NCDC სამეგრელო - ზემო სვანეთის რეგიონი

13/03/2026

თირკმლის მსოფლიო დღე, ყოველწლიურად, მარტის მეორე ხუთშაბათს აღინიშნება. მსოფლიო დღის მიზანია საზოგადოების ცნობიერების ამაღლება და ყურადღების გამახვილება თუ როგორ დავიცვათ თირკმელი და ავირიდოთ თირკმლის ქრონიკული დაავადებები.

მსოფლიოში დაახლოებით 850 მილიონი ადამიანი ცხოვრობს თირკმლის სხვადასხვა პათოლოგიით; შემთხვევათა დაახლოებით 90%-ში პაციენტებს არ აქვთ ინფორმაცია საკუთარი დიაგნოზის შესახებ.

კრიტიკულად მნიშვნელოვანია დაავადებების ადრეულ ეტაპზე გამოვლენა, რადგან შესაძლოა განვითარდეს თირკმლის უკმარისობა, რაც სერიოზულ საფრთხეს წარმოადგენს სიცოცხლისთვის. გარდა ამისა, თირკმლის ქრონიკული დაავადებები მნიშვნელოვნად ზრდის გულ-სისხლძარღვთა გართულებების რისკს, ამცირებს სიცოცხლის ხარისხს და, შესაძლოა, პროგრესირდეს ტერმინალურ სტადიამდე. ასეთ შემთხვევებში, სიცოცხლის შესანარჩუნებლად, აუცილებელი ხდება დიალიზი ან ტრანსპლანტაცია.

თირკმლის ქრონიკული დაავადებების განვითარების მაღალი რისკი აქვთ ოჯახურ ანამნეზში თირკმლის დაავადების მქონე პირებსა და დიაბეტის, ჰიპერტენზიის, გულ-სისხლძარღვთა დაავადებების, სიმსუქნის დიაგნოზის პაციენტებს.

8 ოქროს წესი თირკმლის დაავადების თავიდან ასაცილებლად

• იყავით ფიზიკურად აქტიური
• იკვებეთ ჯანსაღად (მათ შორის, მარილის მიღება ≤ 5 გრ დღეში)
• აკონტროლეთ სისხლში გლუკოზის დონე
• უარი თქვით თამბაქოზე
• ნუ მიიღებთ ანთების საწინააღმდეგო და ტკივილგამაყუჩებელ პრეპარატებს ექიმის რეკომენდაციის გარეშე
• რეგულარულად აკონტროლეთ არტერიული წნევა
• თუ რისკ-ჯგუფს მიეკუთვნებით, ჩაიტარეთ გამოკვლევები.
საქართველოში მოქმედებს „დიალიზისა და თირკმლის ტრანსპლანტაციის სახელმწიფო პროგრამა“, რომელიც უზრუნველყოფს თირკმლის ტერმინალური უკმარისობით დაავადებულთა მკურნალობას და მათი სიცოცხლის ხარისხის გაუმჯობესებას.

თირკმლის ქრონიკული დაავადების გავრცელების შესამცირებლად საუკეთესო საშუალება პრევენციაა.
#თირკმლისმსოფლიოდღე

11/03/2026

მარტი კოლორექტული (მსხვილი ნაწლავის) კიბოს ცნობიერების ამაღლების თვედ 2000 წლიდან აღინიშნება. კამპანიის მიზანია საზოგადოების ინფორმირება კოლორექტული კიბოს პრევენციის, ადრეული გამოვლენისა და დროული მკურნალობის მნიშვნელობის შესახებ.

კოლორექტული კიბო მსოფლიოში ერთ-ერთი ყველაზე გავრცელებული ონკოლოგიური დაავადება და კიბოთი გარდაცვალების მეორე წამყვანი მიზეზია.

2022 წელს დაახლოებით 1.9 მილიონი ახალი შემთხვევა და 900 000-ზე მეტი სიკვდილი დაფიქსირდა. მიუხედავად იმისა, რომ დაავადება უმეტესად 50+ ასაკში გვხვდება, უკანასკნელ წლებში შემთხვევების ზრდა აღინიშნება უფრო ახალგაზრდა ასაკშიც.

დაავადება, საწყის ეტაპზე, ხშირად უსიმპტომოდ მიმდინარეობს, რაც ზრდის სკრინინგის მნიშვნელობას. ადრეული გამოვლენა მნიშვნელოვნად აუმჯობესებს მკურნალობის შედეგებს და გადარჩენის შანსებს.

საქართველოში, „დაავადებათა ადრეული გამოვლენა და სკრინინგის“ სახელმწიფო და „დაავადებათა სკრინინგის“ მუნიციპალური პროგრამის ფარგლებში, კოლორექტული კიბოს სკრინინგი 50-70 წლის ქალებისა და კაცებისთვის 2 წელიწადში ერთხელ უფასოდ ხორციელდება.

კოლორექტული კიბოს პრევენციაში მნიშვნელოვან როლს ასრულებს ცხოვრების ჯანსაღი წესის დაცვა.

იზრუნეთ ჯანმრთელობაზე - ჩაიტარეთ სკრინინგი!
კიბოს ადრეული აღმოჩენა იცავს სიცოცხლეს.
#კოლორექტულიკიბო #იზრუნეჯანმრთელობაზე

05/02/2026

https://www.facebook.com/reel/867108146164722

28/01/2026

საშვილოსნოს ყელის კიბოს პრევენციის ყველაზე ეფექტური გზებია ადამიანის პაპილომავირუსის საწინააღმდეგო ვაქცინაცია და საშვილოსნოს ყელის კიბოს რეგულარული სკრინინგი.

ადამიანის პაპილომავირუსის საწინააღმდეგო (აპვ) ვაქცინაცია საქართველოში სავალდებულო პროფილაქტიკური აცრების სიაში შედის და ტარდება 10-11-12 წლის გოგონებსა და ბიჭებში.

დამატებითი ღონისძიების სახით ვაქცინაცია, ასევე, ტარდება 13 - 45 წლის გოგონებსა და ქალბატონებში და იმავე ასაკის ბიჭებსა და მამაკაცებში. ვაქცინაციის ჩატარება შესაძლებელია იმუნიზაციის სერვისის მიმწოდებელ სამედიცინო დაწესებულებებში. საქართველოში აპვ-ს საწინაღმდეგო ვაქცინაცია ტარდება ჯანმრთელობის მსოფლიო ორგანიზაციის მიერ პრეკვალიფიცირებული 9 ვალენტიანი ვაქცინით, რომელიც ეფექტურია აპვ-ს ყველაზე გავრცელებული ტიპების წინააღმდეგ.

„დაავადებათა ადრეული გამოვლენა და სკრინინგის“ სახელმწიფო და მუნიციპალური პროგრამების ფარგლებში საშვილოსნოს ყელის კიბოს სკრინინგი უფასოდ ეკუთვნით 25-60 წლის ქალებს. სკრინინგის მეთოდიკა განსხვავებულია ასაკის შესაბამისად: 25-დან 30 წლამდე სკრინინგი 3 წელიწადში ერთხელ ტარდება პაპ-ტესტით, 30-დან 60 წლამდე კი 5 წელიწადში ერთხელ აპვ დნმ-ის განსაზღვრის ტესტით. სკრინინგი ხელმისაწვდომია საქართველოს ყველა რეგიონში.

სიცოცხლე საჩუქარია - იზრუნეთ საკუთარ და ოჯახის ჯანმრთელობაზე! ნაკლების ჩვენება

23/10/2025

დღეს ვემშვიდობებით ადამიანს, რომელიც ჩვენთვის მხოლოდ თანამშრომელი არ ყოფილა .
ძნელია სიტყვებით გადმოგცეთ ჩვენი წუხილი და გულის ტკივილი.
მშვიდობით მურთაზი შენი კვალი ჩვენს გულებში არასოდეს წაიშლება.💔

17/10/2025

💔დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეგრელო - ზემო სვანეთის განყოფილება, მწუხარებას გამოთქვამს თანამშრომლის, მურთაზ ხასიას უეცარი გარდაცვალების გამო და თანაუგრძნობს ოჯახს.
🖤ბატონი მურთაზი, წლების განმავლობაში ერთგულად ემსახურა როგორც თავისი თანაქალაქელების , ასევე რეგიონის მოსახლეობის ჯანმრთელობას.
🖤პროფესიონალიზმითა და პასუხისმგებლობით ასრულებდა დაკისრებულ მოვალეობებს .
ენერგიით სავსე, მუდამ ქმნიდა პოზიტიურ განწყობას , როგორც კოლექტივში ასევე საქმიან ურთიერთობებში და ყოველთვის გამოხატავდა თანადგომას ადამიანების მიმართ.
🖤ძალიან გვიმძიმს იმის გაფიქრება , რომ ჩვენს კოლექტივს დააკლდა სამსახურზე უზომოდ შეყვარებული და დაუზარელი ადამიანი.
🖤უფალმა დაგიმკვიდროს ცათა სასუფეველი და მშვიდობით განისვენე ჩვენო მეგობარო!

10/10/2025

🔹ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო. აცრა, ყველა მოქალაქისთვის, უფასოდ იქნება ხელმისაწვდომი.

🔹იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™️) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის. ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.

🔹განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.

🔹აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა.

🌐 დაწესებულებების ბმული: https://ncdc.ge/ #/pages/file/87a090e3-e8de-4d08-adaf-aaf0cb8b7128

↘️დამატებითი ინფორმაციისათვის დაგვიკავშირდით 116 001

04/08/2025

🗣️ დაავადებათა კონტროლის ეროვნული ცენტრი რეკომენდაციებს ავრცელებს იმის თაობაზე, თუ როგორ უნდა ავირიდოთ გადამდები დაავადებები, რომლებიც ზაფხულის ცხელ ამინდში მწვავდება.

♻️ კერძოდ, როგორც დაავადებათა კონტროლის ეროვნულ ცენტრში აღნიშნავენ, ზაფხულის ცხელი პერიოდის დადგომისთანავე მნიშვნელოვნად იმატებს საკვებთან და წყალთან დაკავშირებული ინფექციების - დიარეული დაავადებების, ჰეპატიტი A-ს, ლეპტოსპიროზის, ლეიშმანიოზის და სხვა დაავადებების განვითარების რისკი.

♻️„დაავადებებისგან თავის დასაცავად კი საჭიროა შემდეგი პრევენციული ღონისძიებები:

✅ წყალსატევებში ბანაობისას ან თევზჭერისას არ ჩაყლაპოთ წყალი - ეს შეიძლება გახდეს დიარეით, ჰეპატიტი A-თი ან ლეპტოსპიროზით დაავადების მიზეზი.

✅ მოხმარებამდე კარგად შეწვით ან მოხარშეთ ცხოველური წარმოშობის საკვები, ფრინველის, ღორისა და საქონლის ხორცი, თევზი, კვერცხი.

✅ აუცილებელია უმი და მოხარშული პროდუქტისათვის გამოიყენოთ სხვადასხვა დასამუშავებელი დაფა.

✅ ახლადმომზადებული კერძი სასურველია მიირთვათ ცხლად, ან მზა კერძი ჭამის წინ კარგად უნდა გააცხელოთ/წამოადუღოთ.

✅ არ მიიღოთ უმი, ჭუჭყიანი, გაბზარული, ნახევრად მოხარშული ან სანახევროდ შემწვარი კვერცხი.

✅ არ მიიღოთ აუდუღარი რძე და რძის პროდუქტები.

✅ სალათები მაიონეზით ან არაჟნით უნდა შეზავდეს უშუალოდ სუფრაზე მიტანის წინ.

✅ მწვანილი და ხილი ჯერ უნდა ჩალბეს და შემდეგ გულდასმით უნდა გაირეცხოს გამდინარე წყლით; სასურველია მიიღოთ საღი, ახლად გაფცქვნილი ხილი.

✅ დაუშვებელია დიარეის (ფაღარათის) მქონე პირებმა მოამზადონ სადილი ან ჩართული იყვნენ სხვა პირის მოვლაში.

✅ სიმპტომების (ტკივილი მუცლის არეში, დიარეა (ფაღარათი), გულისრევა, ღებინება, სისუსტე, უმადობა და სხვ.) გამოვლენისთანავე მიმართეთ ექიმს.

✅ ყოველთვის დაიბანეთ ხელი გამდინარე წყლითა და საპნით საკვების მომზადებამდე, საკვების მიღებამდე, ტუალეტით სარგებლობის შემდეგ.

✅ ზაფხულში მატულობს სხვადასხვა ცხოველების (განსაკუთრებით ძაღლების) მიერ ადამიანთა დაკბენა-დაკაწვრა-დადორბვლის შემთხვევები. ასეთ შემთხვევაში აუცილებელია მიმართოთ უახლოეს სამედიცინო დაწესებულებას.

✅ მაქსიმალურად დაიცავით თავი კოღოების კბენისაგან იმ გეოგრაფიულ არეალში, სადაც ფლებოტომუსი და/ან კოღოები არის ან შეიძლება იყოს გავრცელებული“,- აღნიშნულია ინფორმაციაში.

25/04/2025