16/05/2025
ცხიმიანი კანის მოვლა სახლის პირობებში
ცხიმიან კანს ახასიათებს სახეზე ბზინვარება და გამონაყარი. თუ არ ვიცით , როგორ მოვუაროთ ასეთ კანს, პრობლემებმა შესაძლოა მთელი ცხოვრება შეგაწუხოთ.
ყოველგვარი ტიპის კანს სჭირდება მოვლა, მაგრამ ცხიმიანს ეს განსაკუთრებით. ცხიმიანი კანი,ჭარბი ცხიმის წყალობით დიდხანს ინარჩუნებს ახალგაზრდულ იერს. მშრალ კანთან შედარებით, რომელიც არასაკმარისი მოვლის შემთხვევაში მალე ნაოჭდება და ბერდება,. სქელი ლიპიდური შრე კარგად იცავს მას და ხელს უშლის მისი ზედაპირიდან წყლის აორთქლებას, ამიტომ კანი დიდხანს რჩება ელასტიკური.
დილით სახეზე ბზინვარება, ნიშნავს , რომ ცხიმიანი კანი გაქვთ. მას ახასიათებს სიპრიალეე; კანი უხეშია , დაფარულია ფერისმჭამელებით და გამონაყარით.
კანზე ათამდე მცირე ზომის ელემენტის შემთხვევაში, ვსაუბრობთ მსუბუქ აკნეზე.
აკნე განსაკუთრებით ჰორმონული ბალანსის დარღვევის შემთხვევაში იჩენს თავს. მაგრამ ჰორმონულთან ერთად ის შესაძლოა გამოიწვიოს:ზოგიერთმა მედიკამენტმა;
კუჭ-ნაწლავის ზოგიერთმა დაავადებამ,არააჯანსაღმა კვებამ.. ცხიმიანი კანის არასწორმა მოვლამ და შეუსაბამო კოსმეტიკურმა საშუალებებმა შესაძლოა გაამწვაოს კანის პრობლემები. ასეთი კანის მქონე ქალები ხშირად ცდილობენ, აგრესიული კოსმეტიკური საშუალებებით დათრგუნონ ცხიმის გამოყოფა.რაც არასწორია არ უნდა დაგვავიწყდეს, რომ ცხიმი კანის ბუნებრივი დამატენიანებელია. ნაცვლად ცხიმის დათრგუნვისა, უმჯობესია, ვარეგულიროთ მისი გამოყოფა.
მოვლის რუტინა:
1. დაბანა დილა-საღამოს ცხიმიანი კანისთვის განკუთვნილი საპნით; მაგალითად, ალოეს, ჩაის ხის. გამწმენდი საშუალება კანს ისე უნდა აშორებდეს ზედმეტ ცხიმსა და ჭუჭყს, რომ მის მჟავატუტოვან ბალანსს არ არღვევდეს.
2. ტონირება დილა-საღამოს;გამწმენდი ლოსიონი იშვიათად გამოიყენეთ. თუ გამოიყებენთ, ყურადღება მიაქციეთ მასში სპირტის შემცველობას. დიდი რაოდენობის სპირტმა კანი შესაძლოა გააღიზიანოს, რაც ბაქტერიების შეჭრას შეუწყობს ხელს, და გამოაშროს, რაც ცხიმის კიდევ უფრო უხვ სინთეზს გამოიწვევს. გამწმენდის შემადგენლობაში სპირტი 10%-ს არ უნდა აღემატებოდეს.
კანი ნაზად და საფუძვლიანად გაისუფთავეთ. დასაბანი საშუალება ფრთხილად შეიზილეთ კანზე და 2-3 წუთის შემდეგ ნელთბილი (და არა ცხელი წყლით) წყლით ჩამობანის შემდეგ რბილი პირსახოცით შეიშრეთ, რომ ხახუნმა ცხიმოვანი ჯირკვლები არ გააღიზიანოს. არ გამოიყენოთ გამწმენდი რძე ან ზეთი – ის უფრო მეტად გააცხიმიანებს კანს.
ფორებს ძალიან კარგად ასუფთავებს გამწმენდი ნიღბები. სასურველია, კვირაში ორჯერ ან სამჯერ სახე ასეთი ნიღბით გაწმენდა.
3. შრატი/სერუმი; რეტინოლის შრატი საღამოს, ნიაცინამიდი ბ3-დილით.
4. დატენიანება დილა-საღამოს - სახის ხშირმა დაბანამ და ცხიმის მოცილების სხვა პროცედურებმა კანი შესაძლოა მეტისმეტად გამოაშროს, ამიტომ აუცილებელია, ის დღეში ორჯერ დაინოტივოთ სპეციალურად ცხიმიანი კანისთვის განკუთვნილი დამატენიანებელი საცხით. ასეთი საცხები შეიცავს ინგრედიენტებს, რომლებიც კანის ბზინვარებას ამცირებს და ცხიმს არეგულირებს.
საცხი არ უნდა შეიცავდეს ცხიმოვან ეთერებსა და ზეთებს – კაკაოს კარაქს, ლანოლინს, ქოქოსის ზეთს, ასევე – გამაღიზიანებელ კომპონენტებს: პარაბენებს, სურნელოვან ნივთიერებებს, საღებავებს. მის შემადგენლობაში უნდა შედიოდეს დამატენიანებელი, დამამშვიდებელი და ანტიბაქტერიული ინგრედიენტები.
პირის დაბანიდან ან ტონირებიდან 10-15 წუთის შემდეგ როცა კანი კარგად შეშრება, წაისვით,დამატენიანებელი კრემი.
დამატენიანებლის შემადგენლობა: მზისგან დამცავი კომპლექსი, ჰიალურონის მჟავა – ხელს უწყობს კანის აქტიურ დატენიანებას;
E ვიტამინი – იცავს კანს მავნე ზემოქმედებისგან, კოენზიმ Q10 – პასუხს აგებს უჯრედების ენერგომომარაგებაზე, ასტიმულირებს უჯრედულ სუნთქვას, ბოჭავს თავისუფალ რადიკალებს ანწლის, ბალბის ექსტრაქტი – ატენიანებს, ელასტიკურობას ანიჭებს კანს;. სტაფილოს ან ხორბლის ექსტრაქი – ამარაგებს კანს მცენარეული ცილებით;. მწვანე ჩაის ექსტრაქტი და A ვიტამინი – კანიდან გამოაქვს ტოქსინები, ხელს უწყობს ნივთიერებათა ცვლის პროცესების გაძლიერებას;
ყურძნის ექსტრაქტი – ხელს უწყობს სისხლის მიმოქცევის გაუმჯობესებას, იცავს სისხლძარღვებს;
იის ექსტრაქტი – აქვს ანტიმიკრობული და ანთების საწინააღმდეგო თვისებები;
კრაზანას, კვლიავის,ექსტრაქტი – აჩქარებს უჯრედების განახლებას, ავიწროებს ფორებს, აშუშებს კანს.
ბედნიერი დღე 🌹🌹🥀🌺
Send a message to learn more
