Dr/ Mohamed Ameer Al-agamy

Dr/ Mohamed Ameer Al-agamy Healthy lifestyle

اتطمن على جسمك دلوقتي!! يوم الاثنين القادم İnbody مجانا داخل العيادة 🤍عشان صحتك تهمنا افحص مكونات جسمك دلوقتي واعرف محتا...
19/06/2026

اتطمن على جسمك دلوقتي!!
يوم الاثنين القادم İnbody مجانا داخل العيادة 🤍
عشان صحتك تهمنا
افحص مكونات جسمك دلوقتي واعرف محتاج ايه وابدأ الحياة الصحية💙
بنتمنالكم دوام الصحة والعافية في أي وقت وكل مكان 🤍

14/06/2026

Online offers 🥗💪🏼

14/06/2026



#دايت

رجلك دهونها مش عنيدة... يمكن تكون لبيديما!!ودي واحدة من أكتر الحاجات اللي بتخلي ناس كتير تتأخر في العلاج.تعالى اقولك 🤷🏻‍...
11/06/2026

رجلك دهونها مش عنيدة... يمكن تكون لبيديما!!
ودي واحدة من أكتر الحاجات اللي بتخلي ناس كتير تتأخر في العلاج.
تعالى اقولك 🤷🏻‍♂️

السيلوليت:
عبارة عن تغير في شكل الجلد بيخليه شبه قشرة البرتقال، وبيظهر غالبا في الفخذين والأرداف.

أما الليبيديما:
فهي حالة مرضية بيحصل فيها تراكم غير طبيعي للدهون، خصوصا في الساقين وأحيانا الذراعين، وغالبا بيكون مصحوب بألم أو ثقل أو سهولة ظهور الكدمات.

إزاي تفرقي بينهم؟
السيلوليت:
✔ الجلد شكله متعرج أو محفر
✔ غالبًا مفيش ألم
✔ ممكن يظهر حتى عند الأشخاص النحاف

الليبيديما:
✔ تضخم واضح في الساقين مقارنة بباقي الجسم
✔ إحساس بالثقل أو الألم عند اللمس
✔ كدمات بتظهر بسهولة
✔ صعوبة في نزول الدهون من المناطق المصابة

كل ما فهمنا جسمنا بدري... كانت النتائج أفضل.
بنتمنالكم دوام الصحة والعافية في كل وقت وأي مكان 🤍

لو الحل كان حقنة مكنش حد تخن تاني! تعالى اقولك 🤷🏻‍♂️أسرع طريقة تخس بيها... ممكن تكون أسرع طريقة ترجع بيها الوزن تاني!💔ال...
09/06/2026

لو الحل كان حقنة مكنش حد تخن تاني!
تعالى اقولك 🤷🏻‍♂️
أسرع طريقة تخس بيها... ممكن تكون أسرع طريقة ترجع بيها الوزن تاني!💔

الفترة الأخيرة ناس كتير بقت تدور على حلول سريعة للتخسيس، وفعلاً بعض الحقن المشهورة بتدي نتائج ملحوظة في وقت قصير.

لكن السؤال الأهم:
بعد ما توقفها هيحصل إيه؟ 🤔

لو العادات الغذائية ونمط الحياة متغيروش، الشهية بترجع تاني والوزن يبدأ يزيد تدريجيًا.

المشكلة مش في نزول الوزن وبس...
المشكلة إن ناس كتير بقت تتعامل مع الحقنة على إنها الحل، بينما السبب الحقيقي لزيادة الوزن لسه موجود.

والنتيجة؟
نزول سريع...
ثم ثبات...
ثم زيادة وزن من جديد.
غير حالة الاعياء والاجهاد اللي بتحصل في جسمك كله داخليا وخارجيا!!

الحل اللي بيعيش معاك سنين مش شهور هو إنك تتعلم تاكل صح.

نظام غذائي متوازن يساعدك تخس دهون حقيقية، وتحافظ على عضلاتك، وتقلل فرص الترهل، وتبني عادات تقدر تكمل عليها طول العمر بصحة وراحة لجسمك.

النجاح الحقيقي مش إنك تنزل 10 كيلو بسرعة...
النجاح الحقيقي إنك تنزلهم وتعرف تحافظ عليهم. 😉

جسمك محتاج أسلوب حياة جديد...
مش حل مؤقت.

بنتمنالكم دوام الصحة والعافية في كل وقت وأي مكان 🤍

الميزان صدمك بعد العيد؟ استنى... غالبًا اللي زايد مش دهون، دي لخبطة محتاجة خطة إنقاذ مش جلد ذات!تعالى اقولك 🤷🏻‍♂️بعد أيا...
04/06/2026

الميزان صدمك بعد العيد؟ استنى... غالبًا اللي زايد مش دهون، دي لخبطة محتاجة خطة إنقاذ مش جلد ذات!
تعالى اقولك 🤷🏻‍♂️
بعد أيام الأكل الدسم والحلويات والمشروبات، جسمك بيحتفظ بمية أكتر وبتحس بنفخة وكسل وتقل مش متعود عليه

خطة الإنقاذ السريعة:
- اشرب مية كتير على مدار اليوم، لأن أول حاجة جسمك محتاجها هي الترطيب. 💧
- ابدأ يومك بوجبة فيها بروتين كويس زي البيض أو الجبن القريش أو الزبادي اليوناني، عشان تقلل الجوع وتظبط شهيتك. 🍳
- زود طبق السلطة والخضار في كل وجبة، الألياف هتساعد جسمك يتخلص من الاحتباس والنفخة. 🥗
- اشرب شاي أخضر أو زنجبيل أو قرفة بين الوجبات، مش عشان السحر، لأنها مشروبات تساعدك تقلل الشهية وتزود استهلاكك للسوائل. 🍵🫚
- المشي 30 دقيقة يوميًا حتى لو على فترات، الحركة هي أسرع طريقة ترجع جسمك لطبيعته. 🚶🏻‍♂️
- ابعد يومين أو تلاتة عن الحلويات والمقليات والمشروبات الغازية. 🍰🥤

الأهم من كل ده: متعملش دايت عقابي.🥹

متجوعش نفسك عشان تعوض اللي فات، لأن ده غالبًا هيخليك ترجع تاكل أكتر.
ارجع لنظامك الطبيعي، وجسمك هيبدأ يتخلص من اللخبطة أسرع مما تتخيل.😉

العيد خلص... دلوقتي وقت إنك ترجع خفيف من غير حرمان.

قولنا بقى اكلت كام مرة فتة في العيد 🫣

بتحبها ومتقدرش تبعد عنها صح؟بس خايف عالدايت...تعالى اقولك🤷🏻‍♀️فيه أجزاء في البقرة تعتبر صديقة جدًا للدايت لأنها أقل في ا...
26/05/2026

بتحبها ومتقدرش تبعد عنها صح؟
بس خايف عالدايت...
تعالى اقولك🤷🏻‍♀️
فيه أجزاء في البقرة تعتبر صديقة جدًا للدايت لأنها أقل في الدهون وأعلى في البروتين، ودي أفضل اختيارات لو عايز تستفيد من اللحمة من غير سعرات زيادة.

من أفضل القطع للدايت:
عرق الفلتو
وش الفخدة
السمانة
البيكاتا
الانتركوت الخالي من الدهون الظاهرة

ودي قطع بتديك بروتين عالي يساعد على الشبع وبناء العضلات من غير دهون كتير 🥩

لكن السر الحقيقي مش بس في نوع اللحمة…
الطريقة كمان مهمة جدًا.

الشوي أو السلق أفضل بكتير من التحمير والغرق في السمن والزيوت 🔥

ولو هتاكل لحمة في الدايت، حاول تبعد عن الدهون الظاهرة والقطع اللي فيها دهن كتير علشان تستفيد من البروتين بأفضل شكل.

الدايت مش معناه تحرم نفسك من اللحمة… الدايت إنك تعرف تختار الصح 🤍

بنتمنالكم عيد سعيد ومبارك مع دوام الصحة والعافية في كل وقت وأي مكان 💙

انت عارف انك بتشرب مياه ميتة؟ 👀ازاي! تعالى اقولك...المية اللي في الأزايز البلاستيك أو بتمر بمراحل معالجة كتير من الفلاتر...
21/05/2026

انت عارف انك بتشرب مياه ميتة؟ 👀
ازاي!
تعالى اقولك...

المية اللي في الأزايز البلاستيك أو بتمر بمراحل معالجة كتير من الفلاتر وغيرها بيتم اعتبارها “مياه ميتة” لأنها فقدت جزء كبير من حيويتها الطبيعية والاوكسجين بتاعها.

علشان كده زمان كانوا بيحفظوا المية في الفخار زي القلة والزير 🌿
لأن الفخار بيساعد المية تتأكسج وترجع تتنفس بشكل طبيعي.

ولو عايز ترجع الحياة لأي مية تاني… سيبها في فخار لمدة 24 ساعة، وخلال الوقت ده المية بتتعرض للأكسجين بشكل أفضل وده بيخليها ألطف وأكثر راحة للجسم وكمان بتكون بارده بشكل طبيعي 🤍

والمياه الحية بيتم ربطها بفوائد كتير زي:
تحسين ترطيب الجسم
دعم وظائف الأعضاء الحيوية
الحفاظ على نضارة الجلد والشعر
ومساعدة الجسم على الاستفادة من المية بشكل أفضل

جسمك بيتأثر جدًا بجودة المية اللي بتشربها، مش بس كميتها فارجعوا اشربوا من القلة تاني 🤷🏻‍♂️

بنتمنالكم دوام الصحة والعافية في كل وقت وأي مكان 💙

العيد عالأبواب 🎈هتقدر؟ تعالى اقولك...تحدي العيد من خلاله تقدر توصل لنتيجة مُرضية جدا تخلي صحتك أحسن وشكلك أحلى.. 💪🏻نظام ...
08/05/2026

العيد عالأبواب 🎈
هتقدر؟ تعالى اقولك...
تحدي العيد من خلاله تقدر توصل لنتيجة مُرضية جدا تخلي صحتك أحسن وشكلك أحلى.. 💪🏻
نظام غذائي متوازن مناسب لجسمك وللي بتحبه، متابعة دورية مع الدكتور بنفسه، نتايج تشجعك تكمل لحد ما توصل لهدفك 🤍
خصم خاص على المتابعة الاون لاين يوصل ل ٣٠% للمشتركين الجدد، ومش هننسى كمان عملائنا الحاليين ✨️
ابعتلنا دلوقتي واسألنا عن الخصم بتاعك.. الأعداد محدوده⏳️

بنتمنالكم دايما دوام الصحة والعافية 💙

"أكتر حاجة بتخوف الناس من مقاومة الإنسولين إنهم فاكرين علاجها صعب… والحقيقة إن الموضوع أبسط من كده بكتير 🤍تعالى أقولك......
04/05/2026

"أكتر حاجة بتخوف الناس من مقاومة الإنسولين إنهم فاكرين علاجها صعب… والحقيقة إن الموضوع أبسط من كده بكتير 🤍
تعالى أقولك... 🤷🏻‍♂️
علاج مقاومة الإنسولين بيبدأ بخطوات صغيرة بس منتظمة:
- قلل السكر والمشروبات الجاهزة بالتدريج مش مرة واحدة 🍭
- حاول تدخل حركة في يومك حتى لو مجرد مشي نص ساعة
- اهتم بالنوم لأن السهر بيبوظ الحرق جدًا 😴
- ركز على البروتين والخضار عشان الشبع وتنظيم السكر
- ابعد عن الدايت العنيف اللي بينزلك بسرعة ويرجعك أضعاف
- شرب الميا بكميات مناسبه لكتلة وزنك
- والاهم من كل دا تابع مع دكتور تكون مرتاح معاه نفسياً 🧐
- الصبر... 🙂‍↕️

الموضوع مش محتاج كمال… محتاج استمرارية بس
ومع الوقت هتلاحظ فرق في نشاطك وشكل جسمك ومودك وحتى الجوع هيبدأ يهدى تدريجيًا ✨
جسمك مش ضدك… هو بس محتاج يتعامل صح
لنتمنالكم دوام الصحة والعافية طول الوقت.. 💙

Address

Qnat Suez
Talkha

Telephone

+201555314559

Website

Alerts

Be the first to know and let us send you an email when Dr/ Mohamed Ameer Al-agamy posts news and promotions. Your email address will not be used for any other purpose, and you can unsubscribe at any time.

Shortcuts

Share