Hamza omer

22/08/2026

Itoobiya oo guulaysatay!

Maanta Itoobiya waxay furtay bog cusub oo Taariikhi ah.

Dalkan itoobiya oo muddo dheer kusoo jiray dagaalo iyo is-afgaranwaa ayaa maanta ku guulaystay inuu miiska wada-hadalada qaran ku kulmo, isla markaana is-fahan midaysan abuuro.

Wada xaajoodkani wuxuu jiilka dambe junoqayaa dawo; waxaa laga tashaday sidii loo bogsiin lahaa boogihii h**e, Dhibaatooyinkii qori lagu xallin waayay, ayaa erayo xalliyay; qalbiyadii ay colaadaha iyo kaladuwanaanta madax-adayggu kala fogeeyeen, ayaa wada-hadalku isku soo dhaweeyay. Tani ma aha arrin fudud ee waa guul loo dhan yahay!

Itoobiyaanku muddo bil ka badan ayay wada hadlayeen, iyagoo leh: “Kala duwanaanteennu waa Awoodeenna, ee kala fogaanteenna ma ah.”

Sida biyaha ilobiyoodyada kaladuwan ay Hal meel oo godan ugu qul qulaan, ayay codadka kala duwanaa ee Ergooyinka Itoobiyana Hal madal oo wada xaajoodka Qaran ah iskugu yimaadeen islamarkaana is-Afgarad ku gaadheen.Wada-hadalkani waa guul guud guuleystuhuna waa Itoobiya oo dhan.

Abuurkii is-afgaradka ee sida nabadda ah loogu beeray miiska wada-hadalka Qaran,inuu sannadka cusub Itoobiya bishaaro wanaagsan. u noqdi ayay itoobiyaanku kurajo weyn yihiin.

Itoobiya waxay isnecaybkii ka dooratay jacayl,aargoosigiina iscafis, halka ay dagaalkiina wada-xaajood ka dooratay. Tanina waa sababta aan u leenahay: Itoobiya way guulaysatay!

Cutub cusub, rajo cusub iyo bishaaro cusub!

17/08/2026

11/08/2026

Xabxabka Ama Qaraha sidaad u taqaanan waxa lagu tiriyaa in uu yahay Cunooyinka ugu Caafimaadka Badan ee La Cuni karo

11/08/2026

ERGOOYINKA : SHIRKA WADATASHIGA QARANKU WAA FURSAD LAGU DHISAYO ITOOBIYA WANAAGSAN IYADOO LA TIXGELINAYO KALE DUWANAANSHAHA FIKIRKA

Addis Ababa,Nahaase 5,2018 l(ENA) Ka-qaybgalayaasha Shirka Wadatashiga Qaranka ayaa xusay in geeddi-socodka wadatashiga oo ay ka qaybgalayaan qaybaha kala duwan ee bulshada uu yahay hannaan rajo leh oo ka tarjumaya kala-duwanaanta fikradaha, isla markaana aasaas u noqon kara is-afgarad guud iyo nabad waarta.

Shirka Wadatashiga Qaranka ee Itoobiya ayaa tan iyo 8-Hamle 2018-ka socday Xarunta Shirarka Caalamiga ah ee Addis Ababa.

Shirka waxa ku arinsnaya ergooyin dhan 4,000 oo dadweyne ah oo matalaya Itoobiyaanka ku nool gudaha dalka iyo dibaddiisa kuwaasi oo wadatashi qoto dheer oo loo dhan yahay ka wada siddeed ajande oo waaweyn, si loo dhiso is-afgarad guud.

Ergooyinkan oo aragtidooda lawada gay Wakalada Wararka Itoobiya (ENA) ayaa xusay in wadatashigu uu xaqiijinayo ka-qaybgalka loo dhan yahay, isagoo fursad siman siinaya bulshooyinka ka kala yimid qaybaha kala duwan ee dalka inay si xor ah u soo bandhigaan fikradahooda.

Abagadha Lemrcha Lema oo ka mid ah ergooyinka ayaa sheegay in fikrado kala duwan si xor ah looga soo bandhigayo loogana sii horumarinayo shirka wadatashiga.

Waxa uu tilmaamay in dhammaan ka-qaybgalayaashu ay si xor ah u soo bandhigayaan aragtidooda, isagoo sheegay in tani ay tahay hab xal loogu heli karo dhibaatooyinkii muddada dheer dalka ka jiray, iyadoo si tallaabo-tallaabo ah loo xallinayo.

Waxa uu sidoo kale xusay in geeddi-socodkani yahay fursad wanaagsan oo lagu dhisi karo Itoobiya ay ka jirto is-afgarad guud, midnimadeeduna adagtahay, si jiilka soo socda loogu wareejiyo dal wanaagsan.

Ka-qaybgalaha kale ee Baye Bere ayaa dhankiisa sheegay in marka laga eego dhinaca ka-qaybgalka loo dhan yahay, wadatashigu uu yahay hannaan qof walba fursad siinaya, isla markaana ay ka dhex muuqato kala-duwanaanta fikradaha.

Waxa kale oo uu xusay in shirka lagu soo bandhigayo fikrado Itoobiya u horseedi kara inay u gu

10/08/2026

Masiibooyinka waxa lagu dhex farsameeya intooda baddan caqliyada Aadamaha. Haddba Cabsida iyo saamaynta ay kugu yeelan kartaana waxay ku xidhan tahay aqoonta aad u leedahay ama ogaalkaaga arintaa khuseeya iyo hadba indhaha aad ku eegto.

Bal u fiirso. Isku beeganka qorxada iyo dayaxa. Dunidu waxay ku eegtaa indho iyo ogaal aad u Kala gedisan.

Dunida qaybo kamid ah ayaa sii og. Usii shin tiraya. Suga oo si wayn ugu diyaar garooba. Jacaylkiisa ayuu qof waliba lasii balamaa. Habeenka inta calaalis fudud la qaato. Taago sare, buur korkeed, fooqyada dhakadooda iyo Badwaynta badhtankeeda ayaa lagu balamaa si dabeecada quruxda baddan iyo nuurkaa is jiidhaya loogu ildoogsado.

Xusuus reebyo ayaa Laga galaa,

Dunida qaybo kale culimo aan arintan si dhow iyo si dheer toona ula socon oo warmoog ah ayaa ku warhesha, marka qoraxdii nuurka baddnayd wax daboolaan. Cadho Alle iyo hanjabaad samada ka imanaysa ayay u fahmaan.
Cabsi aan cumri dheer lahayn baa ku beeranta. Dadka goobaha cibaadada looga yeedha. Ilaa ay cadceedo mar kale cadaanayso salaad baa loo taagnaada. Eebena waxaa Laga tuuga in uu ka badbaadiyo masiibada cadceeda madoobaysay.

Sow Kala maan maaha
Sow Maan Barre iyo Maan Bilaal maaha. Sow Kala ogaaal iyo Kala aragti maaha. Sow Kala Asool iyo Kala Irido maaha. Hadana sow is wadda og isu wadda muuqata maaha!

Nebi Allow ninba afkii kugu amaaaan.

Ku noolasha labada duniyood xiiso iyo tacajab gaar ayay leedahay.

Imisa idinka mid ah ayaa 12.8.2026 maalinta Arbacada Masjidka u socoda ? Si cadceeda ay Tuugmo Eebe korahaaye ugu cadeeyaan nuurkeedana ugu soo celiyaan?

07/08/2026

Suaalihii Soo Jireenka Ahaa Ee Qawmiyadda Oromada Ee La Xidhiidhay Haynimada Axdiga Iyo Dhaqaalaha Ayaa Hada Jawaab Bixintooda Lagu Jiraa" - Ra'iisul Wasaare Abiy (Dr.)

​Addis Ababa; Naaf 1/2018 (ENA): Ra'iisul Wasaare Abiy Ahmed (Dr.) ayaa sheegay sooyaal dheer oo ku saabsan haynimada (identity) iyo dhaqaalaha ee dadka Oromada ay hadda helayaan jawaabihii ku habboonaa.

​Ra'iisul Wasaare Abiy Ahmed (Dr.) ayaa waraysi gaar ah siiyay Shabakadda Warbaahinta Oromiya (OBN).

​Ra'iisul Wasaaruhu wuxuu tilmaamay in qodobada ugu waaweyn ee kiciyay dagaalkii iyo cabashooyinkii sooyaalka ahaa ee dadka Oromada ay ahaayeen arrimaha ku saabsan dhaqaalaha, haynimada, iyo nidaamka necaanta ama dimuqraadiyadda.

​Wuxuu si isku mid ah u xusay in xuquuqdii lahaanshaha dhulka oo aan la tixgelin iyo inaan loo ogolaan in haynimadooda si toos ah loo muujiyo ay ahaayeen sababaha ugu waaweyn ee halganka kiciyay, hase yeeshee haatan ay sooyaalladaas helayaan jawaabo dhawra.

​Wuxuu sheegay in halgankii dadweynuhu soo maamuleen sannadihii la soo dhaafay uu keeni waayay natiijadii la rabay sababo la xidhiidha inay awoodi waayeen inay adkeeyaan midnimadooda.

​Wuxuu xusay in xilliyo kala duwan ay jireen kala qaybsanaan ku basada diinta, deegaanka, gobolka, iyo heer tuulo.

​Sidoo kale, wuxuu sheegay in isbahaysiyo aan loo baahnayn oo la samaysay kooxo aan u qalmin ay sabab u ahaayeen in halganku noqdo mid aan miradhal lahayn.

​Sababta ugu weyn ee ka dhigtay in halganka dadku uusan gaadhin natiijadii loo baahnaa ayaa ahayd habaca iyo dhibaatada dhanka hoggaanka, sida uu tilmaamay.

​Wuxuu u ku xusay in haddii hoggaanku uusan wadan wax ka beddel iyo fikrad guul oo weyn oo aan ficil loo beddelin, ay adag tahay in guul la gaadho.

​Dhanka kale, wuxuu sheegay in dadka Oromadu xilli kasta oo ay ahayd ay la dagaallamayeen nidaam cadaadis ah, balse waligood ma aysan la dagaallamin Itoobiya, mana jirin hal xilli oo ay ku fikirreen inay dalkooda ka go'aan ama tagaan.