13/08/2026
*3 أخطاء بتخلي الميزان ثابت مهما عملت دايت* 😤
بتاكل قليل وبتلعب رياضة وبرضو وزنك واقف؟ راجع الـ 3 حاجات دي:
*1. بتاكل "أكل صحي" بكمية مفتوحة*
الشوفان صحي، المكسرات صحية، زيت الزيتون صحي... بس كلهم سعرات عالية جداً.
معلقة زيت زيتون = 120 سعر
حفنة مكسرات = 180 سعر
طبق شوفان كبير = 400 سعر
*الحل:* الأكل الصحي برضو له كمية. أوزن واحسب.
*2. بتشرب سعراتك من غير ما تحس*
- عصير بيور من غير سكر = 150 سعر
- نسكافيه 3*1 = 90 سعر × 3 مرات = 270 سعر
- بيبسي دايت = صفر سعر بس بيجوعك أكتر
*الحل:* مية وقهوة سادة وشاي أخضر. أي حاجة تانية احسبها.
*3. بتنام قليل*
النوم أقل من 6 ساعات بيرفع هرمون الجوع 25% ويخلي جسمك يخزن دهون.
*الحل:* نام 7-8 ساعات. دي أهم من الجيم أحياناً.
*الزتونة:* 🎯
الدايت مش بس أكل قليل، الدايت = سعرات محسوبة + نوم كويس + صبر
أنهي غلطة من دول بتعملها؟ اكتب رقمها في الكومنتات 👇
