¿Qué es el sitio web?

Asociación Galega de Matronas

Casa
España
Vigo
Asociación Galega de Matronas

Asociación Galega de Matronas A Asociación S.

Gallega de Matronas foi constituída o 17 de Decembro de 1984 en A Coruña, promovida e representada por Rosalina Celada Juan como Presidenta, Elvira Comesaña Castro (Vicepresidenta), Yolanda Goyanes Carro (Secretaria), Mercedes Vazquez García (Tesoureira ), e como vocais : Felisa Otero Otero, Josefina Carracedo Prado, Mª Blanca Bravo López y Pilar Alaez Couceiro. Foi expedida en A Coruña e rexistra

da na Consellería de Traballo, Seguridade Social e Emigración, actualmente Consellería de Xustiza Interior e Relacións Laborais. E unha entidade sen ánimo de lucro, que está formada por profesionais con Título de Matrona ou Enfermeira Obstétrico-Ginecolóxica . O 14 de marzo de 2008, en Asemblea Xeral Extraordinaria,aprobouse a creación da Asociación Galega de Matronas (AGAM), para que os bens da Asociación Sindical Galega de Matronas se transferisen á AGAM, aprobando así, un novo articulado dos estatutos, de acordo coa lexislación vixente Lei Orgánica 1/2002, de 22 de marzo, que regula o dereito de asociación e de outras leis xa existentes. A Asociación naceu como unha experiencia ilusionada e pioneira no ámbito español tras a desaparición do Colexio de Matronas, que fixo que perderamos a nosa representación nas estructuras sanitarias e foi cambiando e dando cabida a tódolas matronas da nosa comunidade.

29/05/2026

📢 A Asociación Galega de Matronas busca mulleres voluntarias para participar nas prácticas do curso “Formación Básica en Ecografía Obstétrica para Matronas”, que se celebrará o próximo mércores 3 de xuño de 2026 no Hospital Álvaro Cunqueiro de Vigo.

👉 Neste momento precisamos especialmente:
🤰 Mulleres no PRIMEIRO trimestre de embarazo
🤱 Mulleres en POSTPARTO (0-6 meses)

⚠️ IMPORTANTE: se o teu embarazo está considerado de ALTO RISCO, por protocolo non poderás participar nesta actividade. As prácticas estarán supervisadas por profesionais sanitarios e terán exclusivamente finalidade docente. As ecografías realizadas non terán validez clínica nin diagnóstica.

💜 Participar é totalmente gratuíto.

📩 Se che interesa participar, cobre este formulario:
https://forms.gle/MMNk8H6hFUYgvDh67

Desde a organización elaboraremos o listado de voluntarias e contactaremos coas seleccionadas para confirmar a hora e o lugar exacto.

Agradecemos moitísimo a difusión entre embarazadas, familias, asociacións e grupos de apoio 💜

29/05/2026

Desde a Asociación Galega de Matronas tivemos a honra de acompañar ás novas especialistas no seu acto de despedida, un momento cheo de emoción, orgullo e recoñecemento ao esforzo realizado durante estes anos de residencia.

Detrás de cada nova matrona hai gardas interminables, aprendizaxes, acompañamento ás mulleres e familias nos momentos máis importantes das súas vidas, e unha enorme vocación de coidado 💜

Na AGAM queremos darlles a benvida á profesión e lembrarlles que non están soas: seguiremos traballando xuntas para defender, visibilizar e fortalecer o papel das matronas galegas.

📸 Desliza para ver algúns momentos deste día tan especial.

🔗 Podes ler a noticia completa na nosa web www.matronasgalegas.org

05/05/2026

👶As matronas son unha peza clave da asistencia sanitaria das mulleres

💠 O seu labor garante unha atención próxima, segura e de calidade

🔗https://vida-saudable.sergas.gal/cartafol/Dia-Internacional-da-Matrona-VS

05/05/2026

💜 Xornada Día da Matrona 2026 | AGAM

Desde a Asociación Galega de Matronas convocamos a matronas e residentes de matrona de toda Galicia a participar nesta esperada cita anual, que este ano celebraremos o 30 de maio en Vigo.

Un encontro para reencontrarnos, formarnos e seguir avanzando xuntas na profesión, compartindo experiencias e reflexionando sobre os retos que vivimos no noso día a día

📌 Que atoparás nesta xornada?
✨ Ponencias sobre o programa BPSO, alimentación consciente e intervención educativa en saúde menstrual en persoas con Síndrome de Down.
✨ Micro aberto para compartir preocupacións das matronas
✨ Asemblea AGAM
✨ Xantar de confraternización
✨ Obradoiro práctico sobre dor perineal no parto
✨ E tempo para convivir e facer comunidade 💜

📍 Onde? UNED Vigo (Auditorio Mar de Vigo)
🗓️ Cando? 30 de maio

🤗 Organiza a AGAM, coa colaboración dos patrocinadores , , e

ℹ️ Asistencia á xornada e taller: gratuíta con inscrición.

🍽️ Xornada + xantar:
- Socias e residentes: 5 €
- Non socias: 25 €

👉 Inscricións xa disponibles para socias.
Residentes e non socias: poderán reservar praza a partir do 8 de maio (ou facerse socias 👏🏻, agora tamén poden asociarse as matronas en formación!)

🔗 Máis info e inscricións na bio.

Esta xornada é unha oportunidade para escoitarnos, compartir e seguir construíndo comunidade profesional en Galicia.

💜 Contamos contigo

05/05/2026

🌍👩🏻‍⚕️ Día Internacional da Matrona | 5 de maio

Cada dous minutos, unha muller morre por causas relacionadas co embarazo ou o parto.
Millóns de bebés non chegan a cumprir o seu primeiro mes de vida.
Moitas mulleres seguen sen recibir a atención que merecen.

👉 Isto pode cambiar.

Un millón máis de matronas poderían transformar esta realidade:
✔️ Máis vidas salvadas
✔️ Máis coidados respectuosos
✔️ Máis dereitos garantidos para as mulleres

Desde a Confederación Internacional de Matronas , a campaña lanza unha mensaxe clara:
💬 O mundo necesita un millón máis de matronas.

Pero non abonda con dicilo. Hai que actuar:
💡 Políticas que recoñezan todo o noso ámbito profesional
💡 Recursos e condicións dignas
💡 Liderado das matronas nas decisións en saúde

✍️ Asina a petición e forma parte do cambio
(ligazón na bio)

📍 As sinaturas entregaranse no Congreso internacional en Lisboa o próximo mes de xuño.

Porque investir en matronas é investir en saúde, en mulleres e en futuro.

💜 Únete. Asina. Comparte.

29/04/2026

👩‍⚕️✨ Achegando a profesión de matrona ás novas xeracións

A nosa compañeira Andrea Vila Fariñas, matrona en Bertamiráns e Brión, participou xunto a Isabel Abel, secretaria da AGAM, na Feira das Profesións celebrada hoxe en Bertamiráns.

Durante a xornada, compartiron cun stand información sobre o labor das matronas 👶, explicando en que consiste a nosa profesión, as súas competencias e a importancia do noso papel no coidado da saúde das mulleres.

💬 Un espazo moi enriquecedor para resolver dúbidas e inspirar ao alumnado nun momento clave na elección do seu futuro.

Grazas por contribuír a dar visibilidade á nosa profesión! 💜

Bertamiráns OrientaciónAcadémica

08/04/2026

| 😔 Lamentamos profundamente o pasamento da nosa compañeira Olga López Racamonde, matrona de Lugo, docente e referente para moitas xeracións de profesionais.

👩‍⚕️ Tanto no profesional como no persoal, destacou polo seu compromiso coa saúde e cos dereitos das mulleres e dos recén nados. Ao longo da súa traxectoria exerceu como matrona hospitalaria e de atención primaria, sendo supervisora de partos e participando na coordinación da unidade no traslado ao HULA, contribuíndo a unha atención ao parto máis respectuosa e centrada nas mulleres. Foi unha firme defensora da matrona como persoal sanitario de referencia na saúde sexual e reprodutiva, traballando polo recoñecemento da súa autonomía profesional e do seu papel dentro dos equipos asistenciais. Ademais, desenvolveu unha destacada labor docente na Escola de Enfermaría de Lugo, formando a numerosas xeracións de futuras profesionais.

🤱 Socia fundadora da asociación no ano 2005, realizou tamén unha grande labor na protección e promoción da lactancia materna, tanto desde a consulta como desde o ámbito académico.

💜 Sempre da man das súas mentoras e compañeiras, fixo un gran esforzo por adaptarse aos cambios da profesión, mantendo unha firme defensa do coidado humanizado e dos dereitos das mulleres e dos bebés.

Desde a AGAM queremos hoxe renderlle a nosa máis sentida homenaxe e trasladar todo o noso agarimo á súa familia, amizades e compañeiras. O seu compromiso, vocación e calidade humana permanecerán sempre na memoria da nosa profesión.

📷 Na fotografía, a matrona Esther M. Becares (á esquerda) xunto a Olga López Racamonde, nos seus primeiros anos de profesión.

FAME Matronas C.O.Enfermería Lugo

24/03/2026

👩🏻‍⚕️ Dentro das funcións das matronas está a educación para a saúde, un labor fundamental de divulgación e acompañamento á comunidade.

👉🏻 Esta semana, a matrona Isabel Abel, visitou ao alumnado do IES de Cacheiras (Teo) dentro da semana cultural "Ilumínate 2026", para falar sobre como nacemos e achegar coñecemento arredor do embarazo e o parto.

💬Unha oportunidade moi valiosa para compartir, resolver dúbidas e promover unha visión informada e respectuosa do nacemento

Grazas ao centro pola acollida e ao alumnado polo seu interese!

#

16/03/2026

👩‍⚕️ A AGAM organiza a 2ª edición do curso presencial “Educación sexual grupal nas diferentes etapas vitais”, impartido pola matrona Lucía Martínez Villarejo. Unha formación práctica para adquirir ferramentas que permitan acompañar, educar e promover a saúde sexual ao longo de toda a vida das mulleres.

🔎 Por que é importante?
A educación sexual é unha peza clave na promoción da saúde, na prevención e no empoderamento das mulleres. Dispor de recursos para traballar en grupo permite chegar a máis persoas, resolver dúbidas frecuentes e ofrecer unha atención integral e baseada na evidencia.

📅 Data: Venres 17 de abril de 2026
⏰ Horario: 08:30 h – 20:30 h
📍 Modalidade: Presencial en Santiago de Compostela
🎟 Prazas limitadas!
📜 1.5 créditos

📩 Inscricións abertas en www.matronasgalegas.org

08/03/2026

📅 8 de marzo | Día Internacional das Mulleres

O 8M é un día de memoria, de loita e de reivindicación. Un día para lembrar que os dereitos das mulleres nunca foron un agasallo, senón o resultado de décadas de mobilización colectiva e do compromiso de xeracións de mulleres que nos precederon.

As matronas vimos de lonxe, somos parte desa historia.

Acompañamos ás mulleres en momentos clave das súas vidas, defendemos os seus dereitos se***is e reprodutivos e traballamos cada día para ofrecer unha atención baseada na evidencia, no respecto e na autonomía nas decisións sobre o seu propio corpo.

Pero coidar tamén precisa recoñecemento.
As mulleres teñen dereito a unha atención de calidade en saúde sexual e reprodutiva. E para garantila é imprescindible:
🟣 Máis matronas e ratios axeitadas que permitan unha atención segura e de calidade.
🟣 O recoñecemento profesional das matronas, acorde coa nosa formación, responsabilidade e competencias.
🟣 O respecto ás competencias da profesión, fundamentais para garantir unha atención especializada ás mulleres.
🟣 Condicións laborais dignas que permitan coidar con calidade e seguridade.
🟣 Políticas públicas que garantan o respecto ás mulleres en todos os procesos de saúde sexual e reprodutiva.

Reivindicar ás matronas é tamén defender o dereito das mulleres a unha atención segura, respectuosa e baseada na evidencia.

Dende a Asociación Galega de Matronas xunto á seguimos traballando para fortalecer a profesión e para avanzar na defensa dos dereitos das mulleres e na mellora da atención en saúde sexual e reprodutiva.

💜 Vimos de lonxe. Seguimos avanzando.

Dirección

Vigo

Página web

http://www.matronasgalegas.org/

Notificaciones

Sé el primero en enterarse y déjanos enviarle un correo electrónico cuando Asociación Galega de Matronas publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.