د. مروة طارق استشاري دولي رضاعة طبيعية - تغذية علاجية - طب الأسرة

19/06/2026

صباح الفل
من تطبيقات الانظمة بتاعتنا للأطفال والكبار
ينفع للدايت و ينفع لزيادة السعرات حسب الاضافات
⌚ مدة التحضير اقل من 5 دقايق
⌚ مدة التسوية 10 دقايق ل 12 دقيقة
البيتزا الصحية❤️❤️
ممكن اضافة الtopping
عليها خضروات و جبن او فراخ
وتبقي شبه البيتزا الأصلية

✅ لذيذة
✅ صحية
✅ سريعة

لو عايزة الطريقة سيبيلنا كومنت ❤️

14/06/2026

بتحسي بوجع وانتي بترضعي البيبي اللي لسة مولود ؟😭

مع دكتوره مروة طارق هنفهمك ايه الاسباب و الحلول لأن الطبيعي إن الرضاعة الطبيعية مش بتتسبب للأم أي وجع فعلشان كده لو عندك وجع مع الرضاعة أو بعد الرضاعة فلازم تعرفي إن ده له سبب و بيتعالج🤓

طب انتي عارفه ان اشهر أسباب الوجع مع الرضاعة ⬇️

🔻الالتقام الخاطئ اللي ممكن كمان يعمل تشققات في الحلمة..
في أسباب تانية مشهورة منها الفطريات على ث*ي الأم او فم الطفل

علشان كدة بننصحك تحجزي مع استشارية الرضاعة الطبيعية
لأنها هتساعدك تعرفي ازاي تتعاملي مع البيبي في الأيام الأولى وتعرفك الوضعيات الصحيحة للرضاعة وإزاي توصلي طفلك لمرحلة الشبع من غير أي لبن صناعي 😎💪
د. مروة طارق استشاري دولي رضاعة طبيعية - تغذية علاجية - طب الأسرة
#رضاعة

د. مروة طارق
مدرس بكلية الطب ومستشفيات جامعة المنوفية (م)
أخصائية طب الأسرة و التغذية العلاجية
استشارى دولي رضاعة طبيعية
ماجستير سمنة الأطفال
العنوان
شبين الكوم: أمام موقف الشهداء
شنوان بجوار صيدلية د ندا الجديدة فوق مكتبة مكة ومعمل النيل

الحجز مسبقا
الاتصال وواتس اب
01070664470
واتس اب فقط
01030713399

31/05/2026

🕐💛 الساعة الذهبية في الرضاعة الطبيعية 💛🕐
أول ساعة بعد الولادة مش مجرد وقت عادي... دي اسمها الساعة الذهبية، وبتكون من أهم الساعات في حياة البيبي والأم. 👶🤱
✨ إيه اللي بيحصل فيها؟
✅ نحط البيبي على صدر مامته مباشرة جلد لجلد. ✅ البيبي بيبدأ يدور بنفسه على الث*ي ويحاول يرضع. ✅ الرضعة الأولى بتساعد على إفراز اللبن بشكل أفضل. ✅ بتقوي الترابط والحب بين الأم وطفلها. ✅ بتساعد البيبي يحافظ على درجة حرارته ومستوى السكر في الدم. ✅ بتقلل التوتر والبكاء عند البيبي. ✅ بتساعد الرحم ينقبض بشكل أفضل وتقلل النزيف بعد الولادة.

⚠️ عشان كده مهم جدًا نتجنب فصل البيبي عن مامته بعد الولادة إلا لو فيه سبب طبي ضروري.
💡 لو الرضاعة بدأت صح من أول ساعة، ده بيزود فرص نجاح الرضاعة الطبيعية بشكل كبير في الشهور اللي بعد كده.
🤱 كل أم تستحق الدعم والمساعدة في أول ساعات بعد الولادة، ولو واجهتك أي صعوبة متتردديش تطلبي مساعدة من استشاري الرضاعة الطبيعية.

30/05/2026

مساء الفل و الياسمين
🩷 الرضاعة الطبيعية مش المفروض توجع! 🩷
كتير من الأمهات بيسمعوا جملة: "استحملي.. الألم طبيعي في البداية!"
لكن الحقيقة إن الألم الشديد أثناء الرضاعة الطبيعية مش شيء طبيعي ولا لازم تتعايشي معاه.
في الأيام الأولى بعد الولادة ممكن يكون فيه إحساس بسيط بالحساسية أو عدم الراحة،
لكن:
❌ ألم مستمر أثناء كل رضعة
❌ تشققات أو نزيف بالحلمة
❌ احتقان شديد بالث*ي
❌ بكاء الأم من شدة الألم أو الخوف من الرضعة القادمة
كل دي علامات تستحق التقييم والمساعدة.

🤱 الرضاعة الطبيعية مهارة بتتعلمها الأم والطفل مع بعض، ومش معنى وجود صعوبة في البداية إنكِ فشلتي أو إن اللبن مش كفاية.
💙 دعم الأم في الفترة الأولى من أهم أسباب نجاح الرضاعة الطبيعية: ✅ التشجيع بدل اللوم ✅ المساعدة في وضعيات الرضاعة الصحيحة ✅ إعطاء الأم فرصة للراحة والتعافي ✅ الاستماع لمشاكلها ومخاوفها

📅 زيارة استشاري الرضاعة الطبيعية خلال أول أيام أو أسابيع بعد الولادة ممكن تساعد في:
✔️ تصحيح وضعية التعلق بالث*ي (Latch) ✔️ علاج الألم والتشققات مبكرًا ✔️ الاطمئنان على حصول الطفل على كفايته من اللبن ✔️ الوقاية من كثير من المشكلات قبل تفاقمها

👩‍⚕️ د. مروة طارق ibclc
عيادة الأم والطفل
التغذية العلاجية • طب الأسرة • الرضاعة الطبيعية • أمراض السكر 🌷

26/05/2026

🌙✨ عيد أضحى مبارك ✨🌙
كل عام وأنتم بخير وسعادة وراحة بال 🤍
أعاده الله عليكم وعلى أحبائكم بالصحة والرزق والبركة،
وجعل أيامكم مليئة بالفرح والطُمأنينة 🌸🐑
تقبل الله منا ومنكم صالح الأعمال 🤲
وكل عيد وأنتم إلى الله أقرب ♥️

25/05/2026

لو ناوية تعوضي حرمان السنة كلها في العيد الفيديو ده ليكي😋
#عيدالاضحي

23/05/2026

مساء الفل ♥️♥️
موجودة معاكم الاتنين القادم ان شاء الله في عيادة شنوان
و اجازة الخميس
كل سنة وانتم طيبين وعيد مبارك علينا جميعا 🌸🌸
و العودة الاتنين ان شاء الله

20/05/2026

مساء النور 😍😍
يسعدني إبلاغكم بعودة العمل بالعيادة من جديد بعد فترة توقف 🌸
شكرا علي سؤالكم و متأسفين اننا مقدرناش نكون معاكم واعتذرنا لكتير منكم الفترة اللي فاتت

وحشتني مقابلاتكم وكلامكم وثقتكم الغالية 🤍💙

في انتظاركم بكل حب، وإن شاء الله نكمل رحلتنا سوا بأفضل صحة وراحة
🌿✨

إن شاء الله نستأنف العمل بعيادة شبين الكوم أول شهر يونيو
وعيادة شنوان غدا الاتنين والخميس من كل اسبوع

📍 عيادة شنوان : بجوار صيدلية د ندا الجديدة فوق مكتبة مكة ومعمل النيل
📍 عيادة شبين الكوم د أمام موقف الشهداء
📲 واتس اب 010 30713399
01070664470

15/05/2026

golden hour ♥️🥰

👼 تاليا 🍓
🎉ولادة قيصرية بدون ألم 🥰

🤩 Golden Hour تم تطبيق ✨
من أول لحظة بعد الولادة، و وضع البيبي skin to skin مع مامته، وبدأت الرضاعة الطبيعية بدعم كامل خلال أول ساعة ذهبية ونجاح الرضاعة الطبيعية من أول يوم👶🤱.
د. مروة طارق استشاري دولي رضاعة طبيعية - تغذية علاجية - طب الأسرة

-----------------------------
🌐العنوان :
1️⃣عيادة شبين : مستشفى الدرة نزلة الكوبري العلوي أمام مدرسة الزراعة.
عيادة شنوان : بجوار صيدلية د ندا الجديدة فوق معمل النيل.
⌚ المواعيد :
1️⃣ عيادة شبين : يوم السبت والخميس من الساعه ٤ الي الساعة ٦.
2️⃣عيادة شنوان : يوميا من الساعة ٦ ونص الي الساعة ١٠ ونص .
رقم الطوارئ: 010 33422314
رقم الحجز : 01556659912

18/04/2026

مساء الفل 🌿
حساسية بروتين لبن البقر في الأطفال بقت من أكتر التشخيصات اللي بيتم المبالغة فيها بشكل كبير…
وفي الحقيقة، في حالات كتير بيكون التشخيص مش دقيق.
مش كل طفل عنده مغص أو ارتجاع أو طفح جلدي يبقى عنده حساسية ألبان 👶🏻❌
التشخيص الصحيح لازم يعتمد على: ✔️ وجود أعراض واضحة ومحددة (جلدية، هضمية، أو تنفسية)
✔️ تقييم شدة الأعراض وتأثيرها على الطفل
✔️ تجربة منع اللبن ومشتقاته لفترة مناسبة
✔️ ثم إعادة إدخاله (challenge) للتأكد إن الأعراض بترجع تاني
بدون الخطوات دي… بنكون بنمنع أكل مهم بدون داعي، وده ممكن يأثر على تغذية الطفل ونموه.
التشخيص الصح = طفل مرتاح + تغذية سليمة + قرارات مبنية على دليل

وبرضه مهم جدًا نوضح نقطة بتتكرر كتير 👇
منع الأم المرضعة من اللبن ومنتجاته بدون سبب واضح أو تشخيص مؤكد…
مش إجراء احترازي، بالعكس ❗
المنع العشوائي: 🔸 ممكن يضر تغذية الأم
🔸 ومفيش دليل إنه بيمنع حدوث الحساسية عند الطفل
🔸 وقد يخلّي النظام الغذائي أصعب بدون أي فائدة حقيقية
التعامل الصح بيكون مبني على دليل وتشخيص سليم…
مش خوف أو توقعات.