01/05/2026
🫀Hoxe vivimos unha nova mostra da importancia de actuar rápido ante unha parada cardiorrespiratoria.
Un membro da directiva de TESGALICIA, Técnico en Emerxencias Sanitarias e Instrutor en SVB e DEA, cando regresaba do seu posto de traballo ao seu domicilio, recibiu a alerta de “Acude e Axuda” (*) por unha PCR en vía pública no Porriño, atopándose a escasos metros do lugar.
Á súa chegada iniciou manobras de RCP xunto a axentes da Garda Civil do posto do Porriño, alertados previamente por varios veciños. En apenas 10 minutos chegou a unidade AM-751 con base en Mos. Tras case 30 minutos de RCP e dúas desfibrilacións, a paciente conseguiu recuperar pulso, sendo trasladada ao Hospital Álvaro Cunqueiro, onde permanece ingresada.
☎️ Este caso volve demostrar a importancia de activar canto antes a cadea de supervivencia e da formación en RCP e uso do DEA entre a poboación, unha labor na que TESGALICIA participa activamente.
foi pioneira na posta en marcha dun sistema de aviso mediante SMS 📲 para alertar de paradas cardiorrespiratorias (*), permitindo que unha rede de voluntarios formada por TES, enfermeiros/as, médicos/as, voluntariado de Protección Civil e Cruz Vermella poida actuar de maneira precoz e coordinada, logrando xa revertir múltiples paradas cardíacas na nosa Comunidade.
Desexamos unha pronta e satisfactoria recuperación da paciente.
(*): O Programa Acude e Axuda, xa non admite a inscrición de novos voluntari@s, posto que dente 2025 implementouse en Galicia a alerta de paradas en vía pública na APP ARIADNA: https://ariadna.fundaciondelcorazon.com/ que avisará a voluntariado que estea nun radio de actuación axeitado (hai que ter a "ubicación" do móbil conectada).
Paralelamente dende a Central do 061 de Galicia, poden seguir avisando aos inscritos anteriormente no Acude e Axuda, xa que a activación de ambos programas de alerta é diferente.
Guardia Civil Pontevedra
