11/06/2025
wacyi galin Caafimaad: Daryeelka Uurka/uurlayda ee Haweenka Soomaaliyeed
Assalamu Calaykum wa Rahmatullaahi wa Barakaatuhu,
Walaalaha qaaliga ah ee Soomaaliyeed,
Maanta waxaan rabaa inaan si kooban uga hadlo muhiimadda daryeelka uurka leh iyo caafimaadka hooyada.
Marka haweeney ay uur yeelato, jirkeeda wuxuu u baahan yahay daryeel gaar ah. Uurka ma aha oo keliya in la sugayo ilmaha, waa masuuliyad caafimaad oo culus. Waa muhiim in haweenka uurka leh ay:
1. Booqdaan xarumaha caafimaadka ugu yaraan 8 jeer inta uu uurku socdo.
2. Cunto caafimaad leh cunaan, sida khudaarta, hilibka, kaluunka iyo caanaha.
3. Ka fogaadaan daawooyinka aan dhakhtarku qorin, sigaarka, qaadka, iyo wax kasta oo caruurta wax u dhimi kara.
4. La socodsiiyaan dhakhtarka haddii ay arkaan calaamado aan caadi ahayn sida dhiig bax, madax xanuun daran, ama matag joogto ah.
Uurka daryeelkiisa wanaagsan wuxuu badbaadiyaa nolosha hooyada iyo ilmaha. Haweenka Soomaaliyeed waa laf-dhabarta bulshada, markaa caafimaadkooda waa muhiim.
Fadlan walaashay, haddii aad uur leedahay, ha sugin xanuun ama dhibaato — soo booqo xarumaha caafimaadka si aad u hesho daryeelka aad u baahan tahay.
Ilaahey ha idin siiyo uur caafimaad leh, dhalaan nabad ku dhasha, adiguna nabad ku dhashid.
Waad mahadsan tihiin.
