01/12/2024
საქართველოს მომავალი ევროპაშია🇬🇪🇪🇺
იცით, რამდენი ვიდეოს ან ვიდეოზე არსებული კომენტარების წაშლა მოგვიწია იმ წლების მანძილზე, რაც ვარსებობთ?
ძალიან ძალიან ბევრის… 🥹
დღეს, ინტერნეტ ბულინგი შეიძლება აღარავის უკვირს, მაგრამ ბულინგი იმაზე, რომ რომელიმე ასაკში პირსინგის/ტატუს გაკეთება შეუფერებელია, ბულინგი იმაზე, რომ ზოგიერთი მშობელი ცუდია, რადგან შვილს თვითგამოხატულებას არ უზღუდავს, თავის სხეულის და იმიჯის ცვლილებას არ ეწინააღმდეგება, პირიქით გვედში უდგას და ბოლომდე იზიარებს მის სურვილებს. ბულინგი იმაზე, რომ არაორდინალური ან ბევრი პირსინგები სატანისტური იდეოლოგიის მატარებალია, ძალიან გვაზიანებს ჩვენ როგორც ევროპისკენ მიმავალ საზოგადოებას . დასავლური ღირებულებები, სხვა ბევრთან ერთად, ადამიანის იმ ფუნდამენტურ პრინციპებსაც იცავს, რაც მოიაზრებს, “გამოყურებადობის” თავისუფლებას. არავის აქვს უფლება, შენი ვიზუალის, ჩაცმულობის, სტილის მიხედვით განგსაზღვროს, გაგინოს, გაფურთხოს.
ამ ხნის მანძილზე გვყოლია უამრავი მომხმარებელი, აწ უკვე მეგობრები, ასევე თანამშრომლები, რომლებსაც რეალურად გადახდენიათ რეალურ სამყაროში ისტორიები, როცა თავისი ტატუების და პირსინგების გამო, საზ. ტრანსპორტში, ქუჩაში, ოჯახში შეავიწროვეს. გვაქვს ისტორიაც, როცა ჩვენმა უკარგესმა , უკეთილესმა მეგობარმა ბიჭმა ავტობუსში პირსინგებზე ბულინგის გამო, გზა ფეხით გააგრძელა.
არ გვინდა ჩვენ ესეთ საქართველოში ცხოვრება. არ გვინდა ჩვენ ისეთი საზოგადოება, სადაც ჩემი არჩევანი ჩემს სხეულთან მიმართებაში, გამვლელების საქმე იქნება. არ გვინდა ჩვენ ისეთი ქვეყანა, სადაც მთავრობა ერჩის განსხვავებულ ადამიანებს, განსხვავებულ ორიენტაციებს, განსხვავებულ აზრებს, განსხვავებულ ვიზუალებს.
ჩვენ გვინდა ქვეყანა, რომლიც დაფუძნებულია ჰუმანურ პრიციპებზე და არა ძალადობაზე. გვინდა მმართველთა ისეთი ჯგუფი, რომელიც ხალხში ნერგავს არა იმას, რომ ქალი უნდა გავდეს ქალს და კაცი უნდა გავდეს კაცს, არამედ იმას, რომ ყველა უნდა იყოს პირველ რიგში ადამიანი, მოქალაქე, მოაზროვნე და გავდეს იმას, რაც თვითონ უნდა, იქამდე სანამ არავის არ აზიანებს. გვინდა ხელისუფლება, რომელიც არ აპელირებს ისეთი სენსიტიური თემებით, როგორიც არის ომი.
ჩვენ გვინდა მშვიდობა , კი. მაგრამ თუ ეს მშვიდობა, პირველ რიგში, თითოეული ადამიანს გულში არ სადგურობს, თუ ჩვენ როგორც საზოგადოება, ერთმანეთის მიმართ მიმღებლობას ვერ ვსწავლობთ , თუ ჩვენ ჩაგვიკეტეთ საზღვრები და ვეღარ ვნახეთ, რას ნიშნავს სტაბილური, ჰუმანური, თავისუფალი სახელმწიფოები რიგითი ადამიანებისთვის, თუ პროტესტს ძალადობით უპასუხეთ, ესეთი მშვიდობა არის ყველაზე დიდი ომი, რომელიც ჩვენნაირი პატარა ერისთვის, არც ისე მარტივი გადასატანია….
საქართველოს მომავალი ევროპაშია🇬🇪🇪🇺
