Dr Birbo Chala

13/10/2026

Akkuma yaadatamu Guyyaa borii jechuunis Onkololeensaa 4,2019 Mana yaalaa keenya Kilinika G/G Wiirtuutti Yaala fayyaa Dhukkuba gogaa garaagaraa bilisaan kennuuf akka jirru ibsinee turre.Maxxansa sana booda namoonni hedduun tajaajila kana barbaadan galmaayanii jiran. Ammas galmaayaa jiru. Isumaan walqabatee adeemsa isaa ifa isiniif gochuu barbaade.
1.Tajaajilli yaala Gogaatin walqabatu hunduu guyyaa borii bilisa. Kaardii irraa kaasee hanga Qorannoo garaagaraatti kanfaltii kamuu irraa bilisa.
2.Namni tajaajila kana barbaacha dhaqe Kutaa Reception yeroo gahu "Tajaajila yaala gogaa bilisaan fudhachuu dhufne" jettanii Receptionist tti himuu qabdu.Sababni isaas tajaajilli biraas waan kennamuuf salphumatti tajaajila biraa irraa adda bahuuf.
3.Tajaajilli kun guyyaa boruu yaa jalqabu maleee amma booda Guyyaa Roobii yeroo hundaa waaree dura ni jiraata.Kanaaf warri guyyaa borii Tajaajila kana argachuu barbaaddanii isiniif mijachuu didee dhaqqabuu dadhabdan Guyyaa Roobii biraa isinitti tole dhuftanii yaalamuu dandeessu.Gaafas garuu bilisa miti.
4.Dhaabbanni Keenya Kilinika G/G Wiirtuu I/G isaa murtaa'e" ykn Wirtu Medium Clinic PLC jedhama. Teessoon Magaalaa shaggar Kutaa magaalaa Sabbataa Gamoo Bulchiinsa haaraa bukkeetti argama.
Odeeffannoo dabalataa yoo barbaaddan
09-57-78-80-03

12/10/2026

"Luugama" jecha tana erga faradoo irraa fagaannee dagannee turre. Waan nu yaadachiiftaniif galatoomaa!!

09/10/2026

Oduu Gammachiisaa!
Oduu Lolaatin alaatti gaafa ceenu Manni Yaalaa Keenya Kilinikni G/G Wiirtuu Tajaajila Waliigalaa Yaala Gogaa Jalqabuu keenya isin beeksisuu barbaanna. Kanuma sababa godhachuudhan Gaafa guyyaa Roobii (Onk.4,2019) Ganama sa'aa 4:00 irraa eegaluun yaala gogaa Bilisaan kennuuf jirra. Kanaaf namoonni Rakkoo Dhukkuba gogaa qabdan Carraa kana fayyadamuudhan guyyicha Bilisaan yaalamaa.
Kana booda guyyaa Roobii yeroo hundaa waaree dura sa'aa 4:00 -8:00 tti Tajaajila kana kan kenninu ta'uu isin beeksifna.
Asumaanis Hakima Keessan Dr Kiyyaa(Ispeeshaalistii dhibee Gogaa fi Dhukkuboota karaa Walqunnamtii saalaa daddarban) waliin wal baraa!
Kilinika G/G Wiirtuu
Teessoon Magaalaa shaggar Kutaa magaalaa Sabbataa Gamoo Bulchiinsa haaraa bukkee
Beellama qabachuuf 👇👇
09-57-78-80-03

01/10/2026

Baga naaf dhalatte Malkaa Abasuuda tiyya!!!

29/09/2026

26/09/2026

Gaafii gaafatameef deebii!

25/09/2026

Artist Taseen Qe'ee warra Giiftii Gololee nu daawwachiisuu keetif guddaa galatoomi!

Adare Adaree Ulfoo ...

20/09/2026

Gaafii Gaafatameef deebii!

19/09/2026

Waa'ee Marsaa laguu dubartootaa irratti wantoota ijoo beekamuu qaban!
Maxxansa 57ffaa(maxxansa waggaa 4 duraa)
******
1.Dubartiin takka dhalattee naannoo waggaa 10-16 jidduutti marsaa laguu arguu jalqabdi. Durboonni hedduun garuu waggaa 13 irratti arguu ennaa eegalan,yeroo tokko tokko keessattuu biyyoota guddatan keessatti waggaa 10 gadittillee arguun ni jira.Inni akkasii Early menarche (marsaa laguu ariifatee jalqabe) jedhama.Akkasumas waggaa 16tti kan itti hin dhufne taananillee dubartiin sun ilaalamuu barbaachisa.
2.Dubartii takka marsaan laguu kan irraa deemuu qabu waggaa 45-55 jidduutti. Jiddugaleessaan waggaa 51 ennaa ta'u waggaa 40 gaditti kan dhaabatu taanan "Early Menopause " garmalee dursee dhaabachuu marsaa laguu akka jechuuti.
3.Marsaan laguu sirriin turtii guyyaa 21-35 jidduudhan deddeebi'uu qaba.dubartoonni hedduun garuu guyyaa 28 tin deddeebi'anii argu.Kanaaf marsaan tokko guyyaa 21 gadittii fi guyyaa 35 caala kan turee dhufu taanan mallattoo dhukkubaa ta'uu waan maluuf mana yaalaa dhaquu barbaachisa.
4.Marsaa laguu sirriin guyyaa 3-8 turee deema. Turtiin guyyaa saddeetii oliis mallattoo dhukkubaa ta'uu danda'a.
5.Dhiigni Marsaan laguu tokko keessatti bahu giddugaleessan 40ml ta'a. Dhiigni marsaa tokkicharratti bahu 80ml ennaa caale ykn isa kana tilmaamuun cimuu waan maluuf haala baramaa hin taanen heddumminni isaa yoo dabale inni kunilleen mallattoo dhukkubaa ta'uu mala.
6.Marsaa laguu sirriin bifti isaa gara diimaa gurraachatti (Dark red)tti deema.
Hubachiisa:-Walumaagalatti Haalli marsaa laguu haala olitti jenne kanarraa geeddarame "Abnormal uterine bleeding "(Marsaa laguu sirrii hin taane) jedhama. Inni kun ammoo agarsiistuu dhukkuba garaagaraa waan ta'eef ilaalamuu barbaachisa.
👉Marsaa laguu maaltu akka jeeqamu
taasisa?
1.Qorichoota da'iinsa ittisan
2.Harma hoosisuu
3.Dhiphina
4.Jalqaba marsaa laguu fi ennaa marsaan laguu deemuf jirullee ni jeeqama.
5.Dhukkuboota garaagaraa kan akka Kaansarii fiixee gadaamessaa,dhiitoo gadaamessaa,Tishuun Gadaamessaa bakka biraatti argamuu(Endometrosis) fi Dhukkuboonni biroo tokko tokko marsaan laguu akka jeeqamu gochuu danda'u.
Gaafii biraa qabaannan kommentii jala kaawuu dandeessu! Ilaallee siniif deebifna.
Barnoota fayyaa biroo bilisaan argachuuf karaa youtube chaanaalii 👉 https://youtube.com/ akkasuma telegram chaanaalii keenyaa https://t.me/birbirsochala lixxanii argachuu dandeessu.
Muddee 24,2022
Yaala fayyaa garaagaraaf Kilinika G/G Wiirtuu Magaalaa Sabbataa dhaaba taaksii duuban gara lixaa!! 09-57-78-80-03
Fayyaa hin dhabina
Dr Birbo Chalala