ნუტრიციოლოგი მაია გაბრიჭიძე/Dr. Maia Gabrichidze

  • Home
  • Georgia
  • Tbilisi
  • ნუტრიციოლოგი მაია გაბრიჭიძე/Dr. Maia Gabrichidze

ნუტრიციოლოგი მაია გაბრიჭიძე/Dr. Maia Gabrichidze 👩🏼‍⚕️ნუტრიციოლოგი მაია გაბრიჭიძე
🌱ჯანსაღი კვება
🥗კვების ინდივიდულური გეგმის შედგენა
სასარგებლო რეცეპტები

აპრილის სპეციალური შეთავაზება ✨�ჩაეწერეთ კონსულტაციაზე და მიიღეთ ბიოიმპედანსომეტრიული კვლევა სრულიად უფასოდ!📑 კვლევის შე...
19/04/2026

აპრილის სპეციალური შეთავაზება ✨�ჩაეწერეთ კონსულტაციაზე და მიიღეთ ბიოიმპედანსომეტრიული კვლევა სრულიად უფასოდ!

📑 კვლევის შედეგები გიჩვენებთ როგორია თქვენი ორგანიზმის რეალური პარამეტრები დიეტის და ვარჯიშის პერიოდში: რას კარგავთ კილოგრამებთან ერთად- ცხიმს თუ კუნთს? როგორია სითხის და მინერალების ბალანსი , რამდენით განისაზღვრება ბაზალური მეტაბოლიზმი. ყოველივე ეს მონაცემი საშუალებას მოგცემთ სწორად განსაზღვროთ საჭირო კალორიების ოდენობა და კვების ხარისხი თქვენი მიზნების მისაღწევად.

📌 ბიოიმპედანსომეტრია არის იდეალური არჩევანი თუ:
* გსურთ ეფექტურად და ჯანსაღად დაიკლოთ ან მოიმატოთ წონაში
* ვარჯიშობთ და გინდათ პროგრესის კონტროლი
* იწყებთ დიეტას და გჭირდებათ ინდივიდუალური მიდგომა
* ზრუნავთ თქვენს ჯანმრთელობაზე და გინდათ თქვენი სხეულის მოვლის პრინციპების გაგება.

ჩაეწერეთ დღესვე — რაოდენობა შეზღუდულია 📩
📞 +995 551 270 627

#ნუტრიციოლოგი #სწორიკვება #ვარჯიში #წონაშიკლება #დიეტა #სპორტსმენებისკვება #ფიტნესი
#სპეციალურიშეთავაზება #

📌 7 ყველაზე ხშირად დასმული კითხვა ბიოიმპედანსომეტრიაზეთუ გინდათ გაიგოთ რა არის ბიოიმპედანსომეტრია, როგორ მოემზადოთ სწორა...
16/04/2026

📌 7 ყველაზე ხშირად დასმული კითხვა ბიოიმპედანსომეტრიაზე

თუ გინდათ გაიგოთ რა არის ბიოიმპედანსომეტრია, როგორ მოემზადოთ სწორად და რას უნდა ელოდოთ კვლევისგან — ეს პოსტი სწორედ თქვენთვისაა 👉

🎁 აღმოაჩინეთ აპრილის განსაკუთრებული შეთავაზება ბოლო სურათზე.

გისურვებთ ჯანმრთელობას! 👩‍⚕️✨

#ბიოიმპედანსომეტრია
#ვარჯიშიდასწორიკვება #ჯანმრთელობა #აქცია

თუ თქვენი წელის გარშემოწერიოლობა 80 სმ-96 სმ-მეტია, გაწუხებთ ჭარბი წონა, უძილობა, ენერგიის ნაკლებობა, ჭამის შემდეგ გონებ...
29/03/2026

თუ თქვენი წელის გარშემოწერიოლობა 80 სმ-96 სმ-მეტია, გაწუხებთ ჭარბი წონა, უძილობა, ენერგიის ნაკლებობა, ჭამის შემდეგ გონების დაბინდულობა, და ტკბილზე გაზრდილი მოთხოვნილება, ასევე ღამით გულის რითმის აჩქარება, კიდურების დაბრუჟება ან სახსრების ტკივილი - გამოიკვლიეთ ცხიმოვანი და ნახშირწყლოვანი ცვლა, რათა გამორიცხოთ ინსულინრეზისტენტობა და მეტაბოლური სინდრომი - მდგომარეობები, რომლების შედეგადაც ხშირად ვითარდება შაქრიანი დიაბეტი- ქრონიკული დაავადება მრავალი გართულებებით. კვლევები რომელიც უნდა ჩაიტაროთ ამ მდგომარეობის დიაგნოსტირებისთვის იხილეთ კომენტარში:

16/03/2026

დღეისათვის ადამიანების დიდ ნაწილს აწუხებს ჯანმრთელობის პრობლემები სხვადასხვა ქრონიკული დაავადებების ან სულაც გადაუდებელი მდგომარეობების სახით. ყველა დაავადება გამოწვევაა, მაგრამ სიმსივნესთან ბრძოლა განსაკუთრებულ ყურადღებას იმსახურებს ყველა ეტაპზე. ამ ბრძოლაში ჩართული ადამიანებისა და მათი ოჯახის წევრებისთვის ყველაზე ღირებულია ახალი ინფორმაცია ახალი მეთოდური მიდგომების შესახებ, რომელსაც შეიძლება მათ სიცოცხლე შეუნარჩუნოს. .მეც ვეძებდი ასეთ ინფორმაციას და დღეს მინდა გაგაცნოთ PDT-ფოტოდინამიურ თერაპია. მომდევნო პოსტში გადმოგცემთ მას სტატიის სახით და იმედი მაქვს გამოადგებათ იმას ვინც ასევე ეძებს..შეეკითხეთ ამის შესახებ თქვენს ექიმებს: ონკოლოგებს, ქიმიოთერაპევტებს, ქირურგებს, ამ მეთოდის გამოყენებით შესაძლებელია უკეთესი შედეგების მიღება, ხოლო ონკოპაციენტისთვის ეს შედეგი - სიცოცხლის გახანგრძლივების ტოლფასია...
ჩემგან - უფასო რჩევები კვების შესახებ რომელიც დაგეხმარებათ ამ პერიოდის მსუბუქად გავლაში (იხ.პოსტები: კვება სიმსივნის პრევენციისა და მკურნალობის დროს)
ჯანმრთელობას და გამძლეობას გისურვებთ ყველას:!ონკოპაციენტებს, მათი ოჯახის წევრებს და ახლობლებს.

16/03/2026

სიმსივნის პრევენცია და მასთან ბრძოლა დღეს ერთერთი ყველაზე აქტუალური თემაა. მინდა მოგიყვეთ სიმსივნის მკურნალობის თანამედროვე მინიმალურად ინვაზიურ მეთოდის შესახებ-ეს ფოტოდინამიური თერაპიაა (PDT), რომელიც ეფუძნება სინათლის, ფოტოსენსიბილიზატორისა და ქსოვილოვანი ჟანგბადის ურთიერთქმედებას. იგი აქტიურად გამოიყენება კანის კიბოს (ბაზალიომა), საყლაპავის (ბარეტის საყლაპავი), ფილტვის, შარდის ბუშტისა და თავ-კისრის არეში ლოკალიზებული სიმსივნეების სამკურნალოდ, თუმცა მისი კომბინირება სხვა მეთოდებთან მრავალი სახის სიმსივნესთან ბრძოლაში იძლევა საუკეთესო შედეგს როგორც ადრეულ ეტაპებზე ასევე მეტასტაზების ალაგების და პალიატიური მიზნით.
PDT-ის თერაპიული ეფექტისთვის აუცილებელია სამი კომპონენტის სინქრონული არსებობა:
• ფოტოსენსიბილიზატორი: ნივთიერება, რომელიც გროვდება სიმსივნურ უჯრედებში და მგრძნობიარეა გარკვეული ტალღის სიგრძის სინათლის მიმართ.
• სინათლის წყარო: დაბალი ინტენსივობის ლაზერული გამოსხივება, რომლის ტალღის სიგრძე ფოტოსენსიბილიზატორის შთანთქმის სპექტრს შეესაბამება.
• მოლეკულური ჟანგბადი: რომელიც ქსოვილებში არსებობს და ზემოქმედების ქვეშ გარდაიქმნება აქტიურ/ რეაქტიულ ფორმად.
ფოტოდინამიური თერაპიის პროცესი რამდენიმე ეტაპისგან შედგება:
1. ფოტოსენსიბილიზატორის (ინტრავენურად ან ტოპიკურად )შეყვანა პაციენტის ორგანიზმში , რომელიც შერჩევითად გროვდება სიმსივნურ ქსოვილში.
2. სიმსივნურ უბანზე შესაბამისი ტალღის სიგრძის სინათლის დასხივება რის შემდეგაც სინათლის ენერგია ააქტიურებს ფოტოსენსიბილიზატორს,
3. სინგლეტური აქტიური ჟანგბადის (1O2) და სხვა თავისუფალი რადიკალების წარმოიქმნა.
4. რეაქტიული ჟანგბადის ფორმების მიერ უჯრედული სტრუქტურების (მიტოქონდრიები, ლიზოსომები, მემბრანები) დაზიანება და სიმსივნური უჯრედების სიკვდილი აპოპტოზის ან ნეკროზის გზით.
PDT სიმსივნეს ანადგურებს პირდაპირი უჯრედული დაზიანებით, რის შედეგადაც ხდება სიმსივნური უჯრედების უშუალო კვდომა, მათი მკვებავი მიკროცირკულაციის მოშლით, რაც იწვევს ქსოვილის იშემიას და ჰიპოქსიურ სიკვდილს და იმუნური პასუხის სტიმულაციით, მკვდარი უჯრედებიდან გამოთავისუფლებული ანტიგენების მიერ ორგანიზმის იმუნური სისტემის სიმსივნის წინააღმდეგ გააქტიურებით.
ფოტოდინამიკური თერაპიის მეთოდის უპირატესობებია:
• მაღალი სელექციურობა (ჯანსაღი ქსოვილები ნაკლებად ზიანდება).
• ქიმიოთერაპიასთან შედარებით მინიმალური სისტემური ტოქსიკურობა.
• პროცედურის მრავალჯერადი გამეორების შესაძლებლობა.
• დერმატოლოგიაში დადებითი კოსმეტიკური ეფექტი (ნაწიბურების მინიმალური რისკი).
მეთოდის შეზღუდვებია:შეღწევადობის სიღრმე და ფოტოსენსიტიურობა: ვინაიდან სინათლეს აქვს ქსოვილებში შეღწევის შეზღუდული უნარი (ჩვეულებრივ რამდენიმე მილიმეტრი),ეს ართულებს დიდი ზომის ან ღრმად მდებარე სიმსივნეების მკურნალობას. ხოლო (PDT ) გამოყენებისას პაციენტმა გარკვეული პერიოდი მზის სინათლეზე გასვლას უნდა მოერიდოს კანის რეაქციების თავიდან ასაცილებლად.პირველი შეზღუდვა თითქმის გადალახულია, რადგან დღეს ფოტოდინამიკური თერაპია (PDT) უკვე აღარ განიხილება, როგორც მხოლოდ ლოკალური სამკურნალო მეთოდი. მისი მთავარი ძალა სწორედ კომბინირებულ მიდგომებშია, სადაც PDT იყენებენ როგორც "ტრიგერს" ორგანიზმის სხვადასხვა თავდაცვითი მექანიზმების გასააქტიურებლად. ქვემოდ მოყვანილია PDT-ს კომბინირებული გამოყენების მაგალითების ძირითადი სქემები და მათი სარგებელი, რომლებსაც თანამედროვე ონკოლოგია იყენებს:
1 PDT და იმუნოთერაპია (ფოტოიმუნოთერაპია)- სარგებელი- მეტასტაზებთან ბრძოლა და "იმუნური მეხსიერება". ერთ-ერთი ყველაზე პერსპექტიული მიმართულება. PDT იწვევს სიმსივნური უჯრედების ე.წ. იმუნოგენურ სიკვდილს (ICD) . სიმსივნის განადგურების სედეგად გამოყოფილი ანტიგენები და "საშიშროების სიგნალები" (DAMPs) აფხიზლებენ იმუნურ სისტემას, რათა მან დაინახოს სიმსივნე, რომელიც მანამდე "შენიღბული" იყო. PDT-ს ხშირად ათავსებენ anti-PD-1/PD-L1 თერაპიასთან. იგი ანადგურებს პირველად კერას, ხოლო იმუნოთერაპია ეხმარება სისტემურ იმუნიტეტს "ინადიროს" მეტასტაზებზე.
2. PDT და ქიმიოთერაპია- სარგებელი- წამლის დოზის შემცირება და გვერდითი ეფექტების კლება. ეს კომბინაცია მიზნად ისახავს წამლის მიმართ რეზისტენტობის დაძლევას და ტოქსიკურობის შემცირებას.
PDT აზიანებს სიმსივნურ სისხლძარღვებს და ზრდის უჯრედული მემბრანის შეღწევადობას, რაც საშუალებას აძლევს ქიმიოპრეპარატებს (მაგალითად, დოქსორუბიცინს ან ცისპლატინს) უფრო ეფექტურად შეაღწიონ სიმსივნის სიღრმეში. არსებობს სპეციფიკური ტექნიკა PCI (ფოტოსინერგიული ინტერნალიზაცია), სადაც სინათლე გამოიყენება იმისთვის, რომ წამალი ენდოსომებიდან (უჯრედის შიდა "კაფსულებიდან") ციტოპლაზმაში გამოთავისუფლდეს.
3. PDT და რადიოთერაპია- სარგებელი- დიდი ზომის და ღრმად მდებარე სიმსივნესა და მათ მეტასტაზებზე ეფექტური ზემოქმედება. რადგან რადიაცია ჟანგბადზე დამოკიდებული პროცესია, საწყის ეტაპზე PDT-მ შეიძლება გააუმჯობესოს სიმსივნის ოქსიგენაცია (ჟანგბადით მომარაგება), რაც რადიოთერაპიას უფრო ეფექტურს ხდის. ხშირად ლოკალური კონტროლისთვის ჯერ ხდება PDT , ხოლო შემდეგ დარჩენილი უჯრედების გასანადგურებლად -რადიოთერაპია.
4. PDT და ქირურგიული ჩარევა - სარგებელი- რეციდივის პრევენცია საოპერაციო კიდეების გასუფთავებით. მას ინტრაოპერაციულ PDT-საც უწოდებენ. ამ დროს ქირურგი აცილებს სიმსივნის ძირითად მასას, ხოლო ოპერაციის დროს საოპერაციო არე მუშავდება PDT-ით. პროცესის მიზანი მიკროსკოპული ნარჩენი უჯრედების განადგურებაა, რომლებიც სკალპელისთვის უხილავია, რაც მნიშვნელოვნად ამცირებს რეციდივის (სიმსივნის დაბრუნების) რისკს.
PDT-ის გამოყენება სხვა მეთოდებთან ერთად საშუალებას სიმსივნეზე რამდენიმე ფრონტზე ერთდროული შეტევის საშუალებას იძლევა , რაც მკვეთრად ზრდის ონკოპაციენტის სიცოცხლის ხანგრძლივობას და გადარჩენის შანსს. გისურვებთ ჯანმრთელობას!
#ონკოლოგია #სიმსივნის მკურნალობა # ახალი მეთოდები #სიმსივნე #ჯანმრთელობა

რა არის ჯანსაღი კვება? ჯანსაღი ანუ სწორი კვება ერთ-ერთ მნიშვნელოვან ჩვევას წარმოადგენს, რომელიც ჯანმრთელობის შენარჩუნება...
28/02/2026

რა არის ჯანსაღი კვება?
ჯანსაღი ანუ სწორი კვება ერთ-ერთ მნიშვნელოვან ჩვევას წარმოადგენს, რომელიც ჯანმრთელობის შენარჩუნებას ემსახურება.სამწუხაროდ ადამიანების უმრავლესობას აქვს არასწორი წარმოადგენა/ სტერეოტიპი ჯანსაღ კვებაზე, რომელიც ხელს უშლის მათ ცხოვრების შესაცვლელად მნიშვნელოვანი ნაბიჯის განხორციელებაში.
განვიხილოთ და ოპონირება გაუწიოთ ჯანსაღ კვებასთან დაკავშირვებულ რამდენიმე გავრცელებულ სტერეოტიპს :
1. ჯანსაღი კვება - უგემურია.
ეს სტერეოტიპი ყალიბდება სხვადასხვა დიეტებთან ასოციირების გამო, რომლებშიც ხშირად გამოიყენება კერძები მარილისა და სპეციების გარეშე.
სინამდვილეში - ჯანსაღი კვება შეიძლება საკმაოდ გემრიელი იყოს. კერძების მომზადებისას გამოყენებული საკმაზები, სოუსები და მწვანილი მარტივი პროდუქტებიდან კულინარიული შედევრების შექმნის შესაძლებლობას იძლევა. კვების რაციონში ახალი ბოსტნეულის, ხილის, უცხიმო ხორცის და თევზის შეყვანა არამარტო სასარგებლოა ჯანმრთელობისთვის, არამედ ნამდვილ სიამოვნებასაც მოგანიჭებთ.
2. ჯანსაღი კვება ერთფეროვანია.
სინამდვილეში - არსებობს დიდი რაოდენობით რეცეპტები, რომელთა გამოყენებით და ინგრედიენტებთან ექსპერიმენტების ჩატარებით მრავალი ახალი სასიამოვნო გემო და პროდუქტერის შეთავსება შეიძლება მიიღეოთ. მაგალითად: ქათამი-თაფლისა და მდოგვის სოუსში , სალათები ხილით და ნიგვზეულით, კინოა მოთუშული ბოსტნეულით. ეს არამარტო სასარგებლო, არამედ გემრიელი კერძებია.
3. ჯანსაღი კვების მომზადება დიდ დროს მოითხოვს.
სინამდვილეში -ნებისმიერი რთული კერძის მომზადება დროის საკმაო რესურს მოითხოვს. მაგალითად, ვიცით რამდენად შრომატევადია 7 ფენიანი კრემიანი ნამცხვარის მომზადება.. საპირისპიროდ ამისა, თუ ისწავლით კვირის მენიუს დაგეგმვას და მარტივი რეცეპტების გამოყენებას- მნიშვნელოვნად შეამცირებთ მომზადების დროს. მაგალითად დროის ეკონომიის საშუალებას მოგცემთ წინასწარ გამზადებული პორციების გაყოფა და მულტისახარშის, ორთქლის ქვაბის ან გრილის გამოყენება.
4. ჯანსაღი კვება - ძვირი სიამოვნებაა.
სინამდვილეში, იგი არ საჭიროებს დიდ ხარჯებს. კვების საბაზო პროდუქტები: მარცვლეული, ბურღულეული, ხილი და ბოსტნეული - ფაქტობრივად ბიუჯეტურ ფასებში არის ხელმისაწვდომი.
აღსანიშნავია, რომ არსებობს ჯანმრთელობისათვის მნიშვნელოვანი და სასარგებლო კერძები, რომლებიც ფაქტობრივად ნარჩენი ინგრადიენტებისგან მზადდება(მაგ. ძვლოვანი ბულიონი) რეცეპტს კომენტარში .
ჯანსაღი კვება ჯანმრთელი ცხოვრების სტილისკენ გადადგმული პირველი ნაბიჯია, რომელიც აუცილებლად უნდა განხორციელდეს.
მცდარია აზრი, რომ ეს გემრიელ საკვებზე სამუდამოდ უარის თქმის ტოლფასია და მას ცხოვრების ბოლომდე მკაცრი შეზღუდვების რეჟიმში გადასვლა მოჰყვება..
თუ ყველა ზემოთქმულ სტერეოტიპს დაძლევთ -გზას გაუხსნით მრავალფეროვან, გემრიელ და მისაწვდომ ჯანსაღ კვებას!
მომავალში ჩემი გვერდის კვირა დღის რუბრიკაში მოგაწოდებთ ჯანსაღი კვების რეცეპტებს .
გისურვებთ ჯანმრთელობას!

გლუტენი (იგივე წებოგვარა) არის ბუნებრივი ცილების ჯგუფი, რომელიც ძირითადად მარცვლოვან კულტურებში გვხვდება, როგორიცაა ხორ...
23/02/2026

გლუტენი (იგივე წებოგვარა) არის ბუნებრივი ცილების ჯგუფი, რომელიც ძირითადად მარცვლოვან კულტურებში გვხვდება, როგორიცაა ხორბალი, ქერი და ჭვავი. სწორედ გლუტენი აძლევს ცომს ელასტიკურობას, ეხმარება მას აფუებაში და უნარჩუნებს ფორმას (ის მოქმედებს როგორც „წებო“).
რა შემთხვევაშია გლუტენი საშიში?
ჯანმრთელი ადამიანების უმეტესობისთვის გლუტენი სრულიად უსაფრთხოა. თუმცა, არსებობს სამი ძირითადი მდგომარეობა, როდესაც მისი მიღება ჯანმრთელობისთვის სერიოზულ რისკებს შეიცავს:
1. ცელიაკია (Celiac Disease)
ეს არის აუტოიმუნური დაავადება, რომლის დროსაც გლუტენის მიღება აიძულებს ორგანიზმს, შეუტიოს საკუთარი წვრილი ნაწლავის უჯრედებს. ამის შედეგად ზიანდება ნაწლავის ხაოები, რომლებიც პასუხისმგებელია საკვები ნივთიერებების შეწოვაზე.
ყოველივე ეს იწვევს ვიტამინების დეფიციტს, წონის კლებას, ანემიას და ქრონიკული დაღლილობის სინდრომს.
2. გლუტენის მიმართ მგრძნობელობა (Non-Celiac Gluten Sensitivity)
ადამიანებს შეიძლება ჰქონდეთ ცელიაკიის მსგავსი სიმპტომები: მუცლის შებერილობა, დიარეა ან ყაბზობა, „ნისლიანი გონება“, სახსრების ტკივილი, თუმცა არ უფიქსირდებოდეთ ნაწლავის დაზიანება. გლუტენის რაციონიდან ამოღების შემდეგ სიმპტომები ქრება.
3. ალერგია ხორბალზე- წარმოადგენს კლასიკურ ალერგიულ რეაქციას ხორბალში არსებულ ცილებზე (არა მხოლოდ გლუტენზე). მისი სიმპტომებია : გამონაყარი კანზე, სუნთქვის გაძნელება ან ანაფილაქსიური შოკი.
ყოველივე ზემოთქმულიდან მნიშვნელოვანია ვიცოდეთ სად იმალება გლუტენი?
გარდა პურ-ფუნთუშეულისა, გლუტენი ხშირად გვხვდება იქ, სადაც არ ველოდებით:
• სოუსები და კეჩუპი (ფქვილს იყენებენ გასასქელებლად).
• ლუდი (მზადდება ქერისგან).
• ნახევარფაბრიკატები (სოსისი, ძეხვი).
• ზოგიერთი ტკბილეული.
ამგვარად, თუ პურის ან მაკარონის ჭამის შემდეგ მუდმივად გრძნობთ დისკომფორტს მუცლის არეში, გაქვთ გამონაყარი ან უმიზეზო დაღლილობა, რეკომენდებულია:
1. მიმართოთ გასტროენტეროლოგს, მისი რჩევით ჩააბარეთ სისხლის ანალიზი სპეციფიკურ ანტისხეულებზე.
2. დიაგნოზის დასმამდე თვითნებურად არ გადახვიდეთ უგლუტენო დიეტაზე, რომ ანალიზების ცრუუარყოფითი პასუხი არ მიიღოთ.
3. თუ ანალიზები უარყოფითია, მაგრამ სიმპტომები მაინც გაწუხებთ, შესაძლოა საქმე გვქონდეს გლუტენის მიმართ არაცელიაკიურ მგრძნობელობასთან, რომელსაც სპეციფიკური ტესტი არ აქვს და დგინდება ელიმინაციური დიეტით (მხოლოდ ნუტრიციოლოგის მეთვალყურეობით).
4. ზემოთ ჩამოთვლილი შედეგებით მიმართეთ ნუტრიციოლოგს, რომელიც დაგეხმარებათ კვების ინდივიდუალური გეგმის შედგენასა და მართვაში.
გისურვებთ ჯანმრთელობას!!!

ვიტამინების, მინერალების და პრეპარატების მიღების დრო და წესი.1. კოლაგენი- დილით უზმოდ, ამინომჟავები ჭამამდე 15წ. ადრე...
18/02/2026

ვიტამინების, მინერალების და პრეპარატების მიღების დრო და წესი.
1. კოლაგენი- დილით უზმოდ, ამინომჟავები ჭამამდე 15წ. ადრე.
2. ცხიმხსნადი ვიტამინები, ცხიმიან საკვებთან ერთად.
3. წყალხსნადი წვეთოვანი კონსიტენცის ვიტამინები: კვებათა შორის.
3. მიკროელემენტები: ცინკი Zn, სპილენძი Cu, რკინა Fe, კალცი Ca, მაგნი Mg - ჭამის დროს/ ჭამის შემდეგ.
4. ნაღვლმდენი პრეპარატები - ჭამამდე 30-40წ ადრე.
5 საჭმლის მომნელებელი მილის ლორწოვანის დამცავები: ჭამამდე 20-30წ ადრე, მომნელებელი ფერმენტები - ჭამის დროს.
6 სორბენტები/ დეტოქსიკანტები- კვებებს შორის.
7 ჰიალურონის მჟავის პრეპარატები და ქონდროპროტექტორები სახსრებისთვის - ჭამის შემდეგ
მეტი დეტალების და პერსონალური რჩევისათვის მიმართეთ ნუტრიციოლოგს

ჰეპატოზი-ბოლო დროს მეტაბოლური სინდრომის, ინსულინრეზისტენტობის და მეორე ტიპის შაქრიანი დიაბეტის პაციენტთა უმრავლესობას ხშ...
30/01/2026

ჰეპატოზი-ბოლო დროს მეტაბოლური სინდრომის, ინსულინრეზისტენტობის და მეორე ტიპის შაქრიანი დიაბეტის პაციენტთა უმრავლესობას ხშირად უსვამენ ამ დიაგნოზს. იცნობდეთ - ეს ღვიძლის არაალკოჰოლური ცხიმოვანი დაავადებაა,რომელიც თითქმის იგივე პროგრესიით და შედეგებით ხასიათდება რაც ალკოჰოლური..
არ გეგონოთ რომ იგი მხოლოდ ჭარბი წონის მქონე ადამიანებს აქვთ, ბევრი ნორმალური წონის მქონე პირიც დგება ამ პრობლემის წინაშე, რადგან, როგორც წესი ეს მდგომარეობა მეტაბოლური დარღვევების შედეგია.
არაალკოჰოლური სტეატოჰეპატიტი- წარმოადგენს მდგომარეობათა კომპლექსს რომელიც ვითარდება პაციენტებში, რომლებიც არ იღებენ ალკოჰოლს, თუ მათი ღვიძლის უჯრედების-ჰეპატოციტების 5% -ზე მეტი ახდენს ცხიმის დაგროვებას. დიაგნოსტირება ხდება როგორც ღვიძლის ულტრასონოგრაფიის (ექოსკოპიურ სურათზე) გამოხატული მომატებული ექოგენურობის და არაერთქვაროვნების დადგენით, ასევე ღვიძლის ფუნქციური სინჯების საფუძველზე. ზუსტი დასკვნა ცხიმოვანი ქსოვილის მოცულობასა და ღვიძლის ქსოვილის დაზიანების ხარისხზე (ფიბროზის სტადია) ფიბროსკანირებით კეთდება. ქვემოთ მოყვანილი მონაცემები გაგარკვევთ რა არის ჰეპატოზი და რამდენად საშიშია იგი ჯანმრთელობისთვის.
არსებობს ჰეპატოზის რამდენიმე ფორმა:
1.მარტივი უალკოჰოლო სტეატოჰეპატოზი- კეთილთვისებიანი ფორმა, რომლის დროსაც ღვიძლის ფუნქციური მაჩვენებლები უმნიშვნელოდ არის შეცვლილი და ჰეპატოციტებში ჯერ კიდევ არ მიმდინარეობს ანთება.
2. უალკოჰოლო ღვიძლის ცხიმოვანი დაავადება (სტეატოჰეპატოზი), რომელიც სტეატოზთან ერთად ღვიძლის ანთებითი, დეგენერაციული ცვლილებებით და ფიბროზით ხასიათდება, რაც თავის მხრივ წარმოადგენს ჰეპატოცელულარული კარცინომის(ღვიძლის კიბო) და ციროზის(ღვიძლის დაშლა) განვითარების რისკს.
ღვიძლის არაალკოჰოლური სტეატოჰეპატოზის მკურნალობის მიზანია:
ა)ღვიძლის დაავადების პროგრესირების პროფილაქტიკა და მკურნალობაზე მიმართული თერაპია.
მკურნალობის ძირითადი სტრატეგიები:
1.ცხოვრების და კვების სტილის მოდიფიკაცია : ჩვეული კვების სპეციალური დიეტით ჩანაცვლება.
2. ჰეპატოციტებიდან ცხიმის გამოდევნაზე მიმართული ფარმაკოლოგიური მკურნალობა.
ჰეპატოზის მქონე პაციენტებისათვის რეკომენდებული არამედიკამენტოზური მკურნალობა მოიცავს სპეციალური ჰიპოკალორიული დიეტების დაცვას, რომელშიც ყოველდღიური ნორმა შემცირებულია >-500კკალ. ფიზიოლოგიური ნორმიდან გამომდინარე. ზოგადად ჰიპოკალორიული დიეტის დაცვა წლის მანძილზე აუმჯობესებს ღვიძლის ფუნქციურ სინჯებს და ჰისტოლოგურ სურათს, ასევე ამცირებს ფიბროზის გამოხატვას. ასევე მნიშვნელოვანია წონის კლებაც ჭარბწონიან პაციენტებში. კერძოდ, ჰეპატოზის დროს სხეულის წონის კლება 5%-ით ღვიძლში ცხიმის შემცველობას 7-10%-ით ამცირებს და შესაბამისად მცირდება მასში მიმდინარე ანთება, ხოლო წონის 10%-ით კლება ფიბროზის ნიშნების ჩამოყალიბების წინააღმდეგ მოქმედებს.
წონის კლების სტრატეგიის შემუშავება და დიეტების კომპლექსის შედგენა პერსონალური მონაცემების გათვალისწინებით უნდა მოხდეს, ხოლო შედეგის შესანარჩუნებლად მეცნიერებს დრესდღეობით საუკეთესოდ ხმეთაშუა ზღვის დიეტა მიაჩნიათ..
ჰეპატოზის მქონე პაციენტებისათვის ასევე რეკომენდებულია ყოველდღიური ფიზიკური დატვირთვა: ცურვა და ფეხით სიარული, ხანგრძლივი აერობული ჰიპოქსიური ვარჯიშები.
დაავადების პრევენციის და მკურნალობისათვის გირჩევთ დროულად ჩაიტაროთ მეტაბოლური კორექცია, ხოლო პერსონალური დიეტის გეგმის შესადგენათ მიმართეთ ნუტრიციოლოგს! გისურვებთმ ჯანმრთელობას!

ცნობილია,რომ მეტაბოლური სინდრომის და შემდეგ შაქრიანი დიაბეტის , ასევე ღვიძლის გაცხიმოვნების ჩამოყალიბება მჭიდრო კავშირ...
13/01/2026

ცნობილია,რომ მეტაბოლური სინდრომის და შემდეგ შაქრიანი დიაბეტის , ასევე ღვიძლის გაცხიმოვნების ჩამოყალიბება მჭიდრო კავშირშია
ნაღვლის წარმოქმნის და გამოყოფის დარღვევასთან. ეს განპირობებულია ნაღვლის უპირატესი როლით ცხიმების მონელების პროცესში. ამგვარად, თუ ნაღველი არასაკმარისად გამოიყოფა, ან არასწორი რეოლოგიისაა (კონცენტრაციია , კონსისტენცია) ,ასევე, თუ დარღვეულია ნაღვლის ბუშტის შეკუმშვის და ნაღვლის გამოყოფის უნარი, პრობლემა ექმნება არამარტო საჭმლის მომნელებელ სისტემას, არამედ მთელ ორგანიზმს..
ამიტომ, დღეს მოგაწოდებთ ინფორმაციას იმ პროდუქტების და საკმაზების შესახებ, რომელთა რაციონში შეყვანით, შესაძლებელია გავლენა მოახდინოთ ნაღვლის გამოყოფის სტიმულირებაზე და შესაბამისად ცხიმების მონელების პროცესზე:
1. მწარე ბალახები: მდოგვი, მწვანე ხახვი, რუკოლა, ბაბუაწვერა. ამარანტი, ნიახური, წიწმატი, ცერეცო, კამა,
კრესს-სალათა, ფოთლოვანი სალათა,
2. ბოსტნეული: ბროკოლი, კოლრაბი, წითელი, თეთრი, ყვავილოვანი და ბრიუსელის კომბოსტო, ნიორი, წითელი და თეთრი ხახვი.
3. ფესურა ნაყოფები: რედისი, ბოლოკი, შვედური (ყვითელი) რედისი, დაიკონი, მანგოლდი - ფოთლოვანი ჭარხალი, ბოსტნეულის წვენები.
4.ხილი: შტოში, ანანასი, შავი და წითელი მოცხარი, ფორთოხალი და ლიმონი, ავოკადო
5. სპეციები: ჯანჯაფილი, კურკუმა, ქონდარი, დაფნის ფოთოლი. კარდამონი, როზმარინი, ტარხუნა.
ნაღვლის შესქელების შემთხვევაში (ექოსკოპიურად გაქვთ მცირე ნალექი) ამოიღეთ რაციონიდან კარტოფილი, ლობიო და ბარდა.
გახსოვდეთ, რომ ნაღვლის სწორი რეოლოგიის შენარჩუნება მნიშვნელოვნად დამოკიდებულია საკმარისი ოდენობით სითხის, განსაკუთრებით კი წყლის მიღებაზე და დაბალანსებულ კვებაზე.
ზემოთქმულის გათვალისწინებით, გირჩევთ, რომ ნაღვლის სტიმულირების დაწყებამდე აუცილებელად გაიკონტროლოთ ნაღვლის ბუშტის მდგომარეობა და ფუნქცია. თუ გაინტერესებთ რა სახის კვლევა უნდა ჩაიტაროთ ნაღვლის ბუშტის ფუნქციის დასადგენად მომწერეთ კომენტარში სიტყვა: კვლევა.
გისურვებთ ჯანმრთელობას!

Address

Tbilisi

Telephone

+995551270627

Website

Alerts

Be the first to know and let us send you an email when ნუტრიციოლოგი მაია გაბრიჭიძე/Dr. Maia Gabrichidze posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ნუტრიციოლოგი მაია გაბრიჭიძე/Dr. Maia Gabrichidze:

Shortcuts

Share

Category