السكري - Diabetes

السكري - Diabetes داء السكري من الخوف الي التعايش 💙
(2)

09/06/2026

لو شايف ان فعلا السكري أهون بكتير من غيره من الامراض ...قول الحمدلله 🤲💙

🔵 الأنسولين المخلوط والسكري النوع الأول 🤔🔹️السكري من النوع الأول يعنى البنكرياس اتوقف تماما عن الوظيفه بتاعته ومش بيفرز...
09/06/2026

🔵 الأنسولين المخلوط والسكري النوع الأول 🤔

🔹️السكري من النوع الأول

يعنى البنكرياس اتوقف تماما عن الوظيفه بتاعته ومش بيفرز انسولين ووضحنا قبل كدا ان ده ملهوش سبب معيين ولكن هو بيكون خلل مناعى لان المفروض جهاز المناعة اللى بيحافظ على الجسم هو نفسه اللى انقلب وهاجم البنكرياس ف خلايا بيتا المفرزة للانسولين ✅

🟦 ️توضيح بسيط
سبحان الله وظيفه البنكرياس بطبيعته انه وقت الأكل بيقدر كميه الأكل دى اللى دخلت الجسم ويقدرها ويطلع قصااادها انسولين يعااادلها زى كفتين الميزان عشان ميديش فرصه للسكر انه يعلي ف الجسم والشخص ده يفضل السكر بمعدله الطبيعى ف جسمه من غير اى خلل

ومابين الوجبات يبدأ الأنسولين مراقب كويس جدا الاجواء ف الجسم ويفضل محافظ على ان مفيش اى سكر زياده عن حاجه الجسم ويفضل موجود بااستمرار عشان يدخل الجلوكوز جوه الخلايا وتقدر انها تطلع طاقه يستفيد منها الجسم خلال اليوم 👌

🔹️ومعنى ان الشخص ده اصيب بالسكرى من النوع الأول يعنى وظيفه البنكرياس اتوقفت تماما يعنى مفيش انسوليين خالص ف الجسم ايه الحل... 🤔

🔹️هنا بقى الطبيب المختص بيبدا يفهم السكرى ده ان لازم يستخدم نوعين من الانسولين عشان يعمل نفس وظيفه البنكرياس الطبيعيه ويكون الأنسان لنفسه او الأم تكون لطفلها (بنكرياس صناعى) 👌

🟦نوعين الأنسولين
🔹️انسولين سريع وده بيبقى حسب الأكل
🔹️انسولين قاعدى وفيه منه اللى بيقعد 12 ساعه وفى اللى بيقعد 24 ساعه

🔷️انما المخلوط وده اللى بنتكلم عنه مخلوط بنسب معينه من الاتنين اللى فوق دول مائى وقاعدى مع بعض وبيشتغل لمده 12 ساعه

وده مينفعش مع السكرى مع النوع الأول خالص لان زى ما قولنا انه محتاج يعوض وظيفة البنكرياس الطبيعيه وهى ان يكون فى انسولين يشتغل على الاكل وانسولين يشتغل على فترات مابين الأكل ومينفعش انفذ ده ب الأنسولين المخلوط ❌

لان هيسبب للسكرى هبوط و ارتفاع خلال اليوم وهيبقى صعب جدا انه يظبط سكره 👎

وده هيسبب مشاكل كتير ف غنى عنها 👌

🟦 الأنسولين المخلوط لااااا يناسب السكريين من النوع الأول ✅

ف انت لو سكرى من النوع الاول وبتاخد انسولين مخلوط وسكرك مش مظبوووط والتراكمي بتاعك عالي ❌
راجع الطبيب ف العلاج ✅



❇️ يعني إيه سكر تراكمي ؟!وهل ينفع يغني عن القياسات اليومية ؟!🔹️ السكر التراكمي (HbA1c)هو متوسط مستوى السكر في الدم خلال ...
09/06/2026

❇️ يعني إيه سكر تراكمي ؟!
وهل ينفع يغني عن القياسات اليومية ؟!

🔹️ السكر التراكمي (HbA1c)
هو متوسط مستوى السكر في الدم خلال آخر 3 شهور.
يعني كأنه "نتيجة تعبك ومجهودك" في محاولة ضبط السكر الفترة اللي فاتت ✅

❇️ طب طالما التحليل ده بيكشف عن الـ3 شهور اللي فاتوا،
إيه لازمة القياسات اليومية؟
📚 هو ينفع تمتحن من غير ما تذاكر؟
أكيد لا!
نفس الفكرة بالضبط 👇
👈 التحليل التراكمي بيقولك النتيجة النهائية،
لكن القياسات اليومية هي اللي بتخليك تعرف:
فين غلطت؟
وإزاي تصلح غلطك؟

🔹️ مثال بسيط:
النهارده حللت السكر صايم لقيته كويس،
بعد الفطار بساعتين لقيته عالي 😮
كده هتتعلم وتظبط أكلك تاني يوم 👍

🔹️ليه القياسات اليومية مهمة جدًا؟
👈 لأنها بتساعدك:
💊تعرف العلاج مناسب ولا محتاج تعديل
🍽تراقب تأثير الوجبات على سكرك
تتصرف بسرعة في حالات الطوارئ سواء ارتفاع أو انخفاض
والأهم: تحمي نفسك من الغيبوبة أو الهبوط المفاجئ 😔

💙 يعني باختصار:
❌ لا غنى عن القياسات اليومية
✅ عشان تحافظ على صحتك
✅ وتمنع المضاعفات
✅ وتتعامل بسرعة في أي طارئ
📍 خليك دايمًا صاحب جهاز القياس في كل مكان
📍 ومتكررّش نفس الغلط مرتين
📍 وتعلّم أعراض الهبوط والارتفاع وإزاي تتصرف في الحالتين
حتى لو مش مريض سكر،
ممكن تنقذ حياة شخص بيتعرض لهبوط أو ارتفاع مفاجئ 🩵


السكري - Diabetes

06/06/2026

الناس اللي بطلت تاكل بيض فراخ لبن و دقيق ابيض وماشي على النظام الطيبات طمنونا حصل معاكم ايه

بجد في ناس قطعت البيض من حياتها؟؟
05/06/2026

بجد في ناس قطعت البيض من حياتها؟؟

05/06/2026



❓ ليه السكري بيعلى بعد الأكل حتى لو ماكلتش كتير؟
✅ لأن نوع الأكل أهم من كميته طيب ازاي ممكن تضيح ! النشويات البسيطة زي (العيش الابيض – الارز – البطاطس) ترفع السكر بسرعة حتى لو الكمية قليلة.

❓ هو لازم أقيس السكر كل يوم؟
✅ لو سكرك مش ثابت أو لسه بتظبط جرعاتك، لازم. لما يستقر ممكن تكتفي بعدة مرات بالأسبوع حسب تعليمات الدكتورالمتابع لحالتك .

❓ ينفع آكل فاكهة وأنا مريض سكر؟
✅ طبعا، بس باعتدال ومع الأكل.
بس نخلي بالنا من النوع يعني التفاح والجوافة أحسن من الموز والعنب والمنجا.

05/06/2026

🤔 السكر الصايم 150... يبقى التراكمي كام؟

الإجابة: ❌ مينفعش نحدد السكر التراكمي من قراءة واحدة أو حتى قراءتين خلال اليوم.

📌 السكر التراكمي (HbA1c) بيعبر عن متوسط مستوى السكر خلال آخر 3 شهور تقريبًا، لذلك لا يمكن معرفة قيمته بدقة من قياس صائم أو عشوائي فقط.

✅ الأهم من السؤال "التراكمي كام؟"
هل قراءات السكر اليومية في المعدلات المستهدفة أم لا؟

بشكل عام، كثير من مرضى السكري بيكون الهدف:
✔️ سكر صائم في المعدل الذي حدده الطبيب يكون ف معدل اقل من 140 .
✔️ سكر بعد الأكل بساعتين أقل من 180 مجم/دل في أغلب الأحيان.

💙 المحافظة على الأكل الصحي، والنشاط البدني، والالتزام بالعلاج، والمتابعة المنتظمة هي أفضل طريقة للوصول إلى تراكمي جيد وتقليل المضاعفات.

📌 لكن في نقطة مهمة: لا يمكن حساب التراكمي بدقة من قراءة صائم واحدة. كما أن الأهداف الشائعة لكثير من مرضى السكري تكون أقل من 130 صائم وأقل من 180 بعد الأكل بساعتين، لكن الطبيب المتابع للحاله قد يضع أهدافًا مختلفة لبعض الحالات حسب العمر والحالة الصحية.


#التراكمي

05/06/2026

📌 مهم لمرضى السكري

❌ لا تزود أو تقلل جرعة العلاج، ولا تغيّر نوع الدواء، ولا توقف الحبوب أو الإنسولين من نفسك.

✅ أي تعديل في العلاج لازم يكون بعد استشارة الطبيب المتابع للحالة.

كثير من المرضى لما يلاقوا السكر التراكمي نزل أو قراءات السكر بقت طبيعية، يفتكروا إنهم مش محتاجين العلاج ويوقفوه.

⚠️ لكن لازم نعرف إن تحسن السكر غالبًا بيكون نتيجة:✔️ الالتزام بالعلاج✔️ تنظيم الأكل✔️ النشاط البدني والحركة✔️ المتابعة المستمرة

لذلك، إيقاف العلاج بدون استشارة الطبيب قد يؤدي إلى ارتفاع السكر مرة أخرى وفقدان السيطرة عليه.

💙 حافظ على علاجك، والتزم بخطة طبيبك، وأي تعديل يكون تحت إشراف طبي متخصص.

في بعض الحالات قد يقرر الطبيب تقليل الجرعات أو إيقاف بعض الأدوية إذا تحسنت الحالة بشكل كبير وعلي حسب التشخيص وفتره الاصابه وعوامل تانيه كتير ، لكن القرار يكون طبيا وليس بناءً على قياسات فردية فقط .

حابين نسمع ارائكم ؟!السكري - Diabetes
03/06/2026

حابين نسمع ارائكم ؟!
السكري - Diabetes

Address

قنا
Qena

Website

Alerts

Be the first to know and let us send you an email when السكري - Diabetes posts news and promotions. Your email address will not be used for any other purpose, and you can unsubscribe at any time.

Shortcuts

Share

Category