شبكة المنوفية الطبية - Menofia Medical Network

شبكة المنوفية الطبية - Menofia Medical Network دليل العيادات والمستشفيات والصيدليات والمراكز الطبية بالمنوفية بالاضافة إلي المعلومات الطبية المفيدة

🌹 ألف مليون مبروك 🌹نتقدم بخالص التهاني وأطيب الأمنيات إلىالأستاذ الدكتور / أحمد القرشبمناسبة توليه رئاسة قسم القلب بمستش...
14/05/2026

🌹 ألف مليون مبروك 🌹
نتقدم بخالص التهاني وأطيب الأمنيات إلى
الأستاذ الدكتور / أحمد القرش
بمناسبة توليه رئاسة قسم القلب بمستشفى العربي بأبو رقبة اشمون ❤️

11/05/2026

🚨 إوعى تعمل كده لو كلب عضّك… حتى لو الناس حواليك بيقولوا كده بثقة.! ⚠️
90% من اللي بيتعضوا من كلب في مصر… بيعملوا نفس الغلطة أول 5 دقايق

في عز زحمة الكلام عن أزمة الكلاب في شوارعنا والجدال اللي مبيخلصش بين (المحبين والمعارضين) في فجوة وعي مرعبة ممكن تضيع حياتك في ثانية إحنا مش قدام مجرد جرح إحنا قدام سباق مع الزمن ضد فيروس (السعار) اللي لو تمكن من الجهاز العصبي بتبقى نسبة الوفاة 100%.. ملوش علاج في العالم كله 🛑

الخطورة مش في العضة بس الخطورة في سيستم الجدعنة"
الغلط اللي بنشوفه في الشارع من الناس اول ما تلاقي حد اتعض من كلب : 👇
🚫 أوهام الإنقاذ اللي بتسرّع الموت:
📍كتم الجرح بالبن : أول ما حد بيتصدم بمنظر الدم بعد العض .. تلاقي اللي بيجري ويقولك اكتم الجرح بسرعه بشوية بُن عشان النزيف يوقف
بس الحقيقة أن البُن بيعمل سدادات خشنة بتحبس لعاب الكلب الملوث بالفيروس جوه الأنسجة وبتحميه من الماية والمطهرات. إنت كدة بتخزن الفيروس جوه جسمك وبتديله الأمان عشان يوصل لأعصابك أسرع

📍 مشكلة الرباط الضاغط : بتشوف الناس بتربط فوق العضة بحزام أو قماشة جامد جداً فاكرين إن اللى دخل جسمهم سِم و بيمشي في الدم وعايزين يمنعوه يوصل للقلب بسرعة

بس الحقيقة أن فيروس السعار (Rabies) بيمشي في الأعصاب (زي سلك الكهرباء) مش في الدم. الربط ده مش هيوقفه ثانية واحدة لكنه هيقطع الدورة الدموية عن إيدك أو رجلك تماماً لحد ما تموت الخلايا وتعمل (غرغرينا) تضطرنا للبتر.. وإنت لسه في خطر السعار

📍جريمة خياطة الجرح: أحياناً الجرح بيكون واسع فالناس تجري على دكتور (مش متخصص) عشان يلم الجرح ويخيطه فوراً
و الحقيقة أن خياطة جرح عضة الكلب مُحرمة طبياً في البداية لأن الفيروس ده (لاهوائي) وخياطة الجرح يعني إنك بتقفل عليه الأوكسجين وبتوفر له البيئة المثالية عشان يتكاثر بجنون جوه جسمك

✅ تعالى بقي أقولك البروتوكول المنقذ (إزاي تدمر الفيروس قبل ما يدمرك) :
1️⃣ الصابون هو (السلاح السري): الناس بتستهون بالصابون وبتبحث عن مطهرات غالية لكن العلم بيقول إن فيروس السعار محاط بغلاف دهني الصابون هو المادة الوحيدة اللي بتعمل (Dissolve) وتذويب للغلاف ده فتدمر الفيروس فوراً. اغسل الجرح بماء جاري مع اى نوع صابون لمدة 15 دقيقة متواصلة.. الخطوة دي أهم خطوة قبل خطوة المصل نفسه

2️⃣ سيب الجرح ينزف ويتهوى: النزيف البسيط في الأول مفيد لأنه بيطرد اللعاب لبره. والجرح لازم يفضل مكشوف وممنوع تغطيه ببلاستر أو شاش مكتوم نهائياً .. لازم يفضل مكشوف

3️⃣ سباق الـ 24 ساعة: لازم تتوجه بعدها فوراً لمستشفى (الحميات) لعمل اللازم المصل (Immune Globulin) بيتحقن حوالين الجرح لمحاصرة الفيروس واللقاح بيتاخد بجدول محدد لبناء المناعة

🔑 الخلاصة
حياتك مش مجال للتجارب ولا للوصفات البلدي. السعار ملوش فرصة تانية.. الماية والصابون والمصل هما طوق النجاة الوحيد.
♻️المنشور ده لازم يوصل لكل بيت في مصر.. شير (Share) فوراً معلومة واحدة صح ممكن تنقذ روح من مصير مأساوي
✍🏻 Dt Mohamed Riad ✍🏻

توفي الشاب محمد عبدالوهاب، ابن محافظة المنوفية، قبل ساعات، بسبب اتباعه ما يسمى بنظام الطيبات وإيقافه تناول الأنسولين، وف...
10/05/2026

توفي الشاب محمد عبدالوهاب، ابن محافظة المنوفية، قبل ساعات، بسبب اتباعه ما يسمى بنظام الطيبات وإيقافه تناول الأنسولين، وفق شهادات لعدد من أصدقائه.

🔥 ويجوفي وصل مصر رسميًا…😮‍💨 طيب نختار ويجوفي ولا مونجارو؟ وإيه الفرق الحقيقي بينهم؟في الفترة الأخيرة أدوية التخسيس بقت ح...
07/01/2026

🔥 ويجوفي وصل مصر رسميًا…

😮‍💨 طيب نختار ويجوفي ولا مونجارو؟ وإيه الفرق الحقيقي بينهم؟

في الفترة الأخيرة أدوية التخسيس بقت حديث الناس، ومع نزول ويجوفي (Wegovy) لأول مرة في مصر، السؤال بيتكرر:
إيه الفرق بينه وبين مونجارو (Mounjaro)؟ وأيهم أقوى وأنسب؟

خلّيك معايا، هشرحها ببساطة 👇

أولًا: كل دواء بيشتغل إزاي؟

💉 ويجوفي (Wegovy)
• المادة الفعالة: Semaglutide
• بيشتغل عن طريق محاكاة هرمون اسمه GLP-1
• بيعمل إيه؟
• يقلل الشهية
• يبطّأ تفريغ المعدة
• يخليك تشبع أسرع وتاكل أقل

نفس مادة أوزمبك… بس بجرعات أعلى مخصوصة للتخسيس.

💉 مونجارو (Mounjaro)
• المادة الفعالة: Tirzepatide
• بيشتغل على هرمونين مع بعض:
• GLP-1
• GIP
• النتيجة؟
• تحكم أقوى في الشهية
• تحسين حساسية الإنسولين
• تأثير أقوى على الوزن والسكر

⚖️ ثانيًا: مين فيهم أقوى في التخسيس؟ (بالدليل العلمي)

حسب الدراسات الكبيرة المنشورة في New England Journal of Medicine:
• ويجوفي
➜ متوسط نزول وزن: ≈ 15% من وزن الجسم
• مونجارو
➜ متوسط نزول وزن: ≈ 20–22% من وزن الجسم
(وده رقم أعلى بوضوح)

📊 يعني ببساطة:
مونجارو فاعليته في التخسيس أعلى شوية.
ثالثًا: كل واحد معمول أساسًا لإيه؟
ويجوفي >> سمنة فقط
مونجارو>>سكر+سمنة
الاتنين ممكن يساعدوا في التخسيس، بس الترخيص والاستخدام الأساسي مختلف.

👥 رابعًا: أنسب لمين؟

✅ لو مش مريض سكر:
• ويجوفي اختيار ممتاز ومخصص للتخسيس
• مناسب للناس اللي عايزة تنزل وزن بشكل آمن وتدريجي

✅ لو مريض سكر نوع تاني:
• مونجارو غالبًا اختيار أفضل
• لأنه:
• بينزل الوزن
• وبيظبط السكر بكفاءة أعلى

⚠️ الاختيار دايمًا حسب الحالة الطبية، مش الترند.

⚠️ خامسًا: الآثار الجانبية (ببساطة وبدون تهويل)

الأعراض الشائعة للاتنين:
• غثيان
• قيء خفيف
• إسهال أو إمساك
• فقدان شهية

📌 غالبًا:
• بتظهر في أول الأسابيع
• وبتقل مع الوقت ومع زيادة الجرعة تدريجيًا

🚨 تنبيه مهم جدًا

الأدوية دي مش حقنة تخسيس وخلاص
لازم:

• تقييم طبي
• اختيار الجرعة الصح
• متابعة منتظمة

الاستخدام العشوائي ممكن يسبب مشاكل بدل فايدة.

🟢 الخلاصة السريعة:
• ويجوفي:
✔️ متخصص للتخسيس
✔️ نزل مصر رسميًا
• مونجارو:
✔️ أقوى شوية في إنقاص الوزن
✔️ ممتاز لمرضى السكر

👨‍⚕️ القرار النهائي دايمًا مع الطبيب.

💬 لو البوست فادك:
• اعمله شير
• وابعتُه لحد محتار
• واكتبلي في الكومنت: تحب تعرف أكتر عن أنهي واحد؟

بسم الله الرحمن الرحيم﴿يَا أَيَّتُهَا النَّفْسُ الْمُطْمَئِنَّةُ * ارْجِعِي إِلَىٰ رَبِّكِ رَاضِيَةً مَّرْضِيَّةً * فَاد...
19/04/2025

بسم الله الرحمن الرحيم
﴿يَا أَيَّتُهَا النَّفْسُ الْمُطْمَئِنَّةُ * ارْجِعِي إِلَىٰ رَبِّكِ رَاضِيَةً مَّرْضِيَّةً * فَادْخُلِي فِي عِبَادِي * وَادْخُلِي جَنَّتِي﴾
صدق الله العظيم

ببالغ الحزن والأسى ، ننعي
الأستاذ الدكتور/ مصطفى محمد سلام
نقيب صيادلة المنوفية

والذي وافته المنية اليوم السبت الموافق 19/4/2025.
نسأل الله العلي القدير أن يتغمد الفقيد بواسع رحمته،ويسكنه فسيح جناته، ويلهم أهله وذويه الصبر والسلوان.

إنا لله وإنا إليه راجعون

توقعاتكوا ايه للماتش ؟؟!! و النتيجة هتنتهي كام !؟
27/09/2024

توقعاتكوا ايه للماتش ؟؟!!
و النتيجة هتنتهي كام !؟

إنا لله وإنا اليه راجعون توفي إلى رحمة الله تعالى الدكتور سمير علي أبو عرايس استشاري الجراحة العامة وجراحة الأوراملا نق...
25/08/2024

إنا لله وإنا اليه راجعون
توفي إلى رحمة الله تعالى الدكتور سمير علي أبو عرايس استشاري الجراحة العامة وجراحة الأورام
لا نقول إلا ما يرضي الله. اللهم اجعل مرضه شفيعًا له يوم القيامة، اللهم اغفر له وارحمه واكرم منزله.

تتقدم شبكة المنوفية الطبية بخالص التهنئة للأستاذ الدكتور أحمد القرش نقيب أطباء المنوفية بمناسبة حصول سيادته على درجة الا...
22/08/2024

تتقدم شبكة المنوفية الطبية بخالص التهنئة
للأستاذ الدكتور أحمد القرش نقيب أطباء المنوفية
بمناسبة حصول سيادته على درجة الاستاذية فى امراض القلب والاوعية الدموية

متمنيين لسيادته دوام التوفيق والنجاح

06/06/2024

دكتور في تلا محترم مش ممكن تنساه بسبب معاملة الطيبة ونبل اخلاقه وضميره في عملة واخلاصة في مهنته

Address

Monufia
Shebin Al-Kom

Website

Alerts

Be the first to know and let us send you an email when شبكة المنوفية الطبية - Menofia Medical Network posts news and promotions. Your email address will not be used for any other purpose, and you can unsubscribe at any time.

Shortcuts

Share

Category