Kaci Vakadomoilevu

05/10/2026

“Na vakabauta e vakasaurarataki sa sega ni vakabauta dina.”

Na vosa oqo e cavuta o James Marape, na iLiuliu ni Matanitu o Papua New Guinea, e nai ka 81 ni Bose Levu ni Matabose ni Veimatanitu (United Nations General Assembly) mai New York ena 27 ni Seviteba, 2026. E kacivaka kina vei ira na veimatanitu mera taqomaka na "galala ni vakatulewa ni tamata, digidigi, kei na lotu".

E vakamacalataka o Marape ni kena levu ni iwiliwili ni dua na matalotu e sega ni dodonu me vakayagataki me vakadredretaki se vakasaurarataki kina e dua na ilawalawa lailai. E laveta mai o koya na Section 45 ni Yavu ni Vakavulewa (Constitution) ni Papua New Guinea, ka taqomaki kina na galala ni tamata me lewa ga ka digitaka na nona vakabauta kei na lotu.

E kaya ni kevaka mada ga era lewe levu na lotu Vakarisito ena dua na vanua se matanitu, e sega ni dodonu me togoraki ka vakaukauwataki na vakabauta kei na lotu ena lawa ni matanitu

Na nona itukutuku ena UN e sega ni kena ibalebale ni dodonu vei ira kece mera vakabauta na ka e vakabauta o koya. E kaya ni dodonu vei ira na tamata na galala ni vakabauta ka me ra kakua ga ni vakasaurarataki. E dodonu talega me taqomaki na nodra dodonu o ira era duidui na nodra vakabauta.

Ena noda vanua o Viti nikuwa , e rawa ni yaco na lotu me vu ni veisei ena vuqa sara na gauna. E dau vakilai oqo ena noda veikoro kei na itkotiko vakavanua, ena nodra dau saqati ka vakacacani o ira na lewenivanua era digitaka edua tale na matalotu me ra lewena, ka sega ni okoya na matalotu e tutaki tiko ena nodra itikotiko.

E rawa ni da wasea na noda vakabauta.
E rawa ni da vunautaka na noda vakabauta.
E rawa ni da bula taka na noda vakabauta.
Ia, kevaka e vakasaurarataki, sa sega ni rawa ni vakatokai me vakabauta dina.

Na galala ni lotu e sega walega ni kena ibalebale me taqomaki ira era vakabauta na ka eda vakabauta.

E okati talega kina na taqomaki ni nodra galala o ira era sega ni vakabauta na ka eda vakabauta.

05/10/2026

O koya oqo, kemudou sa lomani, ni dou sa waraka na veika vakaoqo, dou gumatua kina me kunei kemudou ko Koya (na Kalou) e na vakacegu, ni dou sa sega ni tauvi-duka, ka sega ni cala. - 2 Pita 3:14.

23/07/2026

22/07/2026

Ena loma ni 1,700 na yabaki sa oti, e levu na vakanananu sa vakayagataki me tokoni kina na lawa ni vakacegu ena siga Sunday.

🔹 Ena dua na gauna, e tukuni ni na vakaduavatataka na lotu.
🔹 Oti e tukuni ni na vakaukauwataka na matanitu.
🔹 Oti tale, me taqomaki kina na tamata cakacaka.
🔹 Me vakaukauwataki kina na vuvale.
🔹 Me vakavinakataki kina na itovo ni bula.
🔹 Me vakavinakataki kina na bula vakailavo.
🔹 Nikua, eso sa tukuna ni na vukea na kena maroroi na vuravura kei na draki.

E veiveisau na ulubale e vakayagataki tiko mai. Ia e dua na ka e sega ni veisau..."O cei e tu vua na lewa me veisautaka na siga tabu ni Kalou?"

Na iVolatabu e sega ni kaya ni matanitu, se na lotu, se dua na isoqosoqo vakatamata, ena digitaka na siga ni vakacegu. Na Kalou ga e vakatabuya na ikavitu ni siga ena gauna ni Veibuli (Vakatekivu 2: 2-3), ka vola ena Ligana ga na iVunau e Tini (LakoYani 31:18).

"E ono na siga mo cakava kina na nomu cakacaka kecega; ia na ikavitu ni siga sa Siga ni Vakacecegu i Jiova na nomu Kalou." — Lako Yani 20:9–10

Ni da raica tiko na veika sa yaco e vuravura nikua, sa dodonu meda vakatovolea na veika kece ena Vosa ni Kalou, ka me kakua ni vakatau ga ena ka e rogo vinaka se ciqomi vakalevu.

Na dina ni Kalou e sega ni veisau. Na noda vakabauta e dodonu me yavutaki ena iVolatabu, sega ena vuku ni vuravura.

🙏 Wilika na iVolatabu. Masuta na Yalo Tabu me tuberi iko. Vakatovolea na ka kece, ka taura matua na ka e dina.

21/07/2026

Nai vadi nei Setani me baleta na Bula Vakailavo.

"ka me kakua ni veivoli e dua, o koya ga sa tu vua nai vola, se na yaca ni manumanu, se nai wiliwili ni yacana. ..." (Vakatakila 13:17).

E vakatakila na Vola Tabu ni ena iotioti ni gauna o Setani ena vakayagataka na veivakasaurarataki vakailavo me dua na iyaragi kaukauwa. Ena buli eso na lawa ni veivoli me vakasaurarataki kina na tamata me talairawarawa ki na lawa ni tamata ka sega ki na Vosa ni Kalou.

O ira na era qarava na Kalou era na sega ni vakararavi ena kaukauwa vakamatanitu se vakailavo. Na Kalou e sega ni dau vakasaurarataka na lewa ni lomada. E sureti keda tu ga ena loloma kei na dina. Na veivakasaurarataki e iwalewale nei Setani.

Nikuwa me da digitaka me da:
✅ Maroroya na vunau ni Kalou.
✅ Taura matua na vakabauti Jisu.
✅ Kakua ni veivoli ena noda raica nai isau ni rawaka vakavuravura.

"Oqo gona na nodra vosota na tamata yalosavasava: sa tu eke ko ira era sa vakabauta na vosa ni Kalou, ka taura tikoga na vakabauti Jisu." — *Vakatakila 14:12*

07/06/2026

E dua na itukutuku dina e a cavuta o Rev. Thomas Enright, e dua na bete ni Lotu Katolika, me baleta na veisautaki ni siga tabu mai na siga Vakarauwai (nai kavitu ni siga vakaivolatabu) ki na Sunday. E bole na turaga bete me solia e $1000 vua na tamata e rawa ni vakai-Volatabu taka na veisau ni sigatabu. E vakadeitaka tiko na turaga bete ni veisau ni siga ni lotu e a cakava na Lotu Katolika.

Na iyaloyalo oqo e bolei keda me da vakadikeva vakataki keda na itukutuku makawa kei na vakadinadina vakaivolatabu, ka me da vulica se cava e vakadonuya nai Vola Tabu me baleta na siga ni sokalou - me maroroi na Sigatabu vakaiVolatabu se muri ga na lewa ni lotu.
Eda sa vakananumi talega me da vakatovolea na veivakavuvuli kece ena Vosa ni Kalou.

07/06/2026

Nodrau sa valavala ca e vakadeitaka ni sa tu makawa na vunau
Nikua, sa vunautaki ka vakatavuvulitaki ena loma ni Lotu va-Karisito ni iVunau e Tini e qai mai kunei ga ena Ulunivanua ko Saineai. Ia e kaya na i Vola Tabu:
“ni sai valavala ca oqo na talaidredre ki na vunau.” — 1 Joni 3:4
O koya gona, kevaka erau a valavala ca o Atama kei Ivi mai Iteni, sa kena ibalebale ni sa tiko rawa tu na vunau ni Kalou. E na sega ni rawa ni okati edua ni talaidredre kevaka e sega na vunau.
Ena nodrau kania na kau vakatabui, na nodrau ivalavala ca e tara sara ga na yavu ni Vunau ni Kalou.

1. ME KAKUA VEI IKO NA KALOU TANI, KOI AU DUADUAGA.
Erau a vakaceceretaka na vosa ni gata me cecere cake mai na Vosa ni Kalou.

3. MO KAKUA NI CAVUTA WALE NA YACA I JIOVA NA NOMU KALOU.
Erau sega ni rokova na lewa ni Kalou ka okata na Nona ivakaro me ka ma**da.

5. MO VAKAROKOROKOTAKI RAU NA TAMAMU KEI NA TINAMU.
Na Kalou e nodrau Dauveibuli sa wili me Tamadrau. Ena nodrau talaidredre Vua, erau sa sega rokovi Koya ka solia vei rau na bula.

6. MO KAKUA NI LABA.
Na nodrau i valavala ca e vakavuna me curu mai kina na mate ki vuravura.

7. MO KAKUA NI IA NA VEIBUTAKOCI.
Ena nodrau muria e dua tale na domo, erau sa voroka kina na nodrau yalodina Vua.

8. MO KAKUA NI BUTAKO.
Erau a taura na ka e sega ni vakadonuya vei rau na Kalou me rau taura.

9. MO KAKUA NI BEITAKA VAKAILASU NA KAI NOMU.
Erau a sega ni vakadinadinataka na nodrau cala. O Atama e beitaka Ivi kei na Kalou e na nona kaya: “Na yalewa, ko ni a solia me keirau tiko kaya...” O Ivi talega e a beitaka na gata.

10. “Mo kakua ni kocova.”
A raica o Ivi ni vinaka na kau me kakana, totoka me raica na mata, ka gadrevi me rawati kina na vuku.

E kaya na i Vola Tabu, “Ia me vaka sa curu ki vuravura nai valavala ca e na vuku ni tamata e lewe dua, kei na mate e na vuku ni valavala ca...” — Roma 5:12
Na i valavala ca e curu mai ki vuravura ena vukui Atama. Na i valavala ca sai koya na talaidredre ki na vunau.
O koya gona, na vunau ni Kalou e sega ni a qai mai tekivu e Saineai. E a volai ga mai Saineai, ia na kena yavu e sa tu rawa ni bera na Veibuli, ka yaco kina me rau valavala ca o Atama kei Ivi baleta ni sa tiko rawa tu na vunau ni Kalou.

03/06/2026

Taro: "Nai Vunau e 10 e a soli vei Mosese. O Jisu na Dina kei na Loloma. Erau vakaveiwekanitaki vakaevei e rua na dina oqo?"

Na vakasama oqo e dau vakayagataki me vakatavuvulitaki kina ni o Jisu sa mai vakavotukanataka nai Vunau e 10 ena Nona bula kei na itovo, ka sa sega ni bibi na Vunau e 10. Ia, ena iVola Tabu, e sega ni dua na duidui e tiko ena maliwa ni Vunau e 10 kei Jisu. A kaya o Jisu, "Koi Au na sala, kei na dina, kei na bula." (Joni 14:6). E a tukuna talega, "Kevaka dou sa lomani Au, muria na Noqu vunau." (Joni 14:15).
O koya oqo, e sega kina ni saqata na Vunau o Jisu. Ia, sai Koya ga na vakaraitaki bula ni yavu ni Vunau—na dina, na yalododonu, na loloma soli wale, kei na loloma.

Na Kalou e solia na Nona Vunau e 10 vei Mosese me vakaraitaka vei ira na tamata na ka e dodonu kei na ka e cala. A lako mai o Jisu me vakaraitaka na ibalebale dina ni Vunau ena Nona bulataka na dina kei na loloma, ka me vakabulai ira era sa voroka nai Vunau. Na Vunau e vakaraitaka vei keda na noda leqa kei na noda gadreva na veivakabulai; o Jisu e vakarautaka na iwali ni leqa oya. (Roma 3:20; Roma 8:3–4; Maciu 5:17)

Na Vunau e dusimaka na tamata vua na i Vakabula; ia o Jisu na i Vakabula e tubera na tamata me muria nai Vunau ena loloma kei na vakabauta.

02/06/2026

Vei kemuni na curu vou mai Bure qoka, vinaka vakalevu! Excited to have you onboard! Everlast Mitchell Rasova, Vasemaca Sivo, Lote Siganisucu Varinava, AtuNkara Kaivuaqava, Millie Rokowati, Vahstiy Naitini, Siteri Marama Rabua, Vina Rugua, Venina Karikaritu, Jæý Ťęê, Liliana Lili, Ah Ko, Votabula Ema, A Tabua Savumiramira, Bui MJ, Ili Mat, Eta Vugakoto, Raisuqe Sikeli, Seini Dau

02/06/2026

E sega ni dua vei keda e kila nai otioti ni nona siga e vuravura qo.
E levu na ka eda veinanuyaka ka tuvana tiko me caka ni mataka, ia e tukuna na iVolatabu ni noda bula e vaka ga kabu ni mataka, e basika vakalailai ka yali sara (Jemesa 4:14).
O Jisu e vakasalataki ira na nona tamata me ra yadra ka vakarau tiko ena veigauna kece, baleta ni na lako mai vakasauri. O koya gona, sa soli vei keda na veisiga yadua me gauna ni veivutuni, vakasaqarai Koya, ka toro voleka tiko vua. E kaya o Jisu: "Dou yadra tiko, ni dou sa sega ni kila na gauna ena lako mai kina na nomudou Turaga." (Maciu 24:42)

Na vakavakarau ki na bula tawamudu e itavi ni tamata yadua. E sega ni rawa ni dua tale me vakabauta se qarava na Kalou ena vukumu. E dodonu meda vakasaqara na Kalou ni se tiko na gauna ni loloma kei na veivakalougatataki.

Nai talanoa ni goneyalewa e tini e vakavulica ni dodonu meda vakarau ni bera ni sogo na katuba ni loloma (Maciu 25:1–13). Na Kalou e kacivi keda nikua me da lesu vua, biuta tani na ivalavala ca, ka yalodina tiko me yacova na ivakataotioti. "Dou vakasaqarai Jiova ni kune rawa, dou masuti Koya ni sa voleka tiko." (Aisea 55:6). O ira era tiko ga vei Karisito ena veisiga era na sega ni rerevaka na veigauna sa bera mai, baleta ni sa yalataki vei ira na isala ni ni bula. "Mo yalodina me yacova na mate, ka'u na solia vei iko na sala ni bula." (Vakatakila 2:10)

🙏 Yadra tiko. Vakarau tiko. Yalodina tiko.
❤️ Voleka tiko vua na Kalou ena veigauna kece, baleta ni sega ni dua vei keda e yalataki vua na siga ni mataka.