CARE Clinic

04/09/2026

የአፍንጫ ቶንሲል
(Adenoid Hypertrophy)
​ማለት.....
ከአፍንጫ ጀርባና ከጉሮሮ በላይኛው ክፍል የሚገኙት አዴኖይድ የሚባሉት የሰውነት በሽታ የመከላከል ሕብረሕዋሳት ማበጥ ወይም ግዝፈት መጨመር ማለት ነው። እነዚህ ሕብረሕዋሳት በተለይም በልጅነት ዕድሜ ወቅት በሽታ አምጪ ተህዋስያንን ለመያዝ ይረዳሉ።
​ዋና ዋና መንስኤዎች የሚከተሉትን ያካትታሉ፡
​ተደጋጋሚ የመተንፈሻ አካላት ኢንፌክሽን
​ሥር የሰደደ የአፍንጫ/የጉሮሮ ማደድ (Chronic inflammation)
​አለርጂ ወይም የአፍንጫ መቆጣት
​በልጅነት ዕድሜ ወቅት የሚኖር የተፈጥሮ ዕድገት/ማበጥ
አዴኖይድ አብዛኛውን ጊዜ በልጅነት ዕድሜ ይገዝፋል፤ ልጅ እያደገ ሲሄድ ደግሞ እየጠበበና እየቀነሰ ይሄዳል።
​የተለመዱ ምልክቶች
የአዴኖይድ ማበጥ የሚከተሉትን ምልክቶች ሊያስከትል ይችላል፡
​👃 የአፍንጫ መደፈን
​😮 በአፍ መተንፈስ
​😴 ማንኮራፋት
​🌙 እረፍት የሌለው እንቅልፍ
​⏸️ በእንቅልፍ ወቅት የተቆራረጠ የመተንፈስ ችግር (Sleep apnea)
​👂 ተደጋጋሚ የጆሮ ኢንፌክሽን ወይም የመስማት ችግር
​🤧 ተደጋጋሚ ወይም የማያቋርጥ የአፍንጫ መዘጋትና ንፍጥ

​እንዴት ይታወቃል (ምርመራ)?
የሕክምና ባለሙያ የሚከተሉትን በመጠቀም ሊመረምር ይችላል፡
​የሕክምና ታሪክና የአካል ምርመራ
​የውስጥ አፍንጫ ኤንዶስኮፒ ምርመራ (Nasal endoscopy)
​የጎን አንገት/የጉሮሮ ኤክስሬይ (Lateral neck/nasopharyngeal X-ray)
​የእንቅልፍ ጥናት (Sleep study)
ሕክምናው እንደ ምልክቶቹ ክብደት ይወሰናል፡
​ክትትል ማድረግ : ልጅ እያደገ ሲሄድ ቀስ በቀስ ስለሚቀንስ ቀላል ሁኔታዎች ላይ ክትትል ብቻ ሊደረግ ይችላል።
​የመድኃኒት ሕክምና: የኢንፌክሽን፣ አለርጂ ወይም የመቆጣት ሕክምናዎች ሊሰጡ ይችላሉ።
​የአዴኖይድ ቀዶ ሕክምና (Adenoidectomy): ምልክቶቹ በጣም ከባድ ሲሆኑ በተለይም የመተንፈስና የእንቅልፍ ችግር ካጋጠመ በቀዶ ሕክምና ማስወጣት ሊያስፈልግ ይችላል።
​ዋና መልእክት
የአዴኖይድ ማበጥ በሕፃናት ዘንድ የተለመደ ሲሆን የአፍንጫ መተንፈስን፣ እንቅልፍንና የጆሮ ጤናን ሊያውክ ይችላል። የማያቋርጥ ማንኮራፋት፣ በአፍ መተንፈስ ወይም በእንቅልፍ ወቅት የመተንፈስ መቆራረጥ ካለ በሕክምና ባለሙያ ዘንድ መታየት አለበት።

📲 0915-959383
0920-551166

02/09/2026

እንቅርት
🚨 ስለ እንቅርት (Goiter) ማወቅ የሚገቡን ዋና ዋና ነጥቦች!
እንቅርት በአንገታችን የታችኛው ክፍል የሚገኘው የታይሮይድ ዕጢ (Thyroid Gland) ያልተለመደ ማበጥ ወይም ማደግ ነው።
​ዋና ዋና መንስኤዎች፡
​የአዮዲን ንጥረ ነገር እጥረት፡ በአመጋገባችን ውስጥ በቂ አዮዲን አለማግኘት (በብዛት የሚከሰት መንስኤ)።
​የታይሮይድ ሆርሞን መዛባት፡ የሆርሞን መጠን ከመጠን በላይ መጨመር (Hyperthyroidism) ወይም ማነስ (Hypothyroidism)።
​የራስ-ተከላካይ ሕዋሳት ችግር (Autoimmune Diseases)፡ እንደ የጋሬቭስ (Graves') ወይም የሃሺሞቶ (Hashimoto's) በሽታዎች።
​እርግዝና እና የሆርሞን ለውጦች።
​ዋና ዋና ምልክቶች፡
​በአንገት አካባቢ የሚታይ ማበጥ ወይም እብጠት።
​የምግብ ወይም የውሃ መዋጥ መቸገር።
​የጉሮሮ መታነቅ ስሜት እና ሳል መኖር።
​የድምፅ መጎርነን ወይም መቀየር።
​የመተፈስ እጥረት ወይም መቸገር (እብጠቱ ትልቅ ከሆነ)።
​እንዴት መከላከል እና ማከም ይቻላል?
​አዮዲን ያለው ጨው መጠቀም፡ በአመጋገብ ውስጥ በአዮዲን የበለፀጉ ምግቦችን (እንደ አዮዲን ያለው ጨው እና የባህር ምግቦች) ማካተት።
​የህክምና ምርመራ ማድረግ፡ ምልክቶቹን ሲያዩ ወደ ህክምና ተቋም በመሄድ የታይሮይድ ሆርሞን (TSH) እና የኡልትራሳውንድ (Ultrasound) ምርመራ ማድረግ።
​መድኃኒት ወይም ቀዶ ሕክምና፡ እንደ በሽታው አይነት እና ደረጃ በህክምና ባለሙያ በሚታዘዝ መድኃኒት ወይም ቀዶ ሕክምና (Surgery) ሙሉ በሙሉ ማከም ይቻላል።
​💡 ጤናዎን ይጠብቁ! ምልክቶቹ ካሉብዎት ሳይዘገዩ የህክምና ባለሙያ ያማክሩ።
​
📲 0920-551166
0915-959383

01/09/2026

🎞መጋኛ መቶኝ ነዉ!

- መጋኛ መታኝ ተብለን ብዙ ጊዜ ሰምተን ይሆናል : በአንድ በኩል የሚከሰት የፊት መዞር/መድከም በሳይንሱ ደሞ facial nerve palsy በመባል ይታወቃል::

-ከ70% በላይ የሚሆነዉ ምክንያቱ ሳይታወቅ ይከሰታል : ይሄም idiopathic facial nerve palsy/Bells palsy ተብሎ ይጠራል::

🖲 idiopathic facial nerve palsy/bells palsy ምንድን ነዉ? እንዴትስ ይከሰታል?

-Bells palsy ማለት በተለያዩ ምክንያቶች የሚከሰት የነርቭ (facial nerve) መድከም ሲሆን በአንድ በኩል አይን እንዳይከደን እንዲሁም አፍን ጎትቶ ሊያዞር ይችላል::

-የሚከሰቱበት ምክንያቶች:-
ብዙዎቹ መንስኤቸዉ ባይታወቅም
-ኢንፌክሽን ሲሆን በቫይረስ ወይም በባክቴሪያ ሊከሰት ይቻላል:: (HSV-1, EBV, VZV, Mumps, Lyme)

🖲ፆታ አይለይም: ህፃናትንም
አዋቂንም ያጠቃል::

🖲ከሌሎች ተመሳሳይ ህመሞች ልክ እንደስትሮክ (stroke) ካሉ እንዴት መለየት እንችላለን?
-ድንገተኛ መንስኤ (sudden onset) አለዉ
-በአንድ በኩል በግራ ወይም በቀኝ ብቻ ይኖራል
-የእግር /እጅ መስነፍ አይኖርም
-ሽፍታ: ሙቀት: ሳል የመሳሰሉትን አንጠብቅም::
🖲 የCT / MRI ምርመራዎች ሊያስፈልግ ይችላል::
🖲ህክምናዉ ዓይን በሚንከባከቡ የዓይን ጠብታዎች: እንዲሁም ዓይንን መሸፈንን ጨምሮ ለጥቂት ቀናት መድሃኒቶች ሊታዘዙልን ይችላሉ::
🖲ህክምናዉ በጊዜ ሆስፒታል መሄድን ይፈልጋል::
🖲ፀበል ወይም ፀሎትን ፣ ዱዓሕ ከህክምናዉ ጎን ለጎን ማድረግ ይቻላል::
🖲ከህክምና በኃላ የሚኖረዉ ለዉጥ አብዛኛዉን ጊዜ በተለይ ልጆች ሲሆኑ ሙሉ በሙሉ የማገገም እድላቸዉ ከፍ ያለ ነዉ::

📲 0920-551166
0915-959383

31/08/2026

“ቆሽቴ አረረ”

ሲናደዱ፣ ሲጨነቁ፣
‘ቆሽቴ አረረ’ ይላሉ። ስንበሳጭ ቆሽት ላይ ምን ጉዳት እንደሚፈጠር እና ከስኳር በሽታ ጋር ምን ግንኙነት አለው?

ቆሽት ኤንዛይም እና ሆርሞን የሚያመነጭ የሰውነት ክፍላችን ነው። ኢንሱሊን ያመነጫል። የኢንሱሊን ዋና ተግባሩ ግሉኮስ ወደህዋሶቻችን እንዲገቡ በማገዝ ለሃይል ሰጪነት እንዲቃጠል ያደርጋል። ስኳሩን ከደም ውስጥ አውጥቶ ወደ ህዋሳት ሰርጎ በመግባት ለሃይል እንዲጠቀምበት ያደርጋል።

የኢንሱሊን ምርት ወይም ተግባር መስተጓጎል በሚፈጠርበት ጊዜ ስኳር ጥቅም ላይ መዋል ስለማይችል እየበዛ መሄድ ይጀምራል። ስኳር በጊዜ ሂደት ወደ አደገኛ ደረጃ ከፍ በማለት ለጤና ችግሮች ይዳርጋል።

ይህ የቆሽት ሆርሞን የማምረት ስራ መስተጓጎል ሰዎች ሲናደዱ ‘ቆሽቴ አረረ’ ከሚሉት ጋር የሚቀራረብ ነው። ስለዚህ የ“ቆሽቴ አረረ” አገላለጽ ስኳር ህመም መነሻ ምክንያትን ያንፀባርቃል።

ጭንቀት ብቻዉን በራሱ የስኳር በሽታን ባያመጣም ከልክ ያለፈ ጭንቀት፣ ብስጭት፣ ንዴት ወዘተ ቀስ በቀስ ለቆሽት አጋላጭ ምክንያት ይሆናል። የቆሽት ስራ መስተጓጎል ሂደት ረዥም ዓመታትን የሚፈጅ የሜታቦሊክ ጫና new።

ማስታዎስ ያለብን ቆሽትን የሚያሳርረው የአእምሮ ጭንቀት, ጤናማ አመጋገብ ከሌለን, እንቅስቃሴ አለማድረግ።

ከመጠን ያለፈ ውፍረት በተለይም ቦርጭ ለቆሽት አደገኛ ነው።
አልኮል እና ሲጋራ ማጨስ ለቆሽት መርዝ ናቸው። ጣፋጭ ነገሮችንም ማዘውተር እንደዚያው። አልኮል፣ ሲጋራ፣ ጣፋጭ ምግቦችን ስናቆም ቆሽት tarfaለች።
ሁሉንም ጭንቀት ማስወገድ ባንችልም በልክ በመቆጣጠር ቆሽት “ከመቃጠሉ በፊት” ማከም እንችላለን።
#ኬርክሊኒክ 0920-551166
0915-959383

30/08/2026

29/08/2026

CARE Clinic
በተፈጥሮ ቪታሚን ዲ ያላቸው ምግቦች
​ቅባት ያላቸው ዓሣዎች...
=>ሳልመን፣ ቱና፣ ሳርዲን፣ ሄሪንግ እና ማከረል የዓሣ ዓይነቶች እጅግ በጣም ጥሩ የቪታሚን ዲ ምንጮች ናቸው።
​የእንቁላል አስኳል.....
=>በተለይ ከሀበሻ ዶሮዎች የሚገኝ, ጥሩ የቪታሚን ዲ ምንጭ ነው።
​እንጉዳዮች.....
=>የእንጉዳይ ዓይነቶች፣ በተለይም ለአልትራቫዮሌት (UV) ጨረር የተጋለጡት፣ ቪታሚን ዲ ሊሰጡ ይችላሉ።
​የላም ጉበት.....
=>በስፋት የማይዘወተር ቢሆንም፣ የቪታሚን
ዲ ምንጭ ነው።
​በቪታሚን ዲ የበለፀጉ (የተጠናከሩ) ምግቦች፡
​ወተት...የላም ወተት እና ከእፅዋት የሚዘጋጁ የወተት አማራጮች (እንደ አኩሪ አተር፣ አልሞንድ እና ኦትስ ወተት ያሉ) በቪታሚን ዲ የበለፀጉ ናቸው።
​እርጎ..... አብዛኛውን ጊዜ ተራ
(ቅባት የሌለው) እርጎ።
​የቁርስ ሲሪያሎች፡ በተለይ ለህፃናት የተዘጋጁት ቪታሚን ዲ ይኖራቸዋል።
​የብርቱካን ጭማቂ፡ ብዙ ጊዜ በቪታሚን ዲ የበለፀገ ሆኖ ይዘጋጃል።
#ኬርክሊኒክ

📲 ፱፩፭ ፱፭ ፱፫ ፰፫
0920-551166

20/08/2026

BEEKSISA HOJII
Gita... Clinical Nurse
Baay'ina... 2
Sadarkaa...Level-IV & Above
Koorniyaa... Adda hinbaasu
Miindaa... Waliigalteedhaan
Bakki... Kiliinika KEER, Walisoo...Buufata Boba'aa Nook Cinaa.
Odeeffannoo... 0920-551166
0915-959383

18/08/2026

አልትራሳውንድ (Sonogram)

×+×+×+×+×+×+×+×+×+×+×+×
❖ አልትራሳውንድ በጤና አገልግሎት ውስጥ ለብዙ ሰዎች የሚደረግ ምርመራ ነው። ለምርመራ እና ለሕክምና አገልግሎት ይውላል። የሚሠራውም ከሰው ልጅ ጆሮ የመስማት አቅም በላይ የሆነ የድምፅ ሞገድን በመጠቀም ነው።
❖ የአልትራሳውንድ ምርመራ አካልን የሚጎዳ ጨረር (ionizing radiation) የለውም። ስለዚህ ለእርግዝና ምርመራ ተመራጭ ነው።
❖ እንደ ጉበት፣ ጣፊያ፣ ቆሽት፣ ኩላሊት፣ የሐሞት ከረጢት፣ የሽንት ፊኛ፣ ፕሮስቴት እና ማህጸን ያሉ አካላትን በመመልከት ያለውን ችግር ለመለየት ይረዳል። ውጤቱ ግን ምርመራውን የሚያደርገው ሰው ችሎታ ላይ የተመሠረተ ነው።
❖ የልብ አልትራሳውንድ (Echo) የጡንቻ እና የቫልቭ እንቅስቃሴን፣ የልብ ክፍሎችን ስፋት፣ ወደ ልብ የሚገባውን እና የሚወጣውን የደም መጠን፣ እንዲሁም በልብ ውስጥ ያለን እብጠት እና የደም መርጋት ለመመርመር ይረዳል።
አልትራሳውንድ በሕክምና ላይም የሚከተሉትን ጥቅሞች ይሰጣል፦
➢ ለሕክምና የሚያገለግሉ መሣሪያዎችን በሰውነት ውስጥ ወደሚፈለገው ቦታ እያዩ ለማስቀመጥ ወይም መድኃኒት ለመስጠት።
➢ አካል ሳይከፈት ከውስጣዊ አካላት በሲሪንጅ (መርፌ) ለምርመራ የሚሆን ናሙና ለመውሰድ።
➢ የድምፅ ሞገድን በመጠቀም ህብረ-ህዋሳትን (tissues) ለማንቀሳቀስ እና ለማሞቅ፣ እንዲሁም የረጋን ደም ለማሟሟት ያገለግላል።
#ኬር ክሊኒክ
@ ፱ ፩፭-፱፭ ፱፫ ፰፫
0920-551166

17/08/2026

አስደሳች ዜና...
ለወሊሶ ከተማ እና አካባቢው ነዋሪዎች በሙሉ!
ቅድሚያ ለጤና በሚል መርህ !!!
#= #= #= #= #= #= #= #= #= #
ኬር ክሊኒክ በዶክተር ኤልያስ ሰኚ ና በተለያዩ ስፔሻሊስቶች፣ እንዲሁም ዘመናዊ የሕክምና መሣሪያዎችን አሟልቶ በወሊሶ ከተማ ኖክ ማደያ አጠገብ በአዲሱ ሕንፃ ላይ አገልግሎት መስጠት መጀመሩን በታላቅ ደስታ ይገልጻል።
👉 ክሊኒካችን የሚከተሉትን አገልግሎቶች ይሰጣል፦
* ለሕመሞ የምክር አገልግሎት
* አጠቃላይ የአዋቂዎች ሕክምና
* የሕፃናት ሕክምና
* የድንገተኛ ና አጣዳፊ ህመሞች ሕክምና (Emergency)
* የቀዶ-ሕክምና አገልግሎት
* የኪንታሮት ሕክምና
* የስኳር ሕመም ክትትል
* የደም ግፊት ክትትል
* የቤተሰብ እቅድ አገልግሎት
* የእርግዝና ክትትል (ከወሊድ በፊት እና በኋላ)
* የወንዶች ግረዛት... በዘመናዊ መንገድ (በቀለበት) እናከናውናለን።
🧪 የላቦራቶሪ አገልግሎቶች፦
* አጠቃላይ የደም ምርመራ
* የተለያዩ ሆርሞኖች ምርመራ
* የቪታሚኖች ምርመራ
* የሾተላይ ምርመራ (Indirect Coomb's Test)
* የመካንነት ምርመራ
* የስኳር ምርመራ
* የጉበት እና የኩላሊት ምርመራ
* የሪህ ምርመራ
* የጨጓራ ባክቴሪያ ምርመራ
* የኤች.አይ.ቪ (HIV) ምርመራ
* የተለያዩ የጉበት ቫይረሶች ምርመራ
በተመጣጣኝ ዋጋ እና በከፍተኛ ባለሙያዎች አገልግሎት ያገኛሉ፤ መጥተው ይጎብኙን... በአቀባበላችን እና በአገልግሎታችን ተደስተው ይመለሳሉ።
@ አድራሻ፦ ወሊሶ ከተማ፣ ኖክ ማደያ አጠገብ እንገኛለን።
ለተጨማሪ መረጃ፦
☎️ 0920 - 55 11 66
0915 - 95 93 83
ሀሎ ይበሉን.....

17/08/2026

የ ደ ም ዓ ይ ነ ቶ ች

የደም ዓይነቶች የሚመደቡት በቀይ የደም ሕዋሳት ገጽ ላይ ሊገኙ ወይም ላይገኙ በሚችሉ ልዩ አንቲጀኖች (antigens) ላይ በመመስረት ነው። በብዛት የሚታወቁት ሁለቱ የደም ዓይነት ምደባ ሥርዓቶች የ ABO ሥርዓት እና የRh (Rhesus) ሥርዓት ናቸው።

XßXßXßXßXßXßXßXßXßX
$ የ ABO የደም ዓይነት ሥርዓት

የ ABO ሥርዓት ደምን በ A እና B አንቲጀኖች መኖር ላይ በመመስረት በነዚህ አራት ዋና ዋና ዓይነቶች ይከፍላል።
*ዓይነት A፦ በቀይ የደም ሕዋሳት ገጽ ላይ A አንቲጅን እና በፕላዝማ ውስጥ ደግሞ anti-B አንቲቦዲ አለው።
*ዓይነት B፦ በቀይ የደም ሕዋሳት ገጽ ላይ B አንቲጅን እና በፕላዝማ ውስጥ ደግሞ anti-A አንቲቦዲ አለው።
*ዓይነት AB፦ በቀይ የደም ሕዋሳት ገጽ ላይ ሁለቱንም A እና B አንቲጀኖች የያዘ ሲሆን በፕላዝማው ውስጥ ግን anti-A ይሁን anti-B አንቲቦዲዎች የሉትም። ይህም "ሁሉንም ተቀባይ" የደም ዓይነት በመባል ይታወቃል።
"UNIVERSAL RECIPIENT"... AB
*ዓይነት O፦ በቀይ የደም ሕዋሳት ገጽ ላይ ምንም ዓይነት A ወይም B አንቲጅን የሌለው ሲሆን፤ በፕላዝማው ውስጥ ግን ሁለቱንም anti-A እና anti-B አንቲቦዲዎች ይዟል። ይህም "ለሁሉም ሰጪ" የደም ዓይነት በመባል ይታወቃል።
"UNIVERSAL DONOR"... O
$ የ Rh ፋክተር
የ Rh ፋክተር የሚወሰነው የ RhD አንቲጅን (ብዙውን ጊዜ በቀላሉ "Rh" ተብሎ የሚጠራው) በመኖሩ ወይም ባለመኖሩ ነው ።
*Rh-ፖዘቲቭ (Rh+)፦የRhD አንቲጅን በቀይ የደም ሕዋሳት ገጽ ላይ የሚገኝ ከሆነ።
*Rh-ኔገቲቭ (Rh-)፦የRhD አንቲጅን የሌለ ወይም የማይገኝ ከሆነ።
$ የደም ዓይነቶች ጥምረት
የ ABO ሥርዓትን ከ Rh ፋክተር ጋር በማጣመር በአጠቃላይ ስምንት የተለመዱ የደም ዓይነቶች ይፈጠራሉ፡
1. A+ 2. A- 3. B+ 4. B-
5. AB+ 6. AB- 7. O+ 8. O-
የደም ዓይነቶች አስፈላጊነት
ደህንነቱ የተጠበቀ የደም መለገስ/መቀበል፣ የሰውነት ክፍሎች ንቅለ-ተከላ፣ እና በእርግዝና ወቅት አዲስ የተወለዱ ሕፃናት ላይ የሚከሰተውን የደም መበላሸት በሽታ (Hemolytic Disease of the Newborn) ለመከላከል የደም ዓይነትን ማወቅ በጣም ወሳኝ ነው።
@ የማይስማማ የደም ዓይነት መስጠት ለከባድ እና ለሕይወት አስጊ ለሆኑ የጎንዮሽ ጉዳቶች ሊዳርግ ይችላል።

#ኬር ክሊኒክ , ወሊሶ::

ለተጨማሪ መረጃ...
☎️ 0920-55 11 66
0915-95 93 83