Dr/Nancy Nabil

14/06/2026

مفجاة الموووسم💥💥💥💥
بكرة ببببس الكشف هيبقى ب ٣٠ جنييييية فقفققققط💥💥💥💥💥🤑🤑🤑
واى حد هيحجز جلسات بكرة هياخد خصم 30%
العرض دة بكررررة وببببس 💣

30/03/2026

بمناسبة العيد
هنعمل عروووووض ع كل جلسات التخسيس 💥💥
ادفعى جلسة والتانية علينا 💯💣
العرض لفترة محدووووودة 👌
بداية من انهاردة
الحقى مكانك معانا ❤️

12/03/2026

24/02/2026

صباح الصيام على الجميع 😉
من انهاردة هنبدا تحدى ال ٥٠ يوم
ونستغل الفترة دى بدل منتخن هنخس
كل اسبوع هنزل نظام اكل نمشي علية
علشان مقاساتك تتغير
وتبقى انسانة جديدة فاقل من شهرين
وتبهريهم
منشن لصاحبكم وتابعوا الانظمة وشجعوا بعض 💪💪

24/12/2025

22/12/2025

الطرق المضمونة علميا لكسر ثبات الميزان وزيادة الحرق:

لازم نعرف إن ثبات الميزان فترة لازم يمر بيها كل جسم أثناء فترة الدايت ومع الصبر والالتزام بتعدي والجسم بيرجع يحرق كويس جدا.. وعشان نقصر الفترة دي فيه بعض الحاجات المثبتة علميا إن لما نعملها هنعلي الحرق فالعموم وهنقلل فترة ثبات الميزان:

1- شرب المياة وخصوصا قبل الأكل بيعلي الحرق جدا.. وفي دراسة ان اللي شربوا كوبايتين مياة قبل كل وجبة بنص ساعة خسوا بنسبة 44% اكتر من اللي مكانوش بيشربوا مياة.. ودي نقطة بيلعب عليها كتير من بياعين الوهم بتوع ادوية التخسيس.. انه يقولك اشربه بكوبايتين مياة قبل الاكل بنص ساعة.. والحقيقة ان التأثير بيكون بسبب المياة مش التركيبة اللي بيبيعوها.
المياة الدافية مع الليمون عالريق بتغسل الجهاز الهضمي وتحسن آداء الكبد وتعلي الحرق... وإلى الآن مش معروف السبب بالظبط.

2- أكل البيض عالفطار افضل بكتير من اي انواع فطار تانية.. وفي دراسة لقوا فيها إن أكل البيض عالفطار بيخليك تاكل كميات اقل على مدار ال36 ساعة اللي بعدها.. غير انه بروتين كامل وفيه كل العناصر الل بيحتاجها الجسم.

3- اشرب قهوة او نسكافيه ويفضل تبقى بلاك او بلبن قليل جدا... القهوة ليها فوايد كتير جدا من محاربة الشيخوخة لتحسين الذاكرة لمحاربة الاورام وتقليل الاصابة بمرض السكر وامراض القلب (باستثناء مرضى الضغط العالي) لكن كمان بتعلي الحرق جدا.

4- اشرب شاي اخضر فوايده كتير وبيعلي الحرق.
5- جرب الصيام المتقطع من افضل واصح الانظمة لفقدان الوزن وبيعلي الحرق جدا.
6- قلل السكر الابيض فأكلك وشربك والدقيق الابيض فالمخبوزات.
7- بالشكل ده كمل فنظام منخفض النشويات او لو كارب ده افضل من الانظمة المنخفضة الدهون ومعتدلة فالنشويات واسرع بكتير فخسارة الوزن.

8- استخدم اطباق اصغر للأكل واحسب سعرات اكلك بانتظام.

9- خلي دايما متاح حواليك سناكس صحية خضار وفاكهة ومكسرات وبيض مسلوق ومتخليش الاكل المضر متاح بسهولة قدامك حتى لو داخل عدد السعرات.

10- كل زبادي كل يوم.. فسلطة او مع فاكهة او سادة او بعسل بأي طريقة... بيحسن الهضم وده بيخلي الحرق افضل.

11- زود البهارات والفلفل والحاجات السبايسي او الحراقة فأكلك طبعا بنسب معقولة.. كلها بتعلي الحرق.

12- تمارين كارديو كل يوم وياريت شيل حديد او حاجات تقيلة عشان تقوي العضلات ومتفقدهاش مع نزول الوزن.. كمان زيادة حجم العضلات بيعلي الحرق جدا.

13- كل خضار وفاكهة كتير.. مليانة ڤيتامينات ومياة وألياف.. فبتحسن الهضم جدا والحرق بيكون فأفضل حالاته.

14- نام كويس.. لخبطة النوم بتلخبط الجسم وبتبوظ الحرق وبتلخبط هرمونات الجوع والشبع.

15- وقف إدمانك لأي نوع أكل... لو فيه حاجة معينة متقدرش تعدي الاسبوع من غير ما تاكلها يبقى انت مدمن للنوع ده.. وقفه فورا أيا كان.. متخليش فيه نقطة ضعف مسيطرة عليك وبتتحكم فحياتك وصحتك.

16- كل بروتين في كل وجبة سواء نباتي او حيواني ألبان اجبان بيض... عشان هيزود العضلات عندك وهيزود الاحساس بالشبع وهيزود حرق الدهون.

17- متعملش دايت قاسي عشان هترجع تزيد اكتر من الاول بعد فترة.. لكن اعمل نظام صحي تعيش بيه عمرك كله مش متأذي منه.. منخفض النشويات وفيه بروتين وخضار وفاكهة ودهون صحية ورياضة وحساب سعرات ومش محروم من حاجة لكن عارف الكميات المظبوطة.

18- امضغ اكلك ببطء عشان مخك بيحسبلك فترة الاكل بمدة معينة.. لو كلت ابطأ هتاكل اقل وهتشبع وهتستفيد كمان بالاكل اكتر.

18/12/2025

يا صديقي، أغلب أوجاع نص الظهر (Thoracic Spine) . بتيجي من "قلة الحركة" ومن إننا نسينا إزاي "نعصر" جسمنا ونحرك العمود الفقري في اتجاهات مختلفة.

جسمك اتخلق يتحرك في 360 درجة، ولما تحبسه في وضع واحد طول اليوم، بيبدأ يشتكي.

النهاردة جايبلك تمرين (Seated Windmill) أو "طاحونة الهواء".. تمرين "سهل ممتنع"، تقدر تعمله وأنت قاعد على مكتبك، أو حتى وأنت بتتفرج على التلفزيون، ومناسب جداً لأهالينا كبار السن.

التمرين ده بيعمل إيه وليه هو عبقري؟

✔︎ فك التخشيبة: بيعمل دوران (Rotation) ضروري جداً للفقرات الصدرية اللي بتنشف من قعدة المكتب. ✔︎ إطالة المجنص (Lats): (زي ما واضح في اللون البرتقالي في الصورة) بيشد العضلات الجانبية اللي لما بتقصر بتكتف حركة دراعك. ✔︎ نفس أعمق: الحركة دي بتفتح القفص الصدري وبتخليك تتنفس مرتاح وتدخل أكسجين أكتر للمخ.

تعمله إزاي صح؟ (ركز في التكنيك)

1️⃣ اقعد على طرف الكرسي وافتح رجلك عن بعض شوية (عشان تدي مساحة لجسمك ينزل).
2️⃣ نزل إيدك اليمين ناحية الأرض (أو سند كوعك على ركبتك لو مرونتك قليلة).
3️⃣ ببطء.. لف جسمك وارفع إيدك الشمال للسقف، وخلي عينك تتابع صوابع إيدك اللي فوق.
4️⃣ الزتونة هنا: وأنت بتلف لفوق، خرج النفس كله من صدرك (Exhale).. الحركة دي هخليك تلف 2 سم زيادة وتفك العضلة صح.

كرره 10 مرات لكل ناحية ببطء.. هتحس إن ضهرك بيتنفس!

التمرين ده مش بس للكبار، ده صيانة ليك أنت شخصياً بعد يوم طويل.

جربوه دلوقتي وأنتوا قاعدين مكانكم.. ومين فيكم سمع صوت "طقطقة" مريحة وهو بيلف؟ 😂 طمنونا عليكم

16/12/2025

🚨 لو حد في بيتك عنده وجع مفاصل أو خشونة…
متسيبيش البوست ده يعدّي من غير ما تبعتيه له.
اللي جاي مش نصايح أكل…
اللي جاي خريطة كاملة بتحدد مصير المفصل.

---

فيه حاجة غريبة بتحصل مع المفاصل…
إنها ما بتشتكيش وقت الغلط.
تسكت.

الغضروف تحديدًا نسيج صبور بشكل يخوّف.
ما يعملش ألم فجأة،
ما يصرخش،
هو بس يقلّل مجهوده بهدوء.

يعني بدل ما يتجدّد،
يقرّر يعيش على اللي فاضل.

علشان كده أول علامة
مش وجع شديد،
لكن إحساس إن المفصل تقيل،
أو صوته عالي شوية،
أو التيبّس اللي يروح بعد الحركة.

المرحلة دي أغلب الناس بتعدّيها.
وده أخطر قرار ممكن يتاخد.

---

اللي بيحصل في الخلفية
إن الجسم بيدخل حالة اسمها
التهاب هادي مستمر.

مش التهاب يعمل حرارة،
ولا تورّم،
ولا يطلع في تحليل.

لكن يفضل شغال،
والغضروف أول نسيج يتأثر.

أول ما الغضروف يحس إن الجو حواليه مش مناسب
يعمل حاجة ذكية:
يقلّل نشاطه.
يقلّل المرونة.
ويستنى.

مش بيبوظ…
بس ما بيتصلّحش.

---

وهنا بقى السؤال الحقيقي:
إيه اللي بيخلّي الجو حوالين المفصل “مش مناسب” كل يوم؟

مش المشي.
ولا الحركة.
ولا حتى الشغل.

أكتر سبب ثابت
هو الأكل المتكرر اليومي.

مش أكلة
ولا عزومة
لكن اللي بيتاكل كل يوم
من غير ما نحس بتأثيره.

---
«لو كمّلتي نفس الأكل ده، أي علاج بعد كده بيبقى ترقيع مش علاج.»

خلّينا نفك الموضوع بهدوء.

فيه أكل بيرفع السكر بسرعة،
والسكر العالي يرفع الإنسولين،
والإنسولين العالي = التهاب أعلى.

والتهاب أعلى
يعني الغضروف
ما يعرفش يرمم نفسه
حتى لو بتاخدي علاج.

---

أول فئة: أكل لازم يقل جدًا (مش يتحرم فجأة)

الدقيق الأبيض والمخبوزات
– الكمية: مرة واحدة في الأسبوع
– قطعة صغيرة، مش وجبة
ليه؟
لأنه أسرع حاجة ترفع السكر
وتولّع الالتهاب.

السكر والحلويات
– الكمية: لقمة صغيرة كل 7–10 أيام
ليه؟
لأن السكر بيغذّي الالتهاب
وبيخلّي المفصل دايمًا متهيّج.

المشروبات الغازية والعصائر
– الكمية: يفضّل صفر
ليه؟
سكر سائل = التهاب سريع
وأذى مباشر للمفصل.

---

ثاني فئة: أكل شكله صحي… بس خطر لو زاد

منتجات الألبان
– الكمية: كوب واحد في اليوم
ليه؟
لأنها تزود الالتهاب عند ناس كتير
خصوصًا مع الخشونة.

الفاكهة
– الكمية: ثمرة واحدة في اليوم
ليه؟
مفيدة آه،
بس السكر الطبيعي لو زاد
يعمل نفس تأثير السكر الأبيض.

---

ثالث فئة: أكل بيهدّي المفصل فعليًا

الخضار الأخضر
– الكمية: طبق كبير يوميًا
أو عصير أخضر مرة في اليوم
ليه؟
لأنه يقلّل الالتهاب
ويحسّن تغذية الغضروف
ويفتح باب الترميم.

أمثلة:
جرجير – كرفس – خس – سبانخ – بروكلي

السمك الدهني
– الكمية: مرتين في الأسبوع
– قطعة بحجم كف الإيد
ليه؟
لأنه يقلّل الالتهاب المزمن
ويزوّد ليونة المفصل.

الدهون الصحية
– ملعقة زيت زيتون يوميًا
– قبضة مكسرات 3 مرات أسبوعيًا
ليه؟
لأنها تحسّن حركة المفصل
وتقلّل الاحتكاك.

🥤 المشروبات اللي تفرّق فعلًا (مش كلام عام)

1️⃣ تهدئة المفصل الأساسي

الزنجبيل يقلّل الألم
الكركم يقلّل الالتهاب
الفلفل الأسود يزوّد الامتصاص
يعني مش تهدئة مؤقتة…
دي رسالة للجسم إن الالتهاب يهدى.

---

2️⃣نصايح بداية اليوم

الطريقة: كوب مياه دافية
من غير ليمون
من غير إضافات

يتشرب إزاي؟ على معدة فاضية
برشفات مش مرة واحدة

الفايدة الحقيقية: المياه الدافية
تزود السائل داخل المفصل
وتقلّل تيبّس أول الحركة
خصوصًا للركبة والكتف.

---

3️⃣ مشروب الحماية البطيئة (ده مش هيبان من أول يوم)

شاي أخضر

كوب واحد بس في اليوم

من غير سكر

بعد الغدا أو العصر

ليه مهم؟ بيقلّل الالتهاب على المدى الطويل
ويحمي الغضروف من التآكل الصامت
مش مسكن…
وقاية.

---

🧘‍♀️ روتين تهدئة المفصل (مش تمارين ولا مجهود)

🕰️ أول حاجة: توقيت الحركة

المفصل ما يحبش المفاجأة.
أسوأ حاجة تعمليها: تصحي من النوم → تقومي تتحركي فجأة.

الصح: قبل ما تقومي:

لفّي المفصل اللي بيوجعك 30–60 ثانية

حركات بسيطة في السرير
كده بتقولي للمفصل: اصحى على مهلك.

---

🚶‍♀️ الحركة الصح (مش رياضة)

المطلوب: 10–15 دقيقة مشي هادي
كل يوم
من غير لهث
من غير إجهاد

ليه؟ المفصل بيتغذّى بالحركة
بس الحركة الهادية
مش الشد والعنف.

---

❄️🔥 الكمادات (الناس بتستخدمها غلط)

دافي:

الصبح

أو قبل الحركة

10 دقائق

تلج:

لو في التهاب أو سخونة

بعد مجهود

5–7 دقائق فقط

الغلط الشائع؟ تلج كتير → المفصل ينشف أكتر.

---

😴 النوم (أهم مرحلة ترميم)

الغضروف
ما بيصلّحش نفسه بالمسكن
بيصلّح نفسه أثناء النوم.

المهم:

نوم 7 ساعات

في وقت ثابت

قبل 12 بليل لو أمكن

قلة النوم = التهاب أعلى
حتى لو الأكل مظبوط.

---

🔑 الخلاصة اللي ما تتقالش:

المفصل مش محتاج:

وجع

ولا قسوة

ولا تحدّي

المفصل محتاج: هدوء + انتظام + بيئة صح

وده اللي المشروبات والروتين دول بيعملوه.

---

لو الكلام ده خلاك تبص على مفصلك بشكل مختلف…
فده معناه إن الإشارة وصلت.

المفصل لما يتفهم صح،
بيريّح صاحبه سنين قدّام.



المنشية المطرانية _بعد هايبر تبارك

12/12/2025

اذا كنت عامل دايت او ناوي تعمل دايت فا دي قايمة فيها شوية اقل سعراتها يعتبر صفررر ..

📌بس مهم تشوف اخر ملحوظه في البوست

• خيار – 100 جرام = 15 كالوري
• خيار واحدة صغيرة (50 جرام) = 8 كالوري
• خس – 100 جرام = 14 كالوري
• جرجير – 100 جرام = 5 كالوري
• كرفس – عود واحد متوسط = 6 كالوري
• كرفس – 100 جرام = 14 كالوري
• كابوتشا (كرنب أخضر) – 100 جرام = 17 كالوري
• سبانخ – 100 جرام = 23 كالوري (ورقيات = شبه صفر لأن الوزن قليل)
• فلفل ألوان – 1/2 حبة = 12 كالوري
• فلفل رومي أخضر – 100 جرام = 20 كالوري
• بقدونس – 10 جرام = 4 كالوري
• كزبرة – 10 جرام = 4 كالوري
• شبت – 10 جرام = 3 كالوري
• بروكلي ني – 100 جرام = 34 كالوري (كوب صغير = 10–12 كالوري تقريبًا)
• كوسة – واحدة متوسطة = 16 كالوري
• مشروم – 1 كوب = 15 كالوري
• طماطم شيري – واحدة = 3 كالوري
• طماطم متوسطة – 22 كالوري
• ليمون – واحدة = 17 كالوري
• خل – 1 ملعقة كبيرة = 3 كالوري
• شاي سادة بدون سكر = 0 كالوري
• قهوة سادة = 0 كالوري
• مياه غازية بدون سكر = 0 كالوري
• جيلي دايت – الكوباية = 5–10 كالوري (حسب النوع)
• مرقة خضار دايت – الكوباية = 8–12 كالوري
• خيار مخلل – قطعة صغيرة = 4 كالوري
• خيار مخلل – 100 جرام = 11 كالوري

اربع ملحوظات مهمين جدا:

🔴احنا قايلينلك السعرات بشكل تقريبي و ده ميمنعش ان السعرات قليلة

🔴مش كل حاجه ف الجدول ينفع ناخدها علي طول علشان فيه اللي بيعمل هشاشه عظام و فيه اللي بيحبس مياه و ده كلامي علي كميات الكبيرة

🔴الاسناك ده بنلجئ ليه لو احنا برا و جعانين و مش عايزين نلغبط

لو لسة مبداتوش فانهاردة انسب يوم تبداوا فية
علشان بكرة نبقى احسن❤️❤️❤️
دمتم بخير ❤️❤️

عيادة المطرانية 🏩
دكتورة نانسي نبيل
اخصائى التغذية والعلاج الطبيعى
المنشية بعد هايبر تبارك 🏫

10/12/2025

🌹💜(ماشي علي نظام غذائي صح 100٪. ومانزلتش كيلو واحد علي الميزان)
عايز تعرف ايه السبب؟!
⬅️ أقرأ البوست
معانا واحد وزنه ١٠٠ كيلو قرر يروح الجيم
راح الجيم ومشي علي نظام غذائي وتدريبي قوي جدا
جه يوزن بعد شهر لقي وزنه ١٠٠ كيلو ماخسش جرام واحد علي الميزان

بس شكل جسمه اتغير ١٨٠ درجه للأحسن والهدوم بقت مظبوطه عليه وواضح جدا انه خس بس علي الميزان وزنه ثابت🤔
⬅️دي بإختصار ظاهر اسمها "woosh effect"

ودي حاله ممكن يدخل فيها الجسم أثناء فتره التخسيس ومش بتحصل لكل الناس
اللي بيحصل ببساطه كالاتي
لما بتتمرن وجسمك يحرق الدهون اللي داخل الخلايا الدهنيه بيبدأ في ملئ الخلايا الدهنيه دي بالماء علي أمل إن الدهون هترجع تاني للخليه
ومع استمرارك علي النظام الغذائي والتمرين جسمك هيبدأ يفقد الأمل في رجوع الدهون تاني فيبدأ بطرد المياه الزياده دي خارج الجسم عن طريق التبول أو العرق
يعني ممكن يفضل وزنك ثابت أسبوع أو اتنين أو شهر وفجأه تلاقيك نزلت ٦ أو ٧ كيلو في يومين
بعد فترت الثبات الطويله دي.

فيه حاجات تانيه ممكن تكون سبب في ان جسمك يخزن مياه زياده.. زي مثلا
زياده نسبة الملح والكربوهيدرات في النظام الغذائي والافراط في التمرين ودول أحد أهم الأسباب اللي بتدفع الجسم انه يخزن مياه زياده

⬅️"طب إيه أفضل حاجه عشان تفقد المياه الزياده في جسمك"
*تشرب مياه كتير
*تقلل نسبة الكربوهيدرات في نظامك الغذائي
*تقلل نسبة الملح في نظامك الغذائي لكن مش بتمنعه
*الساونا
*الكافيين
*البقدونس
*الكركديه
*الثوم
*مكملات البوتاسيوم والمغنيسيوم
* اليوم الريفيد أو الواجبه الريفيد... لو كنت ماشي علي نظام غذائي قليل الكربهيدرات لفترة طويل . 💜🌹