Awaash Magaalahe Xiinissok Qaafiyate Fenteeyna

21/08/2026

❤❤ ነፃ የክረምት የበጎ አድራጎት የህክምና አገልግሎት በአዋሽ ከተማ ህዝብ
የፌደራል ጤና ሚኒስቴር፣ የአፋር ክልል ጤና ቢሮ፣ የአዋሽ ከተማ ጤና ጣቢያ እና የመሐመድ አክሌ መታሰቢያ (በርታ) ሆስፒታል በጋራ በመሆን የተዘጋጀ ነፃ የክረምት የበጎ አድራጎት የህክምና አገልግሎት ከትላንት ጀምሮ ህዝብ በሚበዛባቸው የከተማችን አካባቢዎች መስጠት ጀምሯል።
የሚሰጡ ነፃ የምርመራ አገልግሎቶች፡
🩺 የደም ግፊት ምርመራ
🩸 የስኳር መጠን ምርመራ
🧪 የጉበት በሽታ (Hepatitis) ምርመራ
🔬 የኤች.አይ.ቪ (HIV) ምርመራ
ይህ በጎ አድራጎት ከአዋሽ ጤና ጣቢያ እና ከበርታ ሆስፒታል በተወጣጡ የህክምና ባለሙያዎችና ሙሉ የህክምና ግብአቶች የሚከናወን ነው።
ዛሬ የአዋሽ ከተማ ከንቲባ እና የከተማው አመራሮች የአገልግሎቱን ሂደት በአካል ተገኝተው የጎበኙ ሲሆን፣ ተግባሩ ለማህበረሰቡ ከፍተኛ ጥቅም የሚያስገኝ መሆኑን በመግለፅ ህዝቡ አጋጣሚውን ተጠቃሚ እንዲሆን ጥሪ አስተላልፈዋል።

21/07/2026

09/07/2026

📢 በአዋሽ ጤና አጠባበቅ ጣቢያ ዓመታዊ የዲፓርትመንቶች ሪፖርት ግምገማ ተጀመረ!

በ​ዛሬው ዕለት በአዋሽ ጤና አጠባበቅ ጣቢያ፣ የሁሉም ክፍሎች (Department Focals) እና የጤና ጣቢያው ሜዲካል ዳይሬክተር በተገኙበት የዓመታዊ ሪፖርት ግምገማ በይፋ ተጀምሯል።
​ይህ የግምገማ መድረክ በዋናነት፦
🔐 የ2018 የበጀት ዓመት በተቋሙ የተመዘገቡ ተጨባጭ ለውጦችን እና የተገኙ ስኬቶችን ለመገምገም፣
🔐 በሥራ ላይ የነበሩ ዋና ዋና ተግዳሮቶችና ክፍተቶችን በግልፅ ለመለየት፣
🔐 የተቋሙን አሁናዊ የአገልግሎት አሰጣጥ አቋም (ጥንካሬና ድክመት) በሚገባ ለመፈተሽ ያለመ ነው።
​📌 የመድረኩ ዋና ዓላማ፦
የተቋሙን ጥንካሬና ድክመት በግልፅ ለይቶ፣ በመረጃ (Data) ላይ የተመሰረተ እቅድ ማውጣት እንደሚያስፈልግ የታመነበት ሲሆን፤ ይህም ለሚቀጥለው ለ2019 አዲስ የበጀት ዓመት ለሚወጣው የዲፓርትመንቶች እቅድ እንደ መነሻና ጥንካሬ ሆኖ የሚያገለግል ነው።
​ይህ ሂደት ተቋማችን በቀጣይ ዓመት ይበልጥ በተሻለ ደረጃና በጥራት ቀልጣፋ የጤና አገልግሎት ለህበረተሰቡ ለማቅረብ ትልቅ መሠረት ይጥላል።

04/07/2026

የአዋሽ ጤና አጠባበቅ ጣቢያ አዲስ ምዕራፍ ***

‎🔔 የአዋሽ ጤና አጠባበቅ ጣቢያ እና GCA Ethiopia የተሳካ የበጎ አድራጎትና አቅም ግንባታ መርሃ-ግብር! 🏥✨
‎ከመደበኛ የጤና አገልግሎት ባሻገር፣ የተቋማችንን አገልግሎት ጥራት ለማሳደግና ማህበረሰባችንን በተሻለ መልኩ ለመደገፍ በምናደርገው ሰፊ ጥረት አዲስ ምዕራፍ ተከፍቷል።
‎➨ ከሰኔ 22 እስከ 25 ቀን 2018 ዓ.ም ድረስ ከአሜሪካ ከመጡ የ GCA Ethiopia የሕክምና ባለሙያዎች (ዶክተሮች እና ነርሶች) ጋር በመተባበር በአዋሽ ጤና አጠባበቅ ጣቢያ በርካታ ስኬታማ ተግባራት ተከናውነዋል፡-
‎🔹 1. የልምድ ልውውጥና አቅም ግንባታ፦ ከሰኔ 22-24 ድረስ ከአሜሪካ ከመጡት ባለሙያዎች ጋር በመሆን በጣቢያችን ከሚሰሩ የጤና ባለሙያዎች ጋር እጅግ ጠቃሚ የልምድ ልውውጥ እና የአቅም ግንባታ ስልጠና ተደርጓል።
‎🔹 2. ነጻ የሕክምና አገልግሎት፦ ለአዋሽ ከተማና አካባቢው ማህበረሰብ ሰፊ የሕክምና አገልግሎት ተደራሽ ተደርጓል።
‎🔹 3. የቀዶ ጥገና (Surgery) ክፍል ስራ መጀመር፦ በAutoclave ብልሽት ምክንያት በጊዜያዊነት አገልግሎት አቁሞ የነበረው የቀዶ ጥገና ክፍላችን፣ ለ GCA Ethiopia በቀረበው ጥያቄ መሰረት ድርጅቱ ፈጣን ምላሽ በመስጠት አዲስ Autoclave ገዝቶ በስጦታ አበርክቶልናል። በዚህም መሰረት ክፍሉ በሙሉ አቅሙ ስራ ጀምሯል።
‎🔹 4. የኤክስሬይ (X-ray) ክፍል ግንባታ፦ ድርጅቱ የኤክስሬይ ክፍላችንን ግንባታ በገንዘብና በቁሳቁስ ለመደገፍ ሙሉ ስምምነት ላይ ደርሷል።
‎🔹 5. የቀጣይ ጉዞ ስምምነት፦ ከ3 ወራት ቆይታ በኋላ GCA Ethiopia ሌሎች የህክምና ባለሙያዎችን ከአሜሪካ በመያዝ በድጋሚ መጥቶ አገልግሎት ለመስጠትና አብሮነቱን ለመቀጠል ተስማምቷል።
‎
‎➨ በመቀጠልም ሰኔ 25 ቀን በአዋሽ ጤና አጠባበቅ ጣቢያ አዘጋጅነት የክብር እንግዶቻችንን የመሸኘትና የላቀ አስተዋፅኦ ላበረከቱት እውቅና የመስጠት ስነ-ስርዓት በድምቀት ተካሂዷል። በዝግጅቱ ላይ የGCA Ethiopia ስራ አስኪያጅ፣ የአዋሽ ጤና አጠባበቅ ጣቢያ ሜዲካል ዳይሬክተር እና የተቋሙ ባለሙያዎች ተገኝተዋል።
‎በመድረኩ ላይ የአዋሽ ጤና አጠባበቅ ጣቢያ ሜዲካል ዳይሬክተር (M.D) አቶ አሊ አደም ባደረጉት ንግግር፡-
‎"ይህ ከGCA Ethiopia ጋር በጋራ በመሆን ለህብረተሰባችን አገልግሎት የመስጠት ሂደት ድንገተኛ ሳይሆን፣ ተቋማችንን ለመቀየርና ዘመናዊ ለማድረግ በዚህ ዓመት እየተሰራ ካለው መጠነ-ሰፊና ጥራቱን የጠበቀ አገልግሎት የመስጠት ዕቅዳችን አንዱ አካል ነው። ከGCA Ethiopia በተጨማሪ ከሌሎች የበጎ አድራጎት ድርጅቶች ጋር በጋራ በመሆን የተቋማችንን ገፅታና የአገልግሎት አቅም ማሳደግ ላይ ዘንድሮ ብዙ ስራዎች ተሰርተዋል፤ አሁንም አጠናክረን እንቀጥላለን። በዚህ ተግባራችን ውስጥ GCA Ethiopia አብሮን ለመስራት ፈቃደኛ በመሆኑና ላደረገው ዘርፈ-ብዙ የበጎ አድራጎት ስራ የላቀ ምስጋናዬን አቀርባለሁ።" ብለዋል
‎➨ በዝግጅቱ ማጠቃለያ ላይ ለህክምና ቡድኑ ያለንን ክብርና አጋርነት ለመግለጽ፡-
‎ለGCA Ethiopia ስራ አስኪያጅ እና ከአሜሪካ ለመጡት ዶክተሮችና ነርሶች የአፋር ባህላዊ አልባሳት በስጦታ የተበረከተላቸው ሲሆን ለGCA Ethiopia እንደ ድርጅት ላበረከተው አስተዋጽኦ ልዩ የምስጋና የምስክር ወረቀት የተሰጠ ሲሆን፣ አገልግሎት ሲሰጡ ለነበሩት የእያንዳንዱ የህክምና ባለሙያዎች ደግሞ የእውቅና ሰርተፍኬት ተሰጥቷል።

21/06/2026

የአዋሽ ከተማ መስተዳደር ጤና አጠባበቅ ጣቢያ

16/06/2026

🔔 በአሁኑ ወቅት በትንኝ ንክሻ የሚተላለፈው የዴንጊ(dengue fever ) ትኩሳት ወረርሽኝ በከተማችን በአዋሽ ሱባህ መከሰቱ ከዚህ በፊት ባጋራነው post መግለፃችን ይታወሳል ይህ ወረርሽኝ በአለም ጤና ድርጅት(WHO) አለም አቀፍ ትኩረት የተሰጠውና ለመከላከል ሁላችንም ጥንቃቄ በማድረግ እራሳችንን እና ቤተሰቦቻችንን ከዚህ በሽታ ለመጠበቅ እነዚህን ነጥቦች በጋራ በመከወን ሃላፊነታችንን መወጣት ያስፈልጋል።

‼️ያስተውሉ፦

🛑 በሽታው እንዴት ይተላለፋል?
ኤደስ (Aedes) የተባሉ፣ አብዛኛውን ጊዜ ጠዋት እና ማታ በሚናከሱ የትንኝ ዝርያዎች በሽታውን ከአንድ ህመምተኛ ወደ ሌላ ሰው መተላለፍ ይችላል ።

🛡️ ዋና ዋና የቅድመ መከላከያ መንገዶች (ምን እናድርግ?)

📌 የትንኝ መራቢያ ቦታዎችን ማጥፋት፦ በቤትዎ ዙሪያ በጣሳዎች፣ በጎማዎች፣ በፕላስቲክ ወይም በኩሬዎች ውስጥ ለረጅም ጊዜ የተከማቸ ውሃ እንዳይኖር ማድረቅ ወይም መድፈን።

📌ሰውነትን መሸፈን፦ በተለይ ትንኞች በሚበዙበት ሰዓት እጅና እግርን ሙሉ በሙሉ የሚሸፍኑ ልብሶችን መልበስ።

📌የትንኝ ማባረሪያዎችን መጠቀም፦ በሰውነት ላይ የሚቀቡ የትንኝ ማባረሪያዎችን (Mosquito Repellents) መጠቀም እና በመስኮቶች ላይ የትንኝ ማጣሪያ መረቦችን መግጠም።

📌ዛንዜራ (አልጋ መረብ) በወጠር መተኛት፦ በተለይ ህጻናት እና በሽተኞች በቀን እና በሌሊት በሚተኙበት ወቅት ዛንዜራ ውስጥ እንዲተኙ ማድረግ።

⚠️ ምልክቶቹ ምንድናቸው?

➨ከፍተኛ የሰውነት ትኩሳት
➨ከባድ የራስ ምታት እና የአይን ህመም
➨የጡንቻ እና የቁርጥማት ህመም
➨የሰውነት ሽፍታ እና ማቅለሽለሽ

💡 ምልክቶቹ ከታዩ ምን መደረግ አለበት?

➨ፈሳሽ መውሰድ፦ በከፍተኛ ትኩሳት ምክንያት የሰውነት ፈሳሽ እንዳይደክም ውሃ፣ (ሾርባ) እና የፍራፍሬ ጭማቂዎችን በብዛት መጠጣት።

➨ያለሀኪም ትዕዛዝ መድኃኒት አለመውሰድ፦ በተለይ (NSAID) እንደ Aspirin ወይም Ibuprofen ያሉ ማስታገሻዎች የደም መፍሰስ አደጋን ስለሚያባብሱ ፈጽሞ መወሰድ የለባቸውም! (አስፈላጊ ከሆነ ፓራሲታሞልን ብቻ መጠቀም)።

➨ ከላይ የተገለፁትን የትኛውንም ምልክት ከተመለከቱ ወደ በመምጣት አስፈላጊውን ምርመራ እና ህክምና ማድረግ እንዳአለባችሁ አትርሱ ።

📢ጤናችን በእጃችን ነው! መረጃውን ለሌሎች በማጋራት ወገኖቻችንን እንጠብቅ።🙏

14/06/2026

የተሻለ አገልግሎት ለህብረተሰባችን እንሰጣለን***

#አግልግሎታችንን ይበልጥ ለህብረተሰባችን ለማሻሻል ሲባል የተለያዩ ስራዎች ስንሰራ የነበረ መሆኑን የሚታወቅ ነው ከዚህ በፊት የወሊድ ኦፕሬሽን ብቻ ስንሰጥ የነበረውን አሁን ላይ ከክልል ጤና ቢሮ በተገኘ ድጋፍ ሌሎች የቀዶ ጥገና ህክምና አገልግሎት የጀመርን በመሆኑ የከተማው ማህበረሰብ እንዲሁም አጎራባች ላሉ ወረዳዎች አግልግሎቱን የምንሰጥ መሆኑን ስናሳውቅ በታላቅ ደስታ ነው *****

09/06/2026

ለህብረተሰባችን ሁሌም የተሻለ አገልግሎት ለመስጠት እንጥራለን ****

‎ # # በዛሬው ዕለት በአዋሽ ከተማ ጤና አጠባበቅ ጣቢያ ለህብረተሰቡ የተሻለ አገልግሎት ለመስጠት ከክልል ጤና ቢሮ ጋር በመተባበር የ 9 ሚልዮን ብር Digital X-ray ማሽን ክቡር ከንቲባ አቶ አብዶ አሊ ባሉበት ተቋሙ ተረክበዋል እክልውም ክቡር ከንቲባው ተቋሙ ለሚያደርገው ጥረት እጅጉን አመስግነው በአጭር ጊዜ ውስጥ ማሽኑ ለከተማው ማህበረሰብ አግልግሎት መስጠት እንዲጀምር አስፈላጊውን ድጋፍ እንደሚያደርግ ቃል ገብተዋል ከዚህ ጋር በተያያዘ ክቡር ከንቲባው ተቋሙ በራሱ አቅም የሰራቸውን ስራ በማድነቅ የመስክ ምልከታ አድርገዋል ****

01/06/2026

የአዋሽ ጤና አጠባበቅ ጣቢያ ባለሙያዎች ሀገራዊ ምርጫ ተሳትፎ

28/05/2026

Dengue Lakima Akak Iyyaanam Ma Lakimay? Dengue Lakima Mannal Kalalaanam Duudumtaah?
Ahaak Gubal Tan Kutbe Kaawisa!


Awash magaalahe Xiinissok Qaafiyate fenteeyna