14/07/2026
# # نصائح لمرضى القلب في الأيام الحارة # # ☀️
الحر الشديد خطر على القلب لأسباب كتير، ومحتاج تعامل خاص ..
1. السوائل والأكل:
- اشرب مياه باستمرار، في المتوسط 2-3 لتر في اليوم حتى لو مش عطشان. الجفاف بينزل الضغط، وبيزود لزوجة الدم، وفرص حدوث الجلطات بترتفع.
- قلل الملح والحوادق: الحر + الملح = احتباس سوائل بشكل سلبي غير مفيد، وتورم، وضغط عالي.
- تقليل الشاي والقهوة، لإن الشاي والقهوة والمشروبات الغازية مدرات بول وممكن تسبب جفاف.
- وجبات خفيفة غنية بالسوايل والأملاح المفيدة، زي الخضار والفاكهة.
2. الأدوية:
- ما توقفش الدوا لوحدك: مدرات البول "اللازكس" ممكن تسبب جفاف زيادة في الحر. كلم دكتورك يظبط الجرعة.
- أدوية الضغط: ممكن تنزل الضغط زيادة مع العرق. قيس الضغط بانتظام.
- احفظ الدوا صح: الحرارة بتبوظ بعض أدوية القلب. خليها في مكان بارد بعيد عن الشمس والحرارة العالية.
3. الخروج والحركة:
- *
- تجنب وقت الذروة: من 11 الصبح لـ 4 العصر الشمس قوية جداً.
- البس قطن فاتح وغطي راسك: كاب ونضارة شمس
- الرياضة: لو عايز تتمشى خليها الصبح بدري أو بعد المغرب ويا سلام في مكان مكيف.
- تكييف/مروحة: حافظ على حرارة البيت 24-26 درجة. التغير المفاجئ من الحر للتكييف القوي غلط.
$$$$$$ علامات الخطر $$$$$$
اتواصل مع طبيبك أو روح المستشفى فوراً لو حصل:
ألم صدر مش بيروح بالراحة.
نهجان شديد أو صعوبة تنفس.
دوخة أو إغماء
ضربات قلب سريعة أو ملخبطة
تورم مفاجئ في الرجلين أو البطن
حرارة عالية جداً مع عدم تعرق = ضربة شمس.
****"*******************************************
توضيح هام:
دي نصائح عامة. كل حالة قلب ليها تفاصيلها المختلفة، فلازم تراجع دكتور القلب بتاعك في الصيف عشان يظبطلك الخطة.
