26/08/2022
مصل الانفلوانزا 2022/2023
متوفر تطعيم الإنفلونزا لهذا العام حيث يمثل تطعيم الإنفلونزا هذا العام أهمية قصوى.
حيث تحذر منظمة الصحة من تزامن الإصابة بالإنفلونزا مع إحتمالية الإصابة بفيروس كورونا.
🛑 يعنى انا لو اخدت المصل ده مش هتجيلى انفلونزا؟
المصل ضد الانفلونزا الفيروسية هيوفرلك 4 حاجات:
1. حماية ٨٠٪ من الانفلونزا الفيروسية الموسمية.
2. بيقلل حدة الأعراض.
3. يقصر مدة الأعراض.
4. والأهم إنه بيمنع المضاعفات.
5. هيحمي الرئه بتاعتك جدا عشان متكونش ضعيفه وعرضه للاصابه بفيروس كورونا المستجد نتيجه تكرار الاصابة بفيروس الانفلونزا.
🛑 طيب هو مين اللى لازم يأخذه؟
كلنا بلا استئناء لازم نأخذه و خصوصا اننا محتاجين مناعة قوية علشان نحصن نفسنامن اى دور انفلونزا ممكن يجيلنا فيضعف مناعتنا و نكون عرضة لا قدر الله لاى فيروس تانى
🛑اكثر الفئات المعرضة للاصابة؟
1. الاطفال ثم الاطفال و خصوصا ان المدارس رجعت.
2. مرضى حساسية الصدر لإن دور الإنفلونزا والبرد من المثيرات اللي ممكن تدخله في ازمة تنفسية.
3. مرضى الجيوب الانفية.
4. ذو المناعة الضعيفة اللى مع اى دور برد بيحصلهم مشاكل كتير.
5. كبار السن.
6. الحوامل بس يُفضل بعد الثلاثة اشهر الاولى.
7. المرضعات.
🛑 المفروض يتاخد إمتى؟
يُفضل إعطاءه قبل دخول فصل الشتاء عشان مفعوله يبدأ يظهر عند بداية موسم البرد (بيستغرق من إسبوعين إلي ثلاثة أسابيع لظهور تأثيره)
يعني افضل توقيت سبتمبر ولا يُنصح بإعطاءه أثناء أدوار البرد.
🛑 طيب ايه هى الجرعة؟ هل ينفع لكل الاعمار؟
ينفع لكل الاعمار فوق ال ٦ شهور
بياخذ المصل كله بس بشرط ان الطفل لو كان اول مرة يأخذه فى حياته
لازم يكرر الجرعة بعد شهر.
10 سنين فيما فوق بياخذ المصل مرة واحدة فقط.
المصل يُعطى فى عضلة الكتف بعمق
و ممكن تحت الجلد (في الذراع مثلا)
🛑 هل ليه اعراض الجانبية؟
1. فى بعض الحالات وجع بسيط وإحمرار أو تورم مكان الحقنة
2. نادرا ما يسبب سخونة أو صداع وآلام بالجسم
3. وحالات نادرة جدا جدا يحدث حساسية أو طفح جلدى
اللقاح يؤجل و لكنه غير ممنوع لو كان الشخص عنده عدوى او درجة حرارته عالية اللقاح بيتاخد حقن عميق ف عضلة الكتف و يجوز انه يتحقن تحت الجلد مع فاصل زمني بين لقاح كورونا ومصل الانفلونزا من 2 اسبوع إلى ٣ اسبوع
✨لمزيد من التفاصيل و الاسئلة
ابعتلنا مسج وهنرد عليك 🙏
✨من خلال خدمة الواتس أب من صيدلية سيف - SEIF Pharma
- SEIF Pharmacy
