22/02/2026
የተከበረ ሕይወት ከልመና ይበልጣል (Dignity over Begging)
በበሽታ ወይም በአካል ጉዳት ምክንያት ሰዎች በመንገድ ላይ ሲለምኑ ማየት እንደ ትክክለኛ ነገር ልንቀበለው አይገባም።
ሕመምምተኛ ወደ ሕክምና ሊመራ ይገባል። አካል ጉዳተኛም ወደ ተሃድሶ፣ ድጋፍ እና የሥራ ዕድል እንጂ በመንገድ ላይ ወደ የዕድሜ ልክ ኑሮ እና ልመና ሊያመራ አይገባም።
እንደ ዓለም ጤና ድርጅት ማንኛውም ሰው ሰብአዊ ክብር፣ የጤና አገልግሎት ማግኘት እና ራሱን ችሎ የመኖር ዕድል ሊኖረው ይገባል። ሰዎች ባልታከመ ሕመም ምክንያት በድህነት ተገፋፍተው ለመለመን ሲገደዱ፣ ይህ የግለሰቡ ችግር ብቻ ሳይሆን የጤና እና የማህበራዊ ሥርዓቶቻችን መጠናከር እንዳለባቸው የሚያሳይ ምልክት ነው።
በእኛ ሀገር ደግሞ በሽታን መለመኛ ማድረግ የተለመደ ነገር ነው:: በአደባባይ የእግር ቁስል ; የቆዳ በሽታ ; የሽንት ቱቦ የያዙ እና የማይድኑ በሽታዎችን ወዘተ ያለባቸው አካላቸውን በማሳየት ከእግረኛ በርህራሄ ገንዘብ ይለምናሉ::
እውነተኛ ርኅራኄ ሳንቲም በመወርወር ብቻ አይገለጽም። እውነተኛ ርኅራኄ ማለት ሰዎች ዳግም እንዲቋቋሙ የሚያስችሉ የሕክምና፣ የተሃድሶ፣ የመጠለያ እና የሥራ ዕድሎችን መደገፍ ነው።
በመንገድ ላይ በሕመም የታጀበ ኑሮ እንዲያበቃ፤ ለክብር፣ ለሕክምና እና ለተስፋ በጋራ እንቁም!
www.efhoi.com
ይጎብኙን
