Ethiopian Pharmaceuticals Supply Service - EPSS

18/10/2026

የኢቦላ ቫይረስ በሽታ ወረርሽኝ በዲሞክራቲክ ሪፐብሊክ ኦፍ ኮንጎ፣ ቀደም ሲል በኡጋንዳ እና በአሁኑ ወቅት በኬንያ መከሰቱን ተከትሎ፣ የጤና ሚኒስቴር ከኢትዮጵያ የሕብረተሰብ ጤና ኢንስቲትዩት (EPHI)፣ ከክልል ጤና ቢሮዎች እና ከሌሎች አጋር አካላት ጋር በመተባበር በሽታው ወደ ሀገራችን እንዳይገባና ቢከሰትም በፍጥነት ለመቆጣጠር የሚያስችሉ የቅድመ ዝግጅነት ሥራዎችን እያከናወነ ይገኛል።

በአየርና በየብስ መግቢያ እና መውጫ በሮች ላይ የጤና ቅኝትና ቁጥጥር እየተካሄደ ሲሆን፣ የላቦራቶሪ ምርመራ አቅምን የማጠናከር፣ የልየታ እና ፈጣን ምላሽ ሰጭ ቡድኖችን የማደራጀት፣ የበሽታ ክትትልን የማጠናከርና ዝግጁ የማድረግ ሥራዎችም እየተከናወኑ ይገኛል፣ በሽታው ከተከሰተባቸው ሀገሮች ወደ ሀገር ውስጥ ለሚገቡ ሰዎች 24/7 ቅኝት፣ ልየታ እና ክትትል እየተካሄደም ይገኛል።

ሕብረተሰባችንም እንደተለመደው በበሽታው ዙሪያ የሚሰጡ ይፋዊ መረጃዎችን እንዲከታተልና

• የበሽታው ወረርሽኝ ከተከሰተባቸው ሀገራት የሚመጡ ወይም ለበሽታው ተጋላጭ ከነበሩ ሰዎች ጋር ንክኪ የነበራቸው ሰዎች ትኩሳት፣ የጡንቻ ሕመም፣ ማስታወክ ወይም ያልተለመደ የደም መፍሰስ ጨምሮ የበሽታው ምልክቶች ከታዩባቸው ወዲያውኑ ለጤና ባለሙያ/ጤና ተቋም በማሳወቅ ተገቢውን የጤና ምርመራና ክትትል ማድረግ፤

• የበሽታውን ምልክቶች የሚያሳይ ማንኛውም ሰው በሚመለከቱበት ጊዜ በአቅራቢያ በሚገኝ የጤና ተቋም ሪፖርት ማድረግ ወይም በ8335 እና 952 ነፃ የስልክ መስመሮች በመደወል እንዲያሳውቅ እንጠይቃለን።

Website: moh.gov.et
Facebook: Ministry ofበ Health,Ethiopia
Twitter: x.com/fmohealth
YouTube: youtube.com/
Tiktok: tiktok.com/
Telegram: t.me/M0H_EThiopia
Linkedin: lnkd.in/ewFJ6V

13/10/2026

የደንበኞች ቀን በአዲስ አበባ ቁጥር 1 ቅርንጫፍ ተከበረ
፨፨፨፨፨፨፨፨፨፨፨፨፨፨፨፨፨፨
“በአስተማማኝ አቅርቦትና በላቀ አገልግሎት የደንበኞችን አጋርነት ማረጋገጥ” በሚል መሪ ቃል የኢትዮጵያ መድኃኒት አቅራቢ አገልግሎት የአዲስ አበባ ቁጥር 1 ቅርንጫፍ የደንበኞች ቀንን ጥቅምት 3/2019 ዓ.ም አከበረ።

በመድረኩ የአገልግሎት ቅልጥፍናን ማሳደግ፣ የመድኃኒት አቅርቦትን ማሻሻልና የደንበኞችን እርካታ ማረጋገጥ ላይ ውይይት ተካሂዷል።

የቅርንጫፉ ሥራ አስኪያጅ አቶ እንዳለው አስማማው እንደገለጹት፣ መድረኩ በደንበኞችና በተቋሙ መካከል ያለውን ትስስር ለማጠናከርና አገልግሎትን ለማሻሻል ትልቅ ሚና አለው።

በተለይም የአገልግሎት ጊዜን ለማሳጠር ዘመናዊ የኦንላይን የትዕዛዝ ሥርዓት (Online Ordering) ሥራ ላይ መዋሉን ገልጸው፣ ደንበኞችም ሥርዓቱን በጥቅም ላይ እንዲያውሉ ጥሪ አቅርበዋል።

የማርኬቲንግና ደንበኞች አስተዳደር ዳይሬክተር ወ/ሮ ገዳምነሽ አስፈራው በበኩላቸው፣ በመድረኩ የሚነሱ ሐሳቦች የተቋሙን ስትራቴጂካዊ ዕቅዶች ለማዘጋጀትና ለማሻሻል ጠቃሚ ግብዓት እንደሚሆኑ ጠቁመዋል።

በመድረኩ የፌዴራል ሆስፒታሎች፣ የተመረጡ የአዲስ አበባ ሆስፒታሎች፣ የፌዴራል ፖሊስና የመከላከያ ተወካዮች እንዲሁም የተቋሙ አመራሮችና ባለሙያዎች ተሳትፈዋል።

ተሳታፊዎቹ ዲጂታል አሠራሩንና የሥራ ፍሰቱን በአዎንታዊነት የገመገሙ ቢሆንም፣ በመሠረታዊ መድኃኒቶች (በተለይም የአእምሮ ሕምና የካንሰር ሕክምና መድኃኒቶች) ላይ የሚታየውን የአቅርቦት መቆራረጥ ለመፍታት ትኩረት እንዲሰጥ ጠይቀዋል።

በተጨማሪም የአንዳንድ የአእምሮ ሕመም መድኃኒቶች ዋጋ እንዲገመገምና ውል የተገባለት የአቅርቦት ሥርዓት (CDSS) እንዲጠናከር ጥቆማ አቅርበዋል።

ላቀረቧቸው ጥያቄዎች ምላሽ የሰጡት አቶ እንዳለው አስማማውና ወ/ሮ ገዳምነሽ አስፈራው፣ የሕክምና ግብዓቶች በበቂ መጠን እንዲቀርቡ፣ ዘመናዊ አሠራሮች እንዲስፋፉና የግዥ ሥርዓቱ እንዲረጋጋ ከሚመለከታቸው የጤና ዘርፍ አካላት ጋር በቅንጅት እየተሠራ መሆኑን ገልጸዋል።

#ማገልገል ክብር ነዉ
አማኑኤል ወርቃየሁ

12/10/2026

አገልግሎቱ 19ኛውን ብሔራዊ የሠንደቅ ዓላማ ቀን አከበረ
፨፨፨፨፨፨፨፨፨፨፨፨፨፨፨፨፨፨፨፨፨
የኢትዮጵያ መድኃኒት አቅራቢ አገልግሎት 19ኛውን ብሔራዊ የሠንደቅ ዓላማ ቀን “ሠንደቅ ዓላማችን ለብሔራዊ መግባባትና ለአንድነታችን” በሚል መሪ ቃል የአገልግሎቱ ምትክትል ዋና ዳይሬክተር አቶ አቅናው ካውዛ፣ የማኔጅመንት አባላት እና ሠራተኞች በተገኙበት አከበረ።

ሠንደቅ ዓላማ የሀገር ክብር፣ የሉዓላዊነትና የጋራ ታሪክ ምልክት በመሆኑ ዜጎች ልዩነቶቻቸውን በማክበር ለጋራ ዓላማ በአንድነት እንዲቆሙ የሚያስታውስ ብሔራዊ መገለጫ መሆኑን አቶ አቅናው ካውዛ ተናግረዋል።

በዓድዋ ድል የተመሰከረው የኢትዮጵያውያን የጋራ ተጋድሎ የሀገር ነፃነትና ክብር በአንድነት በመቆም እንደሚጠበቅ የሚያሳይ ታሪካዊ ትምህርት መሆኑን በመጥቀስ፣ የዚህን ታሪክ ትሩፋት ወደ ሰላም፣ ልማት፣ ተቋማዊ ብቃትና የሕዝብ የኑሮ መሻሻል መቀየር የዘመኑ ትውልድ ኃላፊነት መሆኑንም አጽንኦት ሰጥተዋል።

አገልግሎቱ ይህንን ብሔራዊ ኃላፊነት በተግባር ለመወጣት መድኃኒቶችንና የሕክምና ግብዓቶችን በጥራት፣ በተመጣጣኝ ዋጋና በዘላቂነት ለጤና ተቋማት ማቅረብ ላይ እንደሚሠራ ምላሽ የሰጡት ምላክትል ዋና ዳይሬክተሩ፤ ይህም የሕዝብን ጤና ከመጠበቅ ባለፈ የጤና ሥርዓቱን ለማጠናከርና ለሀገር ዘላቂ ልማት አስተዋጽኦ ለማድረግ ወሳኝ መሆኑን አመልክተዋል።

በመጨረሻም የአገልግሎቱ ሠራተኞች ለተቋሙ ተልዕኮ በቁርጠኝነት እንዲሠሩ፣ የትብብር መንፈሳቸውን እንዲያጠናክሩና ለሕዝብ የሚሰጠውን አገልግሎት በቀጣይነት እንዲያሻሽሉ ጥሪ አቅርበዋል፤ የሠንደቅ ዓላማችን ክብር የሚጠበቀው በጋራ ኃላፊነት፣ መከባበርና ለጋራ ዓላማ በመሥራት መሆኑንም ገልፀዋል።

#ማገልገል ክብር ነው!

ሰላም ይደግ

10/10/2026

የጤና ሚኒስቴር ሚኒስትር ዴኤታዎች የእንኳን ደስ አላችሁ !!
፨፨፨፨፨፨፨፨፨፨፨፨፨

የኢትዮጵያ መድኃኒት አቅራቢ አገልግሎት አመራሮችና መላው ሠራተኞች፣ በኢፌዴሪ ጠቅላይ ሚኒስትር ዐቢይ አሕመድ (ዶ/ር) ከተስከረም 30 ቀን 2019 ዓ.ም ጀምሮ በጤና ሚኒስቴር ሚኒስትር ዴኤታነት ለተሾሙት ለክብርት ወ/ሮ ፍሬህይወት አበበ፣ ለክብርት ወ/ሮ ሰሃረላ አብዱላሂ እና ለክቡር ዶ/ር ሙሉቀን አርጋው የተሰማቸውን ልባዊ ደስታና የእንኳን ደስ አላችሁ መልእክት ያስተላልፍል።

የአገልግሎቱ ፤ ደግም የተሾሙት ክብርት ወ/ሮ ፍሬህይወት አበበ እና ክብርት ሳህረላህ አብዱላሂ እንዲሁም ዶ/ር ሙሉቀን በጤናው ዘርፍ ያላቸውን ጥልቅ ልምድና እውቀት በመጠቀም፣ የተቀናጀ አሰራርን በመከተል የሀገራችንን የህክምና ግብአቶች አቅርቦት፣ሰርጭት እና የጤና አገልግሎት ስርዓት ይበልጥ ወደተሻለ ደረጃ ለማሸጋገር በሚደረገው ጥረት ከፍተኛ ሚና እንደሚጫወቱ እምነታችን ሙሉ ነው።

ቀደም ብሎ ለጤና የአቅርቦት ሠንሠለቱ ከላይ እስከ ታች መጠናከር ለሠጣችሁት ቆራጥ አመራር ፣ ድጋፍ እና ክትትል እጅግ እናመሠግናለን።

የመድኃኒት አቅራቢ አገልግሎት ለተሾሙት ሚኒስትር ዴኤታዎች በተሰጣቸው ከፍተኛ ሀገራዊና ህዝባዊ አደራ ስኬታማ፣ ፍሬያማና መልካም የሥራ ዘመን እንዲሆንላቸው እየተመኘ፤ የማህበረሰቡን ጥራት ያለው የመድኃኒትና የሕክምና መገልገያዎች አቅርቦት አስተማማኝ ለማድረግ ከሚኒስቴር መሥሪያ ቤቱና አመራሮቹ ጋር በትትጋት ፣ቅንጅትና ትኩረት ለመሥራት ከመቼውም በላይ ዝግጁ መሆናችንን እናረጋግጣለን ።

#ማገልገል ክብር ነው

የኢትዮጵያ መድኃኒት አቅራቢ አገልግሎት(EPSS)

09/10/2026

ለክቡር ዶ/ር ደረጀ ድጉማ የምስጋና እና የእንኳን ደስ አለዎት መልእክት
፨፨፨፨፨፨፨፨፨፨፨፨፨፨፨፨፨፨

በጠቅላይ ሚኒስትር ዐቢይ አሕመድ (ዶ/ር) በተሰጠው አዲስ ሹመት መሠረት፣ የጤና ሚኒስቴር ሚኒስትር ዴኤታ እና የኢትዮጵያ መድኃኒት አቅራቢ አገልግሎት የቦርድ አባል የነበሩት ክቡር ዶ/ር ደረጀ ድጉማ በሚኒስትር ማዕረግ የዴሞክራሲ ሥርዓት ግንባታ አስተባባሪ ሆነው በመሾማቸው እንኳን ደስ አለዎት እንላለን።

ዶክተር ደረጀ በነበራቸው የኃላፊነት ዘመን የአገልግሎቱን የሕክምና ግብአቶች አቅርቦት ለማጠናከር ላበረከቱት በሳል አመራር፣ ድጋፍ እና አስተዋጽኦ እጅግ አድርገን እናመሰግናለን።

በአዲሱ የሥራ ኃላፊነትዎ ስኬታማ እና መልካም የሥራ ዘመን እንዲሆንልዎት ከልብ እንመኛለን!

የኢትዮጵያ መድኃኒት አቅራቢ አገልግሎት (EPSS)

08/10/2026

ክብርት ዶ/ር መቅደስ ዳባ
፨፨፨፨፨፨፨፨፨፨፨፨፨፨፨
በቅድሚያ የኢትዮጵያ ፌደራላዊ ዲሞክራሲያዊ ሪፐብሊክ የጤና ሚኒስትር ሆነው በድጋሜ በመሾምዎ የተሰማንን ደስታ እንገልጻለን።

በሕክምና ሙያና በጤናው ዘርፍ ላንጸባረቁት የላቀ ሙያዊ ብቃት፣ አርአያነት ያለው አመራር እና ለህክምና ግብአቶች አቅርቦት መሻሻል ላበረከቱት አስተዋጽኦ ይህ አገራዊ የኃላፊነት ስምሪት እጅግ ተገቢና የሚገባዎት መሆኑን እንረዳለን።

በዚህ የኃላፊነት ዘመንዎ የኢትዮጵያን የጤና አቅርቦትና የአገልግሎት ጥራት ወደ ላቀ ደረጃ ለማሸጋገር፣ የጤና ተቋማትን አቅም ለማጠናከር እንዲሁም ፍትሃዊ የጤና አገልግሎት ተዳራሽነትን ለማረጋገጥ በሚደረገው አገራዊ ጥረት ስኬታማና ውጤታማ የሥራ ዘመን እንዲሆንልዎ በሙሉ ልብ እንመኛለን።

የኢትዮጵያ መድኃኒት አቅራቢ አገልግሎት (EPSS) በጤናው ዘርፍ የሚቀመጡ አገራዊ ስትራቴጂዎችንና ግቦችን ለማሳካት ከጎንዎ በመሆን አስፈላጊውን ትብብርና ድጋፍ ለማድረግ ዝግጁ መሆናችንን ዳግም እናረጋግጣለን፡፡

መልካም የስራ እና የስኬት ዘመን ይሁንለዎት!!
እንኳን ደስ ያለዎት!

05/10/2026

ለተከበሩ አቶ አህመድ ሺዴ
፨፨፨፨፨፨፨፨፨፨፨፨፨
የኢትዮጵያ ፌደራላዊ ዲሞክራሲያዊ ሪፐብሊክ የሕዝብ ተወካዮች ምክር ቤት አፈ-ጉባኤ

የኢትዮጵያ መድኃኒት አቅራቢ አገልግሎት የቦርድ ሰብሳቢ በመሆን በሰጡት አመራር፣ ባሳዩት ከፍተኛ ቁርጠኝነት እና ባስተላለፏቸው በሳልና ስትራቴጂካዊ ውሳኔዎች ተቋማችን የሚያጋጥሙትን ፈተናዎች ተሻግሮ አገራዊ የጤና አገልግሎቱን በበላይነት ለመደገፍ የሚያስችለውን ጠንካራ መሠረት ጥሏል።

እርስዎን የመሰሉ አርቆ አሳቢና ስትራቴጂካዊ መሪን በሰብሳቢነት ማግኘታችን ለተቋማችን እድገት፣ ለአገልግሎት አሰጣጣችን መሻሻል እንዲሁም ለመድኃኒትና ሕክምና መገልገያዎች አቅርቦት ሰንሰለት መረጋጋት እጅግ ከፍተኛ አስተዋጽኦ አበርክቷል። ላደረጉልን የማይተካ አወንታዊ ተፅዕኖና አርአያነት ያለው አመራር በጥቅሉ አገልግሎታችን፣ አመራሩና መላው የሥራ ባልደረቦቻችን የላቀ ምስጋናችንን እናቀርባለን።

በመሆኑም የኢትዮጵያ ፌደራላዊ ዲሞክራሲያዊ ሪፐብሊክ የሕዝብ ተወካዮች ምክር ቤት አፈ-ጉባኤ ሆነው በመመረጥዎ የተሰማንን ወሰን የሌለው ደስታ እየገለጽን፤ በአዲሱና ከፍተኛ አገራዊ የኃላፊነት ስምሪትዎ ስኬታማና ውጤታማ የሥራ ዘመን እንዲሆንልዎ በሙሉ ልብ እንመኛለን።

የኢትዮጵያ መድኃኒት አቅራቢ አገልግሎት

05/10/2026

እንኳን አደረሳችሁ!

የኢትዮጵያ መድኃኒት አቅራቢ አገልግሎት (EPSS) ለመላው የኢትዮጵያ ሕዝቦች ፣ ለኢፌዴሪ መንግስት እና ለሁሉም የመንግሥት ተቋማት እንኳን አዲሱ የመንግሥት ምስረታ አደረሳችሁ ይላል።

በዚህ በኢትዮጵያ የጠንካራ ሀገረ መንግስት ግንባታ ፅኑ መሰረት የሚቀመጥበት ታሪካዊ እለት የሰላም፣ የልማት፣ የብልፅግና የተቋማት ጥንካሬ እና የሕዝብ አገልግሎት ቀጣይነት የሚያጎለብት እንዲሆን እንመኛለን።

አገልግሎቱ በበኩሉ ለሕዝባችን የሚያስፈልጉ የህክምና ግብአቶችን በተቀላጠፈ፣ በፍትሐዊነትና ቀጣይነት ባለው መልኩ በተመጣጠነ ዋጋ መድኃኒቶችን በማቅረብ የበኩላችንን ሚና ለመወጣት በቁርጠኝነት እንሰራለን።

እንኳን ለአዲሱ የመንግሥት ምስረታ በሰላም አደረሳችሁ!

ማገልገል ክብር ነው!

የኢትዮጵያ መድኃኒት አቅራቢ አገልግሎት (EPSS)

02/10/2026

Baga Ayyaana Irreechaa Nagaan Geessan!
እንኳን ለእሬቻ በዓል በሰላም አደረሳችሁ!

01/10/2026