هيلثي كير للسمنه والنحافه

11/09/2026

31/08/2026

العلم مش بعدد المشاهدات… ولا الطب بيتقاس بالـ Reach!

أنا من أهل طنطا… وأعتقد أن أغلب أهل طنطا يعرفون اسم د. محمد مشالي – طبيب الغلابة.
رجل عاش للطب، وكان همه الأول المريض، ولم تكن قيمة الكشف أو المقابل المادي هي التي تحرك رسالته.
رحمه الله رحمة واسعة. ❤️
لكن الغريب بالنسبة لي أن يصل الأمر إلى انتقاد طريقة علاج رجل أفنى حياته في خدمة المرضى، بل وانتقاد رموز طبية وعلمية كبيرة لمجرد أن أسلوبهم أو بروتوكولاتهم لا تتفق مع رؤية شخص آخر.
وهنا السؤال الأهم:
هل الطب أصبح "أنا شايف كده"؟! 😂
هل ممكن نختلف علميًا؟
طبعًا.
هل ممكن ننتقد بروتوكولًا علاجيًا؟
طبعًا.
لكن الاختلاف العلمي له قواعد.
لو عندك دليل علمي يخالف بروتوكول طبيب، اعرض الدليل.
لو عندك مراجعات وأبحاث وتجارب سريرية، ناقشها.
لو عندك منهج علاجي مختلف، قدمه للمؤسسات العلمية المختصة.
لكن أن تتحول المسألة إلى محتوى للجمهور العام، وتصبح النصيحة الطبية عبارة عن:
"امنع البيض والفراخ"…
و"كل البطاطس والسكر والنوتيلا"! 😂

فهنا من حقنا نسأل:
أين الدليل؟
الأخطر من الاختلاف نفسه أن يتم تقديم الآراء الشخصية للجمهور على أنها حقيقة طبية مطلقة.
والمشكلة ليست في شخص بعينه…
المشكلة في مجتمع أصبح أحيانًا يصدق صاحب أعلى Reach، وليس صاحب أقوى Evidence.
ومش كل ما ينتشر… علم.
ومش كل من يتحدث بثقة… طبيبًا مرجعيًا.
ومش كل ما يضحك الناس… ينفع يكون علاجًا.
الطب Evidence… مش Engagement.
والبروتوكول العلمي مش رأي شخصي.
والمريض مش حقل تجارب للسوشيال ميديا.
رحم الله د. محمد مشالي، ورحم الله كل طبيب جعل الطب رسالة قبل أن يكون مهنة.
والاختلاف مع أي طبيب أو أستاذ أو عالم حق مشروع…
لكن احترام العلم وأهله واجب.
وفي النهاية عندي سؤال واحد:
لو اختلفت مع بروتوكول طبيب… هتجيب Evidence ولا هتجيب Reach؟ 👀😂
يعني 🔥 «مليون مشاهدة… ولا ورقة علمية؟ مين فيهم يثبت إنك صح؟»

28/08/2026

Nutri club...2026 ❤️

25/08/2026

🍬 حلاوة المولد… فرحة الموسم ولا قنبلة سعرات؟ 😍
مع اقتراب المولد النبوي، بتبدأ واحدة من أجمل عاداتنا المصرية… علبة حلاوة المولد ❤️
سمسمية، فولية، حمصية، ملبن، نوجا، فستقية… وكل قطعة لها طعمها وحكايتها.
لكن لو بتحافظ على وزنك أو بتعمل دايت، فالسؤال مش:
"آكل ولا ما آكلش؟"
السؤال الأهم: "آكل إيه؟ وكمية قد إيه؟" 👌
🍯 أشهر أنواع حلاوة المولد وسعراتها التقريبية
النوع
السعرات التقريبية / 100 جم
🥜 الفولية
500–550 سعرة
🌰 السمسمية
500–550 سعرة
🫘 الحمصية
450–520 سعرة
🥜 الفستقية
500–570 سعرة
🍬 النوجا
350–450 سعرة
🍓 الملبن
300–400 سعرة
🥥 جوز الهند
450–500 سعرة
🌹 الملبن بالمكسرات
350–450 سعرة
الأرقام تقريبية لأن السعرات تختلف حسب كمية السكر/العسل والمكسرات وطريقة التصنيع.
🥜 طيب… هل حلاوة المولد لها قيمة غذائية؟
نعم، ودي نقطة مهمة جدًا 👌
السمسمية والفولية والفستقية والحمصية تحتوي على مكسرات أو بذور غنية نسبيًا بـ:
البروتين 🥜
الدهون غير المشبعة
الألياف
بعض المعادن مثل المغنيسيوم والكالسيوم والحديد
لكن في المقابل تحتوي أيضًا على كمية كبيرة من السكر والسعرات، لذلك لا يعني وجود المكسرات أنها "صحية بلا حدود".
أما الملبن والنوجا فغالبًا تكون نسبة السكر فيها أعلى، وقيمتها الغذائية أقل مقارنة بالأنواع التي تحتوي على المكسرات أو البذور.
⚖️ وهل ينفع آكل وأنا بعمل دايت؟
طبعًا ينفع ❤️
الدايت مش معناه إنك تحرم نفسك من كل حاجة بتحبها.
اختار قطعة صغيرة، واحسبها ضمن احتياجاتك اليومية، واستمتع بها بدون إحساس بالذنب.
💡 والأهم:
مش قطعة حلاوة المولد هي اللي بتزيد الوزن…
لكن الإفراط وتكرار الأكل بكميات كبيرة.
❤️ الخلاصة
كل واستمتع… ولكن بوعي.
اختار النوع اللي بتحبه، خليك في كمية مناسبة، ومتخليش فرحة المولد تتحول لأسبوع كامل من الحلويات 😄
كل عام وأنتم بخير بمناسبة المولد النبوي الشريف 🌙❤️
د. أحمد الغريب
استشاري التغذية العلاجية والسمنة والنحافة

21/08/2026

👈..فعاليات اليوم الثاني للمؤتمر من قلب جامعة البانيا ( تيرانا )

20/08/2026

👈 ....فعاليات اول يوم في المؤتمر