09/08/2026
بجد اللى بشوفه ده كتير !!!!؛؛؛؛؛؛
لما يكون فيه واحدة ؛ بيقولوا إنها دكتورة صيدلانية ، وكبيرة فى السن بتبيع تركيبة فى شكل دوا شرب ..
التركيبة دى ليه ؟؛؛
عشان " تعالج النحافة " عند البنات اللى بيعانوا من نحافة زيادة ونفسهم يتخنوا ..
تكتشف الأم اللى جايالى ببنتها عشان تعالجها من مرض " الصدفية " بقالها سنين ؛ تكتشف إن التركيبة فيها " كورتيزون " !!!!!.
الموضوع ده منتشر بين البنات إنهم ياخدوا كورتيزون عشان يتخنوا و الكورتيزون الصريح فى شكل أقراص ، لكن فى حالتنا دى كان الكورتيزون متخفى فى الشراب اللى البنت كانت بتاخده ٣ مرات فى اليوم !! .
اللى حصل إن البنت جالهاحالة إسمها “ Cushingoid “ نتيجة زيادة الكورتيزون فى الجسم ؛ بتتراكم بسببه الأملاح والماء فى الجسم وشكل المريض بيتغير وكإن وزنه زاد ، ووشه بنسميه moon face ; يعنى وجه القمر !!..
ده مرض ياناس
ده حاجة خطيرة على فكرة
إحنا كده بنلعب فى هرمونات الجسم
الأم بتقوللى إن الناس أمم عند " الدكتورة الصيدلانية" دى ؛ يعنى الأذى بيتوزع على الناس دى كلها ..
كمان نشاط حالة الصدفية اللى عند البنت ممكن تكون بسبب الكورتيزون ده عشان هو فعلاً بيزودها وممنوع المريض ياخده فى علاج الصدفية !!.
وهكذا تمضى الحياة من أذى إلى أذى .. أذى الإنسان لنفسه بنفسه وبفلوسه !!.
الجهل وعدم الوعى بيكلف الناس كتير من صحتهم وحياتهم ..
حافظوا على نفسكم وأولادكم
الطب مش سهل ومش أى حد يفتى فيه
حرام عليكم
ربنا ينور بصيرة الناس ويكونوا على وعى أكتر من كده …
