20/07/2026
📢 ზაფხულის ცხელი დღეები ახლოვდება და გვსურს გაგიზიაროთ მასთან დაკავშირებული რეკომენდაციები. ☀️ გარემოს მაღალმა ტემპერატურამ დიაბეტის დიაგნოზის მქონე პირებში შესაძლოა, სისხლში შაქრის დონის არასტაბილურობა გამოიწვიოს.
❓ როგორ დავიცვათ თავი ამ უარყოფითი ზემოქმედებისგან ზაფხულის ცხელ დღეებში, ამაში შემდეგი რეკომენდაციების გამოყენება დაგეხმარებათ:
1) მიიღეთ დიდი რაოდენობით სითხე.
➡️ ორგანიზმის წყლით მომარაგება ზაფხულის ცხელ დღეებში ყველასთვის ძალიან მნიშვნელოვანია, თუმცა დიაბეტის დროს ეს საკითხი კიდევ უფრო საყურადღებოა.
➡️ დიაბეტი ზრდის სხეულის დეჰიდრატაციის (გაუწყლოვნების) რისკებს.
რადგან , როცა სისხლში შაქრის დონე მაღალია, ზედმეტი რაოდენობის შაქარი გამოიყოფა თირკმლების მიერ შარდის გზით და მასთან ერთად ორგანიზმს ტოვებს დიდი რაოდენობით წყალიც.
➡️ გარდა ამისა, ზაფხულის სიცხეში ოფლის გზით ისედაც ბევრი სითხე გამოიყოფა, დიაბეტური ნეიროპათიის თანხლების დროს კი ეს რაოდენობა შეიძლება კიდევ უფრო გაიზარდოს, თუ ადგილი აქვს ოფლის გამოყოფის მარეგულირებელი ნერვების დაზიანებას.
➡️ ორგანიზმში წყლის ნაკლებობის შედეგად სისხლი ხდება უფრო კონცენტრირებული, შაქრის შემცველობა იზრდება, თირკმელი გამოყოფს მეტ შაქარს, ეს კიდევ უფრო ზრდის სითხეების გამოყოფას შარდის გზით და ასეთი მავნე წრის შეკვრის შედეგად შესაძლებელია მდგომარეობა სერიოზულად დამძიმდეს.
➡️ ამიტომ აუცილებლად მიიღეთ დღის განმავლობაში ბევრი წყალი, განსაკუთრებით, გარეთ მზეზე ყოფნის დროს.(ეს არ უნდა იყოს დღეში 1,6-2 ლიტრზე ნაკლები)
➡️ მოერიდეთ ამ მიზნით შაქრის შემცველი სითხეების გარდა ალკოჰოლის და კოფეინის გამოყენებასაც, რადგან მათ გარკვეულწილად შარდმდენი თვისებები აქვთ.
2) მოერიდეთ მზის დამწვრობის მიღებას.ეს სტრესია ორგანიზმისთვის, სტრესი კი შაქრის დონის მატებას იწვევს.აუცილებლად გამოიყენეთ მზისგან დამცავი კრემი.
3) როდესაც ცხელ ამინდში გარეთ ყოფნა გიწევთ, შედარებით ხშირად უნდა მოხდეს შაქრის დონის კონტროლი, განსაკუთრებით ინსულინოთერაპიაზე მყოფ პირებში, რადგან სისხლში გლუკოზას დონეზე ზემოქმედების გარდა, მზის სხივები ასევე გავლენას ახდენენ ინსულინის შეწოვის ტემპებზეც.
4) ყურადღებით დაგეგმეთ ფიზიკური აქტივობა. ამისთვის შეარჩიეთ დღის შედარებით გრილი მონაკვეთი, ან გამოიყენეთ კონდიცირებული სავარჯიშო დარბაზები.
5) გახსოვდეთ, რომ დიაბეტის დროს მაღალია სხეულის გადახურების, ე.წ. სითბური დაკვრის რისკები. ყურადღება მიაქციეთ სიმპტომებს: თავბრუსხვევა, კანკალი, სისუსტე, გაფითრება, ძლიერი ოფლიანობა, თავის ტკივილი, გულისცემის გაძლიერება - მსგავსი გამოვლინებების შემთხვევაში, ეცადეთ, დაუყოვნებლივ გადახვიდეთ გრილ ადგილას, მიიღოთ წყალი და შეეცადოთ სხეულის გაგრილებას წყლით, ფენით ან სხვა ხელმისაწვდომი საშუალებით.
6) ზღვის სანაპიროზე დასვენებისას განსაკუთრებული ყურადღება მიაქციეთ ტერფის დაცვას. არ იაროთ ფეხშველმა, რათა მინიმუმამდე იქნას დაყვანილი კანის მთლიანობის დაზიანების რისკები, რადგან კარგად ვიცით, რომ დიაბეტის პირობებში ჭრილობები შეიძლება ადვილად გადაიზარდოს წყლულებში.
7) არ დაგავიწყდეთ ინსულინის და სხვა დიაბეტური მედიკამენტების, ასევე გლუკომეტრის ჩხირების შენახვა მშრალ, გრილ, მზის სხივებისგან მიუწვდომელ ადგილას.
❤️ Sinocare- გაიტესტე ყველგან და ყოველთვის!
📌 გაწევრიანდით ჯგუფში, სადაც ენდოკრინოლოგისგან უფასოდ მიიღებთ რჩევებს :
https://www.facebook.com/groups/shakari.diabeti/
📞 𝐒𝐢𝐧𝐨𝐜𝐚𝐫𝐞-ის ცხელი ხაზია 𝟎𝟑𝟐 𝟐 𝟑𝟎𝟓 𝟏𝟐𝟎.
📍მომსახურების ცენტრია ლუბლიანას 28.
👩🏼⚕️ წყარო:ენდოკრინოლოგი ელგა გიორგაძე
