15/10/2026
Como se pode comprobar que a perspectiva de xénero está presente en todas as actividades dun proxecto?
Con motivo do Día Internacional das Mulleres Rurais, 15 de outubro, ConVive Rural deseña unha ferramenta de seguimento do xénero e a interseccionalidade.
Trátase dun instrumento que as entidades do proxecto cobren despois de cada actividade e que permite revisar aspectos como a planificación en función das necesidades de mulleres e homes, a linguaxe e as imaxes inclusivas, a conciliación ou a prevención da violencia de xénero.
📊 A partir destes rexistros, a ferramenta xera indicadores que axudan a identificar aspectos que se poden mellorar.
Porque a igualdade non consiste unicamente en contar cantas mulleres participan, senón tamén en analizar como se deseñan as actividades e que barreiras poden atopar, especialmente cando conflúen o xénero, a discapacidade e o territorio.
O proxecto ConVive Rural enmárcase no Programa FSE+ de Inclusión Social, Garantía Infantil e Loita contra a Pobreza, e está cofinanciado pola Unión Europea e a Fundación MAPFRE a través da convocatoria Axudas +RURAL 2025.
