23/07/2026
بتاكلي قليل… ومش بتخسي؟ 🤔
طيب خليني أقولك حاجة مهمة جدًا ❤️
مش كل مرة الميزان يثبت فيها يكون السبب إنك "بتاكلي كتير"!
في أسباب كتير ممكن تخلي نزول الوزن أبطأ، منها:
🌿 احتياج جسمك من السعرات ممكن يتغير مع الوقت ومع تغير السن.
🌿 ممكن تكوني بتاكلي كميات قليلة، لكن بعض الأطعمة عالية في السعرات من غير ما تاخدي بالك وبالذات الاكل اللي بنفكره هيلثي ف نكتر منه برضو حتي لو هيلثي يبقي باعتدال.
🌿 قلة الحركة خلال اليوم، حتى لو بتعملي دايت.
🌿 قلة النوم والتوتر.
🌿 احتباس السوائل، خصوصًا في بعض فترات الشهر.
🌿 وأحيانًا يكون فيه سبب صحي يحتاج تقييم ومتابعة.
وعشان كده، الحل مش دايمًا إنك "تقللي أكلك أكتر" ❌
الأهم إننا نفهم جسمك محتاج إيه، ونشوف نظام حياتك بالكامل، ونختار طريقة تقدري تكملي عليها، مش أسبوع أو أسبوعين… لكن على المدى الطويل ❤️
لو وزنك ثابت بقاله فترة رغم إنك بتحاولي تخسي، اكتبيلي في التعليقات:
👇 من إمتى ووزنك ثابت؟
يمكن مشكلتك مش في قلة الإرادة… يمكن محتاجة بس تعرفي السبب الحقيقي ❤️
🤗 دمتم أصحاء دائمًا 🙏
د. كرستينا سمير
أخصائية العلاج الطبيعي والتغذية العلاجية
🎓 ماجستير العلاج الطبيعي لصحة المرأة – جامعة القاهرة
🎓 دبلومة التغذية العلاجية – المعهد القومي للتغذية
#التخسيس
