Dr. Amany eltokhy-obesity-nutrition & diabetes specialist
رحلتي بدأت من تجربتي ,وهدفي أساعد كل انسان يلاقي
طريقه نحو الصحه النفسيه والجسديه بدون حرمان
29/05/2026
28/05/2026
كل عام وانتم بخير
حبيت افرح الناس واشاركهم اجواء عيد الاضحي المبارك وحبيت اضيف شويه تحدي علشان نشجع الناس تزود ثقافتها الصحيه
عيد مبارك وبتمنالكم دايما كل الصحه والعافيه ❤️❤️❤️🌹🌹🌹
#
26/05/2026
من أول ظهور أدوية السكر الحديثة، والطب بيشهد نقلة كبيرة جدًا في فهمنا لعلاج السمنة والسكر معًا، لأننا اكتشفنا إن المشكلة مش “إرادة” بس… لكن كيمياء جسم وهورمونات ومراكز شبع وجوع معقدة جدًا
أدوية زي Semaglutide و Tirzepatide بدأت أساسًا لعلاج مرضى السكر من النوع الثاني، وبعد الدراسات اتضح إن تأثيرها على مراكز الشبع وتنظيم الأكل والأنسولين أدى إلى نتائج قوية جدًا في علاج السمنة وتحسين الصحة الأيضية بشكل عام
💉 الـ GLP-1 receptor. موجود في أماكن مهمة جدًا في الجسم:
البنكرياس → يساعد على تحسين إفراز الأنسولين وتقليل ارتفاع السكر
المخ → يقلل الإحساس بالجوع ويزود الشبع
المعدة → يبطّأ خروج الأكل فيحافظ على الشبع لفترة أطول
القلب والأوعية → وله تأثيرات أيضية وقلبية مهمة في بعض المرضى
أما Tirzepatide فهو جيل أحدث، لأنه بيشتغل على مستقبلين معًا
GLP-1 + GIP
وده بيخليه يؤثر بشكل أوسع على تنظيم السكر والشهية والتمثيل الغذائي عند بعض الحالات
لكن هنا أهم نقطة 👇
الأدوية دي مش تريند تخسيس
ومش أي شخص عايز ينزل وزنه يبقى مناسب له ياخد حقنة من نفسه أو بوصفة من الإنترنت
في معايير طبية واضحة لاختيار المريض المناسب التاريخ المرضي التحاليل
نسبة الدهون والعضلات
مقاومة الإنسولين
وجود سكر أو ما قبل السكر
مشاكل الغدة أو الكبد أو المرارة
أدوية أخرى بيتناولها المريض
وفي ناس أصلًا ما ينفعش تستخدمها إطلاقًا أو تحتاج متابعة دقيقة جدًا أثناء استخدامها
للأسف بقينا نشوف استخدام عشوائي للأدوية دي لمجرد إنها “ترند”، وده ممكن يسبب مضاعفات ومشاكل صحية حقيقية
25/05/2026
«Screening» الفحص المبكر لمرض السكر
معناه إننا نعمل تحاليل للاطمئنان حتى لو الشخص حاسس إنه بخير ومفيش أي أعراض واضحة
طبقًا لأحدث توصيات الجمعية الأمريكية للسكري (ADA)يُنصح بعمل فحص للسكر حتى بدون أعراض في الحالات دي
أي شخص عمره 35 سنة أو أكثر
الأشخاص اللي عندهم زيادة وزن أو سمنة + عامل خطورة واحد على الأقل مثل:
* وجود تاريخ عائلي لمرض السكر
* ضغط الدم المرتفع
* ارتفاع الدهون في الدم
* قلة النشاط البدني
* تكيس المبايض
* أمراض القلب
* مقاومة الإنسولين أو الدهون على الكبد
ليه الكشف المبكر مهم؟
لأن مرض السكر ممكن يفضل سنوات بدون أعراض واضحة وفي الوقت ده يكون بدأ يأثر على:
العين – الكلى – الأعصاب – القلب
الاكتشاف المبكر يساعد بشكل كبير في الوقاية أو تأخير حدوث المضاعفات… وأحيانًا يمنع تطور مرحلة ما قبل السكر إلى سكر فعلي بتعديل نمط الحياة فقط
ومتنساش!!!
كونك “حاسس إنك كويس” مش دايمًا معناه إن كل حاجة تمام
المعلومات مبنية على أحدث توصيات American Diabetes Association (ADA) Standards of Care و ADA Clinical Guidelines.
24/05/2026
في وقت اصبحت فيه المعلومة السريعة أحيانًا أقوى من العلم الحقيقي، بقينا نشوف ناس توقف علاجها أو تصدّق خرافات ممكن تهدد حياتها… خصوصًا في مرض مزمن زي السكر.
ودورنا مش بس وصف علاج. لكن مسؤولية أكبر: التوعية، وتصحيح المفاهيم، ونقل العلم المبني على دراسة وخبرة وسنين طويلة من التعلم والاجتهاد.
العلم الحقيقي نعمة، وربنا سبحانه وتعالى سخّرنا إننا نكون سبب في نفع الناس، وما نملكه من معرفة ما هو إلا جزء صغير جدًا من علم الله الواسع.
ومن هنا بدأنا نتكلم أكتر عن مرض السكر الي حصل عليه جدال كبير خلال الفتره الي فاتت وعن خطورة إيقاف العلاج أو الإنسولين بدون إشراف طبي، من خلال محاضرات ومؤتمرات علمية هدفها إن المعلومة الصحيحة توصل للناس اللي فعلًا عايزة تفهم وتحافظ على صحتك
21/05/2026
تشرفت بدعوتي لإلقاء محاضرة علمية تناولت العلاقة المباشرة بين السمنة ومرض السكري مع تسليط الضوء على الـ pathophysiology الخاصة بآلية حدوث المرض لإعادة التأكيد على أن الفهم العلمي الدقيق يظل أساس أي علاج ونظرا لما يحدث من اختلاف وتشتت الناس حول الاراء العلميه تظل مسؤوليه تثقيف المجتمع تقع علي عاتقنا ..ناقشنا التطور العلمي الكبير في أدوية السكري، وكيف أصبحت بعض العلاجات الحديثة معتمدة من هيئة الغذاء والدواء FDA لعلاج السمنة، في خطوة تعكس الترابط العميق بين المرضين وأهمية التعامل معهما بمنظور طبي متكامل.وكان من دواعي فخري الحقيقي مشاركتي ضمن هذا المؤتمر المميز، الذي ضم نخبة من أخصائيين واستشاريين من مختلف الدول العربية، من مصر وليبيا وسوريا والجزائر كما سعدت وتشرفت للغاية بحضور المهندس الدكتور مصطفى هدهود — محافظ البحيرة السابق وأحد أبرز القامات العلمية والإدارية — والذي كان لكلماته الراقية وإشادته الخاصة بمحاضرتي أثر عظيم في نفسي، خاصة حديثه عن قدرة المحاضرة على توصيل المفاهيم الطبية الدقيقة بشكل يخدم وعي المجتمع بصورة حقيقية مثل هذه اللحظات تمنحني مسؤولية و فخرًا أكبر لأن الكلمة العلمية قد تُغيّر وعيًا ♥️ والوعي قد يُغيّر حياة كاملة
كل الشكر والتقدير للدكتور وليد على الدعوة الكريمة والتنظيم الراقي 🌹🌹.
21/04/2026
مش كل أدوية التخسيس زي بعض
Semaglutide
مش بس بينزل وزنك كمان
يقلل دهون الكبد
يحسن الالتهاب
يرفع فرص شفاء MASH بشكل ملحوظ
In simple & moderate steatosis
Fibrosis (F1–F3). اما حالات
فيه تحسن محتمل
لكن الأفضل:
combine with lifestyle + متابعة Fibro Scan
دراسات حديثة:
نسبة كبيرة من المرضى حصل عندهم تحسن حقيقي في حالة الكبد مش بس أرقام على الميزان
وهو مناسب أكتر لمرضى:
السمنة + مقاومة الإنسولين + الكبد الدهني
لو اعتمدت عليه لوحده… النتيجة هتكون أقل بكتير
لكن مع نظام غذائي صح = نقلة حقيقية في
العلاج لينك الدراسات 👇
سعيدة جدًا بحضوري المؤتمر الرائع وكان شرف ليا أكون موجودة بناءً على الدعوة الكريمة
Eashtn Nutri
Safaa Al Hussien Tawfik
Fayza ELshatby
كل الشكر والتقدير لكل الدكاترة الكبار اللي نفعونا بعلمهم وخبرتهم، واتعلمنا منهم كتير في وقت قصير.
تنظيم أكتر من رائع وأجواء راقيه الف مبروك نجاح المؤتمر ودايما في تقدم ❤️❤️
Be the first to know and let us send you an email when Dr. Amany eltokhy-obesity-nutrition & diabetes specialist posts news and promotions. Your email address will not be used for any other purpose, and you can unsubscribe at any time.
