29/07/2026
مبرووووووك لكل الناجحين في الثانوية العامة! 🎉❤️
الثانوية العامة ليها ذكريات خاصة جدًا معايا شخصيًا... ومهما عدّى عليها سنين، لسه فاكرة التوتر، والخوف، والانتظار، ولحظة النتيجة.
وساعات وأنا بقابل أمهات جداد، بحس إن الأم اللي لسه والدة عاملة زي طالب الثانوية العامة. 😅
كل يوم امتحان جديد...
امتحان في الرضاعة، وامتحان في النوم، وامتحان في تهدئة البيبي، وامتحان في التعامل مع نصايح الناس اللي مبتخلصش.
وأوقات بحس إنها محتاجة دروس تقوية عشان تعرف تعدي المرحلة دي.
وفي الآخر... الناس كلها بتبص للنتيجة، وتنسى السهر، والتعب، والدموع، والمحاولات الكتير اللي كانت وراها.
فلو رحلتك في الرضاعة كانت سهلة، أو كانت مليانة تحديات... افتكري إن كل محاولة عملتيها كان ليها قيمة، وإنك بتتعلمي كل يوم.
ومهما كانت "النتيجة"... اعرفي إننا دايما معاك ، خطوة بخطوة، لحد ما تعدي المرحلة دي بأمان. 🤍
وإنتِ يا اجمل مامي... قوليلي إيه أصعب امتحان قابلِك بعد الولادة؟ 🌸
