بروتين في كل وجبة؟
يفضل توزيع البروتين على مدار اليوم بدلًا من تناول معظم الكمية في وجبة واحدة يعني مثلا:
الإفطار: بيض أو جبنة قريش أو فول
الغداء: دجاج أو سمك أو لحم أو بقوليات
العشاء: زبادي أو جبنة أو تونة أو عدس
الفكرة مش إنك تكثر من البروتين...لكن إنك تاخد احتياجاتك اليومية وتكون محسوبة صح

🤔 هل البروتين خطر على الكلى؟
دي من أكثر الشائعات انتشارًا

بالنسبة لمعظم الأشخاص الأصحاء، تناول البروتين بالكميات الموصى بها لا يسبب ضررًا للكلى
أما مرضى الكلى، فقد يحتاجون إلى تعديل كمية البروتين حسب حالتهم، ويكون ذلك تحت إشراف الطبيب أو أخصائي التغذية

⚖️ "أنا ملتزم بالدايت... ليه الميزان واقف؟!""أنا ماشي على النظام بالحرف، ومع ذلك وزني ثابت!"من أكتر الرسائل اللي بتيجي ل...
08/07/2026

⚖️ "أنا ملتزم بالدايت... ليه الميزان واقف؟!"
"أنا ماشي على النظام بالحرف، ومع ذلك وزني ثابت!"
من أكتر الرسائل اللي بتيجي لأي أخصائي تغذية

أول حاجة لازم تعرفها ان ثبات الوزن لا يعني إن الدايت فشل
في معظم الحالات، جسمك بيكون لسه بيتغير، لكن الميزان مش بيحكي القصة كلها
تعالوا نفهم العلم بيقول إيه
أولًا: جسمك مش آلة، إحنا متعودين نفكر إن عجز السعرات يعنى نزول وزن على طول لكن الحقيقة إن جسم الإنسان أكثر تعقيدًا
نزول الوزن مش بيحصل في خط مستقيم...بل في شكل موجات...أسبوع ينزل، أسبوع يثبت وبعدها ينزل تاني وده طبيعي جدًا
1️⃣ احتباس السوائل... أشهر سبب للثبات
مش كل زيادة على الميزان معناها دهون
الجسم ممكن يحتفظ بـ 1–3 كجم من المياه بسبب:
تناول وجبة مالحة، قلة النوم، التوتر وارتفاع هرمون الكورتيزول، الدورة الشهرية عند السيدات او تمرين مقاومة جديد يسبب التهاب بسيط مؤقت في العضلات

في الحالات دي، الدهون قد تكون بتقل بالفعل، لكن المياه بتغطي على النتيجة

2️⃣ الحرق بيقل مع نزول الوزن
كلما خسرت وزن، جسمك يحتاج طاقة أقل
يعني شخص كان وزنه 120 كجم هيحرق سعرات أكثر من نفس الشخص بعد ما يصبح 95 كجم، حتى لو مارس نفس النشاط
وده شيء طبيعي اسمه (Metabolic Adaptation)
لذلك قد يحتاج النظام الغذائي أو النشاط البدني إلى تعديل مع مرور الوقت

3️⃣ الحركة اليومية بتقل بدون ما تحس
وأنت في الدايت، الجسم يحاول يحافظ على الطاقة
فتلاقي نفسك بتتحرك أقل، بتقعد أكتر، بتستخدم الاسانسير بدل السلم، إشارات الحركة التلقائية تقل

وده يقلل استهلاك الطاقة اليومي، حتى لو التمرين ثابت

4️⃣ تقدير السعرات مش دايمًا دقيق
كتير من الناس يقولوا:"أنا باكل قليل." لكن في الحقيقة:
معلقة الزيت = حوالي 120 سعر
حفنة مكسرات ممكن توصل لـ 200 سعر
المشروبات السكرية والقهوة بالمبيضات تضيف سعرات بدون ما نحس
التذوق أثناء الطبخ بيتحسب
علشان كده، مراجعة الكميات كل فترة مهمة

5️⃣ البروتين وتمارين المقاومة
لو البروتين قليل أو مفيش تمارين مقاومة، ممكن الجسم يفقد جزءًا من الكتلة العضلية أثناء نزول الوزن وده قد يقلل معدل استهلاك الطاقة مع الوقت
الحفاظ على العضلات يساعد في استمرار نزول الدهون وتحسين شكل الجسم

6️⃣ هل الميزان هو الحكم الوحيد؟
الإجابة: لا
تابع كمان:📏 المقاسات👖 اتساع الملابس.📸 صور كل شهر.💪 نسبة القوة في التمرين.😊 مستوى النشاط والطاقة
أحيانًا الميزان ثابت، لكن مقاس البنطلون ينزل رقم كامل

إمتى يكون الثبات حقيقي؟
إذا كان الوزن ثابتًا لمدة 3–4 أسابيع أو أكثر مع:
التزام واضح بالنظام
ثبات في النشاط البدني
قياس الوزن بنفس الطريقة وفي نفس الظروف
فهنا قد يكون الوقت مناسبًا لإعادة تقييم السعرات، أو النشاط، أو بعض العوامل الصحية بالتعاون مع أخصائي التغذية أو الطبيب إذا لزم الأمر

الخلاصة ... الميزان أداة لكنه مش الحقيقة كله

أنا بوظت الدايت عشان أكلت قطعة جاتوهطالما أكلت بيتزا خلاص الأسبوع كله ضاع من أول معلقة رز خرجت من النظاملو الجمل دي بتتك...
07/07/2026

أنا بوظت الدايت عشان أكلت قطعة جاتوه
طالما أكلت بيتزا خلاص الأسبوع كله ضاع
من أول معلقة رز خرجت من النظام

لو الجمل دي بتتكرر معاك، فأنت غالبًا بتفكر بعقلية "كل شيء أو لا شيء"... ودي واحدة من أكبر أسباب فشل الدايت
الحل اسمه المرونة الغذائية (Flexible Dieting)
إيه هي المرونة الغذائية؟
هي إنك تلتزم بنظام صحي معظم الوقت، مع وجود مساحة مدروسة للأكلات اللي بتحبها، بدون شعور بالذنب أو فقدان السيطرة
يعني بدل ما تقسم الأكل إلى أكل حلال وأكل حرام!!
تبدأ تشوفه على إنه أطعمة أكثر قيمة غذائية وأطعمة أقل قيمة غذائية لكن ممكن تدخل باعتدال 👌
الهدف مش الكمال... الهدف الاستمرار
ليه الحرمان غالبًا بيفشل؟
لما تمنع نفسك تمامًا من أكلة بتحبها، المخ بيعتبرها "ممنوع مرغوب" وكل ما تمنعها أكتر... كل ما التفكير فيها يزيد! وبعد فترة يحصل انفجار "هبدأ من يوم السبت."
فتاكل كمية كبيرة، وتشعر بالذنب، وتبدأ الدايت من جديد.
وده يسمى دائرة الحرمان والإفراط
العلم بيقول إيه؟
تشير دراسات عديدة إلى أن الأنظمة الغذائية الصارمة جدًا قد تكون أكثر صعوبة في الاستمرار على المدى الطويل
السبب بسيط...
أنت مش محتاج نظام ينزل وزنك أسبوعين... أنت محتاج نظام تقدر تعيش عليه سنين
هل المرونة معناها آكل أي حاجة؟ طبعًا لا
المرونة مش معناها: ❌ أكل حلويات كل يوم. ❌ وجبات سريعة باستمرار. ❌ ومش معناها ان طالما في حدود السعرات يبقى كله واحد 👌
الجسم مش بيحتاج سعرات بس...
هو محتاج: 🥩 بروتين لبناء العضلات
🥗 ألياف لصحة الجهاز الهضمي والشبع
🥜 دهون صحية للهرمونات
🍎 فيتامينات ومعادن لكل خلية في الجسم
السعرات مهمة... لكن جودة الأكل مهمة بنفس القدر

قاعدة 80/20
من أشهر الطرق لتطبيق المرونة الغذائية:
حوالي 80% من أكلك يكون من أطعمة غنية بالعناصر الغذائية المهمة زى الخضار والفاكهة والبروتين، وااحبوب الكاملة والدهون الصحية
وحوالي 20% ممكن تكون من الأكلات التانية بس باعتدال

الرقم ده مش قانون ثابت، لكنه فكرة تساعدك تحقق توازن بدون إحساس بالحرمان
طب لو أكلت حاجة "بره النظام"؟
اسأل نفسك سؤال واحد:
هل كاوتش العربية لو اتخرم، هتروح تخرم التلاتة الباقيين؟ 🤔
أكيد لا
يبقى ليه وجبة واحدة تخليك تسيب النظام كله؟ 🤔
وجبة واحدة مش بتسبب زيادة وزن ملحوظة... زي ما وجبة سلطة واحدة مش هتخليك تخس
النتائج بتتحدد بالعادات المتكررة، مش بوجبة واحدة
إزاي تطبق المرونة الغذائية؟
متمنعش نفسك من أكلة بتحبها، لكن حدد الكمية
خلي أغلب وجباتك متوازنة
كل ببطء واستمتع بالأكل
متاكلش من باب الشعور بالذنب أو المكافأة
لو خرجت عن خطتك في وجبة، ارجع للوجبة اللي بعدها مباشرة

الخلاصة
الدايت مش اختبار لازم تجيب فيه 100%
هو رحلة لبناء عادات تستمر وأفضل نظام غذائي مش هو الأكثر قسوة..لكن هو
النظام اللي تقدر تلتزم بيه، ويغذي جسمك، ويخليك تستمتع بحياتك في نفس الوقت

أنا كل ما أكون مضغوط باكللما أكون زعلانة بلاقيني نفسي في شوكولاتة من ساعة ما بقيت باكل كويس بقيت حاسة إني أهداالجمل دي م...
06/07/2026

أنا كل ما أكون مضغوط باكل
لما أكون زعلانة بلاقيني نفسي في شوكولاتة
من ساعة ما بقيت باكل كويس بقيت حاسة إني أهدا

الجمل دي مش صدفة... لأن فيه علاقة حقيقية بين المخ والأكل، لكنها أعقد من فكرة إن أكلة معينة هتخليك مبسوط
🧠 المخ... أكتر عضو بيستهلك طاقة
رغم إن وزن المخ حوالي 2% فقط من وزن الجسم، إلا إنه يستهلك حوالي 20% من طاقة الجسم يوميًا عشان يشتغل بكفاءة، هو محتاج وقود مستمر وعناصر غذائية معينة تساعده يصنع المواد الكيميائية المسؤولة عن المزاج والتركيز والنوم زى مثلا السيروتونين... هرمون السعادة

السيروتونين هو ناقل عصبي يساعد في تنظيم الحالة المزاجية، النوم، الشهية، الإحساس بالراحة
لكن مهم نعرف إن الأكل نفسه لا يحتوي على السيروتونين الذي يصل إلى المخ، وإنما الجسم يصنعه من حمض أميني اسمه التريبتوفان، الموجود في أطعمة مثل البيض، الدجاج، السمك، منتجات الألبان، البقوليات، المكسرات
وعشان يستفيد الجسم منه، يحتاج أيضًا إلى عناصر مثل فيتامينات B، والماغنيسيوم، والحديد
🍫طب ليه بنشتهي الحلويات لما نكون مضغوطين؟
لأن السكر يرفع إفراز الدوبامين بسرعة، وهو ناقل عصبي مرتبط بالشعور بالمكافأة والمتعة
المشكلة إن التأثير ده مؤقت جدًا، وبعده ينخفض سكر الدم، فيرجع الإحساس بالتعب أو التوتر، وتدخل في دائرة: توتر → حلويات → راحة مؤقتة → هبوط → رغبة في المزيد
🥦 هل الأكل الصحي يمنع الاكتئاب؟
الإجابة: لا
الاكتئاب والقلق حالات طبية ولا يوجد طعام يعالجها بمفرده
لكن النظام الغذائي المتوازن قد يساعد في دعم صحة المخ، وتحسين الطاقة، وتقليل بعض الحاجات اللى قد تؤثر على الحالة النفسية، فيعتبر جزء من نمط حياة صحي لكن مش بديل عن العلاج أو المتابعة مع الطبيب عند الحاجة
طب وصحة الأمعاء؟
قد تستغرب، لكن هناك تواصل مستمر بين الأمعاء والمخ
وجود بكتيريا نافعة في الأمعاء يرتبط بتحسن وظائف متعددة، لذلك تناول الخضروات، الفاكهة، الحبوب الكاملة، البقوليات، الزبادي ومنتجات الألبان المخمرة (لمن تناسبهم) يساعد في تغذية البكتيريا النافعة، وهو ما قد ينعكس إيجابًا على الصحة العامة، بما فيها صحة المخ
ومتنساش المية لان الجفاف البسيط قد يؤدي إلى ضعف التركيز، الصداع، سرعة الانفعال، الشعور بالإجهاد
وأحيانًا كل ما يحتاجه جسمك هو شرب كمية كافية من المية
يعنى باختصار الأكل مش هيحل كل المشكلات النفسية، لكنه يؤثر فعلًا في كفاءة عمل
اهتم بصحتك النفسية كما تهتم بصحة جسمك، وإذا
استمرت أعراض الحزن أو القلق أو فقدان المتعة لفترة طويلة، اطلب المساعدة من مختص
فالعلاج النفسي والتغذية الصحية بيكملوا بعض

01/07/2026

قولولى في الكومنتات على معلومات سمعتوها واقولكم حقيقتها ايه 👌

كتير بنسمع الجملة دي: "زمان كنت باكل اللي أنا عايزاه ومكنتش بتخن... دلوقتي مجرد أبص للأكل ألاقي وزني زاد!"هل فعلًا الجسم...
01/07/2026

كتير بنسمع الجملة دي: "زمان كنت باكل اللي أنا عايزاه ومكنتش بتخن... دلوقتي مجرد أبص للأكل ألاقي وزني زاد!"
هل فعلًا الجسم بعد سن الـ30 بيبطل يحرق؟
الإجابة: مش بالضبط... لكن في تغييرات بتحصل مع التقدم في العمر بتأثر على معدل الحرق
أولًا: في اعتقاد شائع إن أول ما تتم 30 سنة، الحرق بينزل بشكل كبير لكن الدراسات بتوضح إن معدل الحرق الأساسي (Basal Metabolic Rate) بيكون مستقر نسبيًا في مرحلة البلوغ، وأي انخفاض بيكون تدريجي، وغالبًا بيظهر بشكل أوضح مع التقدم في العمر، خصوصًا بعد الستين
يعني المشكلة بعد الـ30 مش إن الجسم قفل الحرق فجأة!
ثانيًا... العضلات بتقل لو مش بنستخدمها
العضلات هي أكتر نسيج بيستهلك طاقة في الجسم
بعد سن الـ30، لو مفيش مقاومة أو نشاط بدني منتظم، الجسم ممكن يبدأ يفقد جزءًا من كتلته العضلية تدريجيًا
كل ما العضلات تقل، قدرة الجسم على استهلاك الطاقة تقل
عشان كده ناس كتير بتحس إن وزنها بقى يزيد بسهولة

ثالثًا: الحركة اليومية بتقل
افتكر نفسك من 10 سنين، كنت بتتحرك أكتر؟ بتطلع سلالم؟ بتجري ورا شغلك؟ بتتمشى؟
مع الشغل المكتبي، والعربية، وقعدة البيت... الحركة اليومية بتقل جدًا، وده ممكن يقلل حرق مئات السعرات يوميًا بدون ما ناخد بالنا
رابعًا: المسؤوليات بتزيد
قلة النوم،الضغط النفسي، الأكل السريع،الاعتماد على الدليفري كلها عوامل بتأثر على اختياراتنا الغذائية، وقد تزود تناول السعرات، حتى لو إحساسنا إننا بناكل أقل

خامسًا: الهرمونات لها دور، لكن مش كل القصة
مع التقدم في العمر ممكن تحصل تغيرات هرمونية، خصوصًا عند السيدات مع اقتراب سن انقطاع الطمث، أو عند وجود اضطرابات مثل قصور الغدة الدرقية أو مقاومة الإنسولين
لكن مش أي زيادة وزن بعد الـ30 سببها الهرمونات، وفي أغلب الناس بيكون نمط الحياة هو العامل الأكبر

طيب نعمل إيه؟
✅ اهتم بالبروتين في كل وجبة للحفاظ على العضلات
✅ مارس تمارين المقاومة 2–3 مرات أسبوعيًا
✅ اتحرك أكتر خلال اليوم، حتى لو مش هتروح الجيم
✅ نام عدد ساعات كافي
✅راقب الكميات حتى لو الأكل صحى
الرسالة المهمة 💙
سن الـ30 مش نهاية الحرق، ومش حكم إنك لازم تزيد في الوزن، اللي بيتغير غالبًا هو أسلوب حياتنا أكثر من جسمنا
كل ما حافظت على عضلاتك، وحركتك، وأكلك المتوازن، هتفضل قدرة جسمك على الحرق أفضل لسنوات طويلة

30/06/2026

اشهر ٥ اكلات فاكرينها دايت ونقدر ناكل منها براحتنا
وفى الحقيقة انها مليانه سعرات خفية 👌

Address

Port Said

Telephone

+201005594535

Website

Alerts

Be the first to know and let us send you an email when Nutritionist_Nero posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nutritionist_Nero:

Shortcuts

Share

Category