17/09/2026
في حب وفاء ❤️🥹
وفاء بدأت معايا رحلة التخسيس وهي عندها مشكلة مش بس في الوزن… حركتها قلت، واللبس بقى مضايقها، والأهم إن نسبة الدهون كانت عالية جدًا مقابل كتلة عضلية قليلة، ومعاها علامات متلازمة الأيض.
لكن وفاء كانت بطلة بجد 👏❤️
سمعت التعليمات، التزمت، وكملت حتى في الأيام اللي أكيد ماكانتش سهلة.
وبفضل الله، وبمجهودها وشطارتها والتزامها…
في أقل من 4 شهور قدرنا ننزل في الوزن، ونحافظ على جسمنا ونزود الكتلة العضلية 💪✨
والنتيجة مش بس إن شكلها اتغير…
بصوا للبنوتة القمر اللي معايا في الصورة دي 😍
ضحكتها الجميلة رجعت، وثقتها في نفسها فرقت جدًا ❤️
لكن أجمل حاجة بالنسبة لي إن صحتها نفسها اتحسنت بشكل كبير، مش مجرد رقم على الميزان.
وده بالضبط اللي بحاول أوصله لكل حد بيبدأ معايا رحلة التغذية:
إحنا مش بنخس عشان الميزان بس… إحنا بنغير جسمنا وصحتنا وحياتنا. 🌿
وفاء… أنا فخورة بيكي جدًا ❤️
وفخورة أكتر إنك فهمتي إن النجاح الحقيقي مش في رجيم قاسي ولا حرمان، لكن في إنك تتعلمي إزاي تعتني بجسمك وتكملي.
وطبعًا لازم أقول حاجة مهمة جدًا…
دعوات ماما وفاء الجميلة كل زيارة كانت جزء من الرحلة دي 🥹❤️
ربنا يبارك لها ويخليها لها ويفرح قلبها بيها دايمًا.
في حب وفاء… وفي حب كل بنت بتقرر تبدأ وتدي لنفسها فرصة ❤️
د. مروة طارق
طب الأسرة والتغذية العلاجية والسكري والرضاعة الطبيعية
د. مروة طارق استشاري دولي رضاعة طبيعية - تغذية علاجية - طب الأسرة
